Internet FAQ IU

ᐊᐱᖅᑯᑎᑦᓴᖃᖅᐲᓐ? ᑭᐅᔪᓐᓇᕐᑕᕗᑦ!

ᓱᒃᑲᐃᓕᒋᐊᓐᖏᖔᕐᑐᓂ ᖃᕆᓴᐅᔭᒃᑯᑦ ᕿᒥᕐᕈᐊᕐᑕᑎᑦ ᑕᖅᑭᑕᒫᑦ ᐊᑭᓕᕐᓯᒪᔭᑎᑦ ᓄᖑᒃᑲᓗᐊᕐᐸᑕ, ᕿᓂᒃᑯᑦ ᐱᑐᕝᕕᖓᓄᐊᑲᐅᑎᒋᔭᑦᑐᖅ ᖃᕆᓴᐅᔭᒃᑯᑦ (ᓱᒃᑲᔪᐊᓘᓪᓗᓂ) ᐊᒻᒪ ᓴᖅᑭᕐᕕᐅᓂᐊᕐᑐᑎᑦ ᓇᓕᕌᕐᕕᑦᓴᓂᖕ ᖃᓄᖅ ᓂᐅᕕᒃᑲᓂᕈᒪᒻᒪᖔᕐᐱᑦ ᑲᑉᐳᔾᔭᐅᑲᓂᕐᓂᐊᕋᕕᓐ.

ᖃᐅᔨᒪᒐᓗᐊᕐᑐᒍᑦ ᐱᔨᑦᓯᕋᕐᐸᑦᑕᕗᑦ ᐊᒥᓱᑦ ᓈᒻᒪᑦᓴᓐᖏᑲᓗᐊᕐᑐᑎᖕ ᓱᒃᑲᐃᓂᕐᓴᖅ ᕿᓂᕈᓐᓇᐅᑦ ᐊᑐᔾᔮᕈᓐᓃᕋᑦᑎᒍ, ᑭᓯᐊᓂᓕ ᐊᒥᓱᑲᓪᓛᓗᐃᑦ ᐅᓐᓂᓪᓗᑦᓴᖃᑦᑕᓚᐅᕐᖓᑕ ᓱᒃᑲᐃᓗᐊᕐᓂᕋᐃᓪᓗᑎᖕ ᖃᕆᓴᐅᔭᒃᑯᑦ ᕿᒥᕐᕈᐊᕋᓱᐊᕋᓗᐊᕐᑐᑎᖕ ᐱᔭᕆᐊᑐᓪᓗᓂᓗ ᓂᐅᕕᒃᑲᓂᕋᓱᒋᐊᑦᓴᖅ ᓱᒃᑲᑎᒋᐊᕈᑎᓂᑦ (ᐱᓗᐊᕐᑐᒥᖕ ᐊᒥᓱᑦ ᐊᑕᐅᑦᓯᒃᑰᕐᑕᑎᓪᓗᒋᑦ). ᑕᐃᒃᑯᐊᓕ, ᐊᓯᔾᔨᕐᐸᑦ ᐋᖅᑭᑉᐹᓪᓕᕈᔾᔭᐅᓂᐊᕐᑐᑦ !

ᐃᓚᖓᑦ ᐃᓱᒪᓕᐅᕈᑎᑦᑎᓄᑦ ᐱᓗᖅᑯᑕᐅᓚᐅᕐᑐᖅ ᖃᓄᖅ ᓱᒃᑲᐃᓕᒋᐊᕐᑎᒍᓐᓇᕋᔭᕐᒪᖔᑦᑎᒍ 4G-LTE ᓱᒃᑲᓂᕐᓴᖅ ᐊᑐᓕᕐᐸᑦ. ᖃᕆᓴᐅᔭᑦ ᓴᓇᒪᓂᖏᑦ ᐱᔾᔪᑎᒋᓪᓗᒋᑦ, ᓱᒃᑲᐃᓂᕐᐹᖑᔪᓐᓇᓚᐅᕐᑐᖅ ᒫᓐᓇ ᐊᑐᖅᐸᑦᑕᑎᓂᑦ ᓱᒃᑲᓂᕐᓴᐅᒻᒪᕆᑦᑐᓂ ᐱᖓᓱᐃᕐᓱᓗᐊᒻᒪᕆᑦᑐᓂᖕ ᑭᓪᓕᖃᕐᑎᐸᑦᑕᑕ ᐅᖓᑎᐊᓗᐊᓄᑦ. ᑐᓴᕆᐊᓐᖓᕐᑐᒍ ᐱᐅᔪᐊᓘᔮᕐᑑᒐᓗᐊᖅ, ᐊᒥᓱᐊᓗᐃᑦ ᐊᑕᐅᑦᓯᒃᑰᕐᑕᓕᕐᐸᑕ ᖃᕆᓴᐅᔭᒃᑯᑦ ᕿᓂᕐᑐᑦ ᑕᒪᒃᑭᐊᓗᓪᓗᑎᖕ ᓱᒃᑲᐃᑐᕐᔪᐊᖑᓕᕋᔭᕐᑐᑦ ᐊᓪᓛᑦ ᓱᒃᑲᓂᕐᓴᒧᑦ ᐊᑭᓖᓯᒪᔫᒐᓗᐊᑦ ᓱᒃᑲᐃᓕᖃᑕᐅᓗᑎᖕ. ᓯᕗᓪᓕᖅᐹᖑᖃᑕᐅᔪᖅ ᑐᕌᒐᕗᑦ ᕿᓂᒃᑯᓐᓄᑦ ᐱᑑᑎᑖᕐᓯᒪᔪᑦ ᐊᑭᓕᕐᓱᐃᓂᒃᑯᑦ ᓇᓕᒧᒌᒥᖕ ᐃᓚᐃᓐᓈᕐᑕᐅᔪᖃᖏᓗᓂ ᐊᑐᐃᓐᓇᖃᖁᒐᓗᐊᕋᑦᑎᒍ ᐃᑭᐊᖅᑭᕕᒃᑯᑦ ᑲᓱᖅᓯᒪᒍᑎᓂᑦ, ᐊᒻᒪ ᑲᓱᖅᓯᒪᔪᑦ ᐱᑐᕝᕕᓖᑦ ᖃᓄᐃᖁᓇᒋᑦ ᑖᓐᓇ ᓱᒃᑲᐃᓂᕐᓴᖅ ᓄᖅᑲᕐᑎᑕᐅᓗᓂ ᑭᓯᐊᓂᐅᒻᒪᓐ ᐃᓱᖃᕐᒥᒻᒪᓐ.

ᐄ, 4G-LTE ᓱᒃᑲᓂᕐᓴᖅ ᐱᑐᕝᕕᖓ ᐱᒋᐊᓪᓚᑦᑖᓕᕐᐸᑦ ᐱᖃᓯᐅᔾᔭᐅᓯᒪᑲᐅᑎᒋᔪᑦ ᐅᐊᔭᒨᕆᐊᑐᓐᖏᑦᑐᒃᑯᑦ ᐱᑑᑎᓂᑦ ᐃᓕᓴᕐᓯᔪᓐᓇᕐᑐᑦ.

ᐱᐊᓚᑦᑎᐊᕐᑐᒥᖕ ᐋᖅᑭᑦᓯᐊᕐᓯᒪᓛᒃᑯᓪᓗ ᐱᔨᑦᓯᕈᓐᓇᖁᓪᓗᑕ ᐱᑐᕝᕕᑎᒍᑦ ᐃᑭᐊᖅᑭᕕᒻᒧᑦ, 4G-LTE ᓱᒃᑲᓂᕐᓴᑦ ᕿᓂᒃᑯᓐᓂᖕ ᓂᐅᕕᐊᒥᓃᑦ ᑭᓯᐊᓂ ᐱᑐᒍᓐᓇᕐᓂᐊᕐᑐᑦ ᕿᓂᒃᑯᑎᒍᑦ.

ᐅᒡᒍᓇᕐᑑᒐᓗᐊᖅ, ᑭᓪᓕᖃᕆᐊᖃᓐᖏᑦᑐᓂᑦ ᐊᑐᐃᓐᓇᐅᑎᑦᓯᒐᓱᐊᕋᓗᐊᕈᑦᑕ ᒪᑭᑕᔪᓐᓇᕋᔭᓐᖏᒻᒪᑕ ᑭᓇᑐᐃᓐᓇᐅᒐᓗᐊᕐᐸᑦ, ᐊᓪᓛᓪᓘᓐᓃᑦ ᓄᓇᐅᑉ ᐃᑭᐊᖓᒍᑦ ᐃᒐᓚᐅᔭᓕᓐᓂᑦ ᐱᑑᑎᓖᑦ ᖃᓪᓗᓈᓂ ᑕᐃᒪᐃᑐᐃᓐᓇᕐᒥᔪᑦ. ᐃᓘᓐᓇᑦᓯᐊᑎᖕ ᐱᑐᕝᕕᓖᑦ ᐃᑭᐊᖅᑭᕕᒻᒧᑦ ᖂᑭᑦᑐᑯᓗᖕᒥᖕ ᐱᕕᖃᕐᑎᑕᐅᒻᒪᑕ, ᑭᓪᓕᖃᕆᐊᖃᓐᖏᑦᑐᒥᖕ, ᐊᒻᒪ ᑭᓪᓕᖃᓐᖏᑦᑐᒥᖕ ᐱᑐᕝᕕᖃᓕᕐᓂᕈᑦᑕ ᐃᑭᐊᖅᑭᕕᒧᑦ ᕿᒥᒐᓱᐊᕐᑐᑦ ᐊᒥᓱᐊᓘᓕᕋᔭᕐᖓᑕ ᓱᒃᑲᐃᓕᓗᓂ ᐱᔨᑦᓯᕈᑎᕗᑦ. ᑕᐃᒪᐃᓐᓂᖓᓄᑦ, ᕿᓂᒃᑯᑦ ᐃᑭᐊᖅᑭᕕᒻᒧᑦ ᐱᑐᕝᕕᖓ ᐊᐅᓚᑕᐅᑦᓯᐊᕆᐊᖃᕐᐳᖅ ᐃᓘᓐᓇᑦᓯᐊᑎᖕ ᐱᔨᑦᓯᕐᐸᑦᑕᕗᑦ ᐃᑲᔪᕐᑕᐅᖁᓪᓗᒋᑦ ᐃᓚᐃᓈᑦᑕᐃᓕᓂᒃᑯᑦ ᓇᓕᒧᒌᒥᓪᓗ ᐊᑐᐃᓐᓇᖃᕐᓗᑎᖕ, ᐱᐊᓚᑦᓯᐊᕐᑐᒥᓪᓗ ᐱᔨᑦᓯᕐᑕᐅᕙᓪᓗᑎᖕ ᐱᐅᓛᖑᓇᓱᑦᑐᒥᖕ.

ᐄ. ᐊᑐᕈᓐᓇᕐᑕᐃᑦ 4G-LTE ᓱᒃᑲᓂᕐᓴᖅ ᐱᑑᑎᕗᑦ ᓇᒥᑐᐃᓐᓇᑦᓯᐊᖅ ᓄᓇᓕᓐᓂ ᕿᓂᒃᑯᑦ ᐊᑐᐃᓐᓇᖃᕐᕕᖏᓂ ᐱᔨᑦᓯᕈᑎᓂᑦ.

ᕿᓂᒃᑯᑦ 4G-LTE ᓱᒃᑲᓂᕐᓴᖅ ᐱᑑᑎᖓ ᐋᖅᑭᑦᓱᕐᓯᒪᓐᖏᒻᒪᓐ ᐊᑐᑲᐅᑎᒋᔪᓐᓇᕆᐊᖓ ᕿᓂᒃᑯᑦ ᐊᑐᐃᓐᓇᐅᕕᖓᑕ ᓯᓚᑖᓄᑦ. ᑕᐃᒪᐃᒃᑲᓗᐊᕐᑎᓪᓗᒍ, ᓄᑖᑦ ᓇᑦᓴᑐᐃᓐᓇᕋᑦᓴᑦ ᐱᔨᑦᓯᕈᑏᑦ, ᑲᑉᐳᑎᑐᐊᕈᕕᐅᖕ, ᐊᑐᕋᑦᓴᐅᓕᕐᓂᐊᕐᑐᑦ ᓇᒥᑐᐃᓐᓇᑦᓯᐊᖅ ᑲᓇᑕᒥ ᓯᓚᕐᔪᐊᒥᓗ.

ᕿᓂᒃᑯᑦ 4G-LTE ᓱᒃᑲᓂᕐᓴᖅ ᐃᓗᐊᒍᑦ ᐋᖅᑭᑲᐅᑎᒋᓯᒪᔪᖅ ᐅᐊᔭᖃᕆᐊᖃᓐᖏᑦᑐᒧᑦ ᑲᓱᕐᕕᖓ ᐊᒻᒪ ᓇᐸᔪᓂᑦ ᐃᓕᓴᕐᓯᔪᓐᓇᕐᑐᒥᑦ ᐊᑐᐃᓐᓇᕐᑕᖃᑐᐊᖅᐸᑦ ᐅᐊᔭᒨᕆᐊᑐᓐᖏᑦᑐᓂᑦ, ᑕᐃᒪᐃᓐᓂᖓᓄᑦ ᖃᕆᓴᐅᔭᖅ ᐃᓚᔭᕆᐊᖃᓐᖏᑦᓯᐊᕐᑐᖅ ᑎᒥᑕᖓ. ᐊᑐᖁᔨᒐᔭᓐᖏᑦᑐᒍᑦ ᑭᓯᐊᓂ ᒪᕐᕉᓕᖓᔫᓐᓂᖕ ᐅᐊᔭᒨᕆᐊᑐᓐᖏᑦᑐᒃᑯᑦ ᑲᓱᕐᕕᓂᑦ ᐊᒥᓱᓄᑦ, ᓱᒃᑲᐃᓕᖔᑐᐃᓐᓇᕆᐊᖃᕐᖓᑦ ᑕᕝᕘᓇᑦᓴᐃᓐᓇᖅ ᐊᑐᖃᑦᑕᓕᕐᐸᑦ ᐃᑭᐊᖅᑭᕕᒻᒨᕋᓱᑦᑐᑦ. ᑕᐃᒪᐃᒃᑲᓗᐊᕐᑎᓪᓗᒍ, ᐊᔪᕐᓇᖏᒻᒥᔪᖅ ᖃᕆᓴᐅᔭᓕᓐᓄᑦ ᑲᓲᑏᑦ ᐊᑐᐃᓐᓇᐅᑐᐊᖅᐸᑕ ᑕᐃᒪᐃᒍᒪᓪᓚᕆᒃᑯᕕᑦ !

ᕿᓂᒃᑯᑦ 4G-LTE ᓱᒃᑲᓂᕐᓴᖅ ᐃᓗᐊᒍᑦ ᐋᖅᑭᑲᐅᑎᒋᓯᒪᔪᖅ ᐅᐊᔭᖃᕆᐊᖃᓐᖏᑦᑐᒧᑦ ᑲᓱᕐᕕᖓ ᐊᒻᒪ ᓇᐸᔪᓂᑦ ᐃᓕᓴᕐᓯᔪᓐᓇᕐᑐᒥᑦ ᐊᑐᐃᓐᓇᕐᑕᖃᑐᐊᖅᐸᑦ ᐅᐊᔭᒨᕆᐊᑐᓐᖏᑦᑐᓂᑦ, ᑕᐃᒪᐃᓐᓂᖓᓄᑦ ᖃᕆᓴᐅᔭᖅ ᐃᓚᔭᕆᐊᖃᓐᖏᑦᓯᐊᕐᑐᖅ ᑎᒥᑕᖓ. ᐊᑐᖁᔨᒐᔭᓐᖏᑦᑐᒍᑦ ᑭᓯᐊᓂ ᒪᕐᕉᓕᖓᔫᓐᓂᖕ ᐅᐊᔭᒨᕆᐊᑐᓐᖏᑦᑐᒃᑯᑦ ᑲᓱᕐᕕᓂᑦ ᐊᒥᓱᓄᑦ, ᓱᒃᑲᐃᓕᖔᑐᐃᓐᓇᕆᐊᖃᕐᖓᑦ ᑕᕝᕘᓇᑦᓴᐃᓐᓇᖅ ᐊᑐᖃᑦᑕᓕᕐᐸᑦ ᐃᑭᐊᖅᑭᕕᒻᒨᕋᓱᑦᑐᑦ. ᑕᐃᒪᐃᒃᑲᓗᐊᕐᑎᓪᓗᒍ, ᐊᔪᕐᓇᖏᒻᒥᔪᖅ ᖃᕆᓴᐅᔭᓕᓐᓄᑦ ᑲᓲᑏᑦ ᐊᑐᐃᓐᓇᐅᑐᐊᖅᐸᑕ ᑕᐃᒪᐃᒍᒪᓪᓚᕆᒃᑯᕕᑦ !

ᕿᓂᒃᑯᑦ ᐱᔨᑦᓯᕈᑏᑦ ᐊᑭᓕᕋᑦᓴᐅᔪᓐᓇᖁᓪᓗᒋᑦ ᓄᓇᕗᒥᐅᓄᑦ, ᑕᑭ ᐱᒋᐊᕐᕕᖓ ᐊᑐᐃᓐᓇᐅᑎᑕᐅᒻᒪᑦ ᐃᑲᔪᕐᑎᖃᕐᑐᑕ ᑲᓇᑕᐅᑉ ᒐᕙᒪᒃᑯᖏᓂᑦ. ᐃᑲᔪᓐᖏᑉᐸᑕ, ᐊᔪᕐᓇᕋᔭᕐᑐᖅ 20 GB/ᑕᖅᑭᑕᒫᑦ ᐊᑐᐃᓐᓇᐅᑎᒐᓱᕆᐊᑦᓴᖅ $80ᑖᓚᓄᑦ. ᕿᓂᒃᑯᑦ ᑐᑭᓯᓯᒪᔫᒐᓗᐊᑦ ᐃᓚᖏᑦ 20 GB ᐅᖓᑖᓄᑦ ᐊᑐᖃᑦᑕᕈᒪᒐᓗᐊᕐᖓᑕ, ᑕᐃᒪᐃᓐᓂᖓᓄᑦ ᓴᖅᑭᑕᐅᓚᐅᕐᑐᖅ ᑕᑭ ᐃᓚᒋᐊᕈᑏᑦ 30 GB ᑕᖅᑭᑕᒫᑦ. ᐅᐱᓐᓇᕋᓂ ᑲᓇᑕᐅᑉ ᒐᕙᒪᒃᑯᖏᑦ ᐃᑲᔫᑎᖏᑦ ᐊᑭᓕᐅᑕᐅᕙᒻᒪᑕ 20 GB/ᑕᖅᑭᑕᒫᑦ, ᓄᓇᕗᒥᐅᑦ ᑕᖅᑭᑕᒫᑦ ᓱᒃᑲᑎᒋᐊᕐᐸᑦᑐᑦ 20 GB/ᑕᖅᑭᑕᒫᑦ ᐊᑭᓕᕐᑕᐅᕙᒻᒪᑦ ᒐᕙᒪᑐᖃᒃᑯᓄᑦ ᐊᑭᖃᑦᓴᐃᓐᓇᕐᑐᓂ $80 ᑕᖅᑭᑕᒫᑦ, ᐊᒻᒪ ᐃᓚᒋᐊᕈᑎᖓ 10 GB ᐊᑐᐃᓐᓇᕈᕐᑕᐅᕙᑦᑐᑦ ᕿᓂᒃᑯᓄᑦ ᐃᓚᒃᑲᓐᓂᕐᓗᒍ $100, ᐊᑭᑭᓪᓕᒋᐊᕐᑐᓂ 10 per GB ᐊᑕᐅᓯᐊᕐᑐᒍ. ᑕᐃᒪᓕ ᐊᕙᑎᓂᑦ ($20) ᐅᖓᑖᓄᑦ ᐃᓚᕙᑦᑕᕗᑦ ᐊᑭᖃᕋᓗᐊᕐᑎᓪᓗᒍ $120 ᐃᒪᓐᓇᑎᒋᓄᑦ 10GB.

ᒪᒥᐊᓇᖅ, ᑭᓯᐊᓂ ᐊᔪᕐᓇᕐᑐᖅ. ᑕᑭ ᐱᒋᐊᕐᕕᖓ ᑲᓇᑕᐅᑉ ᒐᕙᒪᒃᑯᖏᓐᓄᑦ ᐃᑲᔫᓯᐊᕐᑎᑕᐅᓪᓗᑕ ᐊᑭᓕᕐᑕᐅᕙᒻᒪᓐ ᐋᖅᑭᑉᐸᒌᕐᓯᒪᓪᓗᑎᖕ ᐊᑭᖏᑦ ᐊᒻᒪ ᐃᑭᐊᖅᑭᕕᒻᒧᑦ ᐱᑐᒍᓐᓇᐅᑏᑦ ᓇᓕᒧᒌᒥᑦ ᐱᕕᖃᕐᑐᐃᓐᓇᐅᖁᓪᓗᒋᑦ ᓄᓇᕗᒥᐅᑦ. ᑕᐃᒪᓕ ᑐᑭᑖᕐᐳᖅ ᐊᑕᐅᓯᕐᒥᒃ ᑭᓯᐊᓂ ᐊᑐᓂ ᐃᓪᓗᓖᑦ ᐊᑐᕈᓐᓇᕐᑐᑦ ᑕᑭ ᐱᒋᐊᕐᕕᖓᓂᖕ ᐸᕐᓇᓯᒪᔪᓂᑦ. ᐃᓚᒋᐊᕈᒪᒍᕕᐅᖕ ᐊᑐᑦᓲᔭᕈᒪᓗᒍ ᐅᖓᑖᓄᑦ 20 GB ᐊᑐᕈᓐᓇᕐᑕᕕᑦ ᑕᑭ ᐱᒋᐊᕐᕕᖓᓂᖕ, ᖁᑦᓯᓂᕐᓴᒨᕐᑕᐅᔪᒪᔪᓐᓇᕐᑐᑎᑦ 30 GB ᑕᑭ ᐃᓚᒋᐊᕈᑏᑦ ᐊᑐᕐᓗᒍ ᐊᒻᒪ ᖁᓕᓂᑦ 10GB ᐃᓚᓗᒍ ᐊᑭᑭᓪᓕᒋᐊᕐᓯᒪᓗᓂ $10/GB ᐊᑕᐅᓯᕐᒧᑦ.