Terms of Service IU

ᒪᓕᒐᐃᑦ ᐱᔨᑦᓯᕋᖅᑕᐅᓂᕐᒧᑦ

1. ᐱᔾᔪᑎᒋᓪᓗᒋᑦ ᑖᒃᑯᐊ ᒪᓕᒐᕆᔭᐅᔪᑦ ᐱᔨᑦᓯᕋᐃᓂᕐᒧᑦ: ᐃᓚᒋᔭᐅᔪᑦ, ᖃᓄᐃᓕᐅᖅᑎᐅᓂᖏᓐᓄᑦ ᐊᒻᒪᓗ ᑲᒪᒋᔭᕆᐊᓕᖏᑦ
   1. ᖃᓄᖅ ᑕᒪᒃᑯᐊ ᐱᔨᑦᓯᕋᖅᑕᐅᓂᕐᒧᑦ ᒪᓕᒐᕆᔭᐃᑦ ᐃᓕᓐᓄᑦ ᐊᑐᕐᓂᐊᖅᐸᑦ?
   • ᑖᒃᑯᐊ ᒪᓕᒐᕆᔭᐅᑎᑕᐅᔪᑦ ᖃᓄᐃᓕᖓᑎᑕᐅᔪᓪᓗ, ᐃᓚᖃᕆᓪᓗᑎᒃ ᑕᐃᒃᑯᓂᖓ ᑕᐃᔭᐅᔪᓂᒃ SSi-ᑯᑦ ᓈᒪᔪᓂᒃ ᐊᑐᖅᑕᐅᓂᖏᓐᓄᑦ ᐊᑐᐊᒐᖏᓐᓂᒃ ᐊᒻᒪᓗ SSi-ᑯᑦ ᐸ’ᕝᕕᓴᑦᑕᐅᖃᑦᑕᕆᐊᖃᓐᖏᓂᖏᓐᓄᑦ ᐃᓄᐃᑦ ᐊᑐᐊᒐᖏᑦ (“ᒪᓕᒐᐃᑦ ᐱᔨᑦᓯᕋᖅᑕᐅᓂᕐᒧᑦ”) ᐊᐅᓚᑦᑎᔪᑦ ᒪᑯᓂᖓ ᐊᑐᕐᓂᖏᓐᓂ:
   • ᐱᔨᑦᓯᕋᐅᑎᓂᒃ ᐊᑭᓕᖅᑐᐃᓕᖅᑕᕐᓂᒃ ᓂᐅᕕᖅᑕᕐᓂᓗᓐᓃᑦ, ᐊᖏᕈᑎᖃᖅᑐᓂᒃ ᐱᔨᑦᓯᕋᖅᑕᐅᓂᕐᒧᑦ, ᐱᖃᑦᑕᕐᓂᐊᓕᖅᑕᕐᓂᓗᓐᓂᑦ ᑖᒃᑯᓇᖓᑦ ᑲᒻᐸᓂᖓᓂᒃ SSi-ᑯᓐᓂᒃ, ᐃᓚᖃᖅᑐᓂᒃ ᑕᐃᔭᐅᔪᓂᒃ ᕿᓂᖅ ᖃᕆᑕᐅᔭᒃᑯᑦ ᐅᖓᓯᒃᑐᒃᑰᕈᑎᖏᓐᓂᒃ ᐊᒻᒪᓗ SSi-ᑯᑦ ᐅᖓᓯᑐᒥᒃ ᓇᑦᓴᒐᕐᓂᒃ ᐅᖄᓚᐅᑎᖃᕈᑎᖏᓐᓂᒃ ᐱᔨᑦᓯᕋᖅᑕᐅᓂᕐᒧᑦ (“ᐱᔨᑦᓯᕋᐅᑦ ᐅᕝᕙᓗᓐᓃᑦ ᐱᔨᑦᓯᕋᐅᑏᖏᑦ”); ᐊᒻᒪᓗ
   • ᖃᓄᐃᑦᑐᑐᐃᓐᓇᕐᓂ ᐱᖁᑎᖏᓐᓂ ᓴᓇᕐᕈᑎᑦᓴᖏᓐᓂᓗᓐᓃᑦ (“ᐱᖁᑎᒋᔭᖓᓂᒃ” “ᐱᖁᑎᖏᓐᓂᓗᓐᓃᑦ”) ᓂᐅᕕᖅᑕᕐᓂ ᐱᑖᕆᓯᒪᔭᕐᓂ ᑖᒃᑯᓇᖓᑦ SSi-ᑯᓂᒃ ᐅᕝᕙᓗᓐᓃᑦ SSi-ᑯᑦ ᑭᒡᒐᖅᑐᐃᔨᖏᓐᓂᒃ, ᐊᓯᐊᒍᓪᓗᓐᓃᑦ ᐱᓯᒪᔭᕐᓂᒃ ᐊᑐᕈᒪᓪᓗᒋᑦ ᐱᔨᑦᓯᕋᐅᑎᖏᑦ.
   2. ᒪᓕᒐᖏᓐᓂ ᑖᒃᑯᓄᖓ ᐱᔨᑦᓯᕋᖅᑕᐅᓂᕐᒧᑦ: ᑖᒃᑯᓇᓂ ᐱᔨᑦᓯᕋᖅᑕᐅᓂᕐᒧᑦ ᒪᓕᒐᕆᔭᐃᑦ
   • ᑕᐃᔭᐅᔪᑦ “SSi”-ᒥᒃ ᑕᐃᒃᑯᐊᓗ ᑕᐃᐅᔪᐃᑦ ᐅᖃᐅᓰᑦ ᐊᑐᖅᑕᐅᔪᐃᑦ ᐃᒫᖕ: “ᐅᕙᑦᑎᓐᓂ”, “ᐅᕙᒍᑦ”, ᐊᒻᒪᓗ “ᐱᕗᑦ”, ᑐᑭᖃᖅᑐᑦ ᐅᖃᐅᓯᖃᕐᓂᕐᒥᒃ ᑲᒻᐸᓂᖓᓂᒃ SSi Micro Ltd. ᓕᒥᑎᑦᑯᓐᓂᒃ ᐊᒻᒪᓗ ᐃᓚᒋᔭᖏᓐᓂᒃ ᐊᓯᖏᓐᓂᒃ;
   • ᑕᐃᔭᐅᔪᑦ “ᓂᐅᕕᖅᐸᑦᑐᑦ”, “ᐃᕝᕕᑦ”, “ᐱᖁᑎᑎᑦ” ᐊᒻᒪᓗ “ᐱᖁᑎᓯ” ᑐᑭᖃᖅᐳᖅ ᐃᓚᒋᔭᐅᔪᓂ ᑕᐃᒃᑯᓂᖓ ᐃᓄᓐᓂᒃ ᐊᑭᓕᖅᑐᐃᔪᓂ ᐱᔨᑦᓯᕋᖅᑕᐅᒍᒪᓂᕐᒧᑦ, ᐱᖁᑎᑖᕈᒪᓂᕐᒧᓪᓗᓃᑦ ᑖᒃᑯᓇᖓ;
   • ᑕᐃᔭᐅᔪᑦ “ᓄᓇᓕᓐᓂ ᐱᔨᑦᓯᕋᐃᔩᑦ ᖃᕆᑕᐅᔭᒃᑯᑦ ᐅᖓᓯᑦᑐᒃᑰᕈᑎᖃᖅᑎᑦᓯᔩᓂᒃ” ᐊᒻᒪᓗ ᓇᐃᓈᖅᓯᒪᔪᓂᒃ ᖃᓪᓗᓈᑎᑐᑦ “CSP”-ᒥᒃ ᑐᑭᖃᖅᐳᖅ ᐊᖏᕈᑕᐅᓯᒪᔪᓂᒃ ᓄᓇᓕᓐᓂ ᖃᕆᑕᐅᔭᒃᑯᑦ ᐅᖓᓯᑦᑐᑰᕈᑎᖃᕐᓂᕐᒥᒃ ᐊᑐᐃᓐᓇᐅᑎᑦᑎᔪᓂᒃ ᓄᓇᓕᓐᓄᑦ ᐊᒻᒪᓗ ᐱᔨᑦᓯᕋᐃᓪᓗᑎᒃ ᓂᐅᕕᖅᐸᑦᑐᓄᑦ, ᑭᒐᑐᐃᓗᑎᒃ SSi-ᑯᑦ ᑲᒻᐸᖓᓂᒃ, ᐅᖃᐅᓯᐅᓯᒪᔪᑦᑎᐊᖅᑐᓂᒃ ᐊᑐᐃᓐᓇᐅᑎᑦᑎᓗᑎᒃ ᑕᐃᒃᑯᓇᓂ ᓂᐅᕕᖅᐸᑦᑐᓄᑦ ᐊᖏᕈᑎᑎᒍᑦ;
   • “ᐊᑭᓕᖅᓯᒪᕙᒌᖅᑐᐃᑦ ᐱᔨᑦᓯᕈᑏᑦ” ᑐᑭᖃᖅᑐᑦ ᐱᔨᑦᓯᕋᐅᑎᓂᒃ ᓂᐅᕕᖅᐸᓐᓂᖅ ᓯᕗᓂᐊᒍᑦ ᐊᑐᕆᐊᓚᐅᓐᖏᓗᒍ ᓱᓕ;
   • “ᑭᖑᓂᐊᒍᑦ ᐊᑭᓕᖅᑐᖅᑕᐅᔪᑦ ᐱᔨᑦᓯᕈᑏᑦ” ᑐᑭᖃᖅᑐᑦ ᐱᔨᑦᓯᕋᐅᑎᓂᒃ ᐊᑭᓕᑦᓴᓂᒃᑕᐅᖃᑦᑕᕐᓗᑎᒃ, ᑕᒪᐃᓐᓂᒃ ᐃᓚᐃᓐᓇᖏᓐᓂᓗᓐᓃᑦ, ᐊᑐᐊᓂᑦᓯᒪᓕᖅᑎᓪᓗᒋᑦ ᐃᓕᓐᓄᑦ;
   • “ᐱᔨᑦᓯᖅᑎᑕᐅᓂᕐᒧᑦ ᐸᕐᓇᐅᑏᑦ” ᑐᑭᖃᖅᐳᑦ ᐸᕐᓇᐅᑎᖏᓐᓂᒃ ᐱᔨᑦᓯᕋᐅᑎᓂᒃ ᐅᕝᕙᓗᓐᓃᑦ ᐊᑕᐅᓯᑐᐃᓐᓇᐅᖏᑦᑐᒥᒃ ᐱᔨᑦᓯᕋᐅᑎᓂᒃ ᐊᑭᓕᖅᑐᓕᖅᑕᕐᓂᒃ ᓂᐅᕕᖅᓯᒪᔭᕐᓂᓗᓐᓃᑦ;
   • “SSi-ᑯᑦ ᖃᕆᑕᐅᔭᒃᑯᑦ ᑕᑯᓂᐊᖅᑕᐅᕝᕕᖓ” ᐊᒻᒪᓗ “SSi-ᑯᑦ ᖃᕆᑕᐅᒃᑯᑦ ᑕᑯᓂᐊᖅᑕᐅᕝᕕᖏᑦ” ᐅᖃᐅᓯᖃᖅᐳᑦ ᐊᑕᐅᓯᕐᒥᓗᓐᓃᑦ ᐊᓯᖏᓐᓂᓪᓗᓐᓃᑦ ᖃᕆᑕᐅᔭᑯᑦ ᑕᑯᓂᐊᖅᑕᐅᕝᕕᓕᐊᖏᓐᓂᒃ SSi-ᑯᑦ, ᐱᔾᔪᔾᔨᓗᑎᒃ ᑕᐃᒃᑯᓂᖓ ᑲᒻᐸᓂᖓᓂᒃ SSi Micro Ltd ᓕᒥᑎᑦᑯᓐᓂᒃ ᐊᓯᖏᓐᓂᓪᓗ ᐃᓚᒋᕙᒃᑕᖏᓐᓂᒃ, ᐱᖃᑕᐅᓗᑎᒃ ᐅᑯᐊ ᓇᑦᓴᒐᕐᓂᒃ ᐅᖄᓚᐅᑎᕋᓛᓕᕆᔨᖏᑦ ᑕᐃᔭᐅᔪᑦ SSi ᓇᑦᓴᒐᖅ, QINIQ-ᕿᓂᖅ, ᐊᒻᒪᓗ ᐊᓯᖏᓐᓂᒃ ᐱᔨᑦᓯᕈᑎᖏᓐᓂᒃ. ᑕᒪᕐᒥᒃ ᑕᑯᔪᓐᓇᖅᑕᑎᑦ ᑕᐃᒃᑯᐊ ᖃᕆᑕᐅᔭᒃᑯᑦ ᑕᑯᓂᐊᖅᑕᐅᕝᕕᖓᓂ SSi-ᑯᑦ ᐅᕙᓂ ᑐᕌᕈᑎᓕᒻᒥ: www.ssimicro.com.
   3. ᖃᓄᕐᓕ ᑕᒪᒃᑯᐊ ᐱᔨᑦᓯᕋᖅᑕᐅᓂᕐᒧᑦ ᒪᓕᒐᕆᔭᐃᑦ ᐊᑐᖅᑕᐅᕙᒻᒪᑕ?
   • ᐱᓯᒪᔭᑎᓐ ᓂᐅᕕᖅᑎᐅᓂᕐᒧᑦ ᐊᖏᕈᑏᑦ, ᖃᓄᑐᐃᓐᓇᖅ ᐋᕿᒋᐊᖅᑕᐅᓯᒪᓪᓗᑎᒃ, ᑕᐃᒃᑯᐊᖑᕗᑦ ᑕᒪᐃᓐᓂᒃ ᐊᖏᕈᑕᐅᓯᒪᔪᓂᒃ ᐃᓕᓐᓄᓪᓗ SSi-ᑯᓄᓪᓗ ᐱᔨᑦᑎᕋᖅᑕᐅᓂᕐᒧᑦ.
   • ᓂᐅᕕᖅᑎᐅᓂᕐᓄᑦ ᐊᖏᕈᑏᑦ ᐃᓚᖃᖅᐳᑦ ᒪᑯᓂᖓ ᐅᖃᐅᓯᐅᔪᓂᒃ ᐊᑖᓂ ᑎᑎᖃᖁᑎᖏᓐᓂ:
   • ᓂᐅᕕᖅᑎᐅᓂᕐᓄᑦ ᐱᔨᑦᑎᕋᐅᑏᑦ ᐸᕐᓇᐅᑎᖏᑦ ᑕᒪᐃᓐᓂᒃ ᑕᑯᒋᐊᕈᑎᖏᑦ, ᑎᑎᕋᖅᓯᒪᕗᑦ ᐃᓚᖏᓐᓂᒃ ᐱᒻᒪᕆᐅᔪᓂᒃ ᐅᖃᐅᓯᐅᔭᕆᐊᖃᖅᑐᓂᒃ ᐊᑐᕐᓂᐊᖅᑐᓂᒃ ᐱᔨᑦᑎᕋᖅᑕᐅᓂᕐᓄᑦ ᐸᕐᓇᐅᑎᓂᒃ ᐊᑐᐃᓐᓇᐅᑎᑦᑎᓂᕐᒧᓪᓗ ᓂᕈᐊᖅᓯᒪᔭᕐᓂᒃ; ᐊᒻᒪᓗ
   • ᑖᒃᑯᓂᖓ ᐱᔨᑦᓯᕋᐃᓂᕐᒧᑦ ᒪᓕᒐᕐᓂᒃ, ᐃᓚᖃᕐᒥᔪᓂᒃ SSi-ᑯᑦ ᐸᒡᕕᒃᓴᑦᑕᐅᖃᑦᑕᕆᐊᖃᓐᖏᓂᕐᒧᑦ ᐊᑐᐊᒐᖏᓐᓂᒃ ᐊᒻᒪᓗ SSi-ᑯᑦ ᓈᒪᔪᓂᒃ ᐊᑐᖅᑕᐅᑦᓯᐊᖃᑦᑕᕆᐊᖃᕐᓂᖏᓐᓄᑦ ᐊᑐᐊᒐᖏᓐᓂᒃ.
   • ᐊᔾᔨᒌᖏᑦᑐᖃᕈᑎᒃ ᑎᑎᖃᖁᑎᖏᓐᓂᒃ ᖁᓛᓂ ᐅᖃᐅᓯᐅᓯᒪᔪᓂ ᐊᒻᒪᓗ ᑕᒃᑯᓇᓂ ᐱᔨᑦᓯᕋᖅᑕᐅᓂᕐᒧᑦ ᒪᓕᒐᕆᔭᐅᔪᓂ, ᐊᑐᖅᑕᐅᖔᕋᔭᖅᐳᑦ ᑖᒃᑯᐊ ᐱᔨᑦᓯᕋᖅᑕᐅᓂᕐᒧᑦ ᒪᓕᒐᕆᔭᐃᑦ.
   • ᐊᑐᕐᓗᑎᑦ ᐱᔨᑦᓯᕋᐅᑎᓂᒃ, ᓇᓗᓇᐃᔭᐃᕗᑎᑦ ᐊᖏᕈᑎᖃᕐᓂᕐᒥᒃ ᓂᐅᕕᖅᑎᐅᓂᕐᓄᑦ ᐊᖏᕈᑎᓂᒃ.
   • ᐊᑕᐅᓯᑐᐃᓐᓇᐅᖏᑦᑐᒥᒃ ᓂᐅᕕᖅᑎᐅᓂᕐᓄᑦ ᐊᖏᕈᑎᓕᔭᕈᓐᓇᖅᐳᑎᑦ ᐅᕙᑦᑎᓐᓂᒃ, ᓲᕐᓗ ᐆᑦᑑᑎᒍᓗᒍ, ᐊᑭᓕᖅᑐᐃᕙᒃᑯᕕᑦ ᐊᑕᐅᓯᑐᐃᓐᓇᐅᖏᑦᑐᒥᒃ ᐱᔨᑦᓯᕋᐅᑎᓄᑦ, ᐊᑕᐅᓯᕐᒥᒃ ᐊᑭᓕᖅᑐᖅᐸᓪᓕᐊᔭᕐᓂᒃ ᑮᓇᐅᔭᓕᕆᕕᒋᕙᒃᑕᕐᓂᒃ ᐅᕝᕙᓗᓐᓃᑦ ᐱᑕᖃᖅᑎᑦᑎᒍᕕᑦ ᐊᑕᐅᓯᑐᐃᓐᓇᐅᖏᑦᑐᒥᒃ ᐊᑭᓕᖅᑐᐃᕕᒋᕙᒃᑕᕐᓂᒃ.
   • ᑎᒃᑯᐊᖅᓯᓯᒪᔪᓐᓇᕐᒥᔪᒍᑦ ᓴᕿᑎᑦᑎᓗᑕᓗᓐᓃᑦ ᓂᐅᕕᖅᑎᐅᓂᕐᒧᑦ ᐊᖏᕈᑎᓂᒃ ᐅᕝᕙᓗᓐᓃᑦ ᐱᔪᓐᓇᐅᑎᖃᕐᓂᑦᑎᓐᓂᒃ ᑲᒪᒋᖃᑦᑕᕆᐊᖃᖅᑕᑦᑎᓐᓂᓪᓗᓐᓃᑦ, ᐊᖏᖅᑕᐅᓯᒪᔭᕆᐊᖃᕋᔭᖏᑦᑐᓂᒃ ᐃᓕᓐᓄᑦ.
   4. ᖃᓄᕐᓕ ᐊᐅᓚᑕᐅᕙᖕᓂᐊᕐᒪᑕ ᐊᓯᔾᔨᖅᑕᐅᓂᖏᑦ ᑖᒃᑯᓄᖓ ᐱᔨᑦᓯᕋᖅᑕᐅᓂᕐᒧᑦ ᒪᓕᒐᕆᔭᐃᑦ?
   • ᖃᖓᑐᐃᓐᓇᖅ ᐊᓯᔾᔨᖅᓯᔪᓐᓇᖅᑐᒍᑦ ᐱᔨᑦᓯᕋᖅᑕᐅᓂᕐᒧᑦ ᒪᓕᒐᕆᔭᐅᔪᓂᒃ, ᐊᒻᒪᓗ ᖃᓄᐃᓕᖓᓂᖏᓐᓂᒃ ᐊᒻᒪᓗ ᖃᓄᐃᑦᑑᓂᖏᓐᓂᒃ ᐱᔨᑦᓯᕋᖅᐸᑦᑕᕗᑦ ᐊᑐᐃᓐᓇᐅᓂᖏᑦ, ᐊᑭᖃᕐᓂᖏᓪᓗ ᐱᔨᑦᑎᕋᖅᐸᒃᑕᑦᑕ ᑕᒪᒃᑯᓄᖓ ᐊᑐᐊᒐᕆᔭᐅᔪᑦ, ᖃᖓᑐᐃᓐᓇᖅ.
   • ᐊᓯᔾᔩᓇᔭᖏᑦᑐᒍᑦ ᐱᒻᒪᕆᐅᓂᖏᓐᓂᒃ ᐊᖏᕈᑕᐅᓯᒪᓂᖏᓐᓂᒃ ᒪᓕᒐᕐᓂᒃ ᖃᓄᐃᓕᖓᓂᖏᓐᓂᓪᓗ ᐅᖃᐅᓯᐅᓯᒪᔪᓂᒃ ᐱᔪᓂᒃ ᑕᐃᒃᑯᓂᖓ ᓂᐅᕕᖅᑎᐅᓂᕐᓄᑦ ᐱᔨᑦᑎᕋᐅᑏᑦ ᐸᕐᓇᐅᑎᓂᒃ ᑕᒪᐃᓐᓂᒃ ᑕᑯᒋᐊᕈᑎᖏᓐᓂᒃ ᐊᑭᓕᖅᑕᐅᕙᒌᖅᓯᒪᔪᓄᑦ ᐱᔨᑦᓯᕋᖅᑕᐅᔪᓂᑦ, ᖃᐅᔨᑎᑕᐅᓚᐅᖏᓪᓗᑎᒃ ᐊᒻᒪᓗ ᑐᓴᕐᕕᐅᓚᐅᖏᓪᓗᑎᒃ ᐊᖏᕈᑎᖃᕐᒪᖓᑕ. ᑭᓯᐊᓂᓕ, ᐃᓕᓐᓄᑦ ᐊᖏᖅᑕᐅᓯᒪᔭᕆᐊᖃᕋᔭᖏᑐᒍᑦ ᐊᑭᑭᒡᓕᒋᐊᖅᑎᑦᓯᔪᓐᓇᕐᓂᕐᒥᒃ ᐊᑭᖃᖅᑎᑕᑦᑎᓐᓂᒃ ᐅᕝᕙᓗᓐᓃᑦ ᐃᓚᒋᐊᖅᓯᔪᓐᓇᕐᓂᖅ ᐊᑐᕈᓐᓇᖅᐸᑦᑕᕐᓂᒃ ᐱᔨᑦᓯᕋᖅᑕᑦᑎᓐᓂᒃ.
   • ᖃᐅᔨᑎᑕᐅᖃᑦᑕᐃᓐᓇᕐᓂᐊᖅᑐᑎᑦ ᖃᓄᐃᑦᑐᑐᐃᓐᓇᑦᓯᐊᓂᒃ ᐊᓯᔾᔨᖅᑕᐅᓂᐊᖅᑐᓕᒃ ᑕᒃᑯᓂᖓ ᐱᔪᓂᒃ ᓂᐅᕕᖅᑎᐅᓂᕐᓄᑦ ᐊᖏᕈᑎᓂᑦᑐᓂᒃ, ᐃᒪᐃᓪᓕᐅᖃᑕᕐᓗᑕ:
   • ᓴᕿᑎᑦᑎᕙᓐᓂᐊᖅᑐᒍᑦ ᖃᐅᔨᒪᑎᑦᑎᔾᔪᑎᑦᓴᓂᒃ ᖃᓄᑐᐃᓐᓇᖅ ᐊᓯᔾᔨᖅᑕᐅᓂᐊᖅᑐᓂᒃ ᐱᔨᑦᓯᕋᖅᐸᑦᑕᑦᑎᓐᓂᒃ, ᐊᑭᖃᕐᓂᖏᓐᓂᒃ, ᒪᓕᒐᖏᓐᓂᒃ ᐱᔨᑦᓯᕋᐃᓂᕐᒧᑦ ᐊᓯᖏᓐᓂᓪᓗᓐᓃᑦ ᐃᓚᒋᔭᐅᔪᓂ ᑎᑎᖃᖁᑎᖏᓐᓂᒃ ᐅᕝᕙᓗᓐᓃᑦ ᐊᓯᖏᓐᓂᒃ ᐊᑐᖅᑕᐅᕙᒻᒥᔪᓂᒃ ᐊᑐᐊᒐᕆᔭᐅᔪᓂᒃ, ᑐᓴᒐᑦᓴᓕᐊᕆᔭᐅᓗᑎᒃ ᑕᐃᑲᓂ SSi-ᑯᑦ ᖃᕆᑕᐅᔭᒃᑯᑦ ᑕᑯᓂᐊᖅᑕᐅᕝᕕᖓᓂᒃ; ᐊᒻᒪᓗ
   • ᐅᖃᕐᕕᐅᓗᑎᒃ ᓇᓪᓕᐊᒃᑯᑐᐃᓐᓇᖅ ᐊᑐᕐᓗᑎᒃ ᒪᑯᓂᖓ: ᖃᕆᑕᐅᔭᒃᑯᑦ ᑎᑎᖃᖅᑖᑲᐅᑎᒋᕕᒃᑯᑦ (ᕿᓂᖅ ᐊᒻᒪᓗ SSi-ᑯᑦ ᓇᑦᓴᒐᖅᑎᒍᑦ ᐅᖄᓚᐅᕋᓛᒃᑯᑦ); ᑎᑎᕋᖅᕕᒃᑯᑦ ᓴᕿᑲᐅᑎᒋᓲᒃᑯᑦ (SSi ᓇᑦᓴᒐᖅᑎᒍᑦ ᐅᖄᓚᐅᕋᓛᒃᑯᑦ). ᓂᐅᕕᖅᐸᑦᑐᓂ ᑎᒥᒃᑯᑦ ᐊᔪᕈᑎᖃᖅᑐᑦ ᓂᕈᐊᕈᓐᓇᕆᕗᑦ ᐊᓯᖔᖏᓐᓂᒃ ᐊᑐᕋᑦᑕᕈᒪᔭᖏᓐᓂᒃ ᖃᐅᔨᑎᑦᑎᔪᓐᓇᕐᒪᑕ (ᑕᑯᓗᒋᑦ ᑎᑎᕋᖅᓯᒪᓂᖏᑦ 9.5-ᒥ ᐊᑖᓂ)
   • ᐊᑐᖃᑦᑕᐃᓐᓇᕐᓂᐊᕈᕕᒋᑦ ᐊᑭᓖᕙᒌᖅᓯᒪᔭᑎᑦ ᐱᔨᑦᓯᕋᐅᑏᑦ, ᓴᕿᑎᑦᑎᓚᐅᖅᑎᓪᓗᑕ ᑐᓴᖅᑎᑦᑎᒍᑎᓂᒃ ᐊᓯᔾᔨᖅᑕᐅᓯᒪᓂᐊᖅᑐᓂᒃ ᓂᐅᕕᖅᐸᑦᑐᓄᑦ ᐊᖏᕈᑎᓂᒃ ᐊᑐᕐᓂᐊᓕᕐᓂᕐᒥᒃ, ᑐᓴᒐᒃᓴᓕᐊᖑᓗᑎᒃ ᑕᐃᒃᑰᓇ SSi-ᑯᑦ ᖃᕆᑕᐅᔭᒃᑯᑦ ᑕᑯᓂᐊᖅᑕᐅᕝᕕᑦᑎᒍᑦ, ᐃᓱᒪᒋᔭᐅᓕᕐᓂᐊᖅᑐᑎᑦ ᐃᓕᑕᕆᔭᐅᓗᑎᒃ ᐊᖏᖅᓯᒪᓕᕐᓂᖅ ᐊᓯᔾᔨᖅᑕᐅᓯᒪᔪᓄᑦ.
   • ᐊᑐᖃᑦᑕᐃᓐᓇᕐᓂᐊᕈᕕᑦ ᐊᑭᓖᓯᒪᕙᒌᕆᐊᓕᓐᓂᒃ ᐱᔨᑦᓯᕋᐅᑎᓂᒃ 30-ᓄᑦ ᐅᓪᓗᖅᓯᐅᑎᑯᑦ ᐅᓪᓗᓄᑦ ᑭᖑᓂᐊᒍᑦ ᑐᓴᖅᑎᑕᐅᓯᒪᓕᖅᓱᑎᑦ ᐊᓯᔾᔨᖅᑕᐅᓯᒪᓕᕐᓂᖏᓐᓂᒃ, ᐊᓯᒋᔭᐅᒻᒥᔪᓂᒃ ᑕᐃᒃᑯᓇᖓ ᐱᒻᒪᕆᐅᔪᓂᒃ ᐊᖏᕈᑕᐅᓯᒪᔪᓄᑦ ᑎᑎᖃᖏᓐᓂ ᑕᐃᔭᐅᔪᓂ ᓂᐅᕕᖅᑎᐅᓂᕐᓄᑦ ᐱᔨᑦᓯᕋᐅᑏᑦ ᐸᕐᓇᐅᑎᓂᒃ ᑕᒪᐃᓐᓂᒃ ᑕᑯᒋᐊᕈᑎᖏᓐᓂᒃ, ᐃᓱᒪᒋᔭᐅᓚᖓᕗᖅ ᐃᕝᕕᑦ ᐊᖏᖅᓯᒪᓕᕐᓂᕐᓂᒃ ᐊᓯᔾᔨᖅᑕᐅᓯᒪᓕᖅᑐᓂᒃ.
   • ᓄᓇᓕᓐᓂ ᐱᔨᑦᓯᕋᐃᔨᐅᔪᑦ ᐱᔪᓐᓇᐅᑎᖃᖏᓚᑦ ᖃᓄᐃᓕᐅᕈᓐᓇᕐᓂᕐᓗᓐᓃᑦ ᐅᖃᕈᓐᓇᕐᓂᕐᓗᓐᓃᑦ ᑭᒡᒐᖅᑐᐃᓗᑎᒃ SSi-ᑯᓐᓂᒃ, ᒪᓕᖏᑦᑐᓂᒃ ᑖᒃᑯᓂᖓ ᓂᐅᕕᖅᑎᐅᓂᕐᓄᑦ ᐊᖏᕈᑎᓂᒃ, ᐅᕝᕙᓗᓐᓃᑦ ᐱᔾᔪᑎᖃᖅᑐᓂᒃ SSi-ᑯᑦ ᐊᑐᐊᒐᖏᓐᓂᒃ ᐊᒻᒪᓗ ᐊᑐᖅᐸᑦᑕᖏᓐᓂᒃ. ᓄᓇᓕᓐᓂ ᐱᔨᑦᓯᕋᐃᔨᒋᔭᐃᑦ ᐱᔪᓐᓇᕐᓂᖃᖏᓚᑦ ᐊᓯᔾᔩᒍᓐᓇᕐᓂᖅ ᐱᔨᑦᓯᕋᖅᑕᐅᓂᕐᒧᑦ ᒪᓕᒐᕆᔭᐅᔪᓂᒃ, ᐱᔨᑦᑎᕋᖅᑕᐅᓂᕐᒧᑦ ᐊᑭᖃᕐᓂᖏᓐᓂᒃ ᐅᕝᕙᓗᓐᓃᑦ ᐊᑭᓕᖅᑐᐃᒍᓐᓇᕐᓂᕐᒧᑦ ᐊᑐᐊᒐᕆᔭᐅᔪᓂᒃ ᖃᓄᑐᐃᓐᓇᑦᑎᐊᖅ, ᓯᕗᓂᐊᒍᑦ ᑎᑎᕋᖅᓯᒪᔪᑎᒍᑦ ᐊᖏᖅᑕᐅᓯᒪᖄᓚᐅᖏᑐᐊᕈᑎᒃ ᑖᒃᑯᓄᖓ SSi-ᑯᓐᓄᑦ.
   5. ᖃᓄᐃᓕᖓᔪᓂᓪᓕ ᑕᐃᒪ ᐊᑐᕆᐊᖃᖅᑎᑕᐅᕕᑦ ᒪᓕᓪᓗᑎᒃ ᓂᐅᕕᖅᐸᓐᓂᕐᓄᑦ ᐊᖏᕈᑏᑦ?
   • ᓂᐅᕕᖅᑎᐅᓂᕐᓄᑦ, ᐃᕝᕕᑦ ᑲᒪᔨᐅᕗᑎᑦ ᒪᓕᒋᐊᖃᕐᓂᖅ ᓂᐅᕕᖅᐸᓐᓂᕐᓄᑦ ᐊᖏᕈᑎᓂᒃ. ᐃᓚᖃᒃᑲᓐᓂᕋᓗᐊᕆᓪᓗᑎᒃ ᐊᓯᖏᓐᓂᑦᑕᐅᖅ, ᒪᑯᓂᖓ ᑲᒪᔨᐅᕗᑎᑦ:
   • ᐊᑭᓕᖅᑐᐃᔭᕆᐊᖃᕐᓂᖅ ᓂᐅᕕᖅᓯᒪᔭᕐᓂᒃ ᑕᒪᐃᓐᓂᒃ ᐊᑭᓕᒐᑦᓴᓕᐊᕆᔭᐅᓯᒪᔪᓂᒃ, ᑕᐃᒃᑯᓂᖓ ᐃᓚᖃᕐᒥᔪᓂᒃ ᑕᒪᐃᓐᓂᒃ ᐊᑭᓖᒐᓛᒍᑕᐅᕙᒻᒥᔪᓂᒃ ᐊᑐᕐᓂᕐᒧᑦ ᐱᔨᑦᓯᕋᐅᑎᓂᒃ ᑕᒪᐃᓐᓂᒃ, ᐊᒻᒪᓗ ᐊᑭᓕᖅᑐᖅᑕᐅᖏᓐᓇᓲᖑᔪᓂᒃ ᑖᒃᓰᔭᖅᑕᐅᕙᑦᑐᓐᓂᒃ;
   • ᐅᔾᔨᖅᑐᑦᓯᐊᕆᐊᖃᕐᓂᖅ ᐊᓯᑎᑦ ᐊᑐᖅᐸᒻᒥᔪᑦ ᐱᔨᑦᓯᕋᐅᑎᓂᒃ ᐃᕝᕕᑦ ᐊᑭᓕᖅᑐᖅᐸᓪᓕᐊᕝᕕᖓᒍᑦ ᐃᓕᓄᓪᓗᓐᓃᑦ ᐊᖏᖅᑕᐅᓯᒪᔪᑦ ᒪᓕᒋᐊᖃᕐᓂᖏᓐᓂᒃ ᓂᐅᕕᖅᑎᐅᓂᕐᓄᑦ ᐊᖏᕈᑎᓂᒃ;
   • ᐅᔾᔨᖅᑐᑦᓯᐊᕐᓂᖅ ᐊᓯᑎᑦ ᐊᑐᖅᐸᑦᑐᑦ ᐊᐅᓚᑦᑎᔨᕈᖅᑕᐃᓕᒪᔭᕆᐊᖃᕐᓂᖏᓐᓂᒃ ᐃᕝᕕᑦ ᐊᑭᓕᖅᑐᖅᐸᓪᓕᐊᕕᖓᓂᒃ ᐱᔨᑦᑎᕋᖅᑕᐅᓂᖏᓐᓂᓗ. ᑕᒪᒃᑯᐊ ᐃᓚᖃᕆᕗᑦ ᓴᐳᓐᓂᐊᕆᐊᖃᕐᓃᕕᑦ ᐊᑐᖅᑕᐅᒍᓐᓇᕆᐊᖃᖏᓂᖏᓐᓂᒃ ᐊᑐᖅᐸᑦᑑᑦ ᐊᑎᖓ ᐅᕝᕙᓗᓐᓃᑦ ᐃᑳᕈᑎᖏᑦ ᐱᔾᔪᑎᖃᖅᑐᑦ ᐊᑭᓕᖅᑐᖅᐸᓪᓕᐊᕕᓐᓂᒃ. ᐃᓕᔅᓯᓐᓂ ᓄᓇᔅᓯᓐᓂ ᐱᔨᑦᓯᕋᐃᔨᐅᔪᑦ ᐊᑐᕈᓐᓇᖅᓯᔭᕆᐊᖃᖏᒻᓚᑦ ᐃᓕᓐᓄᑦ ᑐᕌᖓᔪᓂᒃ ᐅᖄᓚᐅᑎᒃᑯᑦ? ᓂᐱᓕᐅᖅᑕᐅᓯᒪᔪᓂᒃ ᑐᓴᒐᑦᓴᓐᓂᒃ, ᖃᕆᑕᐅᔭᒃᑯᓪᓗᓐᓃᑦ ᑎᑎᖃᖅᑖᑲᐅᑎᒋᕕᓐᓂᒃ, ᖃᐅᔨᒪᔭᐅᔭᕆᐊᖃᖏᒻᒥᔪᑦ ᐃᑲᕈᑎᑦ ᑎᑎᖃᖏᑦ ᑭᓯᐊᓂ ᐊᖏᖅᓯᒪᓪᓗᑐᕐᓗᑎᑦ ᐱᔪᓐᓇᐅᑎᖃᖅᑎᑦᓯᓐᓂᕈᕕᑦ.
   • ᒪᓕᑦᑕᐅᓗᑎᒃ ᒪᓕᒐᕆᔭᐅᔪᑦ ᓂᐅᕕᕐᓂᕐᓄᑦ ᐊᒻᒪᓗ ᐊᑭᓖᔪᓐᓇᐅᑏᓕᕆᔪᓂᒃ ᓯᕗᓂᑦᓴᒥ ᓇᓪᓕᐊᓐᓄᑐᐃᓐᓇᖅ ᐱᔾᔪᑎᖃᖅᑐᓂᒃ ᐱᖁᑎᑖᕆᓯᒪᔭᕐᓂᒃ ᐅᕙᑦᑎᓐᓂᒃ;
   • ᐅᔾᔨᖅᑐᑦᓯᐊᕆᐊᖃᕐᓂᖅ ᖃᓄᐃᑦᑐᑐᐃᓐᓇᐃᑦ ᖃᐅᔨᒪᔾᔪᑎᒃᓴᐃᑦ ᐅᕙᑦᑎᓐᓄᑦ ᖃᐃᑕᑎᑦ ᐃᓕᓐᓂᒃ ᓇᒻᒥᓂᖅ ᐱᔪᑦ ᓄᑕᖑᓂᖅᐹᖑᒋᐊᖃᕐᓂᖏᓐᓂᒃ ᐅᓪᓗᒥᒧᑦ ᐊᒻᒪᓗ ᑕᒻᒪᖅᑕᖅᓯᒪᔭᕆᐊᖃᖏᓂᖏᓐᓂᒃ, ᐊᒻᒪᓗ
   • ᐱᓯᒪᕙᒌᕐᓂᖅ ᓯᕗᓂᐊᒍᑦ ᐊᖏᖅᑕᐅᓯᒪᔾᔪᑎᓂᒃ ᑎᒃᑯᐊᖅᑕᐅᖁᔨᓚᖓᒍᕕᑦ ᓅᑕᐅᖁᔨᓂᐊᕈᕕᓪᓗᓐᓃ ᑕᐃᒃᑯᓂᖓ ᓂᐅᕕᖅᑎᐅᓂᕐᓄᑦ ᐊᖏᕈᑎᓂᒃ ᐊᓯᖕᓄᑦ.
   • ᐊᑐᕐᓂᐊᕈᕕᒋᑦ ᐱᔨᑦᓯᕋᐅᑏᑦ ᐊᖏᕈᑎᒋᒍᕕᒋᓪᓗ ᑖᒃᑯᐊ ᓂᐅᕕᖅᐸᕐᓂᕐᓄᑦ ᐊᖏᕈᑎᑦ, ᒪᑯᓄᖓ ᐊᖏᖅᐳᑎᑦ:
   • ᐊᑐᖅᐸᑦᑕᑎᑦ ᐱᔨᑦᓯᕋᐅᑏᑦ ᓄᖅᑲᖅᑎᑕᐅᓕᕙᓐᓂᐊᖅᑐᑦ ᐊᒻᒪᓗ ᐃᓱᓕᑎᑕᐅᔪᓐᓇᖅᓱᑎᒃ, ᐊᑭᓖᖃᑦᑕᖏᑯᕕᑦ ᐊᑭᓕᖅᑐᕆᐊᓕᓐᓂᒃ ᓇᒻᒪᓈᖅᓯᒪᔪᓂᒃ;
   • ᑕᐃᒪ ᐃᕝᕕᑦ ᑲᒪᔨᐅᕗᑎᑦ ᐊᑐᖅᐸᓐᓂᕐᓄᑦ ᐱᔨᑦᓯᕋᐅᑎᓂᒃ, ᐃᓚᖃᕆᓪᓗᑎᒃ ᖃᓄᐃᓕᐅᖅᐸᓐᓂᕐᓄᑦ ᐊᑐᕐᓗᑎᒃ ᖃᕆᑕᐅᔭᒃᑯᑦ ᐅᖓᓯᑦᑐᒃᑰᕈᑎᓂᒃ;
   • ᑲᒪᔨᐅᔪᓐᓇᕋᕕᑦ ᐊᑐᖅᑕᐅᓂᖏᓐᓄᑦ ᐱᔨᑦᓯᕋᖅᑕᐅᔪᑦ, ᐊᒻᒪᓗ ᐊᑐᖅᐸᓂᕐᓄᑦ ᖃᕆᑕᐅᔭᒃᑯᑦ ᐅᖓᓯᑦᑐᒃᑰᕈᑎᓂᒃ, ᐊᓯᖏᓐᓄᑦ ᐊᑐᖅᑕᐅᕙᓂᖏᓐᓂᒃ ᐱᔨᑦᓯᕋᐅᑎᓂᒃ, ᐊᑖᒍᑦ ᐃᕝᕕᑦ ᐊᑭᓕᖅᑐᐸᓪᓕᐊᕕᖓᒍᑦ ᐅᕝᕙᓗᓐᓃᑦ ᐃᓕᓐᓄᑦ ᐊᖏᖅᑕᐅᓯᒪᔪᓄᑦ;
   • ᑕᐃᒪ ᐃᕝᕕᑦ ᐅᕙᑦᑎᓐᓂᒃ ᖃᐅᔨᑎᑦᑎᕙᓐᓂᐊᖅᑐᑎᑦ ᖃᓄᑐᐃᓐᓇᖅ ᐃᓕᓐᓂᒃ ᐱᔪᑦ ᖃᐅᔨᒪᔾᔪᑎᑦᓴᐃᑦ ᖃᐃᑕᐅᔭᕇᖅᑐᑦ ᐊᓯᔾᔨᖅᑕᐅᒍᑎᒃ; ᐊᒻᒪᓗ
   • ᐅᖃᕐᕕᒋᔪᓐᓇᖅᑕᑎᑦ ᓄᓇᓕᓐᓂ ᐱᔨᑦᑎᕋᐃᔨᑦ ᐅᕝᕙᓐᓃᑦ ᐅᖄᓚᓗᑎᓐ ᐅᕗᖓ 1 (877) 686-2888 (ᓄᓇᕗᒻᒥ)ᓴᓇᔭᐅᓯᒪᓂᖏᓐᓂᒃ ᐱᔪᓂᒃ ᐃᑲᔪᖅᓱᖅᑕᐅᔪᒪᒍᕕᑦ.
   • ᑲᒪᔨᐅᔪᑑᕗᑎᑦ ᓇᐅᑦᓯᖅᑐᐃᔭᕆᐊᖃᕐᓂᖅ ᐊᑐᖅᑕᐅᕙᓪᓕᐊᓂᖏᓐᓂᒃ ᐱᔨᑦᓯᕋᐅᑏᑦ, ᐅᔾᔨᖅᑐᑦᓯᐊᕆᐊᖃᕆᓗᑎᓐ ᐊᖏᖅᑕᐅᓯᒪᖏᑦᑐᑦ ᐊᑐᕆᐊᖃᖏᓂᖏᓐᓂᒃ ᐃᓕᓐᓄᑦ ᐊᑭᓕᖅᑐᖅᑕᐅᔪᓂᒃ ᐊᑐᒐᒃᓴᓕᐊᖑᑎᑕᐅᔪᓂᒃ ᐱᔨᑦᓯᕋᐅᑎᓂᒃ. ᑕᒪᒃᑯᐊ ᐃᓚᖃᕆᕗᑦ ᐸᐸᑦᓯᔭᕆᐊᖃᕐᓂᕐᒥᒃ ᕿᓂᕐᒥᒃ ᐊᒻᒪᓗ SSi-ᑯᑦ ᓇᑦᓴᒐᕐᓂᒃ ᐅᖄᓚᐅᑎᕋᓛᕐᓄᑦ ᐱᔨᑦᓯᕋᐅᑎᓂᒃ ᐊᑐᖅᑎᐅᓐᓂᕐᒧᑦ ᐊᑎᕐᓂᒃ ᐊᒻᒪᓗ ᐃᑳᕈᑎᒋᕙᑦᑕᕐᓂᒃ ᑕᒪᐅᖓᑐᐃᓐᓇᖅ ᐅᖃᐅᓯᐅᑦᑕᐃᓕᒪᓂᖏᓐᓂᒃ.
   • ᑲᒪᔨᐅᕗᑎᓐ ᑕᒪᐃᓐᓂᒃ ᐊᑭᓕᒐᑦᓴᕈᖅᐸᓪᓕᐊᔪᓄᑦ ᐊᑭᓕᖅᑐᖅᐸᓪᓕᐊᕕᒋᔭᕐᓂᒃ. ᑕᒪᓐᓇ ᐃᓚᖃᕆᕗᑦ ᐊᑭᓕᒐᑦᓴᕈᖅᓯᒪᔪᓂᒃ ᓴᕿᑕᐅᕙᓪᓕᐊᔪᓂᒃ ᐊᓯᓐᓄᑦ ᐊᑦᑕᑕᕐᕕᐅᓯᒪᓂᕐᒧᑦ ᐊᑐᕐᓗᑎᒃ ᐃᓕᓐᓄ ᐱᔨᑦᓯᕋᐅᑎᓂᒃ ᐊᑭᓕᖅᑐᖅᑕᑎᒍᑦ, ᐊᑐᕋᓗᐊᕈᑎᒃ ᐱᖁᑎᓂᒃ ᐱᓯᒪᔭᖏᓐᓂ SSi-ᑯᓐᓂᒃ, ᐊᓯᖏᓐᓂᓘᓐᓃᑦ, ᐊᓯᐊᒍᓪᓗᓐᓃᑦ ᐊᑐᖅᑕᖏᓐᓂᒃ.
2. ᐊᑭᓕᖅᓱᐃᓕᕐᓂᖅ ᐊᓯᖏᓐᓂᒃ, ᐊᓯᔾᔨᖅᑕᐅᑎᑦᓯᓂᖅ ᐊᒻᒪᓗ ᐃᓱᓕᑎᑦᑎᓂᖅ SSi-ᑯᑦ ᐱᔨᑦᓯᕋᐅᑎᖏᓐᓂᒃ
   1. ᖃᓄᖅ ᐊᑭᓕᖅᓱᐃᓕᕈᓐᓇᖅᐱᑕ ᓂᐅᕕᕐᓗᑕ ᐊᑐᕈᒪᓂᖅ ᐱᓯᑦᓯᕋᐅᑎᑦᓯᓐᓂᒃ?
   • ᐊᑭᓕᖅᓱᐃᓕᕈᓐᓇᖅᑐᑎᑦ ᐊᑐᕈᒪᓂᖅ ᐱᔨᑦᓯᕋᐅᑎᓂᒃ:
   • ᐊᑎᓕᐅᕈᕕᑦ ᐊᑐᕈᒪᓗᑎᑦ ᐱᔨᑦᓯᕋᑎᐅᓂᒃ ᐃᑲᔪᖅᑕᐅᓗᑎᒃ ᓄᓇᓕᓐᓂ ᐱᔨᑦᓯᕋᐃᔨᐅᔪᓄᑦ, ᐊᖏᖅᑕᐅᓯᒪᔪᓂᒃ SSi-ᑯᓐᓄᑦ ᐊᒻᒪᓗ ᐃᓕᑕᕆᔭᐅᓯᒪᓂᖏᓐᓂᒃ ᐊᑐᕐᓗᑎᑦ SSi-ᑯᑦ ᖃᕆᑕᐅᔭᑯᑦ ᑕᑯᓂᐊᖅᑕᐅᕝᕕᖓᒍᑦ; ᐅᕝᕙᓗᓐᓃᑦ
   • ᑎᑭᓴᐃᓗᑎᑦ ᐱᔨᑦᓯᕋᖅᑕᐅᒍᒪᓂᖅ ᓇᒻᒥᓂᖅ ᑕᐃᑰᓇ SSi-ᑯᑦ ᐅᕝᕙᓗᓐᓃᑦ ᐊᖅᑯᑎᒋᓗᒋᑦ SSi-ᑯᑦ ᖃᕆᑕᐅᔭᒃᑯᑦ ᑕᑯᓂᐊᖅᑕᐅᕝᕕᖓᒍᑦ.
   2. ᖃᓄᖅ ᐊᓯᔾᔨᖅᑕᐅᔪᓐᓇᖅᐸᑦ ᐱᔨᑦᑎᕋᐅᑕᐅᕙᑦᑐᑦ?
   • ᐊᓯᔾᔩᔪᓐᓇᖅᑐᑎᑦ ᐱᔨᑦᓯᕋᖅᑕᐅᔪᓂᒃ ᖃᖓᑐᐃᓐᓇᑦᑎᐊᖅ, ᐅᖃᕐᕕᒋᓗᒋᑦ SSi ᓇᒻᒥᓂᖅ (ᑕᑯᓗᒋᑦ ᑎᑎᕋᖅᓯᒪᓂᖏᓐᓂ 9-ᒦᑦᑐᑦ “ᖃᓄᖅ ᐅᕙᑦᑎᓐᓄᒃ ᐅᖃᕈᓐᓇᕐᓂᖅ”) ᐅᕝᕙᓗᓐᓃᑦ ᖃᕆᑕᐅᔭᒃᑯᑦ ᐅᕙᓂ ᑕᑯᓂᐊᖅᑕᐅᕝᕕᑦᑎᓐᓂᒃ www.ssimicro.com/contact-us ᐅᕝᕙᓗᓐᓂᑦ ᐅᕙᓂ ᑐᑭᓂᐊᕐᕕᒻᒥ ᖃᕆᑕᐅᔭᒃᑯᑦ www.qiniq.com/contact-us .
   • ᐊᑭᓖᒐᓛᒃᑎᑕᐅᔪᓐᓇᖅᐳᑎᑦ ᑲᒪᒋᔭᐅᔭᕆᐊᖃᕐᓂᖏᓐᓄᑦ ᐊᓯᔾᔨᖅᑕᐅᔭᕆᐊᖃᕐᓂᖏᓄᓪᓗᓐᓂᑦ. ᓇᓂᓯᔪᓐᓇᖅᑐᑎᑦ ᑎᑎᕋᖅᓯᒪᔪᓂᒃ ᑕᒪᐃᓐᓂᑦᓯᐊᖅ ᑲᒪᒋᔭᐅᔭᕆᐊᖃᕐᓂᖏᓐᓄᑦ ᐊᑭᖃᖅᑎᑕᐅᓂᖏᓐᓂᒃ ᐊᒻᒪᓗ ᐊᓯᔾᔨᖅᓯᓂᕐᒧᑦ ᐊᑭᓖᒐᓛᒍᑎᓄᑦ ᑕᐃᒃᑲᓂ SSi-ᑯᑦ ᖃᕆᑕᐅᔭᒃᑯᑦ ᑕᑯᓂᐊᖅᑕᐅᕝᕕᖓᒍᑦ.
   • ᑐᑭᓯᕗᑎᓐ ᐊᖏᖅᓱᑎᓪᓗ ᐊᓯᔾᔨᖅᑕᐅᔪᓐᓇᕐᓂᖏᓐᓂᒃ ᐱᔨᑦᓯᕋᐅᑏᑦ ᑕᐃᒃᑯᓄᖓᐃᓐᓇᖅ ᐱᔨᑦᓯᕋᐅᑎᓄᑦ ᐊᑐᐃᓐᓇᐅᑎᑕᐅᔪᓐᓇᕐᓂᖏᓐᓄᑦ SSi-ᑯᓐᓄᑦ ᑭᓯᐊᓂ ᓄᓇᔅᓯᓐᓂ.
   3. ᓄᖃᖅᑎᑦᑎᔪᓐᓇᖅᐱᑕ ᐱᔨᑦᓯᕋᖅᑕᐅᔾᔪᑎᓂᒃ?
   • ᖃᖓᑐᐃᓐᓇᖅ ᓄᖃᖅᑎᑦᑎᔪᓐᓇᖅᑐᑎᑦ ᐱᔨᑦᓯᕋᖅᑕᐅᓂᕐᓂᒃ ᐅᖃᕐᕕᒋᓗᒋᑦ SSi-ᑯᑦ ᓇᒻᒥᓂᖅ (ᑕᑯᓗᒋᑦ ᑎᑎᕋᖅᓯᒪᓂᖏᓐᓂ 9-ᒦᑦᑐᑦ “ᖃᓄᖅ ᐅᕙᑦᑎᓐᓄᒃ ᐅᖃᕈᓐᓇᕐᓂᖅ”) ᐅᕝᕙᓗᓐᓃᑦ ᐃᑲᔪᖅᑕᐅᓗᑎᒃ ᓄᓇᔅᓯᓐᓂ ᐱᔨᑦᓯᕋᐃᔨᓄᑦ. ᓄᓇᔅᓯᓐᓂ ᐱᔨᑦᓯᕋᐃᔩᑦ ᐅᖃᕐᕕᑦᓴᐅᓂᖏᑦ ᖃᐅᔨᔭᐅᔪᓐᓇᖅᐳᑎᑦ ᐅᕙᖓᑦ ᖃᕆᑕᐅᔭᒃᑯᑦ ᑕᑯᓂᐊᖅᑕᐅᕝᕕᖓᒍᑦ www.ssimicro.com/services/#find-provider or www.qiniq.com/mobile#find-provider or www.qiniq.com/internet#find-provider
   • ᓄᖃᖅᑎᑦᓯᓂᖅ ᐊᑭᓖᕙᒌᐸᑦᑕᕐᓂᒃ ᐱᔨᑦᓯᕋᐅᑎᓂᒃ ᐊᑐᓕᕆᐊᕐᓂᐊᖅᐳᑦ ᑕᐃᑲᓂ ᐊᑭᓖᕕᒋᓯᒪᔭᕕᑦ ᑭᖑᓪᓕᕐᐹᒐᓂ ᐃᓱᐊᓂ ᐅᓪᓗᖓᓂᒃ.
   • ᓄᖃᖅᑎᑦᓯᓂᖅ ᐊᑭᓖᕙᒌᐸᑦᑕᕐᓂᒃ ᐱᔨᑦᓯᕋᐅᑎᓂᒃ ᐊᑐᓕᕆᐊᕐᓂᐊᖅᐳᑦ ᑕᐃᑲᓂ ᑭᖑᕙᓯᓐᓂᖅᓴᐅᔪᒥ ᐅᓪᓗᖓᓂᒃ ᓇᓗᓇᐃᖅᓯᒪᔭᕐᓂᒃ ᐅᕝᕙᓗᓐᓃᑦ ᐅᓪᓗᖓᓂᒃ ᑖᒃᑯᐊ SSi-ᑯᑦ ᖃᐅᔨᑎᑕᐅᓂᖏᓐᓂᒃ ᓄᖃᖅᑎᑕᐅᖁᔨᓂᕐᒥᒃ.
   • ᐊᖏᖅᑐᑎᑦ ᑲᒪᔨᐅᓂᖅ ᑕᒪᐃᓐᓂᒃ ᐊᑭᓕᒐᒃᓴᓕᐊᕆᔭᐅᓯᒪᔪᓂᒃ ᐊᑭᓕᓚᖓᓂᖅ ᑎᑭᓪᓗᒍ ᑭᓯᐊᓂ ᐅᓪᓗᖓᓄᑦ ᐊᑐᕈᓐᓃᖁᔭᐅᓚᕐᓂᖏᓐᓂᒃ ᐱᒋᐊᖅᑎᑕᐅᓂᖏᓐᓄᑦ.
   4. ᖃᓄᐃᓕᔭᐅᓲᖑᕙᓪᓕ ᐊᑭᓖᓐᓂᖏᑐᐃᑦ ᓯᕗᓂᐊᒍᑦ ᑕᕿᑕᒫᖅᓯᐅᑎᓂᒃ ᐊᑭᓖᖅᑕᐅᕙᒌᖅᐸᑦᑐᓂᒃ ᐱᔨᑦᓯᕋᐅᑎᖃᕐᓂᖏᓐᓂ?
   • ᑕᕿᑕᒫᖅᓯᐅᑎᓂᒃ ᐊᑭᓖᒐᓛᒍᑎᓂᒃ ᐊᑭᓖᖃᑦᑕᖏᑯᕕᑦ ᑕᐃᒃᑯᓂᖓ ᐃᓚᒋᔭᐅᕙᑦᑐᓐᓂᒃ ᐊᑭᓕᖅᑕᐅᓯᒪᕙᒌᖅᑐᓂᒃ ᐱᔨᑦᓯᕋᐅᑎᓂᒃ, ᐅᓪᓗᖓᓂᒃ ᐊᑭᓕᖅᑕᐅᓯᒪᕕᖏᓐᓂᒃ ᑕᕿᐅᔪᒥ, ᐱᔨᑦᓯᕋᐅᑎᒋᔭᑎᑦ “ᓄᖃᖅᑎᑕᐅᓂᐊᖅᑐᑦ”. ᑕᒪᓐᓇ ᑐᑭᖃᖅᐳᖅ ᐊᑐᕈᓐᓇᔾᔭᖏᑦᑐᑎᑦ ᐱᔨᑦᓯᕋᐅᑎᓂᒃ ᑭᓯᐊᓂ ᐊᑭᓖᓚᐅᕐᓗᒋᑦ ᑕᐃᒃᑯᐊ.
   • ᐱᒋᐊᑦᑎᐊᓕᓴᕈᓐᓇᖅᐳᑎᑦ ᓄᖃᖓᑎᑕᐅᔪᓂᒃ ᐱᔨᑦᓯᕋᐅᑎᓂᒃ ᐊᑭᓖᒍᕕᑦ 90 ᐅᓪᓗᐃᑦ ᐃᓗᐊᓂ. ᐃᓕᓐᓂᒃ ᖃᐅᔨᒪᔾᔪᑎᑦᓴᐃᑦ ᐱᔾᔪᑎᖃᖅᑐᑦ ᓄᖃᖓᖅᑎᑕᐅᓯᒪᓂᖏᓐᓂᒃ ᐱᔨᑦᓯᕋᐅᑎᓂᒃ, ᓱᕐᓗ ᐅᖄᓚᐅᑎᓐᓂᒃ, ᖃᕆᑕᐅᔭᒃᑯᓪᓗᓐᓂᑦ ᑎᑎᖃᖅᑖᑲᐅᑎᒋᕕᓐᓄᑦ ᑐᕌᕈᑏᓗᓐᓃᑦ, ᐸᐸᑕᐅᓯᒪᓂᐅᓂᐊᕐᒪᑕ ᐊᑭᓕᖅᑐᖅᐸᓪᓕᐊᕕᒋᔭᕐᓂᒃ, ᑐᖔᓂᐅᔪᓐᓇᔾᔮᖏᑦᑑᑉ 90 ᐅᓪᓗᐃᑦ, ᐲᔭᖅᑕᐅᓐᓇᖅᓯᓚᐅᖏᓂᖏᓂ SSi-ᑯᑦ ᐱᓕᕆᕕᖏᓐᓂ ᐋᕿᐅᒪᔭᐅᔪᓂ.
   • ᐃᓕᓐᓄᑦ ᐱᔨᑦᓯᕋᐅᑏᑦ ᓄᖃᖓᑎᑕᐅᒍᑎᒃ ᐅᖓᑖᓂ 90-ᓂᒃ ᐅᓪᓗᓂᒃ, ᑕᐃᒃᑯᐊ ᐃᓕᓐᓂᒃ ᖃᐅᔨᒪᔾᔪᑏᑦ / ᐃᓕᑕᖅᓯᒍᑏᑦ ᐱᑕᖃᕈᓃᕈᓐᓇᖅᐳᑦ.
   5. ᑖᒃᑯᐊ SSi-ᑯᑦ ᓄᖃᖅᑎᑦᑎᖃᑦᑕᕈᓐᓇᖅᐸᑦ ᐱᔨᑦᓯᕋᖅᑕᐅᔪᓂᒃ?
   • SSi-ᑯᑦ ᓄᖃᖅᑎᑦᑎᒍᓐᓇᖅᑐᑦ ᓇᓪᓕᐊᓐᓂᑐᐃᓐᓇᖅ ᑕᒪᐃᓐᓂᓗᓐᓃᑦ ᐱᔨᑦᓯᕋᐅᑎᒥᓂᒃ, ᐊᑭᓕᖅᑐᖅᐸᓪᓕᐊᕕᒋᔭᕐᓂᓗᓐᓃᑦ ᐊᓯᖏᓐᓂᓗᓐᓃᑦ ᐃᓚᒋᔭᐅᔪᓂᒃ ᓂᐅᕕᖅᑎᐅᓂᕐᓄᑦ ᐊᖏᕈᑎᓂᒃ, ᑕᐃᒪᓐᓇᕋᑎᓪᓗ ᑭᓯᐊᓂ ᐊᔪᖅᑕᐅᒍᑎᒃ ᒪᓕᒐᖅᑎᒍᑦ, ᑕᐃᒪᐃᑐᓐᓇᕐᓂᖏᓐᓂᒃ ᐊᑐᕈᓐᓇᕐᒪᑕ ᓯᕗᓂᐊᒍᑦ ᖃᐅᔨᑎᑕᐅᑦᑎᐊᑐᐊᕈᕕᑦ ᒪᕐᕈᐃᖅᑕᖅᑕᐅᓗᑎᓪᓗᓐᓃᑦ, ᐃᓚᒋᔭᖅ ᑖᒃᑯᓄᖓ ᐊᑯᓂᐅᖃᕆᐊᖃᖅᓱᓂ 14-ᓂᒃ ᐅᓪᓗᓂᒃ ᐅᖓᑖᓃᓗᓐᓃᑦ, ᐊᑐᕈᓐᓃᖅᑎᑕᐅᓗᑎᒃ, ᐊᒻᒪᓗ ᑐᒡᓕᕆᔭᐅᔪᒥᒃ ᖃᐅᔨᑎᑕᐅᓗᑎᑦ ᑕᒫᓂ 24 ᐃᑲᕐᕋᐃᑦ ᓯᕗᓂᖓᒍᑦ ᓇᑲᑕᐅᓚᐅᖏᓐᓂᖏᓐᓂᒃ. ᐊᑭᓕᒐᑦᓴᐃᑦ ᐊᑐᖅᑕᐅᔪᓐᓇᖅᑐᑦ ᑲᔪᓯᑎᑕᐅᓂᐊᖅᑐᑦ ᑎᑭᓪᓗᒍ ᐊᑐᕈᓂᕐᕕᖏᓐᓄᑦ ᐅᓪᓗᖏᓐᓄᑦ.
   • ᐊᔪᕐᓇᖅᑎᑦᑎᔪᓐᓇᖅᑐᒍᑦ, ᓄᖃᖅᑎᑦᑎᔪᓐᓇᖅᑐᒍᑦ, ᓇᑲᑕᐅᑎᑦᑎᔪᓐᓇᖅᑐᒍᑦ ᐊᑐᕈᓐᓃᖅᑎᑦᑎᓗᑕᓗᓐᓃᑦ ᓇᓪᓕᐊᖕᓂᑐᐃᓐᓇᖅ ᑕᒪᐃᓐᓂᒡᓗᓐᓃᑦ ᐃᓕᓐᓄᑦ ᐱᔨᑦᓯᕋᐅᑎᓂᒃ, ᐊᑭᓕᖅᑐᖅᐸᓪᓕᐊᕕᒋᔭᕐᓂᒃ ᐃᓕᓐᓂᓗᓐᓃᑦ ᐃᓕᑕᕆᔭᐅᔪᓐᓇᐅᑎᓂᒃ, ᖃᓄᑐᐃᓐᓇᖅ, ᖃᐅᔨᑎᑕᐅᔭᕆᐊᖃᖏᑦᑐᒥᒃ, ᐃᓕᖕᓄᓪᓗᓐᓃ ᐸᓯᒃᓯᓗᑕᐅᔪᓐᓇᖏᑦᑐᓂᒃ ᐃᒪᐃᓐᓇᐃᓕᐅᕈᕕᑦ:
   • ᓱᕋᐃᓯᒪᒍᕕᑦ ᓂᐅᕕᖅᐸᖕᓂᕐᒧᑦ ᐊᖏᕈᑎᓂᒃ, ᑕᐃᒃᑯᓂᖓᓗ ᐃᓚᖃᖅᑐᓂᒃ ᐊᑭᓖᖏᓐᓂᕐᒧᑦ
   • ᐅᖓᑕᐅᔾᔨᓯᒪᒍᕕᑦ ᐊᑐᕈᓐᓇᖅᑕᕐᓂᒃ ᐃᓱᖃᖅᑎᑕᐅᓂᖏᓐᓂᒃ;
   • ᓇᒪᔪᓂᒃ ᐱᑕᖃᖅᑎᑦᑎᖏᒃᑯᕕᑦ ᐊᑭᓕᐅᑎᓂᒃ ᐃᓕᓯᓯᒪᔭᕆᐊᖃᕈᑎᓂᒃ ᐊᓯᖏᓐᓂᒡᓗᓐᓃᑦ ᐊᑭᓕᐅᑕᐅᓕᕈᓐᓇᕋᔭᖅᑐᓂᒃ, ᐃᓕᓯᖁᔭᐅᓯᒪᒍᕕᑦ;
   • ᐊᖏᕈᕕᑦ ᑭᖑᕙᕆᐊᖅᑕᐅᓯᒪᓂᐊᓕᖅᑐᓂᒃ ᐊᑭᓖᔪᓐᓇᖅᑎᑕᐅᓂᖅ; ᒪᓕᒍᓐᓃᕈᕕᒋᓪᓗ ᑕᐃᒃᑯᐊ ᒪᓕᒐᕆᔭᖏᑦ;
   • ᐅᖓᑕᐅᔾᔨᒍᕕᑦ ᓈᒪᔪᓂᒃ ᐊᑐᕈᓐᓇᑕᕐᓂᒃ ᐃᓱᖃᖅᑎᑕᐅᓂᖏᓐᓂᒃ;
   • ᖃᐃᑦᑎᓯᒪᒍᕕᑦ ᓱᓕᓐᖏᑦᑐᓂᒃ, ᖃᐅᔨᔭᐅᑎᑦᑎᑕᐃᓕᒪᒋᐊᕈᑎᓂᒃ ᐱᑐᖃᓗᐊᖅᑐᓂᒡᓗᓐᓃᑦ ᖃᐅᔨᒪᔾᔪᑎᑦᓴᕆᒋᐊᓕᑦᑎᓐᓂᒃ;
   • ᑐᑭᓕᐅᑐᐃᓐᓇᕐᓗᑕ ᐸᓴᒍᓯᓕᕈᑦᑕ ᐅᕝᕙᓗᓐᓃᑦ ᑐᑭᓕᐅᕈᑦᑕ ᓇᓪᓕᐊᑐᐃᓐᓇᐃᑦ ᐊᑭᓕᖅᑐᐃᕕᒋᕙᒃᑕᕐᓂᒃ, ᐃᓕᑕᕆᔭᐅᔾᔪᑎᒋᔭᑎᑦ, ᐱᔨᑦᓯᕋᐅᑏᓪᓗᓐᓃᑦ ᐱᖁᑏᓪᓗᓐᓃᑦ ᐋᕿᐅᒪᓂᖏᓐᓂᒃ ᐱᕋᔭᒍᓯᕆᔭᐅᓯᒪᓂᖏᓐᓂᒃ, ᒪᓕᒐᕐᓂᒃ ᓱᕋᐃᒍᑕᐅᓯᒪᔪᓂᒃ ᐅᕝᕙᓗᓐᓃᑦ ᓈᒻᒪᖏᑦᑐᓂᒃ ᐊᑐᖅᑕᐅᕙᓐᓂᖏᓐᓂᒃ ᐱᐅᖏᑦᑐᒥᒃ ᐊᑦᑐᖅᓯᓯᒪᓗᑕᐅᓕᖅᑐᓂᒃ ᐊᐅᓚᑦᑎᕙᓐᓂᑦᑎᓐᓂᒃ, ᐊᑐᖅᑕᐅᒍᓐᓇᕐᓂᖏᓐᓄᓪᓗᓐᓃᑦ ᐱᔨᑦᓯᕋᖅᐸᑕᕗᑦ, ᐱᖁᑎᕗᓪᓗᓐᓃᑦ ᖃᕆᑕᐅᔭᒃᑯᕈᑎᓄᓪᓗᓐᓃᑦ ᐊᓯᑦᑎᓐᓄᑦ;
   • ᐸᕝᕕᓴᐃᖃᑦᑕᕈᕕᑦ, ᐅᓗᕆᐊᓇᖅᓵᕆᕙᒃᑯᕕᑦ, ᐱᔮᕆᕙᒃᑯᕕᓪᓗᓐᓃᑦ ᐅᕙᑦᑎᓐᓂᒃ, ᐃᖃᓇᐃᔭᖅᑎᕗᓪᓗᓐᓃᑦ, ᓄᓇᓕᓐᓂᓗᓐᓃᑦ ᐱᔨᑦᓯᕋᐃᔨᓂᒃ ᐊᓯᖏᓐᓂᓗᓐᓃᑦ ᑭᒡᒐᖅᑐᐃᔨᓂᒃ;
   • ᐱᕋᔭᓪᓗᑎᑦ ᓈᒻᒪᖏᑦᑐᒥᓗᓐᓃᑦ ᐊᑐᕈᕕᑦ ᐊᑭᓖᑦᑕᐃᓕᒪᓂᕐᒧᑦ ᐅᕙᑦᑎᓐᓂᒃ;
   • ᐃᓕᐅᖃᐃᒋᐊᖃᓕᕐᓂᕈᑦᑕ, ᓴᓇᔭᐅᑎᑦᑎᓗᑕ, ᖃᐅᔨᓴᖅᑕᐅᓗᑎᒃ, ᐋᕿᒋᐊᖅᑕᐅᓕᕐᓗᑎᒃ, ᐲᔭᖅᑕᐅᓗᑎᒃ, ᐊᓯᔾᔨᖅᑕᐅᒍᑎᒃ, ᖃᐅᔨᓴᖅᑕᐅᒋᐊᑦᓯᐊᕈᑎᒃ, ᓴᐳᓐᓂᐊᖅᑕᐅᓕᕈᑎᒃ, ᐋᕿᒋᐊᖅᑕᐅᓕᕈᑎᒃ, ᓄᑖᕈᕆᐊᖅᑕᐅᓕᕈᑎᒡᓗᓐᓃᑦ ᐅᕝᕙᓗᓐᓃᑦ ᐱᐅᓯᒋᐊᖅᑕᐅᓯᒪᓕᕈᑎᒃ ᐊᐅᓚᑦᑎᓂᕐᒧᑦ ᐱᔨᑦᑎᕋᐅᑏᑦ, ᐱᖁᑏᓪᓗᓐᓃᑦ, ᐃᓪᓗᖁᑎᕗᓪᓗᓐᓂᑦ, ᐃᖃᓇᐃᔭᕐᕕᑉᐳᓪᓗᓐᓃᑦ;
   • ᖃᓄᑐᐃᓐᓇᖅ ᐊᑭᓕᖅᑐᐃᕙᓪᓕᐊᕕᑦ ᐱᔨᑦᓯᕋᐅᑏᓪᓗᓐᓃᑦ ᐱᔨᑦᓯᕋᖅᑕᐅᔪᓐᓇᕐᓂᕐᒧᑦ ᑐᖓᕕᐅᔪ ᐊᑐᕈᓃᑎᖅᑕᐅᓐᓂᕈᑎᒃ ᖃᓄᑐᐃᓐᓇᖅ ᐱᔾᔪᑎᖃᕐᓗᑎᒃ;
   • ᑐᑭᓕᐅᑐᐃᓐᓇᕐᓗᑕ ᓱᓕᔪᖅᓴᓕᕈᑦᑕ ᑐᐊᕕᕐᓇᖅᑐᖃᕐᓂᖓᓂᒃ ᐅᕝᕙᓗᓐᓃᑦ ᓂᕆᐅᓇᖏᑦᓯᐊᖅᑐᓂᒃ ᖃᓄᐃᓕᖓᔪᖃᕐᓂᖓᓄᑦ ᖃᓄᐃᓕᐅᕈᑕᐅᒋᐊᓕᕋᔭᖅᑐᓂᒃ ᐅᕙᑦᑎᓐᓄᑦ.
   • ᐊᔪᕐᓇᖅᓯᑎᑦᑎᒍᑦᑕ, ᓄᖃᖓᑎᑦᑎᓕᕈᑦᑕ, ᒪᑐᐃᖅᑕᐅᒍᓐᓇᐃᓪᓕᑎᑦᑎᒍᑦᑕ, ᓇᑲᑕᐅᑎᑦᒍᑦᑕ ᐅᕝᕙᓗᓐᓃᑦ ᐊᑐᕈᓃᖅᑎᑦᑎᒍᑦᑕ ᐃᓕᓐᓄᑦ ᐱᔨᑦᓯᕋᐅᑎᓂᒃ ᐊᑭᓕᖅᑐᖅᐸᓪᓕᐊᔭᕐᓂᓗᓐᓃᑦ:
   • ᐊᑭᓖᔭᕆᐊᖃᖅᐳᑎᑦ ᑮᓇᐅᔭᓂᒃ ᐅᕙᑦᑎᓐᓄᒃ ᐊᑭᓕᑦᓴᕆᔭᕐᓂᖅ;
   • ᐊᔪᓕᖅᑎᑦᑎᒍᓐᓇᕐᒥᔪᒍᑦ, ᓄᖃᖅᑎᑦᑎᓗᑕᓗᓐᓃᑦ, ᐊᖅᑯᑎᖃᕈᓃᖅᑎᑦᑎᒍᓐᓇᕐᓂᕐᓗᓐᓃᑦ, ᐊᑐᕈᓃᖅᑎᑦᑎᓗᑕᓗᓐᓃᑦ, ᖃᐅᔨᑎᑦᑎᖏᓗᑎᒃ ᐸᓯᔭᑦᓴᐅᔪᓐᓇᕋᑕᓗ, ᐱᔨᑦᓯᕋᖅᑕᐅᓂᕐᓂᒃ ᐊᑐᕐᓗᑎᑦ ᓂᐅᕕᖅᐸᑦᑐᑦ ᐊᖏᕈᑎᖏᓂᒃ ᐅᕝᕙᓗᓐᓃᑦ ᐃᕝᕕᑦ ᐊᑭᓕᖅᑐᕐᕕᖓᒍᑦ ᐅᕙᑦᑎᓐᓄᑦ, ᐃᓚᖃᕈᓐᓇᕆᓪᓗᑎᒃ ᑕᐃᒃᑯᐊ ᐊᑭᓕᖅᑐᕐᕕᒋᔭᕐᓂᒃ ᖃᓄᐃᖏᑦᑎᐊᖅᑐᓂᒃ;
   • ᐊᑭᓕᒃᓴᓂᒃᑕᐅᔪᓐᓇᖅᐳᑎᑦ ᖃᓄᑐᐃᓐᓇᖅ ᐊᑭᖃᕈᓐᓇᖅᑐᓂᒃ ᐊᑭᓕᖅᑐᕆᐊᖃᓕᓚᐅᖅᑕᑦᑎᓐᓄᑦ ᐃᓚᒋᔭᐅᔪᓄᓪᓗᓐᓃᑦ ᓇᓂᑐᐃᓐᓇᖅ SSi-ᑯᑦ ᑎᒥᖁᑎᖏᓐᓄᑦ ᐱᔾᔪᑎᖃᖅᑐᓂᒃ ᓱᕋᐃᓂᕐᓂᒃ ᑕᒪᒃᑯᐊ ᒪᓕᒐᕆᔭᐅᔪᓂᒃ, ᐃᓚᖃᕈᓐᓇᕐᒥᔪᓂᒃ ᐊᑭᓕᕆᐊᓕᓐᓂᒃ ᐃᓕᓐᓂᒃ ᒪᓕᒃᑕᐅᑎᑦᓯᒐᓱᐊᕆᐊᖃᓕᓚᕐᓂᕐᒧᑦ;
   • ᐊᑐᕈᓐᓇᐅᑎᒋᔭᑎᑦ ᑐᐊᕕᕐᓇᖅᑐᓕᕆᓂᕐᒧᑦ ᐃᑲᔪᖅᑕᐅᔾᔪᑎᑦᓴᓄᓪᓗᓐᓃᑦ ᐱᔨᑦᓯᕋᐅᑎᓄᑦ (ᓲᕐᓗ ᐆᑦᑑᑎᒋᓗᒋ 9-1-1-ᒧᑦ ᑐᐊᕕᕐᓇᖅᑐᓕᕆᔨᓄᑦ, ᐊᑐᐃᓐᓇᐅᔪᓐᓇᕐᓂᖏᓐᓂ) ᐃᓱᖃᖅᑎᑕᐅᓕᕈᓐᓇᖅᑐᑦ, ᓄᖃᖓᑎᑕᐅᔪᓐᓇᖅᑐᑦ, ᐊᖅᑯᑎᖃᕈᓃᖅᑎᑕᐅᔪᓐᓇᖅᑐᑎᑦ ᓯᒥᒃᑕᐅᓗᑎᒃ, ᓇᑲᑕᐅᓗᑎᓪᓗᓐᓃᑦ ᓄᖃᖅᑎᑕᐅᓗᑎᓪᓗᓐᓃᑦ;
   • ᐊᑭᓕᖅᑐᖅᐸᓪᓕᐊᔭᑎᑦ ᐱᔨᑦᓯᕋᖅᑕᐅᓂᕐᒧᑦ SSi-ᑯᑦ ᐊᓯᖏᓐᓄᑦ ᑎᒥᖁᑎᒋᔭᐅᔪᓄᑦ ᐊᓯᔾᔨᖅᑕᐅᒍᓐᓇᑐᐃᓐᓇᕆᐊᖃᕆᕗᑦ ᒪᓕᑦᑕᐅᓗᑎᒃ ᑕᐃᒃᑯᓇᓂ ᒪᓕᒐᖏᑦ ᐱᔨᑦᓯᕋᖅᑕᐅᒍᓐᓇᕐᓂᕐᒧᑦ; ᐊᒻᒪᓗ
   • ᐱᔨᑦᓯᕋᐅᑏᑦ ᐊᑐᖅᐸᑦᑕᑎᑦ ᓄᖃᖅᑎᑕᐅᓯᒪᓕᕈᑎᑦ SSi-ᑯᑦ ᐊᑭᓖᒐᓛᑦᑎᑦᑎᔪᓐᓇᖅᐳᑦ ᐱᒋᐊᖅᑎᑦᑎᒃᑲᓐᓂᕈᑎᑦᓴᓂᒃ ᐱᔨᑦᓯᕋᐅᑎᓂᒃ ᐃᓕᓐᓄᑦ ᐊᑐᒐᑦᓴᐅᓂᐊᖅᑐᓂᒃ, ᑕᐃᒃᑯᐊᓗ ᐊᑐᖅᐸᓚᐅᖅᑕᑎᑦ ᐃᓕᓐᓂᒃ ᐃᓕᑕᕆᔭᐅᓯᒪᔾᔪᑏᑦ ᐊᑐᐃᓐᓇᐅᒍᓐᓇᐃᓕᑎᑕᐅᓯᒪᓚᖓᓪᓗᑎᒃ.
   • ᐃᓚᖏᑦ ᑎᑎᕋᖅᓯᒪᓂᖏᓐᓂ ᐃᓗᓕᖏᑦ ᑖᒃᑯᓇᓂ ᐱᔨᑦᓯᕋᖅᑕᐅᓂᕐᒧᑦ ᒪᓕᒐᐃᑦ ᓱᓕ ᐊᑐᕐᓂᐊᕐᒥᔪᑦ ᐊᑑᑎᖃᕈᓐᓇᕐᒪᑕ ᓄᖃᖅᑎᑕᐅᓯᒪᓕᕋᓗᐊᖅᑐᓄᓪᓗ ᐱᔨᑦᓯᕋᐅᑎᒋᔭᕐᓄᑦ ᐅᕝᕙᓗᓐᓂᑦ ᐊᑭᓕᖅᑐᖅᐸᓪᓕᐊᕕᒋᔭᕐᓂᒃ, ᐃᓚᖃᕈᓐᓇᕆᓪᓗᑎᒃ ᐊᑭᓖᖅᑕᐅᖄᕆᐊᖃᕋᔭᖅᑐᓂᒃ, ᓱᓕ ᐊᑭᓕᑦᓴᕆᔭᕐᓂᒃ ᐊᑭᓕᖅᓯᒪᖏᑦᑐᓂᒃ.
3. ᐊᑭᓕᕆᐊᓖᑦ ᐊᒻᒪᓗ ᐊᑭᓕᖅᑐᖅᑕᐅᓂᖏᑦ
   1. ᖃᓄᕐᓕ SSi-ᑯᑦ ᑲᒻᐸᓂᖓᑦ ᐊᑭᓕᑦᓴᓂᑦᓯᓲᖑᕙᑦ ᐃᓕᓐᓂ ᓂᐅᕕᖅᑎᐅᓪᓗᑎᑦ ᑕᐃᒃᑯᓂᖓ ᐊᑭᓕᖅᐸᒌᖅᓯᒪᔪᓂᒃ ᐱᔨᑦᓯᕋᐅᑎᓂᒃ?
   • ᓂᐅᕕᖅᑎᐅᓪᓗᑎᑦ ᐊᑭᓕᖅᑕᐅᕙᒌᕆᐊᓕᓐᓂᒃ ᐱᔨᑦᓯᕋᐅᑎᓂᒃ ᐊᑐᕈᓐᓇᕐᓂᕐᒥᒃ, ᐊᑭᓖᕙᒌᖃᑦᑕᕐᓂᐊᖅᑐᑦ ᐱᔨᑦᓯᕋᐅᑎᓄᑦ ᐸᕐᓇᐅᑎᒋᔪᒪᔭᕐᓄᑦ, ᓂᕈᐊᖅᓯᒪᔭᕐᓂᒃ. ᓲᕐᓗ ᐆᑦᑑᑎᒋᓗᒍ, ᐊᑎᓕᐅᖅᓯᒪᒍᕕᑦ ᐱᔨᑦᑎᕋᐅᑎᓂᒃ ᐊᑐᕈᒪᓂᖅ ᓂᐅᕕᖅᐸᓐᓂᐊᖅᑕᕐᓂᒃ ᑕᕿᑕᒫᖅᓯᐅᑎᓂᒃ, ᐱᔨᑦᓯᕋᐅᑏᓪᓗ ᐸᕐᓇᐅᑏᑦ ᐊᑐᕐᓂᐊᖅᑐᑎᑦ ᐱᒋᐊᖅᑎᑕᐅᓯᒪᒍᑎᒃᒃ ᓄᕕᐱᕆ 14-ᒥ, ᐊᑭᓖᕙᒌᕆᐊᖃᕐᓂᐊᖅᑕᑎᑦ ᑕᖅᑭᓪᓗᐊᑕᕐᒥᒃ ᓯᕗᓂᐊᒍᑦ 14. ᑖᒃᑯᓇᓂ ᐆᑦᑐᑎᒋᔭᐅᔪᓂ, ᐊᑭᓖᔭᕆᐊᖃᕐᓂᐊᖁᑎᑦ ᑭᖑᓂᐊᒍᑦ ᑎᓯᐱᕆ 14-ᖑᓕᕐᒥᑉᐸᑦ.
   • ᐊᑭᓖᕙᒌᖃᑦᑕᕈᓐᓇᕐᒥᔪᑎᓐ ᑕᖅᑭᓪᓗᐊᑕᐅᑉ ᐅᖓᑖᑕ ᓯᕗᓂᐊᒍᑦ. ᑕᕿᑕᒪᖅᓯᐅᑎᑎᒎᖓᓂᖏᑦ ᐱᔨᑦᓯᕋᐅᑏᑦ ᐸᕐᓇᐅᑏᑦ ᐊᑭᓕᖅᑐᖅᑕᐅᕙᓐᓂᖏᑦ ᐊᑐᕐᓂᖓᓄᑦ ᑕᖅᑭᐅᔪᒥ ᐅᑎᖅᑎᑕᐅᒍᓐᓇᓲᖑᖏᓪᓚᑦ.
   • ᓂᐅᕕᖅᑎᐅᓪᓗᑎᑦ ᐊᑭᓕᖅᑕᐅᕙᒌᕆᐊᓕᓐᓂᒃ ᐱᔨᑦᓯᕋᐅᑎᓂᒃ ᓇᑦᓴᒐᕐᓂᒃ ᐅᖄᓚᐅᑎᕋᓛᕐᓂᒃ SSi-ᑯᑦ ᐅᖄᓚᐅᑎᕋᓛᖃᖅᑎᑕᖏᓐᓂᒃ, ᓂᐅᕕᕈᓐᓇᖅᐳᑎᑦ ᐱᔨᑦᓯᕋᐅᑎᓂᒃ, ᓲᕐᓗ ᐆᑦᑑᑎᒋᓗᒍ, ᐊᓯᒃᑲᓐᓂᖏᓐᓂᒃ ᐃᓚᒋᐊᕈᑎᓂᒃ ᐅᖓᓯᑦᑐᒃᑰᕈᑎᑦᓴᓂᒃ ᒥᓂᑦᓯᓂᒃ ᐊᑐᒐᑦᓴᓂᒃ, ᐊᐅᓪᓚᖅᓯᒪᓗᑎᓪᓗᓐᓃᑦ ᖃᕆᑕᐅᔭᓕᕆᔪᓐᓇᐅᑎᖃᖅᑐᓂᒃ ᐅᕝᕙᓗᓐᓃᑦ ᓄᓇᕐᔪᐊᕐᒥ ᓇᒧᑐᐃᓐᓇᖅ ᐅᖓᓯᑦᑐᒧᑦ ᐅᖄᓚᔪᓐᓇᐅᑎᓂᒃ, ᓴᓂᐊᓂ ᑕᐃᒃᑯᓇᖓᑦ ᐃᓚᒋᔭᐅᔭᕇᖅᑐᓂ SSi-ᑯᓐᓄᑦ ᓇᑦᓴᒐᕐᓄᑦ ᐅᖄᓚᐅᑎᕋᓚᓄᑦ ᐱᔨᑦᓯᕋᐅᑎᖏᓐᓂᒃ ᐸᕐᓇᐅᑕᐅᑎᓂᕐ ᐊᑐᖅᐸᑦᑕᕐᓂᒃ.
   • ᓂᐅᕕᕈᒪᓂᐊᕈᕕᑦ ᐃᓚᒋᐊᕈᑎᑦᓴᓂᒃ ᐊᑐᒐᒃᓴᓂᒃ ᐱᔨᑦᓯᕋᐅᑎᓂᒃ, ᐃᓕᓯᓯᒪᔭᕆᐊᖃᕐᓂᐊᖅᐳᑎᑦ ᑮᓇᐅᔭᓂᒃ ᑕᐃᒃᑯᓄᖓ ᐃᓕᓯᕕᐅᕙᑦᑐᓄᑦ ᐊᑐᒐᑦᓴᕆᓂᐊᖅᑕᕐᓄᑦ, ᖃᓪᓗᓈᑎᑐᑦ ᑕᐃᔭᐅᔪᓂᒃ Mobile Wallet-ᒥᒃ ᐊᓯᖏᓐᓄᓪᓗᓐᓃᑦ ᐊᑭᓕᖅᑐᐃᕕᒋᕙᑦᑕᕐᓄᑦ SSi-ᑯᑦ ᐅᖄᓚᐅᑎᕋᓚᖃᖅᑎᑦᑎᑕᖏᓐᓂᒃ ᓯᕗᓂᐊᒍᑦ ᐊᑐᕐᓂᐊᖅᑕᕐᓂᒃ. ᓇᓚᐅᑖᖃᑦᑕᕈᓐᓇᕋᕕᑦ ᖃᓄᑎᒋ ᐱᓯᒪᔭᕆᐊᖃᕐᓂᐊᕐᒪᖔᖅᐱᑦ ᕿᒥᕐᕈᓇᓚᐅᕐᓗᑎᒃ ᐊᑭᖃᕐᓂᖏᑦ ᐃᓚᒋᐊᕆᔪᓐᓇᕐᓂᕐᒧᑦ ᐊᑐᕈᓐᓇᕐᓂᐊᖅᑕᑎᓂᒃ, ᐅᕙᓂ ᑎᑎᕋᖅᓯᒪᔪᓂᒃ ᖃᕆᑕᐅᔭᒃᑯᑦ ᑕᑯᓂᐊᖅᑕᐅᕕᖓᒍᑦ www.qiniq.com/mobile/#rates ᐅᕝᕙᓗᓐᓃ ᐅᕙᓂ ᑕᑯᔭᑦᓴᐅᒻᒥᔪᓂ ᑕᑯᓂᐊᖅᑕᐅᕕᖓᑕ ᑐᕌᕈᑎᖓᓂ www.qiniq.com/mobile-wallet.
   • ᐃᓕᓯᕙᒌᕈᒪᓂᐊᕈᕕᑦ ᑮᓇᐅᔭᓂᒃ ᐊᑭᓕᖅᑐᖅᕕᒋᕙᑦᑕᕐᓄᑦ ᐅᕝᕙᓗᓐᓂᑦ ᑕᐃᑯᖓ ᐊᑐᒐᑦᓴᓄᑦ ᐃᓕᓯᕕᓐᓄᑦ ᑕᐃᔭᐅᔪᒥ Mobile Wallet-ᒥ, ᐃᓕᓯᔪᓐᓇᖅᑐᑎᑦ ᑮᓇᐅᔭᓂᒃ ᑕᐃᑰᓇ ᓄᓇᔅᓯᓐᓂ ᐱᔨᑦᓯᕋᐃᕕᓐᓄᑦ, ᐊᑭᓕᕙᓪᓗᑎᒃ ᐊᑐᕐᓗᒋᑦ ᐊᑭᓕᑦᓴᓂᒍᓐᓇᐅᑏᑦ ᐸᐸᑕᒐᐃᑦ ᐅᕝᕙᓗᓐᓃᑦ ᐊᓯᖏᓐᓂᒃ ᐊᑐᕐᓗᑎᑦ ᐊᑭᓕᑦᓴᓂᒍᓐᓇᐅᑎᒋᔭᕐᓂᒃ ᐸᐸᑕᕐᓂᒃ ᐅᕙᑎᓐᓂᒃ ᐊᑭᓕᖅᑐᐃᕕᒋᔭᕐᓂᒃ.
   • ᑐᑭᓯᒋᐊᑦᑎᐊᒃᑲᓂᕈᒪᒍᕕᑦ ᑕᐃᒃᑯᓂᖓ ᐃᓕᓯᕕᐅᕙᒌᕈᓐᓇᖅᑐᓂᒃ ᐊᑭᓖᕕᓐᓂᒃ ᑕᐃᔭᐅᔪᓂᒃ Mobile Wallet-ᒥᒃ ᖃᕆᑕᐅᔭᒃᑯᑦ ᐅᓇ ᑕᑯᓂᐊᕈᓐᓇᖅᑕᐃᑦ: www.qiniq.com/mobile-wallet.
   • ᖃᖓᑐᐃᓐᓇᖅ ᓂᐅᕕᖅᐸᒃᑐᑦ ᐊᑭᓖᕙᒋᖅᓯᒪᔪᓂᒃ ᐱᔨᑦᓯᕋᐅᑎᓂᒃ ᐱᔪᓐᓇᐅᑎᖃᕐᓂᐊᖏᑦᑐᖅ ᐅᖓᑕᐅᔾᔨᖃᑦᑕᕈᓐᓇᕐᓂᕐᒥᒃ ᐊᑐᕈᓐᓇᖅᑎᑕᐅᔪᓂᒃ ᐱᔨᑦᓯᕋᐃᓂᕐᒧᑦ ᐸᕐᓇᐅᑎᒥᓂᒃ ᑭᓯᐊᓂ ᐊᒥᐊᒃᑯᓯᒪᒍᑎᒃ ᐊᑐᒐᑦᓴᓂᒃ ᓂᐅᕕᖅᐸᒃᑑᑦ ᐊᑭᓕᖅᑐᖅᐸᓪᓕᐊᕕᖓᓂᒃ ᐅᕝᕙᓗᓐᓃᑦ ᐃᓕᓯᓯᒪᓂᖓᓂᒃ ᑕᐃᑯᖓ ᐊᑭᓕᖅᑐᐃᕕᖓᓄᑦ Mobile Wallet-ᑯᑦ.
   • ᐊᒥᐊᒃᑯᓯᒪᐃᓐᓇᕐᓂᐊᕈᕕᑦ ᐊᑐᒐᑦᓴᖃᐃᓐᓇᕐᓗᑎ ᐊᑭᓕᖅᑐᐃᕕᒋᔭᕐᓂᒃ ᐅᕝᕙᓗᓐᓃᑦ ᓂᐅᕕᕈᑎᓂᒃ ᐃᓕᓯᓯᒪᕕᓐᓂᒃ Mobile Wallet-ᑯᑦ, ᐊᖏᖅᓯᒪᕗᑎᓐ ᐊᒧᓯᕙᓐᓂᐊᕐᓂᖅ ᑕᐃᑯᓂᖓ ᐊᒥᐊᒃᑯᖏᓐᓂᒃ ᐊᑭᓕᐅᑎᒋᓂᐊᕋᕕᒋᑦ ᐊᑐᕈᓐᓇᖅᑕᕐᓄᑦ ᐊᑭᖃᖅᑐᓄᑦ, ᓴᓂᐊᓂ ᑕᐃᒃᑯᓂᖓ ᐊᑐᒐᑦᓴᓕᐅᕆᔭᐅᔭᕆᖅᑐᓂᒃ ᐱᔨᑦᓯᕋᖅᑕᐅᓂᕐᒧᑦ ᐸᕐᓇᐅᑎᓂᒃ ᐊᑐᖅᑕᕐᓂᒃ.
   • ᐊᒥᐊᒃᑯᖏᑦ ᐊᑭᓕᖅᑐᐃᕕᒋᔭᕐᓃᑐᐃᑦ ᐅᕝᕙᓘᓐᓃᑦ ᐃᓕᓯᕕᒋᕙᑦᑕᕐᓂᒃ ᐊᑭᓖᕙᒌᕈᑎᓃᑦᑐᐃᑦ Mobile Wallet-ᓂᖕ ᐃᓱᖃᖅᑎᑕᐅᕙᖏᓚᑦ ᑕᖅᑭᐅᑉ ᐊᑐᖅᑑᑉ ᐱᔨᑦᓯᕋᖅᑕᐅᓂᕐᒧᑦ ᐸᕐᓇᐅᑎᖏᓐᓂ ᐊᑐᒐᑦᓴᐃᑦ ᐃᓱᓕᑲᓗᐊᕈᑎᒃ.
   • ᐊᑐᕈᓐᓃᖅᑎᑦᑎᒍᕕᑦ ᐱᔨᑦᓯᕋᖅᑕᐅᔪᓂᒃ, ᐊᒥᐊᒃᑯᖏᑦ ᐊᑭᓕᖅᑐᐃᕙᒃᑕᕕᑦ ᐅᕝᕙᓗᓐᓃᑦ ᐃᓕᓯᓯᒪᕕᖕᓂᒃ ᐃᓕᓯᒪᔭᑎᑦ Mobile Wallet-ᒥ ᐃᓕᓐᓄᑦ ᐅᑎᖅᑎᑕᓂᐊᖅᑐᑦ, ᐲᖅᑕᐅᓗᑎᒃ ᐊᑭᓕᑦᓴᕆᔭᑎᑦ ᐅᕙᑦᑎᓐᓄᑦ. ᓄᖃᖅᑎᑕᐅᒍᑎᒃ ᐱᔨᑦᓯᕋᐃᓂᕐᒧᑦ ᐸᕐᓇᐅᑎᑎᑦ SSi-ᑯᓐᓄᑦ ᖃᓄᑐᐃᓐᓇᖅ ᐱᔾᔪᑎᖃᕐᓗᑎᒃ, ᐊᑭᓕᒃᓴᖃᕐᓂᖏᒃᑯᕕᓪᓗ SSi-ᑯᓐᓄᑦ, SSi-ᑯᑦ ᐅᑎᖅᑎᑦᓯᓂᐊᖅᐳᑦ ᐊᒥᐊᒃᑯᖏᓐᓂᒃ ᐊᑭᓕᖅᑐᖅᐸᑦᑕᕐᓃᕕᑦ ᐅᕝᕙᓗᓐᓃᑦ ᐃᓕᓯᓯᒪᔭᕐᓂᒃ ᐊᑭᓖᕙᒌᕈᑎᑦᓴᓄᑦ Mobile Wallet-ᓄᑦ, ᐊᓯᒋᔭᐅᔪᓂᒃ ᐱᔨᑦᓯᕋᖅᑕᐅᓂᕐᓄᑦ ᐸᕐᓇᐅᑎᓂᒃ ᐊᑐᖅᓂᕐᒧᑦ ᐊᑭᓕᖅᑐᖅᐸᑦᑕᕐᓂᒃ ᑕᕿᑕᒫᖅ.
   • ᖃᐅᔨᒋᐊᖃᑦᑕᕈᓐᓇᖅᑐᑎᑦ ᐊᑐᖅᓯᒪᓕᖅᑕᕐᓂᒃ ᐊᒥᐊᒃᑯᖏᓐᓂᓪᓗ ᐱᔨᑦᓯᕋᐅᑎᓂᒃ ᖃᖓᑐᐃᓇᑦᑎᐊᖅ, ᐃᒪᓕᐅᕈᓐᓇᕋᕕᑦ:
   • ᑕᑯᒋᐊᕐᓗᒋᑦ SSi-ᑯᑦ ᖃᕆᑕᐅᔭᒃᑯᑦ ᑕᑯᓂᐊᖅᑕᐅᕝᕕᖓᑦ ᐅᕙᓂ www.qiniq.com/my/lte/login
   • ᐅᖄᓚᕕᒋᓗᒍ ᐅᓇ *111# ᓇᑦᓴᒐᖅᑎᒍᑦ ᐅᖄᓚᐅᑎᕋᓛᒃᑯᑦ.
   2. ᖃᓄᖅ SSi-ᑯᑦ ᐊᑭᖃᖅᑎᑦᑎᓂᐊᖅᐸᑦ ᐃᓕᓐᓂᒃ ᓂᐅᕕᖅᑎᐅᓗᑎᑦ ᐊᑭᓖᕙᒌᖅᑐᓄᑦ ᐱᔨᑦᓯᕋᐅᑎᓄᑦ?
   • ᐊᑭᓖᕙᒌᖅᓯᒪᔪᓄᑦ ᐱᔨᑦᓯᕋᐅᑏᑦ ᐊᑐᐃᓐᓇᐅᑎᑉᐸᑦᑕᕗᑦ, ᓂᐅᕕᖅᐸᑦᑐᓄᑦ, ᐊᑭᓕᑦᓴᖅᑖᖅᑎᑕᐅᕙᓐᓂᐊᖅᑐᑦ SSi-ᑲᓐᓂᒃ ᑕᖅᑭᑕᒪᖅ ᓯᕗᓂᐊᒍᑦ ᐊᑭᓕᖅᑕᐅᕙᒌᕆᐊᓕᖕᓂᒃ ᑕᐃᒪᖓᑦ ᐊᑭᖃᖅᑎᑕᐅᔪᓂᒃ, ᐊᒻᒪᓗ ᐊᑐᐊᓂᑦᓯᒪᓕᖅᑐᓂᒃ ᑕᕿᑕᒫᖅ ᐊᑐᒐᒃᓴᒃᑲᓂᐅᓂᐊᖅᑐᓂᒃ. ᐊᑭᓕᖅᑐᐃᕕᒋᕙᒃᑕᐃᑦ ᐃᓕᓯᕕᐅᓯᒪᓂᐊᖅᑐᖅ ᐅᓪᓗᖓᓂᒃ ᐊᑭᓕᒃᓴᓂᕝᕕᐅᕙᖕᓂᐊᖅᑐᒥᒃ. ᐊᑭᓕᒐᑦᓴᓂᑦᑕᐅᖅ ᐅᓂᒃᑳᖅᓯᒪᕙᓐᓂᐊᖅᑐᑦ ᖃᖓ ᐊᑭᓕᕆᐊᖃᕐᒪᖓᑕ (ᑕᐃᔭᐅᔪᒥᒃ “ᐊᑭᓕᖅᑐᐃᓂᕐᒧᑦ ᐅᓪᓗᖓᓂᒃ”.
   • ᓯᕗᓪᓕᐅᓂᐊᖅᑐᖅ ᐊᑭᓕᕆᐊᓕᑦᑕᓵᑦ ᐃᓚᖃᕐᓂᐊᖅᐳᖅ ᐊᑭᓕᒐᑦᓴᓂᒃ ᐱᔨᑦᓯᕋᖅᑕᐅᓂᕐᒧᑦ ᐊᑐᐃᓐᓇᐅᓂᖏᓐᓄᑦ ᐊᑯᓐᓂᖏᓐᓂᒃ ᐅᓪᓗᖓᓂᒃ ᐊᑐᓕᕆᐊᕐᕕᑦᓴᖓᓂᒃ ᐊᒻᒪᓗ ᐊᑭᓕᑦᓴᓂᑦᑕᐅᕕᖓᑕ ᐅᓪᓗᖓᓂᒃ, ᑕᐃᒫᒃ ᑲᑎᓪᓗᒋᑦ ᑕᒪᕐᒥᒃ ᑕᕿᑕᒫᖅᓯᐅᑎᓂᒃ ᐊᑭᓕᕆᐊᓖᑦ ᓯᕗᓪᓕᐅᓂᐊᖅᑐᑦ ᐊᔾᔨᒋᔭᐅᓇᔭᖏᓚᑦ ᑕᐃᒃᑯᓄᖓ ᓴᕿᐅᒪᑎᑕᐅᔪᓂᒃ ᐊᑭᓕᕆᐊᓕᓐᓂᒃ ᐊᑭᓖᕙᒋᖅᓯᒪᔪᑦ ᐱᔨᑦᓯᕋᖅᑕᐅᓂᕐᒧᑦ ᐸᕐᓇᐅᑎᓂᒃ ᑕᒪᐃᓐᓂᒃ ᐅᓂᑳᖅᑕᐅᓯᒪᔪᓂ.
   • ᐊᑭᓕᒐᑦᓴᐃᑦ ᐃᓚᖃᕐᓂᐊᕆᕗᖅ ᐊᑭᓕᕆᐊᓕᓐᓂᒃ ᐊᑐᖅᑕᕐᓄᑦ ᐱᔨᑦᓯᕋᐅᑎᓂᒃ ᐸᕐᓇᐅᑎᓂᒃ, ᐊᓯᖏᓐᓂᓪᓗ ᐱᔨᑦᓯᕋᐅᑎᓂᒃ ᐊᒻᒪᓗ ᖄᖏᐅᑎᓯᒪᔪᓂᒃ ᐊᑭᓕᒐᑦᓴᓂᒃ, ᖃᓄᐃᑦᑐᑐᐃᓐᓇᓂᓪᓗ ᐊᑐᖅᓯᒪᔭᕐᓂᒃ ᐱᖁᑎᓂᒃ ᐱᓯᒪᔭᕐᓂᒃ SSi-ᑯᓐᓂᒃ.
   • ᓂᐅᕕᖅᑎᐅᓪᓗᑎᑦ ᐊᑭᓕᖅᑕᐅᕙᒌᕆᐊᓕᓐᓂᒃ ᐱᔨᑦᓯᕋᐅᑎᓂᒃ, ᑐᑦᓯᕋᕈᕕᑦ ᐊᓯᔾᔨᖅᑕᐅᖁᔨᓂᖅ ᐱᔨᑦᓯᕋᖅᑕᐅᔪᓂᒃ ᐊᑐᕈᒪᔭᕐᓂᒃ ᐊᑐᓕᖁᔨᓂᖅ ᐊᓯᖔᖓᓂᒃ ᐅᓪᓗᖓᓂᒃ ᑕᐃᒃᑯᓇᖓ ᐊᑐᖅᑕᐅᖃᑦᑕᐃᓐᓇᓲᖑᔪᓂᒃ ᑕᖅᑭᑕᒫᖅᓯᐅᑎᓂᒃ ᐊᑭᓕᑦᓴᓂᒃᑕᐅᕕᒋᕙᑦᑕᕐᓂᒃ, ᐱᔨᑦᓯᕋᖅᑕᐅᓂᕐᒧᑦ ᐊᑭᓕᖅᑐᕆᐊᓕᑎᑦ ᑕᐃᒃᑯᐊᓗ ᐊᑐᕈᓐᓇᖅᑎᑕᐅᔪᐃᑦ ᐊᑭᑦᓴᖃᖅᑎᑕᐅᒌᖕᓂᖏᓐᓄᑦ ᐱᒋᐊᖅᑐᓂᒃ ᐊᑯᓐᓂᖏᓐᓂᒃ ᐊᑐᓕᕈᓐᓇᖅᓯᑎᑕᐅᓂᖓᑕ ᐅᓪᓗᖓᓂᒃ ᐊᒻᒪᓗ ᑕᕿᑕᒫᖅᓯᐅᑎᕕᑦ ᐊᑭᓕᑦᓴᓂᑦᑕᐅᕝᕙᓂᖓᑕ ᐅᓪᓗᖓᓂᒃ.
   • ᓂᐅᕕᖅᑎᐅᓪᓗᑎᑦ ᐊᑭᓕᖅᑕᐅᕙᒌᕆᐊᓕᓐᓂᒃ ᐱᔨᑦᓯᕋᐅᑎᓂᒃ ᓇᑦᓴᒐᕐᓂᒃ ᐅᖄᓚᐅᑎᕋᓛᖃᕈᑎᓂᒃ ᐱᔨᑦᓯᕋᖅᑕᐅᒍᓐᓇᕐᓂᐊᖅᑐᑎᑦ ᐊᑐᕈᓐᓇᕐᓗᑎᑦ ᓴᓇᕐᕈᑎᑦᓴᓂᒃ ᐊᐅᓚᑦᑎᓗᑕᐅᓂᐊᖅᑐᓂᒃ ᐊᑭᓕᖅᑐᕐᕕᒋᕙᑦᑕᕐᓂᒃ ᒪᑯᓂᖓ:
   • ᖃᐅᔨᑎᑕᐅᖃᑦᑕᕈᓐᓇᕐᓂᖅ ᖃᕆᑕᐅᔭᒃᑰᕐᕕᖓᒍᑦ;
   • ᐃᓱᖃᖅᑎᑕᐅᓂᖏᓐᓂᒃ ᖃᕆᑕᐅᔭᒃᑰᕈᑎᒋᔪᓐᓇᖅᑕᕕᒃ;
   • ᓇᐅᑦᓯᖅᑐᐃᕙᓪᓕᐊᒍᑎᓂᒃ ᐊᑐᖅᓯᒪᓕᖅᑕᕐᓂᒃ ᖃᐅᔨᒋᐊᖃᑦᑕᕈᓐᓇᐅᑎᓂᒃ.
   • ᐊᑭᓕᖅᑕᐅᖏᑐᐊᕈᑦᑕ ᐊᑭᓕᑦᓴᕆᔭᐅᔪᓂᒃ ᐊᑭᓕᖅᑐᖅᕕᒋᕙᑦᑕᕐᓂᒃ, ᒪᓕᑦᑐᓂᒃ ᐅᓪᓗᖏᓐᓂᒃ ᑎᑎᕋᖅᑕᐅᓯᒪᔪᓂ ᐊᑭᓕᖁᔭᐅᓂᖏᓐᓂᒃ ᐅᓪᓗᖏᓐᓂᒃ, ᑲᒪᒋᔭᐅᓕᕈᓐᓇᖅᐳᖅ ᑭᖑᕙᕐᓂᕐᒧᑦ ᐊᑭᓕᖅᑕᐅᓂᖓᓄᑦ ᐊᑭᓕᑦᓴᓂᒃᑕᐅᔪᓐᓇᕐᓂᖅ ᐃᓚᒋᔭᐅᓕᓯᒪᓗᑎᒃ 2% ᐳᓴᓐᑎᓂᒃ. ᑕᒪᓐᓇ ᑭᖑᕙᕐᓂᕐᒧᑦ ᐊᑭᓖᖏᓐᓂᕐᒧᑦ ᐊᑭᓕᒐᑦᓴᓕᐊᖅ ᐃᓚᔭᐅᕙᓪᓕᐊᖏᓐᓇᕐᓂᐊᖅᑐᖅ ᖃᐅᑕᒫᖅ/ᐅᓪᓗᑕᒫᖅ, ᓈᓴᐅᓯᕆᔭᐅᓗᓂᓗ ᑲᑎᑕᐅᓗᓂᓗ ᑕᕿᓕᒫᒧᑦ ᐊᒥᐊᒃᑯᖏᓐᓂᒃ ᐊᑭᓕᖅᑕᐅᔭᕆᐊᖃᓕᖅᑐᓂᒃ ᐊᖏᓂᖃᕈᓐᓇᖅᑐᓂᒃ 26.82% ᐳᓴᓐᑎᓂᒃ ᐊᕐᕋᒍᒥ, ᐱᒋᐊᕐᓗᒋᑦ ᐅᓪᓗᖓᓂᒃ ᓯᕗᓪᓕᖅᐹᒥᒃ ᐊᑭᓕᑦᓴᓂᑦᑕᐅᔭᕆᐅᕋᒥᓂᒃ ᓴᕿᑎᑕᐅᓯᒪᔪᓂ ᑎᑭᓪᓗᒍ ᐅᓪᓗᖓᓄᑦ ᑕᒪᐃᓐᓂᒃ ᐊᑭᓕᖅᑕᐅᓯᒪᔪᐃᓐᓇᐅᓕᕐᓂᖏᓐᓄᑦ.
   • ᐊᖏᖅᓯᒪᕗᑎᑦ ᐊᑭᓕᑦᓴᓂᒃᓯᔪᓐᓇᕐᓂᑎᓐᓂᒃ ᓇᓪᓕᐊᓐᓂᑐᐃᓐᓇᖅ ᐊᑭᓕᖅᑕᐅᓯᒪᖏᑦᑐᓄᑦ ᐊᒻᒪᓗ ᐊᑭᓕᑦᓴᕆᔭᐅᔪᓄᑦ ᓱᓕ ᐃᓚᖃᕐᓗᑎᒃ ᑭᖑᕙᕐᓂᕐᒧᑦ ᐊᑭᓕᖅᑕᐅᓯᒪᖏᓂᖏᓐᓄᑦ ᐊᑭᓕᑦᓴᓂᖅᑕᐅᒍᓐᓇᕐᓂᖅ, ᓇᓪᓕᐊᓐᓂᑐᐃᓐᓇᖅ ᐊᖏᕈᑕᐅᕙᒌᖅᓯᒪᔪᓂ ᐊᑭᓖᔾᔪᑎᑦᓴᓂᒃᓴᔭᕐᓄᑦ ᐅᕙᑦᑎᓐᓄᑦ ᐃᕝᕕᑦ ᐊᑭᓕᑦᓴᖃᕐᕕᒋᒍᑦ (ᓲᕐᓗ ᐊᑐᕐᓗᑕ ᐃᕝᕕᑦ ᐊᑭᓕᑦᓴᓂᒍᓐᓇᐅᑎᖓᓂᒃ ᐸᐸᑕᒐᕐᓂᒃ).
   3. ᖃᓄᐃᑐᓂᒃ ᐊᑭᓕᐅᑎᑦᓴᓂᑦᓯᒪᔪᓐᓇᕋᑦᑕ ᐊᖏᕈᑕᐅᓂᐊᖅᑐᓂᒃ SSi-ᑯᓐᓄᑦ?
   • ᐊᑭᓖᒍᓐᓇᖅᑐᑎᑦ ᐊᑭᓕᑦᓴᓂᒍᑎᑎᒍᑦ ᐸᐸᑕᕐᓂᒃ (ᐊᐅᑦᑕᔫᒥᒃ) ᐅᕝᕙᓗᓐᓃᑦ ᑮᓈᐅᔭᒃᑯᑦ ᐃᓕᓯᓗᑎᑦ SSi-ᑯᓐᓄᑦ. ᐊᑭᓖᖃᑦᑕᕈᓐᓇᕐᒥᔪᑎᑦ ᓇᒻᒥᓂᖅ ᖃᐃᓗᑎᒃ ᔭᓗᓇᐃᒥ ᐃᖃᓇᐃᔭᑦᕕᑦᑎᓐᓂᒃ, ᐊᑐᕐᓗᑎᑦ ᑮᓇᐅᔭᓪᓚᕆᓐᓂᒃ, ᐊᑭᓕᑦᓴᓂᒍᑎᓂᒃ ᐸᐸᑕᒐᒃᑯᑦ ᐅᕝᕙᓗᓐᓂᑦ ᐊᑭᓖᑦᓴᐅᑎᒋᒍᑎᒃᑯᑦ ᑮᓇᐅᔭᒃᑯᕕᑦᓯᐅᑎᓂᒃ ᐸᐸᑕᒐᑦᑯᑦ.
   • ᐊᑭᓕᑦᓴᓂᒍᓐᓇᐅᑏᑦ ᐸᐸᑕᐃᑦ ᐊᖏᖅᑕᐅᓐᓂᖏᒃᑯᓂ ᐅᕝᕙᓗᓐᓃᑦ ᐊᑭᖅᑕᐅᖏᑯᑦᑕ ᐊᑭᓕᕆᐊᓕᓐᓂᒃ ᐊᑭᓕᖅᑐᕕᒋᕙᑦᑎᓐᓂᒃ ᐃᓕᔭᐅᓯᒪᓕᖅᑐᓂᒃ, ᐊᑭᓕᖅᑐᕐᕕᒋᕙᑦᑕᐃ ᓄᖃᖓᑎᑕᐅᓂᐊᖅᐳᖅ ᑭᓯᐊᓂ ᑎᑭᓪᓗᒍ ᑕᒪᐃᓐᓂᒃ ᐊᑭᓕᑦᓴᓂᒃ ᐊᑭᓕᓯᒪᓕᕈᕕᑦ.
   • ᓄᓇᓕᓐᓂ ᐱᔨᑦᓯᕋᐃᔨᐅᔪᑦ ᐊᖏᕈᑎᖃᕈᓐᓇᒥᔪᑦ ᑮᓇᐅᔭᓪᓚᕆᓐᓂᒃ ᐊᑭᓕᐅᑕᐅᓂᕐᒧᑦ, ᑐᓂᔭᐅᓂᐊᖅᓱᑎᑦ ᐊᑭᓖᓂᕋᐅᑎᓂᒃ ᑕᐃᒫᒃ ᐊᑭᓖᒍᕕᑦ. ᓄᓇᓕᓐᓂ ᐱᔨᑦᓯᕋᐃᔨᐅᔪᖅ ᓂᕈᐊᕈᓐᓇᖅᐳᖅ ᐱᔪᓐᓇᖅᑎᑦᑎᓂᖅ ᐃᓕᓐᓂᒃ ᐊᓯᖏᓐᓂᓗᓐᓃᑦ ᓄᓇᔅᓯᓂ ᐊᑭᓕᐅᑎᑦᓴᐅᔪᓐᓇᕐᒥᔪᓂᒃ ᐊᓯᖏᓐᓂᒃ. ᓄᓇᓕᓐᓂ ᐱᔨᑦᓯᕋᐃᔩᑦ ᐱᔪᓐᓇᐅᑎᑕᖃᖏᓚᑦ ᐊᓯᔾᔩᔪᓐᓇᕐᓂᖅ ᐊᑭᖃᕐᓂᖏᓐᓂᒃ ᐱᔨᑦᓯᕋᖅᑕᐅᔪᑦ ᖃᓄᐃᑦᑐᑐᐃᓐᓇᐃᑦ.
   4. ᑖᒃᑯᐊ SSi-ᑯᑦ ᑎᒃᑯᐊᖅᓯᓯᒪᓂᐊᖄᑦ ᐃᕝᕕᑦ ᐊᑭᓕᖅᑐᐃᕕᖓᓂᒃ ᑐᓂᓯᓗᑎᒃ ᐊᑭᓕᑦᓴᐃᔭᖅᓯᒪᖏᑦᑐᓄᑦ ᑲᑎᖅᓱᐃᔨᒃᑯᓐᓄᑦ?
   • ᐄ, ᐊᑭᓕᖅᑐᖅᐸᓪᓕᐊᕕᓐᓂ ᐊᒥᐊᒃᑯᖃᖅᐸᑦ ᑭᖑᓪᓕᐅᔪᓂᒃ ᐊᑭᓕᕆᐊᓕᓐᓂᒃ ᓄᖃᖅᑎᑕᐅᓯᒪᓕᖅᑎᓪᓗᒋᑦ, ᑐᓂᓯᔪᓐᓇᖅᑐᒍᑦ ᐊᑭᓕᖅᑐᖅᐸᑦᑕᕐᓂᒃ ᑮᓇᐅᔭᓂᒃ ᑲᑎᓱᐃᔨᐅᕙᑐᓐᓄᑦ:
   • ᖃᖓᑐᐃᓐᓇᖅ, ᑕᐃᒃᑯᐊ ᐅᖃᕐᕕᐅᕙᑦᑐᑦᓴᐅᓂᕐᒧᑦ ᖃᐅᔨᒪᑎᑦᑎᒍᑏᑦ ᐊᑭᓕᖅᑐᐃᕙᑦᑕᕐᓄᑦ ᐊᑐᕈᓃᖅᑎᑕᐅᒍᑎᒃ;
   • ᓯᕗᓂᐊᓂᐅᔪᓐᓇᖏᑦᑐᖅ 25-ᓂᒃ ᐅᓪᓗᓂᒃ ᐊᑐᕈᓃᖅᑎᑕᐅᓯᒪᕝᕕᖓᓂᒃ ᐱᒋᐊᕐᓗᒋᑦ, ᓄᖃᖅᑎᑕᐅᒍᓂ ᐊᑭᓕᖅᑐᖅᐸᑦᑕᐃᑦ ᐱᔾᔪᑕᐅᓗᑎᒃ ᐊᑭᓕᖅᑕᐅᓯᒪᖏᓂᖏᑦ; ᐅᕝᕙᓗᓐᓃᑦ
   • ᓯᕗᓂᐊᓂᐅᔪᓐᓇᖏᑦᑐᖅ35 ᐅᓪᓗᓂᒃ ᐊᑐᕈᓃᖅᑎᑕᐅᓯᒪᔭᕝᕕᖓᓂᒃ ᐱᒋᐊᕐᓗᒋᑦ, ᓄᖃᖅᑎᑕᐅᒍᓂ ᐊᑭᓕᖅᑐᐸᑦᑕᐃ ᐊᓯᖏᓐᓂᒃ ᐱᔾᔪᑎᖃᕐᓗᑎᒃ, ᐊᒻᒪᓗ ᐊᑭᓖᓯᒪᓐᓂᖏᒃᑯᕕᑦ ᓱᓕ ᐊᒥᐊᑯᖏᓐᓂᒃ $75-ᓂᒃ ᐅᖓᑖᓃᓗᓐᓃᑦ ᐅᕝᕙᓗᓐᓃᑦ ᐅᑎᖅᑎᑦᓯᓐᓂᖏᒃᑯᕕᑦ ᐱᖁᑎᓂᒃ ᐊᑐᖅᑐᐊᕐᑕᕐᓂᒃ ᐃᓕᓐᓄᓪᓗᓐᓃᑦ ᑐᓂᔭᐅᓯᒪᔪᓂᒃ ᐅᕙᑦᑎᓐᓂᖔᖅᑐᓂᒃ.
   5. ᖃᓄᕐᓕ ᐊᑭᓕᖅᑐᕆᐊᓕᑎᑦ ᑐᑭᓯᖏᒃᑯᕕᒋᑦ ᐊᖏᕈᑎᒋᖏᒃᑯᕕᒋᓗᓐᓃᑦ ᐊᑭᓕᑦᓴᓂᒃᑕᐅᓯᒪᓂᖏᑦ?
   • ᖃᐅᔨᒃᑲᐃᒋᐊᖃᖅᑐᑎᑦ ᐅᕙᑦᑎᓐᓂᒃ ᐊᑐᕐᓗᑎᑦ ᐊᑖᓂ ᐅᖃᐅᓯᐅᓯᒪᔪᓂᒃ ᑎᑎᕋᖅᓯᒪᓂᖏᓐᓂ 9-ᒥ, ᐊᑖᓂᓗ ᐃᓗᐊᓂ 90 ᐅᓪᓗᓂᒃ, ᐱᒋᐊᖅᑐᓂᒃ ᐊᑭᓕᑦᓴᓂᑦᑕᐅᓯᒪᕕᖓᑕ ᐅᓪᓗᖓᓂᒃ, ᐱᓪᓗᒋᑦ ᐊᐱᖁᑎᑦᓴᐃᑦ ᐊᖏᕈᑎᒋᖏᑕᑎᓪᓗᓐᓃᑦ ᐱᔾᔪᑎᖃᖅᑐᓂᒃ ᐊᑭᓕᑦᓴᕆᓕᖅᑕᕐᓂᒃ ᐊᑭᓕᒐᑦᓴᓕᐊᓂᒃ. ᖃᐅᔨᑎᑕᐅᓂᖏᒃᑯᑦᑕ ᑕᒪᓂ ᐃᓗᐊᓂ ᐅᖃᐅᓯᐅᓯᔪᓂ, ᑐᑭᖃᕐᓂᐊᖅᑐᖅ ᐊᖏᕈᑎᒋᓯᒪᒐᕕᒋᑦ ᑕᐃᒃᑯᐊ ᐊᑭᓖᖁᔭᐅᔪᑦ. ᑭᐴᑎᔭᐅᔪᓐᓇᖅᑐᑦ ᐊᑭᓕᒐᑦᓴᓕᐊᑦ ᐊᑐᖅᑕᕕᓂᐅᓂᖏᓐᓄᑦ ᐊᖏᖅᑕᐅᓯᒪᖏᑦᑐᓄᑦ ᑕᒻᒪᖅᒪᓯᒪᓄᓪᓃᑦ ᐊᑭᓕᑦᓴᓂᑦᑕᐅᓯᒪᓂᖏᓐᓄᑦ ᐃᓗᐊᓂ 30 ᐅᓪᓗᐃᑦ ᖃᐅᔨᑎᑦᓯᓚᐅᖅᑎᓪᓗᒋᑦ.
   • ᐅᖃᐅᓯᖃᖅᓯᒪᒍᕕᑦ ᐊᑭᓕᑦᓴᓂᑕᐅᓯᒪᔪᓂᒃ ᐊᖏᕈᑎᒋᖏᑕᓂᕐ ᐅᕙᑦᑎᓐᓄᑦ, ᐅᑕᕿᑲᐃᓐᓇᕆᐊᖃᕐᒥᔪᒍᑦ ᑕᒫᓃᑐᓐᓇᖅᑐᓂᒃ ᖁᓕᓂᒃ 10-ᓂᒃ ᐅᓪᓗᓂᒃ ᓯᕗᓂᐊᒍᑦ ᒪᑐᔭᐅᓚᐅᖏᓂᖏᓐᓂ ᐱᔨᑦᓯᕋᐅᑎᒋᕙᑦᑕᑎᑦ.
   6. ᖃᓄᕐᓕ ᐊᑭᑭᓕᒋᐊᕈᑕᐅᕙᑦᑐᑦ ᐊᒻᒪᓗ ᓂᐅᕕᕈᒥᓇᖅᑎᑕᐅᔪᑦ ᐱᔭᑦᓴᐅᓲᖑᕙᑦ?
   • ᐃᓕᓯᕙᓐᓂᐊᖅᑐᒍᑦ ᖃᓄᐃᑦᑐᑐᐃᓐᓇᕐᓂᒃ ᐊᑭᑭᓪᓕᒋᐊᕈᑎᓂᒃ, ᓂᐅᕕᐊᑦᓴᐅᑎᐅᓕᖅᑐᓂ, ᐃᑲᔫᑕᐅᔪᓐᓇᖅᑐᓂᓪᓗᓐᓃᑦ ᐃᓚᐅᕝᕕᒋᔪᓐᓇᖅᑕᕐᓂᒃ ᐊᑭᓕᖅᑐᕕᒋᕙᑦᑕᕐᓄᑦ
   7. ᖃᓄᕐᓕ ᓄᓇᓕᓐᓂ ᐊᒻᒪᓗ ᐅᖓᓯᑦᑐᒧᑦ ᐅᖄᓚᕕᖃᓲᖑᓂᖅ ᐊᑭᖃᖅᑎᑕᐅᕙᑉᐸᑦ SSi-ᑯᓄᑦ ᓇᑦᓴᒐᕐᓂᒃ ᐅᖄᓚᐅᑎᓯᐅᑎᖏᓐᓂᒃ?
   • ᓄᓇᓕᓐᓄᑦ ᐊᒻᒪᓗ ᐅᖓᓯᑦᑐᒧᑦ ᐅᖄᓚᒍᑏᑦ ᒥᓂᑦᓯᓄᑦ ᑎᑭᓯᒪᑎᑕᐅᒻᒪᑕ ᖃᓂᓛᖑᔪᒧᑦ. ᐊᑕᐅᓯᕐᒥ ᒥᓂᑦᓯᒥᒃ ᐊᑭᓖᑎᑕᐅᓂᖅ ᐊᑐᕋᔭᖅᐳᖅ ᑕᒪᐃᓐᓂᒃ ᐅᖄᓚᐅᑎᑰᕈᑎᒋᔭᕐᓄᑦ, ᐅᖄᓚᕕᐅᒐᓗᐊᕈᕕᑦ, ᐅᖄᓚᒍᕕᓗᓐᓃᑦ. ᐊᑕᐅᓯᑕᒪᖅ ᒥᓂᑦᓯᒥ ᐊᑭᓕᑦᓴᓂᖅᑕᐅᕙᒃᑲᒥᒃ ᑕᒪᐃᓐᓂᒃ ᐅᖄᓚᓂᓕᒪᕐᓂᒃ ᑐᖓᕕᖃᖅᐸᑦᑐᑦ ᐊᑐᖅᑕᐅᒍᓐᓇᖅᑐᓂᒃ ᐊᑭᖃᖅᑎᑕᐅᒍᓐᓇᖅᑐᓂᒃ ᐅᖄᓚᒋᐊᕐᓂᕐᒥᓂ ᐱᒋᐊᖅᑐᓂᒃ.
   • ᐊᑭᓕᕆᐊᓖᑦ ᐃᓕᔭᐅᓲᖑᕗᑦ ᐱᔭᕇᖅᓯᒪᓕᖅᑐᓄᑦ ᐅᖄᓚᐅᑎᒃᑰᕈᑎᓄᑦ ᑕᐃᒪᖓᑦ ᓇᕿᑦᓯᓚᐅᕐᓗᑎᑦ ᑐᔪᖅᒥᒃ SEND-ᒥᒃ ᐃᓱᓕᑎᓪᓗᒍᓗ ᓇᕿᓪᓗᒍ END-ᓚᓯᒪᔪᖅ, ᐃᓚᖃᕆᓪᓗᑎᒃ ᓯᕙᓂᕐᓂᖓᓂᒃ ᐅᖄᓚᐅᕕᐅᓂᕐᓄᑦ. ᓄᓇᕐᔪᐊᓕᒫᒥ ᓯᓚᑕᒧᑦ ᐅᖄᓚᓂᐊᕈᕕᑦ ᓄᓇᒋᖏᑕᕐᓄᓗᓐᓃᑦ ᖃᕆᑕᐅᔭᖓᓂᒃ ᐊᑐᕐᓗᑎᑦ, ᐊᑭᓕᑦᓴᓂᒃᑕᐅᓯᒪᔪᓇᕆᕗᑎᑦ ᐅᖄᓚᖏᑲᓗᐊᕈᕕᑦ.
   8. ᖃᓄᕐᓕ SSi-ᑯᑦ ᑐᑭᓕᐅᓲᖑᕙᑦ ᐅᖓᓯᑦᑐᒧᑦ ᐅᖄᓚᓂᕋᐃᕙᓐᓂᕐᒥᒃ?
   • SSi-ᑯᑦ ᓇᑦᓴᒐᕐᓂᒃ ᐅᖄᓚᐅᑎᕋᓛᓄᑦ ᐅᖄᓚᕕᐅᒍᓐᓇᕐᓂᖏᑦ ᐅᖄᓚᕕᐅᔪᓐᓇᖅᑯᑦ ᐅᖓᓯᑦᑐᒧᑦ ᐅᖄᓚᓂᕋᖅᑕᐅᖏᑦᑐᓂᒃ, ᐊᑭᓕᑦᓴᓂᑦᑕᐅᓇᔭᖏᑦᑐᓂᓪᓗ. SSi-ᑯᑦ ᓇᑦᓴᒐᕐᓂᒃ ᐅᖄᓚᐅᑎᕋᓛᖓᒍᑦ ᐅᖄᓚᒍᑏᑦ ᑐᑭᖃᖅᑎᑕᐅᒻᒪᑕ ᓄᓇᓕᓐᓃᓐᓂᖅ ᐅᕝᕙᓗᓐᓃᑦ ᐅᖓᓯᑦᑐᒧᑦ ᐅᖄᓚᕕᐅᕙᓐᓂᖏᓐᓂᒃ. ᓇᓃᓐᓂᕋᔭᐃᑦ ᒪᓕᓪᓗᒍ ᐅᖄᓚᒋᐊᓕᕈᕕᑦ, SSi-ᑯᓂᒃ ᓇᑦᓴᒐᐃᑦ ᐅᖄᓚᐅᑎᕋᓛᖓᒍᑦ ᓈᓴᐅᑎᖓ ᐊᒻᒪᓗ ᐅᖄᓚᕕᒋᔭᕕᑦ ᓈᓴᐅᑎᖓ ᐱᒻᒪᕆᐅᔪᒥᒃ ᖃᐅᔨᒪᓗᑕᐅᓲᖑᕗᑦ ᓄᓇᓕᓐᓂ ᐅᖄᓚᓂᕐᒧᑦ ᐊᒻᒪᓗ ᐅᖓᓯᑦᑐᒧᑦ ᐅᖄᓚᓂᕐᒧᑦ ᐊᑑᑎᖃᖅᑐᓂᒃ.
   • ᐃᓕᓐᓄᑦ “ᓄᓇᔅᓯᓐᓂ ᐃᓗᐊᓂ ᐅᖄᓚᕕᐅᕙᓐᓂᕋᖅᑕᐅᔪᑦ” ᑐᖓᕕᖃᖅᐳᑦ ᒪᓕᑦᑐᓂᒃ ᓄᓇᒥ ᓇᓃᓐᓂᕆᔭᕐᓂᒃ ᓇᒻᒥᓂᖅ ᐅᖄᓚᑎᓪᓗᑎᑦ, ᐊᑐᕐᓗᑎᓐ SSi-ᑯᑦ ᓇᑦᓴᒐᖏᓐᓂ ᐅᖄᓚᐅᑎᕋᓛᓂᒃ ᓈᓴᐅᑎᓐᓂᒃ. ᐊᑭᓕᑦᓴᓂᒃᑕᐅᕙᓐᖏᓚᑎᓐ ᐅᖄᓚᕕᐅᖃᑦᑕᕐᓂᕐᒧᑦ ᑭᓯᐊᓂ ᓯᓚᑖᓃᓐᓂᕈᕕᑦ ᓄᓇᓕᐅᓂᕋᖅᑕᐅᔪᒥᒃ ᐅᖄᓚᕕᐅᓂᕐᒧᑦ ᐃᓕᑕᕆᔭᐅᓯᒪᔪᒥᒃ, ᓯᓚᑖᓃᑐᐊᕈᕕᑦ ᑕᒪᑐᒪᐅᑉ, ᐊᑭᓖᑎᑕᐅᓇᔭᕋᕕᑦ ᐅᖓᓯᑦᑐᒥᒃ ᐅᖄᓚᕕᐅᓂᖅ.
   • ᐃᓕᓐᓄᑦ “ᓯᓚᑖᓄᑦ ᓄᓇᑦᓯᓐᓂ ᐅᖄᓚᕕᐅᕙᓐᓂᕋᖅᑕᐅᔪᑦ” ᑐᖓᕕᖃᖅᐳᑦ ᒪᓕᑦᑐᓂᒃ ᓄᓇᒥ ᓇᓃᓐᓂᕆᔭᕐᓂᒃ ᓇᒻᒥᓂᖅ. ᐅᖄᓚᒍᕕᑦ ᓈᓴᐅᑎᓕᒻᒧᑦ ᓄᓇᑦᓯᓐᓃᑦᑐᒥᒃ ᓇᔪᖅᑕᕐᓂᒃ, ᑕᐃᔭᐃᓚᖓᕗᖅ ᓄᓇᓕᒻᒦᑐᓂᒃ ᐅᖄᓚᓯᒪᓂᖅ. ᐅᖄᓚᒍᕕᑦ ᓇᓴᐅᑎᓕᒻᒧᑦ ᐅᖓᓯᑦᑐᒥᒃ ᓇᒻᒥᓂᖅ ᓇᔪᖅᑕᕐᓂᒃ, ᐊᓱᐃᓛᒃ ᐃᓕᑕᕆᔭᐅᓂᐊᖅᐳᖅ ᐅᖓᓯᑦᑐᒧᑦ ᐅᖄᓚᓂᕋᖅᑕᐅᓯᒪᓂᖅ. ᐊᐅᓪᓚᖅᓯᒪᒍᕕᑦ ᓄᓇᒋᖏᑕᕐᓂᒃ, ᐊᑭᓕᑦᓴᓂᒃᑕᐅᓂᐊᖅᑐᑎᑦ ᐅᖓᓯᑦᑐᒥᓂᕐᒧᑦ ᖃᕆᑕᐅᔭᕋᓚᖃᕐᓂᖏᓐᓂᒃ ᐊᑐᕐᓂᕐᒧᑦ, ᐅᖄᓚᕕᒋᒐᓗᐊᕈᕕᒋᓪᓗᓐᓃᑦ ᓄᓇᔅᓯᓐᓃᑐᐃᑦ ᐅᖄᓚᐅᑎᖏᑦ.
   • ᐊᑐᕈᕕᑦ ᓯᕗᒧᑦ ᐊᓯᐊᓄᑦ ᓈᓴᐅᑎᓕᖕᒧᑦ ᓯᕗᓂᖅᑕᐅᒍᓐᓇᐅᑎᓂᒃ, ᐅᖓᓯᑦᑐᖅᓯᐅᑎᓂᒃ ᐊᑭᓖᑎᑕᐅᓂᐊᕆᕗᙱᓐ ᑕᐃᓐᓇ ᓈᓴᐅᑎᐅᔪᖅ ᓯᕙᓂᕈᓐᓇᖅᕕᐅᑎᓕᖅᑕᐃᑦ ᓯᓚᑖᓃᑐᐊᕈᓂ ᓇᔪᖅᐸᑦᑕᕕ ᓄᓇᓕᕕᑦ ᐊᑐᕐᓗᑎᑦ SSi-ᑯᑦ ᓇᑦᓴᒐᖏᓐᓂᒃ ᐅᖄᓚᐅᑎᖓᑕ ᓈᓴᐅᑎᓂᖓᒃ, ᓇᓃᒃᑲᓗᐊᕈᕕᓪᓗᓐᓃᑦ. ᑕᑯᓂᐊᕐᓂᐊᖅᑲᑎᑦ SSi-ᑯᑦ ᖃᕆᑕᐅᔭᒃᑯᑦ ᑕᑯᓂᐊᖅᑕᐅᕕᖓᑦ ᖃᐅᔨᓂᐊᕋᕕᒋᑦ ᐅᖓᓯᑦᑐᒧᑦ ᐅᖄᓚᓂᕐᒧᑦ ᐊᑭᖃᖅᑎᑕᐅᓂᖏᑦ.
   • ᑕᑯᔪᓐᓇᕐᒥᔪᑎᑦ SSi-ᑯᑦ ᒫᓐᓇᐅᔪᖅ ᐱᔨᑦᓯᕋᕐᕕᒋᕙᑦᑕᖏᓐᓂᒃ ᓄᓇᖑᐊᓂᕐ ᐅᕙᓂ ᑐᕌᕉᑎᓕᒻᒥ www.ssimicro.com.
   9. ᑭᓇᒃᑯᓪᓕ ᑲᒪᔨᐅᕙᑉᐸᑦ ᐱᖓᔪᒋᔭᐅᔪᓄᑦ ᐊᓯᒋᔭᐅᔪᓄᑦ ᐊᑐᖅᑕᐅᕙᓂᖏᓐᓄᑦ ᖃᕆᑕᐅᔭᖏᑦ ᐅᖄᓚᐅᑎᕋᓚᒃᑯᑦ?
   • ᖃᖓᑐᐃᓐᓇᖅ ᐱᔨᑦᓯᕋᐅᑎᑦᑎᓐᓂᒃ ᐊᑐᕈᒪᓗᑎᑦ ᓂᕈᐊᕈᕕᑦ, ᓂᐅᕕᕐᓗᑎᓪᓗ, ᑮᓇᐅᔭᒃᑯᕕᓕᕆᓂᐊᕈᕕᓪᓗ ᐊᓯᐊᒍᓪᓗᓐᓂᑦ ᐊᑭᓕᖅᑐᐃᓗᑎᑦ, ᐊᖏᖅᐳᑎᑦ ᑲᒪᔨᐅᒐᕕᑦ ᑕᒪᐃᓐᓄᔅᓯᐊᖅ ᐊᑭᓕᒐᑦᓴᕈᖅᐸᓪᓕᐊᔪᓄᑦ, ᐊᑐᖅᑕᐅᒐᓗᐊᕈᑎᑦ ᐊᓯᖏᓐᓄᑦ ᐱᖓᔪᒋᔭᐅᓂᕋᖅᑕᐅᔪᓄᑦ, ᐃᕝᕕᑦ ᐊᑐᕐᓂᕐᓂᒃ ᐱᔨᑦᓯᕋᐅᑎᒋᔭᑦᑎᓐᓂᒃ.
   10. ᐊᑐᐃᓐᓇᐅᑎᑦᓯᔨᐅᔪᑦ SSi-ᑯᑦ ᒪᓕᒐᖃᖅᑎᑦᑎᓚᖓᕙᑦ ᐃᓕᓯᓯᒪᕙᒌᖁᔨᓚᖓᓂᖅ ᑮᓇᐅᔭᓂᒃ ᐊᑭᐅᓕᐅᑎᑦᓴᐅᓕᕈᓐᓇᖅᑐᓂᒃ ᓯᕗᓂᑦᓴᒥ?
   • ᐅᓂᒃᑳᖅᓯᒪᑦᓯᐊᕐᓂᐊᖅᑐᒍᑦ ᓯᕗᓂᐊᒍᑦ ᖃᐅᔨᑎᑦᑎᕙᒌᕐᓗᑕᓗ ᐃᓕᓯᖁᔭᐅᓚᖓᒍᕕᑦ ᐊᑐᕋᔭᖅᑐᓂᒃ ᓱᕋᑦᓯᓂᕐᒧᓪᓗᓐᓂᑦ ᐊᑭᓕᒍᑕᐅᓕᕈᓐᓇᕐᓂᐊᖅᑐᓂᓗᓐᓂᑦ ᐱᔨᑦᓯᕋᖅᑕᐅᓯᒪᓂᕐᒧᑦ ᐱᖁᑎᖃᕐᓂᕐᒧᓪᓗᓐᓃᑦ ᐅᕙᑎᓂᖓᖅᑐᓂᒃ.
4. ᓇᖕᒥᓂᖃᕐᓂᕐᒧᑦ ᐱᔪᓐᓇᐅᑏᑦ
   1. ᖃᓄᐃᑦᑐᓂᒃ ᓇᒻᒥᓂᖃᕈᑎᓂᒃ ᐱᔪᓐᓇᐅᑎᖃᖅᐱᑕ ᐊᒻᒪᓗ ᑲᒪᔨᐅᕕᑕ ᐱᔾᔪᑎᖃᖅᑐᓂᒃ ᐱᔨᑦᓯᖅᑕᐅᕙᑦᑐᓂᒃ?
   • ᓇᖕᒥᓂᖁᑎᖃᓐᖏᓚᑦ ᓇᑦᓴᒐᖅᐱᑦ ᐅᖄᓚᐅᑎᕕᑦ ᓈᓴᐅᑎᖏᓐᓂᒃ, ᐅᕝᕙᓗᓐᓃᑦ ᖃᕆᑕᐅᔭᒃᑯᑦ ᐅᖓᓯᑦᑐᒥᒃ ᑐᓴᐅᒪᕕᐅᒍᓐᓇᕐᓂᕐᒧᑦ ᑐᕌᕈᑎᖏᔭᕐᓂ ᐊᓯᖏᓐᓂᓗᓐᓃᑦ ᐃᓕᓐᓄᑦ ᐃᓕᑕᕆᔭᐅᔪᑕᐅᓂᕐᒧᑦ ᐊᑐᒐᑦᓴᐅᑎᑕᐅᔪᓂᒃ SSi-ᑯᓐᓄᑦ ᐱᔨᑦᓯᕋᖅᑕᐅᓂᕐᒧᑦ.
   • ᐃᓕᑕᖅᓯᓯᒪᕗᑎᓐ ᓂᕈᖅᓯᒪᒐᕕᑦ ᖃᕆᑕᐅᔭᒃᑯᑦ ᑎᑎᖃᖅᑖᑲᐅᑎᒋᕕᖕᓄᑦ ᑐᕌᕈᑎᒋᔭᕐᓂᒃ ᐊᑐᖅᐸᑕᕐᓂᒃ, ᓇᒻᒥᓂᕐᓗ ᐅᓗᕆᐊᓇᕐᓂᖃᕈᓐᓇᕐᓂᖏᓐᓂᑦ ᑎᒍᒥᐊᖅᑎᐅᓪᓗᑎᒃ ᐱᔾᔪᑎᖃᖅᑐᓂᒃ ᐊᑐᖅᑕᐅᕙᓐᓂᖓᓂᒃ.
   • ᓇᒻᒥᓂᖃᕈᓐᓇᖏᑐᑎᑦ ᐱᔪᓐᓇᐅᑎᓂᒃ ᑕᒪᐃᓐᓄᑦ SSi-ᑯᓐᓂᒃ ᑕᐃᒎᓯᖏᓐᓂᒃ ᐅᕝᕙᓗᓐᓂᑦ QINIQ ᕿᓂᑯᑦ ᑕᐃᒍᓯᖏᓐᓂᒃ ᐅᕙᓗᓐᓃᑦ ᖃᕆᑕᐅᔭᒃᑯᑦ ᑐᕋᕈᑎᒋᔭᕐᓄᑦ, ᐊᒻᒪᓗ ᓇᖕᒥᓂᖃᖏᑦᓱᑎᑦ ᐱᖁᑎᓂᒃ ᐃᓚᒋᔭᐅᔪᓂᒃ ᓂᐅᕕᐊᑦᓴᐅᑎᑕᐅᒋᐊᖅᓯᒪᔪᓂᒃ, ᑕᐃᐅᓂᖏᓐᓂᓗᓐᓃ ᐱᔨᑦᓯᕋᖅᑕᐅᓂᖏᓐᓄᑦ, ᑕᖅᓴᓕᐊᕆᔭᐅᓯᒪᓂᖏᓐᓂᓗᓐᓃᑦ ᐃᓕᑕᕆᔭᐅᓂᖏᓐᓄᑦ ᑭᓇᒃᑰᓂᖏᓐᓄᑦ ᐊᓯᖏᓐᓂᓗᓐᓃᑦ ᓂᐅᕐᕈᑎᒃᓴᖃᖅᑎᐅᓂᖏᓐᓄᑦ ᐃᓕᑕᕆᔭᐅᔾᔪᑎᖏᓐᓂᒃ SSi-ᑯᑦ.
   • ᐱᔨᑦᓯᕋᐅᑏᑦ ᐊᒻᒪᓗ ᖃᓄᐃᑐᑐᐃᓐᓇᐃᑦ ᖃᕆᑕᐅᔭᒃᑰᕈᑎᓄᑦ ᐃᓗᓕᖏᑦ ᐱᓯᒪᔭᑎᑦ SSi-ᑯᓐᓂᒃ ᐅᕝᕙᓗᓐᓃᑦ ᑕᐃᒃᑯᓇ ᓄᓇᓕᓐᓂ ᐱᔨᑦᓯᕋᐃᔨᓄᑦ ᐱᑕᖃᖅᐳᑦ ᓇᒻᒥᓂᖅ ᐃᓕᓐᓄᑦ ᐊᑐᒐᒃᓴᐅᓂᖅ. ᐊᖏᖅᐳᑎᑦ ᐊᑐᖃᑦᑕᓚᖓᓂ ᐱᔨᑦᓯᕋᐅᑎᓂᒃ, ᖃᓄᐃᑦᑐᑐᐃᓐᓇᕐᓂᓪᓗ ᖃᕆᑕᐅᔭᑰᕈᑎᑦ ᐃᓗᓕᑦᓴᔭᖏᓐᓂᒃ ᒪᓕᓪᓗᒋᑦ ᓂᐅᕕᖅᑎᐅᓂᕐᓄᑦ ᐊᖏᕈᑎᒋᔭᑎᑦ, ᐊᓯᖏᓐᓂᓗ ᖃᓄᐃᑦᑐᑐᐃᓐᓇᐅᔪᓂᒃ ᒪᓕᓪᓗᑎᑦ ᐱᔪᓐᓇᐅᑎᓄᑦ ᓚᐃᓴᓐᓯᓂᒃ ᐊᖏᕈᑎᑕᐅᓯᒪᓂᒃ.
   • ᐊᖏᖅᑐᑎᑦ ᑲᒪᑦᓯᐊᖃᑦᑕᓂᐊᕐᓂᖅ ᑐᑭᓕᐅᑦᓯᐊᕋᑕᕐᓗᑎᓪᓗ ᖃᓄᐃᓕᐅᖃᑦᑕᓚᖓᓂᖅ ᓴᐳᓐᓂᐊᖅᑕᐅᑎᑦᑎᓂᕐᒧᑦ ᐱᔨᑦᓯᕋᐅᑕᐅᔪᓂᒃ ᐊᒻᒪᓗ ᖃᓄᐃᑦᑐᑐᐃᓐᓇᕐᓂᒃ ᖃᕆᑕᐅᔭᖃᕐᓂᖏᓐᓄᑦ ᐃᓗᓕᑦᓴᔭᖏᓐᓂᒃ ᑎᓪᓕᕕᐅᑦᑎᑦᓯᑦᑕᐃᓕᒪᓂᕐᒧᓪᓗ, ᔭᒐᐃᔭᐅᑎᑦᓯᑦᑕᐃᓕᒪᓂᕐᒧᓪᓗ ᐊᒻᒪᓗ ᓱᕋᑦᑎᖅᑕᐅᑎᑦᓯᑕᐃᓕᒪᓂᕐᒧᑦ
   • ᐃᓕᑕᖅᓯᓯᒪᕗᑎᓐ ᖃᕆᑕᐅᔭᖃᕈᑎᓄᑦ ᐃᓗᓕᑦᓴᔭᐃᑦ ᐃᓛᓂᓚᐅᓱᖓᖅ ᐃᒻᒥᓃᓐᓇᖅ, ᖃᐅᔨᖃᖅᑕᐅᖏᓪᓗᑎᓪᓗ, ᐱᖁᑎᒋᔭᕐᓂᒃ ᐊᑕᑕᕐᕕᐅᖃᑦᑕᕈᓐᓇᓚᖓᓂᖏᓐᓂᒃ ᖃᕆᑕᐅᔭᒃᑯᑦ ᐅᖓᓯᑦᑐᑰᕈᑎᓄᑦ. ᑕᐃᒪᐃᑎᓪᓗᒋᑦ ᐱᔾᔪᑕᐅᔪᓐᓇᖅᐳᑦ ᑲᑎᖅᓱᐃᕕᐅᒍᓐᓇᓂᖅ/ᓄᐊᑦᑎᕕᐅᒍᓐᓇᕐᓂᖅ ᖃᐅᔨᒪᔾᔪᑎᑦᓴᐅᔪᓐᓇᕐᓂᖅ ᐃᓗᐊᓃᖔᖅᑐᓂᒃ ᐱᔾᔪᑕᐅᓕᕈᓐᓇᖅᑐᓂᒃ ᐅᕙᑦᑎᓄᑦ ᐊᒧᓯᓯᒪᒍᓐᓇᕐᓂᖅ ᐃᕝᕕᑦ ᐊᑭᓕᖅᑐᐃᕕᓐᖓᓄᑦ ᐅᕝᕙᓗᓐᓂᑦ ᐃᓕᐅᖃᐃᕕᒋᕙᑦᑕᕐᓄᑦ Mobile Wallet-ᑯᑦ ᐊᓯᔾᔨᖅᓯᒍᑕᐅᔪᓐᓇᕐᓂᖅ ᐊᑐᖅᐸᑕᕐᓂᒃ ᐊᑭᓕᒐᑦᓴᓂᑦᑕᐅᓯᒪᕙᓐᓂᖏᓂᒃ.
   2. ᖃᓄᐃᓕᖓᔪᖃᖅᑎᓪᓗᒍᓕ SSi-ᑯᑦ ᑕᑯᓂᐊᖃᑦᑕᕈᓐᓇᖅᐸᑦ ᐃᓗᓕᖏᓐᓂᒃ ᐊᑑᑎᓂᕆᕙᑦᑕᑎᓐᓂᒃ ᐊᐅᓚᑎᓂᖅ ᐊᑐᖅᑎᓪᓗᑕ ᐱᔨᑦᓯᕋᐅᑎᖏᓐᓂᒃ?
   • SSi-ᑯᑦ ᐱᔪᓐᓇᐅᑎᖃᖅᓱᑎᒃ, ᑭᓯᐊᓂ ᒪᓕᒐᖅᑎᒎᖏᑦᑐᓂᒃ, ᖃᐅᔨᒋᐊᖃᑦᑕᐃᓐᓇᕈᓐᓇᖅᑐᑦ ᖃᐅᔨᓴᕐᕈᓐᓇᖅᓱᑎᓪᓗᓐᓃᑦ ᐃᓗᓕᖏᓐᓂᒃ ᐊᐅᓚᑕᐅᓂᖏᓐᓂᒃ ᐊᑑᑎᖃᕈᑕᐅᓂᖏᓐᓂᒃ ᖃᕆᑕᐅᔭᒃᑯᑦ ᐅᖓᓯᑦᑐᕈᑕᐅᔪᓂᒃ ᐊᑐᕐᓂᖏᓐᓂᒃ ᐱᔨᑦᓯᕋᖅᐸᑦᑕᖏᓐᓂᒃ (ᐊᓯᖏᓐᓂᒃ ᑕᐃᒃᑯᓇᖓᑦ ᓂᐱᓕᐅᕐᕕᐅᒍᓐᓇᖅᑐᓂᒃ ᐱᔨᑦᕋᐅᑎᓂᒃ), ᐊᓯᖏᓐᓂᓗᓐᓃᑦ ᐱᔨᑦᓯᕋᐅᑎᓂᒃ ᐊᑐᖅᐸᑦᑕᖏᓐᓂᒃ. ᑕᑯᓂᐊᖃᑦᑕᕈᓐᓇᕐᒥᔪᒍᑦ ᐸᐸᑦᑎᓗᑕᓗᓐᓃᑦ ᐃᓗᓕᖏᓐᓂᒃ ᖃᓄᐃᑦᑑᓂᖏᓐᓂᒃ ᐅᕝᕙᓗᓐᓃᑦ ᖃᐅᔨᒪᔾᔪᑎᑦᓴᐅᓂᖏᓐᓂᒃ ᒪᓕᒋᐊᖃᕐᓂᕐᒧᑦ ᒪᓕᒐᖅᑎᒍᑦ ᐊᑐᖅᑕᐅᒋᐊᖃᓱᖑᓂᖏᓐᓂᒃ ᑲᓇᑕᒥ ᐊᓯᖏᓐᓂᓪᓗᓐᓃᑦ ᑲᓇᑕᐅᑉ ᓄᓇᖏᓐᓂ ᒐᕙᒪᒋᔭᐅᔪᓂ, ᐊᐅᓚᑦᑎᔭᕆᐊᖃᕋᕐᒪᑕ ᐱᔨᑦᓯᕋᖅᑎᐅᓂᕐᒥᓂᒃ, ᐅᔾᔨᖅᑐᑦᓯᐊᕆᐊᖃᖅᑎᑕᐅᓪᓗᑎᒃ ᒪᓕᒋᐊᖃᕐᓂᖏᓐᓂᒃ ᓂᐅᕕᖅᐸᑦᑐᓄᑦ ᐊᖏᕈᑕᐅᔪᓂᒃ, ᐅᕙᑎᓂᓗᓐᓃᑦ ᓴᐳᓐᓂᐊᕆᐊᖃᕐᓂᑦᑎᓐᓂᒃ, ᓂᐅᕕᖅᐸᑦᑐᓂᓪᓗ ᐅᕙᑦᑎᓐᓂᒃ ᐅᕝᕙᓗᓐᓃᑦ ᐃᓄᖁᑎᒋᔭᐅᔪᓂᒃ.
5. ᐱᖁᑏᑦ
   1. ᖃᓄᐃᑦᑑᕙᑦ ᑲᒪᒋᖃᑦᑕᕆᐊᓕᑎᑦ ᐱᔾᔪᑎᖃᕐᓂᖅ ᐱᖁᑎᓂᒃ ᐊᑐᖅᐸᑦᑕᕐᓂᒃ?
   • ᑲᒪᔨᐅᔪᑎᓐ ᐱᔪᓐᓇᕐᓂᖅ ᑕᒪᐃᓐᓂᒃ ᐱᖁᑎᓂᒃ ᐊᑐᕈᒪᓂᐊᖅᑕᕐᓂᒃ ᐱᔨᑦᓯᕋᖅᑕᐅᔪᓂᒃ ᐊᑭᓕᖅᑐᖅᑕᕐᓄᑦ.
   • ᑕᐃᒃᑯᐊ ᐱᖁᑏᑦ ᑭᓯᐊᓂ ᐊᑐᕈᒪᔭᑎᑦ ᐊᖏᖅᑕᐅᓯᒪᒍᑎᒃ ᐊᑐᖅᑕᐅᒍᓐᓇᕐᓂᖅ SSi-ᑯᓐᓄᑦ, ᐊᖏᖅᓯᒪᕗᑎᓐ ᑲᒪᔨᐅᓂᕐᓂᒃ ᖃᖓᑐᐃᓐᓇᖅ ᐱᖁᑏᑦ ᐊᔪᓕᖅᐸᑦ.
   • ᐊᖏᖅᐳᑎᑦ ᖃᓄᐃᑦᑐᑐᐃᓐᓇᐃᑦ ᐱᖁᑏᑦ, ᓴᓇᕐᕈᑏᑦ, ᖃᕆᑕᐅᔭᓕᓐᓄᑦ ᐃᓗᓕᑦᓴᐃᑦ, ᐃᓚᑦᓴᔭᖏᓪᓗ ᐱᓯᒪᔭᑎᑦ ᐊᓯᖏᓂᖓᖅᓯᒪᔪᑦ SSi-ᑯᓐᓂᒃ, ᐋᕿᐅᒪᓂᐊᖅᑐᑦ ᒪᓕᒐᖅᑎᒍᑦ ᒪᓕᑦᑐᑐᓂᒃ ᖃᓄᐃᓕᖓᔭᕆᐊᖃᕐᓂᖏᓐᓂᒃ ᑖᒃᑯᓄᖓ ᐃᓚᓂᒃᑯᑦ/ᖃᑯᑎᒃᑯᑦ SSi-ᑯᓐᓄᑦ ᓇᓗᓇᐃᔭᖅᑕᐅᓯᒪᑦᑎᐊᓱᖑᔪᑦ SSi-ᑯᑦ ᖃᕆᑕᐅᔭᑯᑦ ᑕᑯᓂᐊᖅᑕᐅᕝᕕᖓᒍᑦ ᑐᓴᒐᑦᓴᓕᐊᖑᓯᒪᕙᒃᓱᑎᒃ.
   • ᑕᒪᐃᓐᓂᒃ ᑲᒪᔨᐅᕗᑎᑦ ᐊᐅᓚᑕᐅᓂᖓᓄᑦ ᐋᕿᐅᒪᑎᑕᐅᓂᖓᓄᓪᓗ ᐱᖁᑎᕕᑦ, ᓴᓇᕐᕈᑎᕕᑦ, ᖃᕆᑕᐅᔭᓄᑦ ᐃᓗᓕᑦᓴᔭᖏᓐᓄᑦ, ᐃᓚᑦᓴᔭᖏᓄᓪᓗᓐᓃᑦ ᐱᑖᕆᓯᒪᖏᑕᕐᓂᒃ SSi-ᑯᓐᓂᒃ. ᐱᓗᐊᖅᑐᒥᒃ, ᑲᒪᔨᐅᔪᑎᑦ ᓄᑖᕈᕆᐊᖅᑎᑦᑎᖃᑕᕐᓂᖅ ᐋᕿᐅᒪᑎᑦᑎᓂᕐᒧᓗᓐᓃᑦ ᐱᖁᑎᒋᔭᕐᓂᒃ ᐊᒻᒪᓗ ᖃᕆᑕᐅᔭᖏᓐᓄᑦ ᐃᓗᓕᑦᓴᔭᖏᓐᓂᒃ, ᐅᔾᔨᖅᑐᑦᑎᐊᕐᓗᑎᑦ ᐊᖑᒪᐃᓐᓇᕆᐊᖃᕐᓂᖏᓐᓂᒃ ᐊᓯᔾᔨᖅᐸᓪᓕᐊᒍᓐᓇᕐᓂᖏᓐᓂᒃ SSi-ᑯᑦ ᒥᑭᓂᖅᐹᖑᔪᓂᒃ ᐊᕿᐅᒪᑎᑕᖏᓐᓂᒃ ᒪᓕᑦᓯᒪᔭᕆᐊᖃᖅᑐᓂᒃ, ᐃᓚᖃᕐᒥᔪᓂᒃ ᓇᓂ ᐊᒻᒪᓗ ᖃᓄᖅ ᐋᕿᐅᒪᑎᑕᐅᕕᖃᕐᓂᖏᓐᓂᒃ ᑲᒪᔨᐅᓪᓗᑎᓐ.
   • ᐅᕙᑎᓐᓂᒃ ᓂᐅᕕᑎᐅᓂᕐᓂᒃ, ᓂᕈᐊᕈᓐᓇᖅᑐᑎᑦ ᐱᖁᑎᓂᒃ ᐱᔪᓐᓇᕐᓂᖅ ᐊᑐᖅᑕᐅᔪᓐᓇᖅᑐᓂᒃ ᐱᔨᑦᓯᕋᐅᑎᓂᒃ ᐊᑐᐃᓐᓇᕐᓂᐊᖅᑐᓂᒃ. ᑕᐃᒪᐃᓐᓂᐊᕈᕕᑦ:
   • ᐱᖁᑎᑖᕆᔭᐃᑦ/ᔭᑎᑦ SSi-ᑯᓐᓂᖓᖅᑐᖅ ᐊᔪᖏᑦᑎᐊᑐᐊᕈᑎᒃ, ᓇᓪᓕᐊᑐᐃᓐᓇᖅ SSi-ᑯᓪᓗᓐᓃᑦ ᓄᓇᔅᓯᓐᓂᓗᓐᓃᑦ ᐱᔨᑦᓯᕋᐃᔨᐅᔪᑦ ᑲᒪᔨᐅᕙᓐᖏᓚᑦ ᐃᕝᕕᑦ ᐊᑲᐅᖏᓕᐅᕈᑎᒋᓕᕈᓐᓇᖅᑕᕐᓄᑦ ᖃᕆᑕᐅᔭᕆᔭᕐᓂᒃ, ᖃᕆᑕᐅᔭᐃᑦ ᐃᓗᓕᑦᓴᔭᖏᓐᓂ ᐅᕝᕙᓗᓐᓃᑦ ᐅᖓᓯᑦᑐᑰᕐᕕᐅᒍᓐᓇᕐᓂᖏᓐᓂᒃ ᐊᓯᒋᔭᖏᓐᓂᒃ ᑕᐃᒃᑯᓂᖓ ᐱᖁᑎᕕᑦ ᐅᕙᑎᓐᓂᖓᖅᓯᒪᔪᓂᒃ ᐊᑐᖅᐸᒃᑕᕐᓂᒃ ᐊᒻᒪᓗ ᓈᓚᐅᑎᓂᒃ ᐅᖓᓯᑦᑐᒥᒃ ᑐᓴᖅᓴᐅᔪᓐᓇᐅᑎᖏᓐᓂᒃ ᐊᑐᐃᓐᓇᕈᐃᕙᑦᑕᑦᑎᓐᓂᒃ. ᑕᒪᒃᑯᐊ ᐃᓱᖃᕐᕕᐅᑎᑕᐃᑦ ᐃᓚᖃᕆᕗᑦ ᐊᑲᐅᖏᓕᐅᕈᑕᐅᓕᕈᓐᓇᖅᑐᓂᒃ ᑕᐃᒃᑯᓂᖓ SSi-ᑯᓂᖓᖅᑐᓂᒃ ᐱᖁᑎᓂᒃ ᐊᑐᕋᓱᐊᖅᓱᓂ ᑕᐃᒪᐃᓕᖓᓕᕈᓐᓇᖅᑐᑦ ᐱᔾᔪᑎᖃᓪᓗᑐᕐᓂᖏᓐᓄᑦ ᓴᕕᒐᐅᔭᖃᖏᑦᑐᓂᒃ/ᐅᐊᐃᔭᖃᖏᑦᑐᓂᒃ ᐊᑐᕈᓐᓇᕐᓂᖏᓐᓂᒃ.
   • ᐊᖏᕈᑎᖃᖅᑐᑎᑦ ᑖᒃᑯᐊ SSi-ᑯᑦ, ᐃᓛᓐᓂᓚᐅᓱᖓᖅ, ᓄᑖᕈᕆᐊᖅᑎᑦᑎᔪᓐᓇᕐᒪᑕ ᖃᕆᑕᐅᔭᒃᑰᖅᑐᓂᒃ ᐱᖁᑎᖏᓐᓂᒃ ᐅᕝᕙᓗᓐᓃᑦ ᖃᕆᑕᐅᔭᐃᑦ ᐃᓗᓕᒃᓴᔭᖏᓐᓂᒃ ᐱᔾᔪᑎᖃᖅᑐᓂᒃ ᑕᐃᒃᑯᓂᖓ ᐱᖁᑎᒋᔭᕐᓂᒃ ᐅᕙᑦᑎᓐᓂᒑᖅᑐᓂᒃ ᑕᒪᒃᑯᓂᖓᓗ ᐋᕿᒃᓱᐃᒍᓐᓇᖅᓱᑎᒃ ᐃᖕᒥᓂᒃ ᐋᕿᖅᓱᖅᐸᓪᓕᐊᔪᔭᖅᑐᓂᒃ ᐊᒻᒪᓗ ᐅᖓᓯᒃᑐᒥᒃ ᑕᐃᒪᐃᓕᐅᖅᑕᐅᓗᑎᒃ, ᓯᕗᓂᐊᒍᑦ ᖃᐅᔨᑎᑕᐅᓯᒪᖏᓪᓗᑎᑦ ᐊᖏᕈᑎᒋᕙᑎᑦᑕᐅᖅ SSi-ᑯᑦ ᓴᑐᐃᔪᒪᓕᕈᓐᓇᕐᓂᖏᓐᓂᒃ ᐊᓯᔾᔩᓗᑎᓪᓗ ᐱᖁᑎᒋᔭᕐᓂᒃ ᐃᓛᓐᓂᒃᑯᑦ.
   2. ᖃᓄᐃᓕᐅᕐᓂᐊᖅᐱᑕ ᐱᖁᑎᕗᑦ ᐊᔪᖅᐸᑕ?
   • ᐱᖁᑎᒋᔭᐃᑦ ᐱᓯᒪᔭᐃᑦ SSi-ᑯᓐᓂᒃ ᐊᔪᓕᖅᐸᑦ, ᐱᒋᐊᕈᓐᓇᖅᓯᑎᑕᐅᑦᑎᐊᕇᓚᐅᖅᑎᓪᓗᒍ, ᐱᔫᒥᓴᐃᕗᒍᑦ ᐃᓕᓐᓂᒃ ᑐᑭᓯᓂᐊᖃᑦᑕᖁᔨᓂᖅ ᐅᖃᓕᒪᒐᖏᓐᓂᒃ ᓇᓗᓇᐃᔭᐃᔪᓂᒃ ᖃᓄᖅ ᐋᕿᐅᒪᒍᓐᓇᕐᒫᖓᑕ ᐊᑭᖃᖏᑑᑎᑕᐅᔪᓐᓇᖅᑐᓂᒃ ᓴᓇᔭᐅᓂᖏᓐᓄᑦ, ᖃᐅᔨᕕᒋᔪᓐᓇᕋᕕᒋᑦ ᐅᖃᓕᒪᒐᖏᑦ.
   • ᐱᖁᑎᒋᔭᐃᑦ ᐱᓯᒪᔭᐃᑦ SSi-ᑯᓐᓂᒃ ᐊᔪᓕᖅᑐᕕᓂᐅᒍᓂ ᐃᓕᓐᓄᓗᓐᓂᑦ ᓄᓇᔅᓯᓂᓗᓐᓃᑦ ᐱᔨᑦᓯᕋᐃᔨᒋᔭᐅᔪᓄᑦ ᐊᔪᕈᓐᓃᖅᑎᑕᐅᒋᐊᓕᓴᕐᓂᖓᓂ ᓯᕗᓪᓕᕐᒥ, SSi-ᑯᑦ ᐊᓯᔾᔨᖅᓯᔪᓐᓇᖅᐳᑦ ᐊᓯᖓᓂᒃ ᐃᓇᖐᔾᔪᑎᒥᒃ ᐊᑭᖃᖏᑦᑐᒥᒃ ᐃᓕᓐᓄᑦ.
   • ᖃᐅᔨᒪᓂᐊᖅᑯᑎᑦ ᖃᓄᐃᑦᑐᑐᐃᓐᓇᓂᒃ ᐊᓯᒃᑲᓐᓂᖏᓐᓂᒃ ᐱᔨᑦᓯᖅᑕᐅᖃᖅᑕᐅᔪᓂᒃ ᓄᓇᔅᓯᓐᓂ ᐱᔨᑦᓯᕋᐃᔨᐅᔪᓄᑦ ᐱᖁᑎᓄᑦ ᐱᓯᒪᔭᕐᓄᑦ, ᓴᓇᕐᕈᑎᖏᓐᓄᓗᓐᓂᑦ, ᐃᓗᓕᑦᓴᔭᖏᓐᓄᓗᓐᓃᑦ, ᐃᓚᒋᐊᕈᑎᑦᓴᖏᓐᓄᓪᓗ, ᐅᖓᑕᓃᑎᓪᓗᒋᑦ ᓯᓚᑖᓂ ᓄᓇᔅᓯᓐᓂ ᐱᔨᑦᓯᐃᔩᑦ ᑲᒪᒋᒋᐊᓕᖏᓐᓂᒃ ᑭᒡᒐᑐᐃᔨᐅᓂᖏᓐᓄᑦ SSi-ᑯᓐᓂᒃ ᐊᒻᒪᓗ ᑎᑎᖃᖏᑦ ᑖᒃᑯᓇᓃᑦᑐᑦ ᓂᐅᕕᖅᐸᑦᑐᓄᑦ ᐊᖏᕈᑎᖏᑦ ᐊᑐᕐᓂᐊᓐᖏᓚᑦ, ᑕᒪᒃᑯᓂᖓ ᐱᔾᔪᑎᖃᕐᓂᖏᓐᓂᒃ.
   3. ᖃᓄᕐᓕ ᐱᖁᑏᑦ ᑎᓪᓕᒑᖑᓐᓂᕈᑎᒃ, ᔭᒐᐃᔭᐅᑉᐸᑕᓪᓗᓐᓃᑦ?
   • ᖃᐃᔨᒃᑲᐃᒍᕕᑦ SSi-ᑯᓐᓂᒃ ᐱᖁᑎᑦ ᑎᓪᓕᒑᖑᔪᕕᓂᐅᓂᖃᑦ, ᔭᒐᐃᔭᐅᓐᓂᕈᓂᓗᓐᓃᑦ:
   • ᒫᓐᓇᑲᐅᑎᒋ ᓄᖃᑎᓐᓂᐊᖅᑕᕗᑦ ᐱᔨᑦᓯᕋᖅᑕᐃᑦ ᐃᓕᓐᓄᑦ ᐊᑭᖃᖏᑦᑐᒥᒃ; ᐊᒻᒪᓗ
   • ᑲᒪᔨᐅᖏᓇᓚᖓᔪᑎᑦ ᑕᒪᐃᓐᓂᒃ ᐊᑭᓕᑦᓴᓂᑦᑕᐅᕙᓪᓕᐊᔪᓄᑦ ᓯᕗᓂᐊᒍᑦ ᖃᐅᔨᒃᑲᐃᓚᐅᖏᓂᖏᓐᓂᒃ ᑎᒍᔭᒥᐅᓂᖓᓂᒃ, ᔭᒐᐃᓐᓂᕈᕕᐅᓪᓗᓐᓃᑦ.
   • ᖃᐅᔨᒃᑲᐃᒍᕕᑦ SSi-ᑯᓐᓂᒃ ᓇᓂᓯᓯᒪᓕᕐᓂ ᐱᖁᑎᓐᓂᒃ ᐅᕝᕙᓗᓐᓃᑦ ᐊᓯᔾᔩᓯᒪᓐᓂᕈᕕᑦ ᐱᖁᑎᓂᒃ ᐊᒻᒪᓗ ᐃᓕᓐᓂᒃ ᑐᑦᓯᕋᖅᓯᒪᒍᕕᑦ ᐅᑎᖅᑎᑕᐅᖁᓗᒋᑦ ᐱᔨᑦᓯᕋᖅᑕᐅᔾᔪᑏᑦ, ᐱᒋᐊᖅᑎᑕᐅᒃᑲᓐᓂᓚᖓᔪᐃᑦ ᐅᕙᑦᑎᓐᓄᑦ ᑭᓯᐊᓂ ᑐᑭᓯᐊᔭᕆᐊᖃᖅᐳᑎᑦ ᑕᐃᒃᑯᐊ ᐊᑐᖅᐸᓚᐅᑕᑎᑦ ᐱᔨᑦᓯᕋᖅᑕᐅᓂᕐᓂᒃ ᓯᕗᓂᐊᒍᑦ ᐸᕐᓇᐅᑎᒋᓚᐅᑦᑕᑎᑦ, ᐃᓕᑕᕆᔭᐅᔾᔪᑎᒋᓚᐅᖅᑕᑎᓪᓗ, ᓲᕐᓗ ᓇᑦᓴᒐᐅᑉ ᐅᖄᓚᐅᑎᖃᓛᑦ ᓈᓴᐃᑎᒋᓚᐅᖅᑕᖓ ᐅᕝᕙᓗᓐᓃᑦ ᖃᕆᑕᐅᔭᒃᑯᑦ ᑎᑎᖃᖅᑖᑲᐅᑎᒋᕕᒃᑯᑦ ᑐᕌᕉᑎᑦ, ᐃᓕᓐᓄᑦ ᐊᑐᐃᓐᓇᐅᔪᓐᓃᖅᓯᒪᔪᓐᓇᖅᐳᑦ.
6. ᐸᕝᕕᓴᖅᑕᐅᖃᑦᑕᕆᐊᖃᖏᓐᓂᖅ
   1. SSi-ᑯᑦ ᐱᓂᐊᕐᓂᖃᖅᐳᑦ ᓴᐳᓐᓂᐊᓚᖓᓂᖅ ᐃᓕᓐᓂᒃ ᐸᕝᕕᓴᖅᑕᐅᖃᑦᑕᕆᐊᖃᕐᓂᕐᒧᑦ ᓴᐳᓐᓂᐊᖅᑕᐅᓂᖅ, ᖃᓄᓕᒪᖅ ᐱᓇᓱᐊᑦᑎᐊᕐᓂᐊᖅᑐᒍᑦ ᐅᔾᔨᖅᑐᑦᓯᐊᕐᓂᕐᒧᑦ ᓇᒻᒥᓂᖅ ᐃᓕᓐᓂᒃ ᖃᐅᔨᒪᔾᔪᑏᑦ ᑕᒫᓂᕿᔪᒦᑎᑕᐅᔭᕆᐊᖃᖏᓂᖏᓐᓂᒃ ᐊᒻᒪᓗ ᑕᑯᔭᐅᔪᓐᓇᖏᑦᑐᒦᑎᑕᐅᓗᑎᒃ, ᒪᓪᓕᓪᓗᑎᒃ ᐊᑐᕆᐊᓕᖏᓐᓂᒃ ᐸᕝᕕᓴᖅᑕᐅᖃᑦᑕᕆᐊᖃᖏᓂᕐᒧᑦ ᒪᓕᒐᕐᓂᒃ ᒪᓕᒐᓪᓗᑐᖏᓐᓂᒡᓗ. ᑐᑭᓯᒋᐊᑦᓯᐊᒃᑲᓐᓂᕈᒪᒍᕕᑦ, ᐊᑏᑐᖅ ᑕᑯᒋᐊᕐᓂᐊᖅᐸᑎᑦ ᑕᒪᕐᒥᒃ ᐸᕝᕕᓴᑦᑕᐅᖃᑦᑕᕆᐊᖃᖏᓂᕐᒧᑦ ᐊᑐᐊᒐᐃᑦ, ᐊᑖᓂ ᑎᑎᕋᖅᓯᒪᔪᑦ, ᐃᓚᒋᔭᐅᖃᑕᐅᔪᑦ ᑖᒃᑯᓄᖓ ᐱᔨᑦᓯᕋᖅᑕᐅᓂᕐᒧᑦ ᒪᓕᒐᕆᔭᐅᔪᓄᑦ
   2. ᓂᐅᕕᖅᑎᐅᓪᓗᑎᑦ ᐱᔨᑦᓯᕋᖅᐸᑦᑕᑦᑎᓐᓂᒃ, ᐅᖃᕐᕕᒋᔪᓐᓇᖅᑕᑦᑎᒋᑦ ᑐᓂᔭᐅᓂᐊᕋᕕᑦ ᖃᐅᔨᒪᔾᔪᑎᑦᓴᓂᒃ ᐱᔪᓂᒃ ᑐᓴᒐᑦᓴᓂᒃ, ᓂᐅᕕᐊᑦᓴᐅᓕᖅᑐᓂᒃ ᐊᒻᒪᓗ ᓂᐅᕈᑎᑦᓴᐅᓕᖅᑕᑦᑎᓐᓂᒃ ᐱᔾᔪᑎᖃᓪᓗᑐᖅᑐᓂᒃ ᐱᔨᑦᓯᕋᐅᑎᓂᒃ ᐅᕝᕙᓗᓐᓃᑦ ᖃᐅᔨᑎᒍᒪᓗᑎᑦ ᐱᔪᓂᒃ ᐊᑭᓕᖅᑐᖅᐸᓪᓕᐊᕙᑦᑕᕐᓂᒃ. ᓂᕈᐊᕈᓐᓇᕐᒥᔪᑎᑦ ᐊᑐᖅᑕᐅᖃᑦᑕᖁᔨᖏᑦᑐᓐᓇᕐᓂᖅ ᐊᔾᔨᒌᖏᑦᑑᑎᐅᔪᓂᑦ ᓂᐅᕐᕈᑎᑦᓴᓕᕆᔪᓂᒃ ᑐᓴᐅᒪᑎᑦᑎᕙᓪᓕᐊᕙᓐᓂᑎᓐᓂᒃ, ᑕᐃᒃᑯᓂᖓ ᐃᓚᖃᕈᓐᓇᕐᒥᔪᓂᒃ ᖃᕆᑕᐅᔭᒃᑯᑦ ᑎᑎᖃᖅᑖᑲᐅᑎᒋᕕᒃᑯᑦ ᐊᒻᒪᓗ ᓇᑦᓴᒐᒃᑯᑦ ᑐᓴᒐᑦᓴᓕᐅᑲᐅᑎᒋᕕᒃᑯᑦ.
7. ᓈᒪᔪᓂ ᐊᑐᖃᑦᑕᕆᐊᖃᕐᓂᖅ ᕿᓂᒃᑯᑦ ᖃᕆᑕᐅᔭᒃᑯᑦ ᐅᖓᓯᑦᑐᒃᑰᕈᑕᐅᑎᑕᖏᓐᓂ ᐊᒻᒪᓗ SSi-ᑯᑦ ᓇᑦᓴᒐᖏᓐᓂᒃ ᐅᖄᓚᐅᑎᕋᓛᓂᒃ ᖃᕆᑕᐅᔭᒃᑰᕈᑎᑦᓴᖏᓐᓂᒃ ᐱᔨᑦᑎᕋᐅᑎᓂᒃ
   1. ᖃᓄᕐᓕ ᑕᒪᐃᓐᓂᒃ ᑲᒪᔨᐅᕗᖓ ᐊᑐᕌᖓᒪ ᕿᓂᖅᒥᒃ ᐅᕝᕙᓗᓐᓃᑦ SSi-ᑯᑦ ᓇᑦᓴᒐᖅᑎᒍᑦ ᐅᖄᓚᐅᑎᕋᓚᒃᑯᑦ ᐱᔨᑦᑎᕋᐅᑎᖏᓐᓂᒃ ᖃᕆᑕᐅᔭᒃᑰᕈᑎᖏᓐᓂᒃ?
   • ᐃᓄᑑᓪᓗᑎᑦ ᐃᕝᕕᑐᐊᖅ ᑲᒪᔨᐅᔪᑎᑦ ᓇᒻᒥᓂᖅ ᖃᓄᐃᓕᐅᕈᓯᕆᕙᑦᑕᕐᓂᒃ ᖃᕆᑕᐅᓄᑦ ᐅᖓᓯᑦᑐᒃᑰᕈᑎᓂᒃ, ᐊᓯᓐᓄᓪᓗ ᐊᑐᖅᑕᐅᕙᓐᓂᖏᓐᓂᒃ ᐱᔨᑦᓯᕋᐅᑎᖏᑦ. ᓇᓪᓕᑐᐃᓐᓇᖏᑦ SSi-ᑯᓪᓗᓐᓃᑦ ᓄᓇᔅᓯᓐᓂᓗᓐᓃᑦ ᐱᔨᑦᓯᕋᐃᔩᑦ ᐸᓯᔭᑦᓴᐅᔪᓐᓇᖏᓚᑦ ᖃᓄᐃᑦᑐᓂᒃ ᐊᑑᑎᖃᕐᓂᕐᓂᒃ ᖃᕆᑕᐅᔭᒃᑯᑦ ᐅᖓᓯᑦᑐᒥᒃ ᐊᑑᑎᖏᓐᓂᒃ ᐱᖁᑎᒋᔭᕐᓂᒃ ᐊᑐᕐᓗᑎᓐ.
   • ᑲᒪᔨᐅᒐᕕᑦ ᐊᑐᕐᓂᕐᓗᑦᑕᐅᓂᖏᓐᓄᑦ ᐱᔨᑦᓯᕋᐅᑎᒋᔭᕗᑦ ᐃᓕᓐᓄᓪᓗᓐᓃᑦ ᓇᒻᒥᓂᖅ ᐊᓯᓐᓄᓪᓗᓐᓃᑦ ᐊᑐᖅᑕᐅᒍᓐᓇᖅᑎᑕᕐᓂᒃ ᐱᔨᑦᓯᕋᐅᑎᓂᒃ, ᐃᕝᕕᑦ ᐱᖁᑎᒋᔭᕐᓂᒃ ᐊᑐᖅᑕᐅᑎᑦᓯᒍᕕᑦ, ᐅᕝᕙᓗᓐᓃᑦ ᐊᑐᕐᓗᑎᑦ ᐃᕝᕕᑦ ᐊᑭᓕᖅᑐᖅᐸᓪᓕᐊᕙᑦᑕᖏᓐᓂᒃ. ᑕᐃᒪᐃᓐᓂᖓᓄᑦ ᐅᔾᔨᖅᑐᑦᓯᐊᕆᐊᖃᖅᑐᑎᑦ ᖃᐅᔨᓴᖃᑦᑕᕐᓗᑎᑦ ᐊᓯᓐᓄᑦ ᐊᖏᖅᑕᐅᓯᒪᖏᑦᑐᒥᒃ ᐊᑐᖅᑕᐅᔪᓐᓇᖏᓐᓂᖏᓐᓂᒃ ᐱᔨᑦᓯᕋᐅᑎᒋᔭᕗᑦ, ᖃᓄᑐᐃᓐᓇᖅ, ᑕᐃᒃᑯᓂᖓ ᐃᓚᖃᕐᒥᔪᓂᒃ, ᑕᒪᒃᑯᓂᖓᑑᖏᒻᒥᔫᒐᓗᐊᖅ, ᓴᕕᒐᐅᔭᖃᖏᑦᑐᓂᒃ ᐅᖓᓯᑦᑐᒃᑯᑦ ᐊᐅᓚᑦᑎᔾᔪᑏᑦ ᐊᑑᑎᑎᒍᑦ ᐊᒻᒪᓗ ᓴᕕᒐᐅᔭᒃᑰᖅᑐᑎᒍᑦ ᐊᑑᑎᑎᒍᑦ ᐊᑐᖅᑕᐅᔪᓐᓇᕐᓂᖏᓐᓂᒃ ᐱᔪᓂᒃ. ᐊᖏᕈᕕᑦ ᐅᖃᐅᓯᐅᑕᐃᓕᒪᓂᖏᓐᓂᒃ ᑕᒪᐃᓐᓂᒃ ᐊᑑᑎᓄᑦ ᐃᑳᕈᑎᑦ ᓇᓗᓇᐃᒃᑯᑕᖏᑦ, ᓇᒻᒥᓂᖅ ᓈᓴᐅᑎᒋᔭᑎᑦ ᐊᒻᒪᓗ/ᐅᕝᕙᓗᓐᓃᑦ ᐃᑳᕈᑎᒋᔭᑎᑦ ᐊᑑᑎᓄᑦ ᑐᓂᔭᐅᓯᒪᔪᑦ ᐊᑐᕈᓐᓇᐅᑕᐅᓂᕐᒧᑦ ᐱᔨᑦᑎᕋᖅᐸᑦᑕᑦᑎᓐᓂ.
   • ᐊᑐᕈᕕᑦ ᐱᔨᑦᓯᕋᐅᑎᑦᑎᓐᓂᒃ, ᐃᓕᑕᖅᓯᕗᑎᑦ ᐃᕝᕕᑦ ᐊᓯᑎᓪᓗ ᐊᑐᖅᐸᑦᑐᑦ ᖃᕆᑕᐅᔭᕆᔭᕐᓂᒃ, ᐱᖁᑎᓂᒃ, ᓴᓇᕐᕈᑎᓂᓪᓗᓐᓃᑦ ᐊᖅᑯᑎᒋᔭᐅᕙᑦᑐᓂᒃ ᐊᑐᕈᓐᓇᕐᓂᕐᒧᑦ ᐱᔨᑦᓯᕋᐅᑎᓂᒃ ᐊᒻᒪᓗ ᐊᑭᓕᖅᑐᖅᐸᓪᓕᐊᔭᕐᓂᒃ, ᐃᓕᓐᓄᑦ ᐊᖏᖅᑕᐅᓯᒪᖏᑲᓗᐊᕈᑎᒃ, ᐊᖏᖅᑕᐅᓯᒪᒐᓗᐊᕈᑎᓪᓗᓐᓃᑦ, ᑎᑭᐅᑎᔪᓐᓇᕐᒪᑕ ᖃᐅᔨᒪᔾᔪᑎᑦᓴᓂᒃ, ᐱᖁᑎᓂᒃ, ᐊᔾᔨᖑᐊᖃᖅᑐᓂᓗᓐᓃᑦ ᓈᒻᒪᖏᑦᑐᓂᒃ, ᐊᑦᓱᕈᕐᓇᖅᑐᒃᑰᕈᑕᐅᓕᕈᓐᓇᖅᑐᓂᓗᓐᓃᑦ ᐱᐅᖏᑦᑐᓂᒃ. SSi-ᑯᑦ ᓄᓇᔅᓯᓐᓂᓗ ᐱᔨᑦᓯᕋᐃᔨᐅᔪᑦ ᐃᓱᖃᖅᑎᑦᑎᕙᖏᒻᒪᑕ ᐊᔪᕐᓇᖅᑎᑦᑎᒍᓐᓇᖏᑦᓱᑎᒃ ᖃᓄᐃᑦᑐᓄᑦ ᐊᑐᖅᑕᐅᔪᓐᓇᕐᓂᖏᓐᓂᒃ ᖃᕆᑕᐅᔭᒃᑯᑦ ᐅᖓᓯᑦᑐᒃᑰᕈᑎᖏᑦ ᐊᒻᒪᓗ ᐃᕝᕕᑦ ᐃᓄᑑᓪᓗᑎᑦ ᑲᒪᔨᐅᔪᑑᕗᑎᓐ ᐊᑐᖅᑕᐅᑎᑦᓯᑦᑕᐃᓕᒪᒋᐊᖃᕐᓂᖅ ᖃᓄᐃᑦᑐᓄᑦ ᓱᓇᒧᑦ ᐊᑐᖅᑕᐅᒍᓐᓇᕐᓂᖏᑦ ᖃᕆᑕᐅᔭᒃᑯᑦ ᐅᖓᓯᑦᑐᒃᑰᕈᑎᓂ ᑕᑯᔭᑦᓴᐅᓂᕙᓐᓂᖏᓐᓂᒃ ᑕᒪᐃᓐᓄᑦ ᐃᕝᕕᑦ ᖃᕆᑕᐅᔭᖓᓂᒃ ᐊᑐᖅᑎᑉᐸᑦᑕᕐᓂᒃ, ᐱᖁᑎᒋᔭᕐᓂᒃ ᐅᕝᕙᓗᓐᓃᑦ ᐊᓯᖏᓐᓂᒃ ᐱᖁᑎᓂᒃ ᐊᑐᕈᓐᓇᕐᓂᖏᓐᓂᒃ ᕿᓂᒃᑯᑦ ᐅᕝᕙᓗᓐᓃᑦ SSi-ᑯᑦ ᓇᑦᓴᒐᕐᒥᒃ ᐅᖄᓚᐅᑎᕋᓚᒃᑯᑦ ᐱᔨᑦᑎᕋᐅᑕᐅᕙᑦᑐᓂᒃ ᐊᑐᐃᓐᓇᐅᑎᑕᑦᑎᓐᓂᒃ.
   • ᐊᖏᖅᐳᑎᑦ ᐊᑐᖅᐸᓐᓂᐊᓐᖏᓂᖅ ᐱᔨᑦᓯᕋᐅᑎᑦᑎᓐᓂᒃ ᒪᓕᒐᕐᓂᒃ ᓱᕋᐃᓂᕐᒧᑦ, ᓈᒻᒪᖏᑦᑐᓂᓗᓐᓃᑦ ᐊᑐᕐᓂᕐᓘᑕᐅᓂᕐᒧᑦ. ᑕᒪᒃᑭᖅᑐᑦ SSi-ᑯᑦ ᓈᒪᔪᓂᒃ ᐊᑐᖅᑕᐅᒋᐊᖃᕐᓂᖏᓐᑦ ᐊᑐᐊᒐᖏᑦ ᑎᑎᕋᖅᑕᐅᓯᒪᔪᑦ ᐊᑖᓂ, ᑐᑭᓕᐅᖅᓯᒪᓪᓗᑎᒃ ᒪᓕᒐᕐᓂᒃ ᓱᕋᐃᓗᑕᐅᔪᑦ ᖃᓄᐃᑦᑑᒪᖓᑕ ᐊᒻᒪᓗ ᓈᒻᒪᖏᓐᓂᕋᖅᑕᐅᔪᓂᒃ ᐊᑐᖅᑕᐅᕙᓐᓂᖏᓐᓂᒃ, ᐅᓂᒃᑳᑦᑎᐊᖅᓯᒪᔪᓂᒃ.
   2. ᐊᓯᖏᓐᓂᑕᐅᖅ ᐃᓱᖃᖅᑎᑦᑎᒋᕙᑦ ᐊᑐᕈᓐᓇᕐᓂᕋᓂᒃ ᐱᔨᑦᓯᕋᐅᑎᑦᓯᓐᓂᒃ?
   • ᑐᑭᓯᓯᒪᕗᑎᑦ ᐊᖏᖅᓱᑎᓪᓗ ᑕᒪᒃᑯᐊ ᐱᔨᑦᓯᕋᐅᑕᐅᔪᑦ ᐊᑐᐃᓐᓇᐅᑎᑕᐅᒻᒪᑕ ᐊᒥᓱᓄᑦ ᐊᓯᔅᓯᓐᓄᑦ ᐊᑐᖃᑕᐅᒻᒥᔪᓄᑦ, ᑐᕌᖓᓪᓗᑎᒃ ᐊᒥᓱᐊᓗᓐᓂᒃ ᐱᔨᑦᑎᕋᐅᑕᐅᒋᐊᕐᓂᕐᒧᑦᑦ. ᐱᔾᔪᑕᐅᓂᖏᓐᓄᑦ ᐊᐅᓚᑕᐅᓂᖏᑦ ᑕᒪᒃᑯᐊ ᐊᒥᓱᓄᑦ ᐊᑐᖅᑕᐅᓂᖏᑦ ᖃᕆᑕᐅᔭᒃᑯᑦ ᐅᖓᓯᑦᑐᒃᑰᕈᑎᑦ, ᐊᖏᕐᓂᐊᖅᑐᑎᑦ SSi-ᑯᑦ ᐱᓯᒪᓂᖏᓐᓂᒃ ᑕᒪᐃᓐᓂᒃ ᐱᑕᖃᕆᐊᖃᖅᑐᓂᒃ ᐊᖏᕈᑎᓂᒃ ᓇᐅᑦᓯᖅᑐᐃᔪᓐᓇᖅᑕᖏᓐᓂᒃ/ᖃᐅᔨᒋᐊᖃᑦᑕᐃᓐᓇᕈᓐᓇᖅᑕᖏᓐᓂᒃ ᐊᒻᒪᓗ ᐃᕝᕕᑦ ᐊᑐᖅᐸᓪᓕᐊᕙᑦᑕᕐᓂᒃ ᑕᒪᒃᑯᓂᖓ ᐊᓯᓐᓄᑕᐅᖅ ᐊᖅᑯᑎᒋᔭᐅᔪᓂᒃ, ᐊᒻᒪᓗ ᓂᐱᓕᐅᖅᕈᓐᓇᕐᓂᖏᓐᓂᒃ/ᑎᑎᕋᕈᓐᓇᕐᓂᖏᓐᓂᒃ ᐊᒻᒪᓗ ᑐᑭᓯᓂᐊᖃᑦᑕᕈᓐᓇᕐᓂᖏᓐᓂᒃ ᐃᕝᕕᑦ ᐊᑐᖅᐸᑦᑕᕐᓂᒃ ᐊᒻᒪᓗ ᖃᐅᔨᒪᔾᔪᑎᑦᓴᐅᓕᐊᖑᓯᒪᔪᓐᓇᖅᑐᓂᒃ ᐊᑐᕐᓂᕆᕙᑦᑕᕐᓂᒃ.
   • ᐃᓕᑕᖅᓯᕗᑎᓐ ᐃᓚᖏᓐᓂᒃ – SSi-ᑯᓐᓄᑦ ᖃᕆᑕᐅᔭᒃᑰᕈᑎᓄᑦ ᐊᖅᑯᑕᐅᓂᖏᑦ ᐊᑐᐃᓐᓇᐅᑎᑕᐅᒍᓐᓇᕐᒥᒻᒪᑕ ᒐᕙᒪᒃᑯᓐᓄᑦ ᑮᓇᐅᔭᓕᐅᕋᓱᐊᖅᑎᐅᖏᖏᑦᑐᓄᓪᓗ ᑎᒥᖁᑎᒋᔭᐅᔪᓄᑦ ᐃᓄᖕᓄᑦ ᐃᑲᔫᑕᐅᒐᓱᐊᕐᓂᕐᒧᑦ ᐱᔪᒃ ᐊᒻᒪᓗ ᐃᒪᖏᑦ ᐊᑐᐃᓐᓇᐅᑎᑕᐅᓂᖏᓐᓂᒃ ᐃᓱᖃᖅᑎᑦᑎᑲᐃᓐᓇᕈᑕᐅᓕᕈᓐᓇᕐᒪᑕ ᖃᖓᖑᕌᖓᑦ, ᐊᑐᖅᑕᐅᓕᕈᑎᓪᓗᓐᓃᑦ.
   • SSi-ᑯᑦ ᐱᔪᓐᓇᐅᑎᖃᖅᐳᑦ ᐊᑐᓕᖅᑎᑦᑎᒍᓐᓇᕐᓂᖅ ᐃᓚᖏᓐᓂᒃ ᐃᓱᖃᖅᑎᑦᑎᖃᑦᑕᕈᓐᓇᕐᓂᖅ ᐊᖏᓂᐹᕆᔭᐅᔪᓐᓇᖅᑐᓂᒃ ᐊᑐᖅᑕᐅᒍᓐᓇᕐᓂᖏᓐᓂᒃ ᓂᐅᕕᐊᑦᓴᐅᓂᖏᑦ ᐃᓕᓐᓄᑦ ᐊᑐᐃᓐᓇᐅᔪᓂᒃ ᒪᓕᑦᑕᐅᓗᑎᒃ ᓂᐅᕕᖅᑎᐅᓂᕐᓄᑦ ᐱᔨᑦᓯᕋᐅᑏᑦ ᐸᕐᓇᐅᑎᓂᒃ ᑕᒪᐃᓐᓂᒃ ᑕᑯᒋᐊᕈᑎᖏᓃᑦᑐᓂᒃ ᐊᒻᒪᓗ ᑕᒪᒃᑯᓄᖓ ᐊᑕᔪᓂᒃ ᓂᐅᕈᑎᑦᓴᓕᐊᖑᓯᒪᓕᖅᑐᓂᒃ ᑐᓴᐅᒪᒍᑎᓂᒃ, ᐃᓚᖃᕐᒥᔪᓂᒃ ᐱᔪᓐᓇᕐᓂᖃᕐᓂᖏᓐᓂᒃ ᐊᑭᓕᒐᑦᓴᓕᐅᕈᓐᓇᓂᖅ ᐊᓯᒃᑲᓐᓂᖏᓐᓂᒃ ᐊᔾᔨᒋᖏᑕᖏᓐᓄᓪᓗᓐᓃᑦ ᐊᑐᖅᑕᐅᓂᖏᓄᑦ ᐊᑭᓖᒐᓛᒍᑎᓂᒃ ᐅᕝᕙᓗᓐᓃᑦ ᐃᓱᖃᖅᑎᑦᑎᓕᕈᓐᓇᕐᓂᖅ ᐊᑐᖅᑕᐅᒍᓐᓇᕐᓂᖏᓐᓂᒃ ᓇᓗᓇᐃᖅᑕᐅᓯᒪᔪᓂᒃ ᐱᔨᑦᓯᕋᐅᑎᓂᒃ ᐊᑭᖃᖅᑎᑕᐅᓂᖏᓐᓂᒃ ᐅᕝᕙᓗᓐᓃᑦ ᒪᓕᒐᕆᔭᐅᓂᖏᓐᓂᒃ ᐱᔨᑦᓯᕋᖅᑎᐅᓂᖏᓐᓂᒃ, ᖃᖓᑐᐃᓐᓇᖅ ᐃᓛᓐᓂᒃᑯᑦ.
   • SSi-ᑯᑦ ᑕᒪᐃᓐᓂᑦᑎᐊᖅ ᖃᓄᐃᑐᐃᓐᓇᑦᓯᐊᖅ ᐱᓇᓱᐊᑦᑎᐊᖅᐸᓐᓂᐊᖅᑐᑦ ᐊᑐᐃᓐᓇᐅᑎᑦᑎᓃᕆᐊᕐᓗᑎᒃ ᐱᐅᔫᑎᐊᓗᓐᓂᒃ ᐱᔨᑦᓯᕋᐅᑎᓂᒃ ᐊᔾᔨᖏᓐᓂᒃ ᐅᖃᐅᓯᐅᖃᑦᑕᖅᓯᒪᔪᓂᒃ ᑐᓴᒐᑦᓴᓕᐊᖑᑎᑕᖏᓐᓂᒃ ᐊᑐᒐᒃᓴᐅᓂᖏᓐᓄᑦ ᐊᑐᐃᓐᓇᐅᓂᕋᖅᑕᐅᓯᒪᔪᓂᒃ ᒪᓕᑦᑐᓂᒃ. ᐱᐅᓂᖅᐹᖑᒍᓐᓇᖅᑐᓂᒃ ᐊᑐᐃᓐᓇᐅᑎᑦᓯᔪᒪᓂᕐᒧᑦ ᑕᒪᐃᓐᓄᑦ ᓂᐅᕕᖅᐸᑦᑐᓄᑦ ᐊᑭᓕᖅᑐᐃᕙᓪᓕᐊᔪᓄᑦ. SSi-ᑯᑦ ᐃᓱᖃᖅᑎᑦᑎᔪᓐᓇᖅᐳᑎᑦ ᐊᑐᖅᑕᐅᒍᓐᓇᕐᓂᖏ ᐅᖓᓯᑦᑐᒃᑰᕈᑎᖃᖅᑐᓂᒃ ᐱᖁᑎᓂᒃ ᓱᒃᑲᐃᓗᑕᐅᓕᕈᑎᒃ, ᐊᑐᐃᓐᓇᐅᒍᓐᓇᕐᓂᖏᓐᓂᒃ SSi-ᑯᑎᒍᑦ ᖃᕆᐅᔭᒃᑯᑦ ᐅᖓᓯᑦᑐᑰᕈᑎᖏᓐᓄᑦ ᐊᑐᐃᓐᓇᐅᑕᐅᕙᓐᓂᖏᓐᓂᒃ. ᖃᖓᑐᐃᓐᓇᖅ SSi-ᑯᓄᑦ ᐱᔨᑦᓯᕋᐅᑏᑦ ᐊᑐᐃᓐᓇᐅᑎᑕᐅᓂᖏᓐᓂᒃ ᓴᕕᒐᐅᔭᖃᖏᑦᑐᑎᒍᑦ/ᐅᐃᔭᖃᖓᖏᑦᑐᑎᒍᑦ ᐊᖅᑯᑎᖃᕈᑎᒃᑯᑦ, ᐊᔪᓕᖅᑎᑕᐅᓇᖏᓂᖅᓴᐅᔪᓂ ᐊᑐᖔᕈᓐᓇᕋᕕᒋᑦ ᐱᖁᑎᖕᓂᒃ ᓴᖏᓂᖅᓴᐅᔪᓐᓇᖅᑐᓂᒃ ᑕᑯᑦᓴᐅᑦᑎᐊᕐᓂᖅᓴᐅᔪᓂᓗᓐᓃᑦ ᐊᑐᐃᓐᓇᐅᔪᓐᓇᕐᓂᖏᓐᓂᒃ SSi-ᑯᑦ ᐊᑐᐃᓐᓇᐅᑎᑉᐸᑦᑕᖏᓐᓂ ᐱᔨᑦᑎᕋᐅᑎᒃᑯᑦ.
   • SSi-ᑯᑦ ᐱᐅᓂᖅᐹᑦ ᐊᑐᐃᓐᓇᐅᑎᑦᑏᓐᓇᕆᐊᕐᓂᐊᖅᑐᑦ ᐱᔨᑦᓯᕋᐅᑎᒥᓂᒃ ᖃᖓᓕᒪᑦᓯᐊᖅ. ᐱᔨᑦᓯᕋᐅᑎᖏᑦ ᐊᑐᐃᓐᓇᐅᒍᓐᓇᖏᒃᑯᑎᒃ, ᓱᓇᑐᐃᓐᓇᒥᒃ ᐱᔾᔪᑎᖃᕋᓗᐊᕈᑎᒃ, ᐊᖏᖅᐳᑎᑦ ᐅᑎᖅᑎᑕᐅᕙᓐᓂᐊᖅᑐᑦ ᐊᑭᓕᐊᓂᑦᓯᒪᔭᑎᑦ ᐊᑐᒐᑦᓴᓕᐊᕆᔭᑎᓪᓗᓐᓃᑦ, ᐃᓱᒪᖅᓱᑕᐅᓗᑎᒃ, SSi-ᑯᓐᓄᑦ, ᑕᐃᒃᑯᓇᓂᓗ ᖃᑯᑎᒃᑯᐊᓗ ᑭᓯᐊᓂ ᐊᒻᒪᓗ ᐊᓯᐊᒎᕐᕕᑦᓴᐃᕆᑎᓯᒪᓃᓐᓇᖏᓐᓂ.
8. ᐃᓱᖃᖅᑎᑕᐅᓂᖏᑦ ᐸᓯᔭᐅᖃᑦᑕᕈᓐᓇᕐᓂᖏᓐᓄᑦ
   1. ᖃᓄᐃᑦᑐᓂᒃ ᐃᓱᖃᖅᑎᑦᓯᒍᓐᓇᖃᑦ SSi-ᑯᑦ ᐊᑐᐃᓐᓇᐅᓂᖏᓐᓂᒃ ᐱᔨᑦᓯᕋᕈᓐᓇᖅᑕᖏᑦ ᐊᒻᒪᓗ ᐱᔨᑦᓯᕋᐅᑎᑦᓴᐃᑦ ᑲᑎᖓᐅᕈᓐᓇᕐᓂᖏᓐᓂ?
   • ᐱᔨᑦᓯᕋᐅᑏᑦ ᐊᑐᐃᓐᓇᐅᑎᐸᑦᑕᕗᑦ ᐊᑦᑐᖅᑕᐅᓯᒪᖃᑦᑕᕈᓐᓇᓲᖑᒻᒥᔪᑦ ᐊᓯᖏᓐᓄᑦ ᐊᐅᓚᑦᑎᓂᖃᕐᕕᒋᖏᑕᑦᑎᓐᓄᑦ. ᑕᒪᒃᑯᐊ ᐱᔾᔪᑕᐅᓗᑎᒃ, ᐃᓕᑕᖅᓯᕗᑎᓐ ᑐᑭᓯᐊᓪᓗᑎᓪᓗ ᑕᒪᒃᑯᐊ ᐱᔨᑦᓯᕋᐅᑏᑦ ᐅᕝᕙᓗᓐᓃᑦ ᐊᑐᖅᑕᐅᓕᕈᓐᓇᐅᑏᑦ ᐱᔨᑦᓯᕋᐅᑎᓂᒃ ᑕᐃᒃᑯᓂᖓ ᐃᓚᖃᕐᒥᔪᓂᒃ ᑐᐊᕕᕐᓇᖅᑐᓕᕆᔨᓄᑦ ᐅᖄᓚᔪᓐᓇᐅᑎᓕᓐᓂ 9-1-1-ᒧᑦ (ᐊᑐᐃᓐᓇᐅᓂᖏᓐᓂ ᓇᓂᑐᐃᓐᓇᖅ), ᐃᓄᓐᓂᒃ ᖃᐅᔨᑎᑦᑎᒋᐊᖃᕈᑎᓂᒃ ᐅᕝᕙᓗᓐᓃᑦ ᐊᑐᕈᓐᓇᖅᓯᔾᔪᑎᓂᒃ ᐱᔨᑦᓯᕋᐅᑎᓂᒃ, ᐊᐅᓚᑦᓯᐊᕈᓐᓇᐃᓯᒪᓯᒪᑲᐃᓐᓇᕈᓐᓇᕐᓂᖏᓐᓄᑦ ᐅᕝᕙᓗᓃᑦ ᐊᔪᓕᖅᓯᒪᑦᓯᐊᒻᒪᕆᒍᓐᓇᕐᓂᖏᓐᓂᒃ, ᐃᒪᐃᓕᖓᔪᖃᖅᑎᓪᓗᒍ:
   • ᐱᖁᑎᒋᔭᐃᑦ ᐊᔪᓕᕐᓗᓂ, ᐃᓗᓕᖏᓐᓂ ᐋᕿᐅᒪᑦᓯᐊᕈᓐᓃᕈᑎᑦ ᑐᕋᒐᖃᕈᑎᖏᓐᓂᒃ ᐅᕝᕙᓗᓐᓃᑦ ᒪᓕᖏᓐᓂᖏᓐᓄᑦ SSi-ᑯᓐᓄᑦ ᒪᓕᑦᑕᐅᓯᒪᔭᖃᕐᓂᖏᓐᓂᒃ;
   • ᐃᓕᓯᓯᒪᒍᕕᑦ ᐱᖓᔪᒋᔭᐅᔪᓄᑦ ᐊᓯᑦᑎᓐᓄᑦ ᐃᓕᐅᖃᖅᑕᐅᓯᒪᔪᓂᒃ ᐃᕝᕕᑦ ᐱᖁᑎᒋᔭᕐᓂᒃ;
   • ᖃᖓᑐᐃᓐᓇᖅ ᐊᔪᓕᕈᑎᒃ ᖃᕆᑕᐅᔭᒃᑯᑦ ᐅᖓᓯᑦᑐᒃᑰᕈᑎᑦ ᐅᕝᕙᓗᓐᓃᑦ ᖃᐅᒻᒪᖁᑏᑦ ᐊᔪᓕᖅᓯᓂᖏᓐᓄᑦ;
   • ᖃᓄᐃᓕᐅᖅᓯᒪᒍᕕᐅᒃ ᐅᕝᕙᓗᓐᓃᑦ ᐃᓛᓐᓂᒃᑯᑦ ᓄᑕᐅᓯᒪᓐᓂᕈᑎᒃ ᐱᖁᑎᖏᑦ;
   • ᓄᖃᖅᑎᑕᐅᑲᐃᓐᓇᓚᐅᖅᑎᓪᓗᒋᑦ ᐅᕝᕙᓗᓐᓃᑦ ᓄᖃᖅᑎᑕᐅᑦᓯᐊᒻᒪᕆᒃᑎᓪᓗᒋᑦ ᐱᔨᑦᓯᕋᐃᑏᑦ ᐊᑐᖅᑕᑎᑦ ᐊᑭᓕᖅᓱᖅᐸᓪᓕᐊᕙᑦᑕᑎᓪᓗᓐᓃᑦ;
   • ᖃᖓᑐᐃᓐᓇᖅ ᐃᓛᓐᓂᑯᑦ ᓄᓇᐅᑉ ᐱᐅᓯᑐᖃᖏᓐᓂ ᖃᓄᐃᓕᔪᖃᓲᖑᓂᖓᓂᒃ ᒪᓕᒃᑐᓂᒃ ᐊᔪᓕᖅᑎᑕᐅᓯᒪᑲᐃᓐᓇᕈᓐᓇᕐᓂᖏᓐᓂᒃ ᓴᓇᔭᐅᓯᒪᔪᑦ ᐊᑐᖅᑕᐅᕙᓐᓂᖏᑦ ᐱᔨᑦᓯᕋᐅᑏᑦ.
   • ᒪᓕᑦᑕᐅᓗᑎᒃ ᐊᑐᕆᐊᓖᑦ ᒪᓕᒐᐃᑦ ᐃᒪᐃᓕᖓᒋᕗᑦ:
   • ᓴᓇᔭᐅᑎᑦᑎᔪᓐᓇᕐᓂᕋᐃᒍᓐᓇᖏᓚᒍᑦ ᐅᕝᕙᓗᓐᓃᑦ ᐊᑭᖃᖏᑦᑑᑎᑦᓯᕕᖃᖅᑎᑦᑎᓂᕋᐃᔪᓐᓇᖏᓚᒍᑦ, ᐊᑐᐃᓐᓇᐅᔪᓐᓇᕐᓂᖏᓐᓂᒃ, ᐊᑐᕈᓐᓇᕐᓂᖏᓐᓂᒃ, ᓄᖃᖓᖅᑕᕐᓂᕋᐃᔪᓐᓇᖏᓚᒍᑦ, ᐊᑐᖅᑕᐅᔪᓐᓇᕐᓂᖏᓐᓂᒃ, ᐅᓗᕆᐊᓇᖅᑐᖃᖏᑦᑐᓐᓇᕐᓂᖏᓐᓂᒃ, ᐊᑭᖃᕈᓐᓇᕐᓂᖏᓐᓂᒃ ᐅᕝᕙᓗᓐᓂᑦ ᐊᐅᓚᑕᐅᔪᓐᓇᕐᓂᖏᓐᓂᒃ ᐱᔨᑦᓯᕋᐅᑏᑦ, ᐱᖁᑏᓪᓗᓐᓃᑦ ᐊᓯᖏᓐᓂᒡᓗᓐᓃᑦ ᐱᖁᑎᓂᒃ, ᐃᓗᓕᖏᓐᓂᒃ, ᐃᓚᑦᓴᔭᖏᓐᓂᒃ, ᐃᓗᓕᑦᓴᔭᖏᓐᓂᒃ, ᐱᔨᑦᓯᕋᑕᐅᑎᖏᓐᓂᒃ, ᐱᖁᑎᕐᔪᐊᖏᓂᓪᓗᓐᓃᑦ, ᐊᑦᑕᑕᕈᓐᓇᕐᓂᖏᓐᓂᒃ ᐅᕝᕙᓗᓐᓃᑦ ᐱᔨᑦᓯᕋᕐᕕᐅᔪᓐᓇᕐᓂᖏᓐᓂᒃ ᐊᑕᑕᖅᕕᐅᔪᓐᓇᕐᓂᖏᓐᓄᓪᓗᓐᓂᑦ ᐅᕝᕙᓗᓐᓃᑦ ᐊᑐᐃᓐᓇᐅᑎᐸᑦᑕᑦᑎᓐᓂᒃ ᐅᕝᕙᓗᓐᓃᑦ ᐱᖓᔪᒋᔭᐅᕙᑦᑐᓄᑦ ᐊᑐᐃᓐᓇᐅᑎᑕᐅᕙᑦᑐᓂᒃ (ᑕᒪᐃᓐᓂᒃ ᑕᐃᔭᐅᔪᓂᒃ “ᐱᔨᑦᓯᖅᑕᐅᒍᓐᓇᕐᓂᕐᒧᑦ ᑲᑎᖓᐅᕐᓂᖏᓐᓂᒃ”);
   • SSi-ᑯᑦ ᐃᓱᖃᖅᑎᑦᑎᔪᓐᓇᖅᑐᑦ ᐊᖏᓂᖏᓐᓂᒃ ᐊᑐᒐᑦᓴᕆᔪᓐᓇᖅᑕᕐᓂᒃ ᐱᔨᑦᑎᕋᐅᑎᓂᒃ ᑲᑎᖓᐅᖅᑐᓂ ᓂᐅᕕᕈᓐᓇᖅᑕᕐᓂᒃ;
   • ᑎᒍᒥᐊᖅᑎᐅᕗᑎᑦ ᑕᑕᒪᐃᓐᓂᑦᓯᐊᖅ ᐊᑐᖅᑕᐅᔪᓐᓇᕐᓂᖓᓂᒃ, ᐊᑕᑕᕈᓐᓇᕐᓂᖏᓐᓂᒃ, ᐅᖓᓯᑦᑐᒃᑰᕈᑎᖃᕐᓂᖏᓐᓂᒃ, ᐊᑐᐃᓐᓇᐅᓂᖏᓐᓂᒃ, ᐋᕿᐅᒪᑦᓯᐊᕐᓂᖏᓐᓂᒃ, ᓇᒻᒪᓇᖅᓯᒪᕙᓐᓂᖏᓐᓂᒃ, ᐱᐅᔪᓂᖏᓐᓂᒃ, ᐅᓗᕆᐊᓇᖅᑐᖃᕆᐊᖃᖏᓂᖏᓐᓂᒃ ᐊᒻᒪᓗ ᐊᑐᕈᓐᓇᑦᓯᐊᕐᓂᖏᓐᓂᒃ ᑕᒪᐃᓐᓂᒃ ᐱᔨᑦᓯᕋᖅᑕᐅᓂᕐᒧᑦ ᑲᑎᖓᐅᖅᑎᑕᐅᓂᖏᑦ;
   • ᐅᖃᖅᓯᒪᓪᓗᑐᖏᓚᒍᑦ ᑐᑭᓯᓂᕐᓗᑎᑦᓯᑦᑕᐃᓕᒪᓪᓗᑕᓗ ᐅᓂᑳᖅᑐᓂᒃ, ᐊᑭᖃᖏᑦᑑᔪᓂᒃ ᓴᓇᔭᐅᔪᓐᓇᕐᓂᕋᐃᔪᓂᒃ ᐋᕿᒋᐊᖅᑕᐅᒍᓐᓇᕐᓂᖏᓂᓗ, ᐃᓚᖃᕐᒥᔪᓂᒃ ᐊᑭᖃᖏᑦᑑᑎᑦᑎᔪᓐᓇᕐᓂᕋᐃᓂᕐᒥᒃ ᑕᐃᔭᐅᓂᖏᓐᓂᒃ ᐅᕝᕙᓗᓐᓃᑦ ᖃᓄᑐᐃᓐᓇᖅ ᐱᖁᑎᓂᒃ ᐱᐅᔪᓂᕋᐃᖏᓐᓇᕈᓐᓇᕐᓂᖅ ᐱᐅᔪᓂᕋᐃᓂᕐᓗᓐᓂᑦ ᓱᓇᒧᓪᓗᑐᖅ ᐊᑑᑎᖃᕈᓐᓇᕐᓂᖏᓐᓄᑦ, ᐱᔨᑦᑎᖃᖅᑐᓂᒃ ᑕᒪᒃᑯᓂᖓ ᐱᔨᑦᓯᕋᖅᑕᐅᔪᓂᒃ ᑲᑎᖓᐅᖅᑐᓂᒃ;
   • ᑕᒪᕐᒥᑦᑎᐊᖅ ᐅᖃᐅᓯᐅᓯᒪᔪᑦ, ᐊᑭᖃᖏᑦᑐᒥᒃ ᐋᕿᒋᐊᖅᑕᐅᕕᒃᓴᐅᔪᓐᓇᕐᕕᖃᕐᓂᖏᑦ, ᖃᓄᐃᓕᖓᓂᖏᓐᓂᓗᓐᓂᑦ ᐅᖃᐅᓯᐅᓯᒪᔪᑦ ᑐᑭᓯᓇᖅᓯᑎᑕᐅᓯᒪᓂᖏᓪᓗᓂᑦ, ᐃᓚᒋᔭᐅᖏᓚᑦ ᑎᑎᕋᖅᓯᒪᖃᑕᐅᖏᑐᐊᕈᑎᒃ ᓂᐅᕕᖅᑎᐅᓂᕐᒧᑦ ᐊᖏᕈᑎᓄᑦ;
   • ᐅᖃᐅᔾᔨᒋᐊᖅᕈᑎᓂᒃ ᖃᐅᔨᒪᔾᑎᒃᓴᓂᒡᓗᓐᓃᑦ ᐱᓯᒪᔭᕐᓂᒃ ᐅᕙᑦᑎᓐᓂᒃ ᓴᕿᑎᑦᑎᓗᑕᐅᕗᑦ ᒪᓕᒐᕐᓂᒃ, ᖃᓄᐃᓕᖓᓚᖓᓂᖏᓐᓂᒃ, ᐅᓂᑳᕐᓂᕋᐅᑕᐅᓂᖅ ᐅᕝᕙᓗᓐᓃᑦ ᐊᑭᖃᖏᑦᑐᓂᒃ ᐊᑐᐃᓐᓇᐅᔪᓐᓇᕐᓂᕋᐃᓂᖅ, ᐅᖃᐅᓯᐅᓯᒪᓗᑐᖏᑐᐊᕈᑎᓂᒃ ᓂᐅᕕᖅᑎᐅᓂᕐᒧᑦ ᐊᖏᕈᑎᓂᒃ; ᐊᒻᒪᓗ
   • ᓄᓇᓕᓐᓂ ᐱᔨᑦᓯᕋᐃᔩᑦ ᐱᔪᓐᓇᖅᑎᑕᐅᓯᒪᖏᓚᑦ ᖃᓄᐃᓕᐅᕈᓐᓇᕐᓂᖅ ᐅᖃᕈᓐᓇᕐᓂᕐᓗᓐᓃᑦ SSi-ᑯᓐᓂᖔᕐᓂᕋᐃᓗᑎᒃ, ᐊᑭᕋᖅᑐᕈᑎᒃ ᐃᒡᓗᐊᓄᖓᖅᓯᒪᔪᓂᒃ ᓂᐅᕕᖅᑎᐅᓂᕐᓄᑦ ᐊᖏᕈᑎᖏᓂᑦᑐᓂ ᐅᖃᐅᓯᐅᓯᒪᔪᓂᒃ ᐅᕝᕙᓗᓐᓃᑦ SSi-ᑯᑦ ᐊᑐᐊᒐᕆᔭᖏᓐᓂᒃ ᐊᒻᒪᓗ ᐱᐅᓯᕆᕙᑦᑕᖏᓐᓂᒃ. SSi-ᑯᑦ ᑲᒪᔨᐅᖏᒻᒪᑕ ᔭᒐᐃᒍᕕᑦ ᓱᕋᐃᒍᕕᓪᓗᓐᓃᑦ ᐱᔾᔪᑕᐅᔪᓐᓇᖅᑐᓂᒃ ᑕᐃᒃᑯᓄᖓ ᓄᓇᔅᓯᓐᓂ ᐱᔨᑦᓯᕋᐃᔨᐅᔪᓄᑦ, ᐊᐅᓚᑦᑎᔨᐅᔪᓐᓇᕐᓂᕐᒧᑦ ᐊᖏᕈᑎᖃᕐᓂᖏᓐᓂᒃ ᐅᕙᑦᑎᓐᓂᒃ SSi-ᑯᓐᓂᒃ, ᑲᒪᑦᑎᐊᕐᓂᖏᑎᓪᓗᒋᑦ, ᐱᓂᕐᓗᒃᑐᕕᓂᐅᓂᕈᑎᒡᓗᓐᓃᑦ ᓄᓇᓕᓐᓂ ᐱᔨᑦᓯᕋᐃᔨᐅᔪᑦ.
   2. ᖃᓄᒃᑲᓐᓂᖅᑕᐅᑭᐊᖅ ᓱᓕ SSi-ᑯᑦ ᐃᓱᖃᑎᑦᓯᓲᖑᕙᑦ ᐸᓯᔭᐅᔪᓐᓇᕐᓂᕐᒥᓂᒃ?
   • ᓇᓕᐊᑐᐃᓐᓈᖕ SSi-ᑯᓗᓐᓃᑦ ᓄᓇᔅᓯᓐᓂᓗᓐᓃᑦ ᐱᔨᑦᓯᕋᐃᔩᑦ ᑲᒪᔨᐅᓂᐊᖏᓚᑦ ᓱᓇᑐᐃᓐᓇᖅ ᐱᔾᔪᑕᐅᓂᖓᓄᑦ ᐊᓯᐅᔨᔭᐅᓂᖏᓐᓄᑦ ᖃᐅᔨᒪᔾᔪᑎᑦᓴᐃᑦ, ᖃᖓᒃᑰᖓᓂᖏᓐᓄᓪᓗ ᐱᔾᔪᑎᓖᑦ ᑮᓇᐅᔭᐃᓪᓗᓐᓃᑦ ᑕᐃᒪᐃᓕᖃᔪᑦ ᐃᓕᓐᓄᑦ ᐊᑐᖅᑕᐅᖃᑦᑕᕐᓂᖏᓐᓄᑦ ᐱᔨᑦᓯᕋᐅᑏᑦ ᐅᕝᕙᓗᓐᓃᑦ ᐱᖁᑎᒋᔭᐃᑦ. ᐃᕝᕕᑦ ᑲᒪᔨᐅᕗᑎᓐ ᑕᒪᐃᓐᓄᑦ ᐅᓗᕆᐊᓇᕈᓐᓇᖅᑐᓄᑦ ᐊᖏᕈᑎᓂᒃ ᓂᐅᕕᖅᑎᐅᓂᕐᒧᑦ ᐊᑎᓕᐅᑐᐊᕈᕕᑦ ᑖᒃᑯᓂᖓ.
   • ᑭᓯᐊᓂ ᐊᓯᐊᒍᑦ ᐋᕿᐅᒪᔭᐅᔪᖃᖅᐸᑦ ᑖᒃᑯᓇᖓᑦ ᓂᐅᕕᖅᑎᐅᓂᕐᒧᑦ ᐊᖏᕈᑎᓂᒃ, ᒪᓕᒃᑕᐅᓪᓗᑎᒃ ᒪᓕᒐᐃᐃᑦ ᒪᓕᒃᑕᐅᔭᕆᐊᓕᑦ, ᐱᖏᓪᓗᒋᓪᓗ ᓱᕋᖃᑦᑕᕈᓐᓇᕐᓂᖏᓐᓂᑦ ᓇᖕᒥᓂᖅ ᐱᔾᔪᑎᒋᔭᐅᔪᓂᒃ ᑕᐃᒪᐃᓕᔪᓂᒃ, ᐃᓕᓐᓂᒃ ᐱᔾᔪᔾᔨᖃᑦᑕᕆᐊᖃᖅᑎᑕᐅᖏᓚᒍᑦ ᐃᓕᓐᓄᓪᓗᓐᓃᑦ ᐊᓯᑦᑎᓄᓪᓗᓐᓃᑦ ᐱᖓᔪᒋᐅᔪᓄᑦ ᒪᑯᓂᖓ ᐱᔪᓂᒃ:
   • ᖃᓄᑐᐃᓐᓇᖅ ᓇᒻᒥᓂᖅ ᑐᕌᖅᑐᓂᒃ, ᐊᓯᐊᒎᖅᑐᓂᓗᓐᓃᑦ, ᐊᔾᔨᐅᖏᑦᑐᓂᓪᓗᓐᓃᑦ, ᐱᔾᔪᑎᖃᕐᓂᕐᒧᓪᓗᓐᓃᑦ ᑕᐃᒪᐃᓕᐅᓕᖅᑐᓂᒃ, ᐱᓂᕐᓘᑕᐅᔪᓂᒃ, ᑮᓇᐅᔭᓕᐅᕈᑕᐅᓂᕐᒧᓪᓗᓐᓃᑦ ᐃᓚᕋᓇᕈᑕᐅᓕᖅᑐᓂᒃ ᓱᕋᑦᑎᖅᑕᐅᓯᒪᔪᓄᑦ, (ᐃᓚᖃᕐᒥᔪᓂᒃ ᑮᓇᐅᔭᐃᔭᕈᑕᐅᔪᓄᑦ ᐅᕝᕙᓗᓐᓃᑦ ᑭᓇᐅᔭᓕᐅᕈᑕᐅᔪᓄᑦ; ᑮᓇᐅᔭᓕᐅᕈᑕᐅᔪᓐᓇᕋᔭᓚᐅᖅᑐᓂᒃ ᔭᒐᐃᓗᑕᐅᓂᕐᒧᑦ; ᐱᕕᑦᓴᖃᖏᓗᑕᐅᓂᕐᒧᑦ ᐱᓇᓱᐊᒐᕆᔭᐅᕙᑦᑐᓄᑦ, ᓱᕋᑦᑎᖅᑕᐅᓂᖏᓐᓄᓪᓗᓐᓃᑦ, ᐊᓯᔾᔨᖅᑕᐅᓂᖏᓄᓪᓗᓐᓃᑦ, ᖃᐅᔨᒪᐅᑕᐅᕙᑦᑐᑦ, ᑎᑎᖃᖁᑎᒋᔭᐅᔪᓪᓗᓐᓃᑦ, ᖃᕆᑕᐅᔭᐃᓪᓗᓐᓃᑦ ᐃᓗᓕᑦᓴᔭᖏᓐᓂᒃ; ᓱᕋᐃᓂᕐᒥᒃ ᒪᓕᒐᕐᓂᒃ ᐸᕝᕕᓴᖃᑦᑕᕆᐊᖃᖏᓂᕐᒥᒃ, ᐅᓗᕆᐊᓇᖅᓴᐃᔭᕆᐊᖃᖏᓂᕐᒧᓗ; ᐱᖁᑎᓂᒃ ᓱᕋᑦᑎᕆᓂᕐᒧᑦ; ᓇᒻᒥᓂᖅ ᐃᓄᒻᒧᑦ ᐋᓐᓂᕈᑕᐅᓂᕐᒧᑦ; ᐃᓄᔪᓐᓃᕈᑕᐅᓂᕐᒧᓗᓐᓃᑦ; ᐊᓯᖏᓄᓗᓐᓃᑦ ᐱᔾᔪᑎᖃᖅᑐᓂᒃ ᓂᕆᐅᒋᔭᐅᔪᓐᓇᓚᐅᖅᑐᓂᒃ ᐅᕝᕙᓗᓐᓃᑦ ᓂᕆᐅᖕᓇᕈᓐᓇᓚᐅᖏᑐᓂᒃ ᔭᒐᐃᓗᑕᐅᔪᓂᒃ, (ᖃᓄᑐᐃᓐᓇᖅ ᑕᐃᒪᐃᓕᓯᒪᔪᓂᒃ) ᐱᔾᔪᑕᐅᔪᓂᒃ ᓇᖕᒥᓂᖅ ᐊᓯᐊᒍᓗᓐᓃᑦ ᐱᔾᔪᑎᖃᖅᑐᓂᒃ ᐱᔨᑦᓯᕋᐅᑕᐅᔪᓂᒃ ᑐᓴᐅᒪᔭᐅᕙᓐᓂᖏᓐᓂᓗᓐᓂᑦ, ᓂᐅᕐᕈᑎᑦᓴᐅᑎᑕᐅᓕᖅᑐᓂᓗᓐᓃᑦ ᓄᑖᓂᒃ, ᐅᖃᐅᓯᐅᓂᖏᓐᓂᓗᓐᓃᑦ ᑕᒪᒃᑯᓂᖓ ᐱᔾᔪᑎᖃᖅᑐᓂᒃ, ᐅᕙᒍᓪᓗᓐᓃᑦ ᑲᒪᑦᓯᐊᖅᑐᕕᓂᐅᓂᖏᓐᓂᑦᑎᓐᓄᑦ ᐅᕝᕙᓗᓐᓃᑦ ᐅᕙᒍᑦ ᐅᖃᐅᑎᔭᐅᓯᒪᔪᕕᓂᐅᒐᓗᐊᖅᑎᓪᓗᑕ ᓱᕋᑦᑎᖅᑕᐅᓯᒪᔪᓐᓇᕐᓂᕋᖅᑕᐅᓂᖏᓐᓂᒃ;
   • ᖃᓄᐃᑦᑐᑐᐃᓐᓇᐅᓂᖏᓐᓂᒃ ᐱᔨᑦᓯᕋᖅᑕᐅᔪᓂᒃ ᑲᑎᖓᐅᖅᑐᓂᒃ ᐊᑐᐃᓐᓇᐅᑎᑕᐅᔪᓂᒃ ᐃᓕᓐᓄᑦ, ᐊᑐᒐᑦᓴᐅᑎᑕᐅᓗᑎᓪᓗᓐᓃ ᐃᓕᓐᓄᑦ ᐱᔨᑦᓯᕋᖅᐸᑕᕗᑦ, ᖃᓄᑐᐃᓐᓇᖅ ᐊᓯᔾᔨᖅᑕᐅᒍᑎᒃ ᑕᐃᒃᑯᐊ ᐱᔨᑦᓯᕋᐅᑎᓂ ᐃᓚᒋᔭᐅᔪᑦ ᑲᑎᖓᔪᑦ, ᓇᓪᓕᐊᓐᓂᑐᐃᓐᓇᕐᓗᓐᓃᑦ ᐱᔾᔪᑎᖃᖅᑐᓂᒃ ᖃᓄᑐᐃᓐᓇᖅ ᑕᐃᒃᑯᓂᖓᑦᓴᐃᓐᓇᖅ ᐱᔨᑦᓯᕋᖅᑕᐅᔪᓂᒃ ᐃᓚᒋᔭᐅᓂᖏᓐᓂᒃ;
   • ᐱᔨᑦᓯᕋᐅᑏᑦ ᑲᑎᖓᐅᕐᓂᖏᑦ ᐊᑐᐃᓐᓇᐅᔪᑦ ᐊᑐᕈᓐᓇᑦᓯᐊᕐᓂᖏᓐᓂᒃ, ᐊᑐᐃᓐᓇᐅᔪᓐᓇᕐᓂᖏᓐᓂᒃ, ᑐᖓᕕᐅᑦᓯᐊᕈᓐᓇᕐᓂᖏᓐᓂ, ᓈᒻᒪᓇᖅᓯᒪᔪᓐᓇᕐᓂᖏᓐᓂᒃ, ᐱᐅᔫᓂᖏᓐᓂᒃ, ᑕᒪᒃᑭᖅᑐᓂᒃ ᐊᑐᖅᑕᐅᔪᓐᓇᕐᓂᖏᓐᓂᓗ, ᓄᖃᑭᑕᒍᓐᓇᖏᑦᑐᓂᒃ ᐊᑐᖅᑕᐅᒍᓐᓇᕐᓂᖏᓐᓂᒃ, ᐅᓗᕆᐊᓇᖅᑐᖃᕆᐊᖃᖏᓂᖏᓐᓂᒃ, ᐊᑭᖃᕐᓂᖏᓐᓂᒃ ᐊᐅᓚᑕᐅᔪᓐᓇᕐᓂᖏᓐᓂᓗᓐᓃᑦ ᐱᔾᔪᑎᖃᖅᑐᓂᒃ ᑕᐃᒃᑯᐊ ᐱᔨᑦᓯᕋᐅᑏᑦ ᑲᑎᖓᐅᓂᖏᑦ;
   • ᖃᓄᑐᐃᓐᓇᖅ ᑕᒻᒪᖅᓯᒪᓂᖏᓐᓂᒃ, ᐃᓚᐅᑎᑕᐅᓂᖏᓐᓂᓪᓗᓐᓃᑦ ᐃᓚᒋᔭᐅᖏᓐᓂᖏᓐᓂᓗᓐᓃᑦ ᐅᖄᓚᐅᑎᒋᔭᐅᔪᑦ ᓈᓴᐅᑎᖏᑦ ᑎᑎᕋᖅᑕᐅᓯᒪᔪᓐᓇᕐᓂᖏᓐᓂᒃ ᐅᖄᓚᐅᑎᓯᐅᑎᓂᒃ;
   • ᖃᓄᐃᑦᑐᑐᐃᓐᓇᐃᑦ ᐱᔨᑦᓯᕋᐅᑏᑦ ᐊᔪᕐᓇᖅᑎᑕᐅᓂᖏᓐᓂᒃ, ᐊᑐᖅᑕᐅᑕᐃᓕᒪᑎᑕᐅᓂᖏᓐᓂᒃ, ᑲᔪᓯᔪᓃᖅᑎᑕᐅᓂᖏᓐᓂᒃ ᐊᑐᖅᑕᐅᒍᓐᓇᖏᓂᖏᓐᓄᓪᓗᓐᓃᑦ ᐱᔨᑦᓯᕋᐅᑏᑦ, ᐃᓚᖃᕐᒥᔪᓂᒃ ᐅᖄᓚᕕᐅᔪᓐᓇᕐᓂᖏᓐᓂᒃ 9-1-1-ᒥᒃ ᐱᔨᑦᓯᕋᐅᑏᑦ ᐊᑐᐃᓐᓇᐅᔪᓐᓇᕐᓂᖏᓐᓂ, ᐃᓄᓕᒫᓂᒃ ᑐᐊᕕᕐᓇᖅᑐᓕᕆᓂᕐᒥᒃ ᑐᓴᐅᒪᑎᑦᓯᕕᓐᓂᒃ, ᐱᖁᑎᓂᒃ ᐅᕝᕙᓗᓐᓃᑦ ᐃᓕᑕᕆᔭᐅᔾᔪᑕᐅᔪᓂᒃ (ᐃᓚᖃᕐᒥᔪᓂᒃ ᐅᖄᓚᐅᑎᒋᔭᐅᔪᓂᒃ);
   • ᐊᓯᐅᔨᔭᐅᓯᒪᓂᖏᓐᓄᑦ, ᑎᓪᓕᒑᖑᓂᖏᓐᓄᑦ ᐅᕝᕙᓗᓐᓃᑦ ᐊᑐᕈᓂᖅᑎᑕᐅᔪᓂᒃ ᐱᖃᐅᓗᐊᖅᑐᓄᑦ ᐱᖁᑎᓄᑦ, ᐃᑳᕈᑎᓂᒃ, ᓇᓗᓇᐃᒃᑯᑕᓄᑦ ᓇᕿᑕᖅᑕᐅᒋᐊᖃᓱᓂᒃ, ᐃᑲᔪᑎᓂᒃ, ᐊᑭᑭᓪᓕᒋᐊᕈᑎᓂᒃ, ᐅᑎᕐᕕᐅᔪᓐᓇᖅᑐᓂᒃ ᐅᕝᕙᓗᓐᓃᑦ ᐊᑭᓕᐅᑕᐅᔪᓐᓇᕐᓂᕐᒧᑦ ᐊᑐᒐᑦᓴᐅᔪᓂᒃ;
   • ᖃᓄᑐᐃᓐᓇᖅ ᑕᒻᒪᖅᓯᒪᓂᖏᓐᓂᒃ, ᐃᓚᐅᑎᑕᐅᓂᖏᓐᓂᓪᓗᓐᓃᑦ ᐃᓚᒋᔭᐅᖏᓐᓂᖏᓐᓂᓗᓐᓃᑦ ᑭᖑᕙᖅᑎᑕᐅᓂᖏᓄᓪᓗᓐᓃᑦ ᑐᓂᔭᐅᔪᓐᓇᕐᓂᖏᓐᓄᑦ ᐅᖄᓚᐅᑏᑦ ᓇᓴᐅᑎᒋᓂᐊᖅᑕᖏᓐᓂᒃ ᐊᑐᖅᐸᓚᐅᖅᑕᖓᓂᒃ ᐊᓯᖓᓂᑎᓪᓗᒍ ᐊᓯᐊᓄᑦ ᐊᑐᕐᓂᐊᓕᖅᑕᒥᓄᑦ ᐃᓕᔭᐅᖁᔭᐅᔪᓂᒃ ᑐᓴᐅᑎᓕᕆᔨᓂᒃ ᐅᕝᕙᓗᓐᓃᑦ ᖃᓄᐃᑦᑐᑐᐃᓐᓇᕐᓂᒃ ᐃᓱᖃᖅᑎᑕᐅᔪᓂᒃ ᐊᑕᔪᓂᒃ ᑕᐃᒃᑯᓄᖓ ᓅᑕᐅᓂᖏᓐᓄᑦ ᐅᕝᕙᓗᓐᓃᑦ ᑕᐃᒃᑯᓇᓂ ᐱᔨᑦᓯᕋᐃᕙᒻᒥᔪᓂᒃ ᐊᓯᑦᑎᓐᓂᒃ;
   • ᖃᓄᐃᓕᐅᕐᓂᖅ ᐅᕝᕙᓗᓐᓃᑦ ᐃᓚᐅᑎᑦᑎᖏᓐᓂᖅ ᑐᓴᐅᒪᖃᑦᑕᐅᑎᓕᕆᔨᐅᔪᓂᒃᑕᐅᖅ ᐱᖁᑎᖃᖅᑐᓂᒃ ᐊᑐᖅᑕᐅᕙᒻᒥᔪᓂᒃ ᐊᑦᑕᑕᕐᕕᐅᕙᓂᖅ ᐱᔨᑦᓯᕋᖅᐸᖏᑕᑦᑎᓐᓄᑦ ᐊᖅᑯᑎᒋᔭᐅᕙᑦᑐᓂᒃ; ᐅᕝᕙᓗᓐᓃᑦ
   • ᖃᓄᐃᑦᑐᑐᐃᓐᓇᕐᓂᕐᒥᒃ ᐱᖁᑎᖃᕐᓂᕋᐃᔪᓂᒃ ᓱᕋᑦᑎᖅᑕᐅᓯᒪᓂᖏᓐᓂᓗᓐᓃᑦ ᓴᕿᓯᒪᔪᓂᒃ ᓇᖕᒥᓂᖅ ᐊᓯᐊᒍᓪᓗᓐᓃᑦ ᐱᓂᕋᐃᓯᒪᔪᓂᒃ ᑕᐃᒃᑯᓂᖓ ᐊᑐᖅᐸᓂᕐᒥᓄᑦ, ᐊᑐᒐᑦᓴᐅᑎᑕᐅᒐᓱᐊᖅᓯᒪᓂᖏᓐᓄᑦ ᑕᒪᐃᓐᓂᒡᓗᓐᓃᑦ ᖃᓄᑐᐃᓐᓇᖅ ᐱᔨᑦᓯᕋᖅᑕᐅᔪᓂᒃ ᑲᑎᖓᑎᑕᐅᓪᓗᑎᒃ ᐱᔨᑦᓯᖅᑕᐅᔪᓂᒃ, ᓴᓈᕆᔭᐅᓯᒪᓂᖏᓐᓂᒃ, ᑲᓐᑐᓚᒃᑯᖓᓂᖏᓐᓂᒃ, ᐸᕝᕕᓴᑦᑕᐅᔭᕆᐊᖃᕐᓂᕐᒧᓪᓗᓐᓃᑦ ᐊᓯᖏᓄᓪᓗᓐᓃᑦ ᐱᔪᓐᓇᐅᑎᖃᕐᕕᐅᓂᖏᓐᓂ ᐊᓯᖏᓐᓄᑦ ᐱᖓᔪᒋᔭᐅᔪᓄᑦ ᐃᓚᒋᐅᔪᓄᑦ.
   • ᑕᒻᒪᑯᐊ ᐃᓱᖃᖅᑎᑕᐅᓂᖏᑦ ᐃᓚᒋᔭᐅᕗᑦ ᐊᓯᖏᓐᓄᑦ ᐃᓱᖃᖅᑎᑕᐅᒻᒥᔪᓄᑦ SSi-ᑯᓐᓄᑦ ᐸᓯᔭᑦᓴᐅᖏᓗᑕᐅᓂᖏᓐᓄᑦ, ᐅᖃᐅᓯᐅᓯᒪᔪᓂ ᑖᒃᑯᓇᓂ ᓂᐅᕕᖅᐸᑦᑐᓄᑦ ᐊᖏᕈᑎᓄᑦ ᐊᓯᖏᓄᓪᓗ ᐊᖏᕈᑕᐅᒻᒥᔪᓂ, ᐊᑑᑎᖃᕆᓗᑎᑦ ᖃᓄᐃᑐᑐᐃᓐᓇᕐᓄᑦ ᒪᓕᒐᕐᓄᑦ ᐅᕝᕙᓗᓐᓃᑦ ᐊᑐᖅᑕᐅᖏᓂᖏᓐᓄᑦ SSi-ᑯᓐᓄᑦ, ᐃᓚᖃᕆᓗᑎᒃ ᓄᓇᓕᖕᓂ ᐱᔨᑦᓯᕋᐃᔨᒋᔭᑦᑎᓐᓂᒃ, ᒪᓕᒐᐃᓪᓗᓃᑦ ᐊᑐᖅᑕᐅᖏᓂᖏᓗᓐᓃᑦ ᐊᓯᐊᒍᑦ ᐱᔾᔪᑕᐅᓇᔭᖅᑎᓪᓗᒋᑦ ᐃᖃᖅᑐᐃᕕᒃᑰᕈᑕᐅᓂᕐᒧᑦ ᐆᑦᑐᖅᑕᐅᑎᑦᑎᔪᓐᓇᕐᓂᕐᒧᑦ.
   3. ᐃᓱᖃᖅᑎᑦᑕᐅᓂᖏᑦ ᐸᓯᔭᐅᔪᓐᓇᕐᓂᖅ ᐊᑐᕐᓂᖏᓐᓂᒃ 9-1-1-ᒥᒃ ᑐᐊᕕᕐᓇᖅᑐᓕᕆᓂᕐᒧᑦ ᐱᔨᑦᓯᕈᑎᓂᒃ ᐊᑐᐃᓐᓇᐅᓂᖏᓐᓂᒃ
   • ᐸᓯᔭᑦᓴᐅᔪᓐᓇᖏᓚᒍᑦ ᒪᑯᓂᖓ:
   • ᓱᓕᓐᖏᑐᖅᓯᐅᑎᓂᒃ ᐱᐅᖏᓐᓂᕋᖅᑕᐅᓯᒪᓂᑦᑎᓐᓂᒃ, ᓱᕋᐃᓂᕐᒧᓪᓗᓐᓃᑦ ᐱᖁᑎᖏᓐᓂᒃ ᑐᓴᒐᒃᓴᓕᐊᖏᓐᓂᒡᓗᓐᓃᑦ ᐃᓕᑕᕆᔭᐅᔾᔪᑎᒋᔭᖏᓐᓂᒃ ᐊᑐᖅᑕᐅᓂᖏᓐᓂᒃ ᖃᕆᑕᐅᔭᒃᑯᑦ ᐅᖓᓯᒃᑐᒃᑰᕈᑎᑎᒍᑦ ᐊᑐᕐᓗᑎᑦ ᐱᖁᑎᖕᓂᒃ, ᓇᔪᖅᐸᒃᑕᔅᓯᓐᓂᓗᓐᓃᑦ ᐅᕝᕙᓗᓐᓃᑦ ᓂᐱᓕᐅᖅᑕᐅᓯᒪᔪᓂᒃ ᑎᑎᕋᖅᑕᐅᓯᒪᔪᓂᒡᓗᓐᓃᑦ ᐃᓕᓐᓄᑦ ᐅᕙᑦᑎᓄᓪᓗᓐᓃᑦ;
   • ᓱᕋᖅᑎᕆᓂᖅ ᐃᕝᕕᑦ ᖃᓄᐃᓕᐅᕐᓂᕐᓄᑦ, ᐱᖁᑎᖃᕐᓂᕐᒧᑦ, ᑲᒪᑦᑎᐊᖏᓗᐊᖃᑕᕐᓂᕐᒧᑦ ᐊᑐᖃᑦᑕᖏᒧᓪᓗᓐᓃᑦ ᐱᖁᑎᓂᒃ ᐊᐅᓚᑦᑎᓂᕐᒧᓪᓗᓐᓃᑦ ᐱᖁᑎᓂᒃ, ᐅᕙᑦᑎᓐᓂᒃ ᐱᓯᒪᔭᐅᔪᓂᒃ ᐅᕙᑦᑎᓂᖓᖅᓯᒪᖏᑦᑐᓂᒡᓗᓐᓂᑦ;
   • ᓱᕋᖅᑎᕆᓂᖅ ᒪᓕᒐᐃᑦ ᓯᖁᒥᑕᐅᓯᒪᓂᖏᓐᓄᑦ ᑐᔪᐃᖃᑦᑕᕐᓂᕐᒧᑦ ᐱᖁᑎᓂᒃ ᑐᓴᒐᒃᓴᓂᒡᓗᓐᓃᑦ ᐊᑐᕐᓗᑎᑦ ᐅᕙᒍᑦ ᖃᕆᑕᐅᔭᒃᑯᑦ ᐊᖅᑯᑕᐅᑎᑕᑦᑎᓐᓂᒃ ᐃᓕᔅᓯᓐᓂᒃ ᐱᔾᔪᔾᔨᓗᑎᒃ; ᐅᕝᕙᓗᓐᓃᑦ
   • ᖃᓄᐃᑦᑐᑐᐃᓐᓇᕐᓄᑦ ᐱᓕᕆᓂᕐᒧᑦ, ᐱᖃᓯᐅᔾᔨᓯᒪᖏᓐᓂᕐᒧᓪᓗᓐᓃᑦ, ᐃᒃᐱᒍᓱᑦᓯᐊᖏᓐᓂᕐᒧᓪᓗᓐᓃᑦ ᐊᓯᖏᓐᓂᒃ ᑲᒻᐸᓂᐅᔪᓂᒃ ᑐᓴᐅᒪᖃᑦᑕᐅᑎᓕᕆᔨᓂᒡᓗᓐᓃᑦ ᐱᖁᑎᓂᒃ ᐊᑐᖅᑕᐅᓂᖏᓐᓂᒃ ᐊᑕᑕᖅᓯᒪᕕᒋᔭᕐᓄᑦ ᐱᖁᑎᖕᓄᑦ ᑕᐃᑲᖓᖅᑐᓂᒡᓗᓐᓂᑦ ᐊᖅᑯᑕᐅᓗᑎᒃ ᐅᖓᓯᒃᑐᒃᑰᕈᑎᖏᑦ.
   • ᐱᖏᑕᑐᐊᕆᓪᓗᒋᑦ ᖃᖓᑐᐃᓐᓇᖅ ᐅᕙᒍᑦ ᓇᒻᒥᓂᖅ ᐃᒃᐱᒍᓱᑦᓯᐊᖏᓐᓂᑎᓐᓄᑦ ᐱᔾᔪᑕᐅᔪᓂᒃ ᑎᒥᒃᑯᑦ ᐋᓐᓂᕈᑕᐅᓯᒪᔪᓂᒃ, ᐃᓅᔪᓐᓃᕈᑕᐅᔪᓂᒃ, ᓱᕋᖅᑎᖅᑕᐅᓂᕐᒧᓪᓗᓐᓃᑦ ᐱᖁᑎᒋᔭᐃᑦ, ᓇᔪᖅᐸᑦᑕᕕᓪᓗᓐᓃᑦ, ᐅᕙᒍᑦ ᐸᓯᔭᑦᓴᐅᔪᓐᓇᕐᓂᕗᑦ ᐃᑉᐱᒍᓱᑦᓯᐊᓐᖏᓂᕐᒧᑦ ᐱᔾᔪᑎᖃᖅᑐᑦ 9-1-1-ᒥᒃ ᐅᖄᓚᕕᐅᔪᓐᓇᕐᓂᖏᓐᓂᒃ ᑐᐊᕕᕐᓇᖅᑐᓕᕆᔨᓂᒃ ᐊᑐᐃᓐᓇᐅᑎᑦᑎᓂᖅ, ᐃᓱᖃᖅᑎᑕᐅᕗᑦ ᐅᖓᑖᓂ $20-ᓂᒃ ᐊᒻᒪᓗ ᐱᖓᓱᐃᖅᑕᖅᓯᒪᑎᒋᔪᓐᓇᖅᑐᓂᒃ ᑕᐃᒫᑎᒋ, ᑐᓂᔭᐅᔪᖃᕋᔭᖅᐸᓪᓗᓐᓂᑦ, ᐊᓯᐊᒍᑦ ᐅᑎᕐᕕᐅᓇᔭᖑᐊᓚᐅᖅᑐᓂᒃ ᑮᓇᐅᔭᓂᒃ ᐊᑐᐃᓐᓇᕈᐃᓂᕐᒧᑦ ᐊᔪᖅᑐᓂᒃ ᐱᔨᑦᓯᕈᑎᓂᒃ ᐊᑐᕐᓗᑎᒃ ᓂᐅᕕᖅᑎᐅᓂᕐᓄᑦ ᐊᖏᕈᑎᓂᒃ.
   • ᐱᔭᐅᔪᓐᓇᕐᓂᖅᐳᑦ ᐃᓱᖃᖅᑎᑕᐅᖏᓚᖅ ᑖᒃᑯᓄᖓ ᑎᑎᕋᖅᓯᒪᓂᖏᓐᓄᑦ ᖃᖓᑐᐃᓐᓇᖅ ᐱᔮᖁᑕᐅᔪᓂᒃ ᐱᓕᕆᔪᖃᖅᑐᕕᓂᐅᒍᓂ, ᐱᔮᕆᓗᓂᓗᓐᓃᑦ ᐃᑉᐱᒍᓱᑦᑕᐃᓕᒪᔪᖃᕈᓂ ᐅᕙᑦᑎᓐᓂᒃ.
   4. ᓇᓪᓕᐅᒃᑯᒫᑦᓴᖃᖅᑎᑦᑎᓂᖅ SSi-ᑯᓐᓂᒃ
   • ᓇᓪᓕᐅᒃᑯᒫᑦᓴᓂᑦᓯᕙᓐᓂᐊᖅᑐᑎᑦ ᐸᓯᒃᓯᔪᓐᓇᖏᓪᓗᑎᑦ SSi-ᑯᓐᓂᒃ ᑕᒪᒃᑯᓇᖓᑦ ᐱᑖᖅᑎᑕᐅᔪᒪᓂᕋᐃᔪᓂᒃ, ᔭᒐᐃᔭᐅᔪᓂᒃ, ᓱᕋᖅᑎᖅᑕᐅᔪᓄᑦ, ᐊᑭᖃᖅᑐᓄᑦ ᐊᑭᓕᖅᑐᕆᐊᓕᖕᓄᓪᓗ (ᐃᓚᖃᖅᓱᑎᒃ, ᑕᒪᒃᑯᓂᖓᑑᖏᒥᔪᖅ, ᑐᑭᓕᐅᑐᐃᓐᓇᕐᓗᓂ ᒪᓕᒐᓕᕆᓂᕐᒧᑦ ᐊᑭᓕᕆᐊᓕᖕᓄᑦ ᐊᓯᖏᓄᓪᓗ ᐃᖃᖅᑐᒐᒃᓴᖑᖅᑎᑦᑎᓂᕐᒧᑦ ᐊᑭᓕᖅᑐᕆᐊᓕᖕᓂᒃ) ᐊᑭᓕᖅᑕᐅᓯᒪᔪᓂᒃ SSi-ᑯᓐᓄᑦ ᐱᔾᔪᑎᖃᕐᓂᖏᓐᓂ ᐃᓕᓐᓄᑦ ᓱᕋᐃᓂᕐᒧᑦ ᒪᓕᒐᕐᓂᒃ, ᓱᕋᐃᓂᕋᖅᑕᐅᓯᒪᓂᕐᓄᑦ ᒪᓕᒐᕐᓂᒃ ᐊᑐᕐᓂᕐᓗᖃᑦᑕᕐᓂᕐᒧᓪᓗᓐᓃᑦ ᐱᖁᑎᖏᓐᓂᒃ SSi-ᑯᑦ, ᓴᓇᕕᖁᑎᖏᓐᓂᒡᓗᓐᓃᑦ, ᐸᕝᕕᓴᖃᑦᑕᕆᐊᖃᖏᓐᓂᕐᒧᓪᓗ ᒪᓕᒐᕐᓂᒃ ᐊᓯᖏᓂᓗᓐᓃᑦ ᐱᔪᓐᓇᐅᑎᒋᔭᐅᔪᓂᒃ ᐊᓯᑦᑎᓐᓄᒃ ᐃᓚᒋᔭᐅᔪᓄᑦ ᐱᖓᔪᒋᔭᐅᔪᓄᑦ ᐅᕝᕙᓗᓐᓃᑦ ᓱᓕᖏᑦᑐᖅᓯᐅᓯᒪᓂᕐᒧᑦ, ᐱᐅᖏᓐᓂᕋᐃᓯᒪᓂᖃᕐᒧᓪᓗᓐᓃᑦ ᐱᐅᒋᔭᐅᔪᓐᓃᕈᑕᐅᓯᒪᔪᓂᒃ ᐊᓯᑦᑎᓐᓄᑦ ᐱᖓᔪᒋᔭᐅᔪᓄᑦ ᐃᓕᖕᓂᒃ ᐱᔾᔪᑎᖃᖅᑐᓂᒃ
9. ᑕᒪᐃᓐᓂᒃ ᐃᓗᓕᖏᑦ
   1. ᖃᓄᖅ SSi-ᑯᓐᓄᑦ ᐅᖃᕈᓐᓇᖅᐱᑦ?
   • ᐅᖄᓚᓗᑎᓐ ᐅᖓᓯᑦᑐᒥᒃ ᐊᑭᖃᖏᑦᑐᒧᑦ ᐅᕙᓂ: 1-877-686-2888 ᐅᕝᕙᓗᓐᓃᑦ ᐅᖄᓚᓗᑎᑦ 611-ᒧᑦ ᓇᑦᓴᒐᕐᓂᒃ ᐅᖄᓚᐅᑎᕋᓚᕐᓂᒃ SSi-ᑯᓂᖓᖅᑐᑎᒍᑦ
   • ᖃᕆᑕᐅᔭᒃᑯᑦ ᑎᑎᖃᖅᑖᑲᐅᑎᒋᕕᖓ: customercare@ssimicro.com
   • • ᑎᑎᕋᕐᕕᒋᓗᒋ ᐅᕙᓂ: SSi Micro Ltd., 356B Old Airport Road, Yellowknife, NWT, X1A 3T4 ᔭᓗᓇᐃᒦᑦᑐᓄᑦ.
   2. ᖃᓄᖅ ᐊᖀᖃᑎᒌᑦᑎᐊᕈᓐᓇᕐᓂᖅ ᐅᓐᓂᕐᓗᑕᐅᓯᒪᔪᓂᒃ ᓈᒻᒪᒃᓴᕈᓂᕈᑕᐅᔪᓂᒡᓗᓐᓂᑦ SSi-ᑯᓐᓂᒃ?
   • ᐅᖃᕐᕕᒋᓚᐅᕐᓗᒋᑦ SSi-ᑯᑦ, ᖃᓄᑐᐃᓐᓇᖅ ᐊᑐᕐᓗᒋᑦ ᐅᖃᐅᓯᐅᓯᒪᔪᑦ ᐃᓗᐊᓂ 9.1-ᒥ, ᐃᓱᒪᓘᑎᖃᐃᓐᓇᕈᕕᑦ ᐅᓐᓂᕐᓘᑎᒋᔪᒪᔭᕐᓂᒃ ᓇᒻᒪᒋᖏᑕᕐᓂᓪᓗᓐᓃᑦ SSi-ᑯᓐᓂᒃ, ᑎᑎᕋᕐᕕᒋᔪᓐᓇᖅᐸᑎᑦ ᐅᑯᐊ complaints@ssimicro.com ᖃᓄᑐᐃᓐᓇᖅ ᐃᑲᔪᖅᑕᐅᔪᓐᓇᕐᓂᐊᕋᕕᑦ ᐃᓚᒋᔭᐅᔪᓄᑦ ᐊᐅᓚᑦᑎᔨᐅᖃᑕᐅᔪᑦ ᐱᓕᕆᔨᖏᓐᓂ.
   • ᐊᖀᖃᑎᒌᑦᑎᐊᕈᓐᓇᒃᑯᔅᓯ ᓱᓕ ᓈᒻᒪᒋᔭᕐᓂᒃ, ᑲᒥᓯᓇᐅᔪᑦ ᐅᓂᕐᓗᕕᑦᓴᐃᑦ ᑐᓴᐅᒪᖃᑦᑕᐅᑎᓕᕆᔨᒃᑯᑦ ᐱᔨᑦᓯᕋᐃᓕᕆᔨᖏᑦ CCTS-ᑯᑦ ᐃᓕᓐᓂᒃ ᐃᑲᔪᕈᓐᓇᕐᒥᔪᑦ, ᐊᑭᖃᖏᑦᑐᒥᒃ. ᑖᒃᑯᐊ ᑲᒥᓯᓇᒃᑯᑦ ᑐᑭᓯᓂᐊᖅᑎᐅᔪᓐᓇᖅᑐᑦ ᑎᒥᖁᑎᒋᔭᐅᕗᑦ ᐃᒻᒥᒍᖅᑐᑦ ᐱᔾᔪᑎᖃᖅᑐᓂᒃ ᑕᒪᐃᓐᓂᒃ ᑐᓴᐅᑎᓕᕆᔨᐅᕙᑦᑐᓐᒃ ᐊᒻᒪᓗ ᑕᓚᕕᓴᒃᑯᑦ, ᓇᓚᐅᑎᒃᑯᓪᓗᑦ ᐱᓕᕆᕕᐅᕙᑦᑐᓂᒃ ᓴᓈᖃᖅᑐᓂᒃ, ᑎᓕᔭᐅᓯᒪᒻᒪᑕ ᑲᓇᑕᒥ ᐋᖀᖃᑎᒌᒐᓱᐊᖅᑎᐅᓂᕐᒥᒃ ᐅᓐᓂᕐᓗᑕᐅᔪᒥᒃ ᐃᓄᓐᓂᒃ ᐃᓄᑑᔪᓂᒃ ᐊᒻᒪᓗ ᒥᑭᔫᑎᓂᒃ ᓇᒻᒪᓂᖅ ᐱᓕᕆᕕᓕᓐᓂᒃ ᓂᐅᕕᖅᑎᓂᒃ ᐱᔪᓂᒃ ᑕᒪᒃᑯᐊ ᑐᓴᐅᒪᖃᑦᑕᐅᑎᓂᕐᒧᑦ ᐱᔨᑦᓯᕋᐅᑎᓂᒃ ᐊᒻᒪᓗ ᐅᓐᓂᕐᓘᑕᐅᕙᑦᑐᓂᒃ ᐃᓄᖕᓄᑦ ᐃᓄᑑᔪᓄᑦ ᐱᔾᔪᑎᖃᖅᑐᓂᒃ ᑕᓚᕖᓴᒃᑯᑦ ᐱᔨᑦᓯᕋᐅᑎᓂᒃ ᓂᐅᕕᖅᐸᑦᑐᓂᒃ. ᐅᖃᕐᕕᒋᔪᒪᒍᕕᑦ ᑐᓴᐅᒪᑎᓕᕆᓂᕐᒧᑦ ᑲᒥᓯᓇᒃᑯᑦ CCTS-ᑯᑦ, ᑕᑯᓂᐊᕐᓗᒋᑦ ᖃᕆᑕᐅᔭᒃᑯᑦ ᑕᑯᓂᐊᖅᑕᐅᕕᖓᑦ ᐅᕙᓂ www.ccts-cprst.ca ᐅᕝᕙᓗᓐᓃᑦ ᐅᖄᓚᕕᒋᓗᒍᑦ ᐅᖓᓯᑦᑐᒥᒃ ᐊᑭᖃᖏᑦᑐᒥᒃ ᐅᕙᓂ 1-888-221-1687.
   • • ᑲᓇᑕᒥ ᓈᓚᐅᑎᒃᑯᑦ-ᑕᓚᕖᓴᒃᑯᓪᓗ ᐊᒻᒪᓗ ᑐᓴᐅᒪᖃᑦᑕᐅᑎᓕᕆᔩᑦ ᑲᒥᓯᓇᒃᑯᖏᑦ CRTC-ᑯᑦ ᓴᕿᑎᑦᑎᓯᒪᓕᕐᕆᕗᑦ ᓴᕕᒐᐅᔭᖃᖏᑦᑐᓂᒃ ᐅᐃᔭᖃᖏᑦᑐᑦ ᒪᓕᒐᕐᓂᒃ ᑐᓐᖓᕕᐅᔪᓂᒃ ᓯᕗᓪᓕᖅᐹᖅᓯᐅᑕᐅᔪᓂᒃ ᐱᔪᓐᓇᐅᑎᕐᑲᕈᑎᖏᓐᓂᒃ ᑕᒪᕐᒥᒃ ᓴᕕᒐᐅᔭᑰᖓᖏᑦᑐᓂᒃ ᓂᐅᕕᖅᐸᒃᑐᓂᒃ. ᖃᐅᔨᒋᐊᑦᑎᐊᕈᓐᓇᖅᑐᑎᑦ ᓴᕕᒐᐅᔭᖃᖏᑦᑐᓂᒃ ᒪᓕᒐᕆᔭᐅᔪᓂᒃ, ᑕᒪᒃᑯᓄᖓᓗ ᐊᓯᖏᓐᓂᒃ ᐃᓚᒋᔭᐅᔪᓂᒃ ᐅᕙᓂ ᑕᑯᒋᐊᕐᓗᒋᑦ ᖃᕆᑕᐅᔭᒃᑯᑦ ᑐᕌᕈᒻᒥ: http://crtc.gc.ca/eng/phone/mobile/prepay.htm
   3. ᐊᑐᖅᑕᐅᔭᕆᐊᓖᑦ ᒪᓕᒐᐃᑦ
   • ᓂᐅᕕᖅᐸᖕᓂᕐᒧᑦ ᐊᖏᕈᑏᑦ ᐊᐅᓚᑕᐅᕗᑦ ᑕᐃᒃᑯᓄᖓᑐᐊᖅ ᓴᓇᔭᐅᓯᒪᓪᓗᑎᒡᓗ ᒪᓕᒐᕆᔭᐅᓂᕐᒧᑦ ᑲᓇᑕᐅᑉ ᐅᑭᐅᖅᑕᖅᑑᓂᖏᓐᓂ ᐊᕕᒃᑐᖅᓯᒪᓂᖏᓐᓂ ᐅᕝᕙᓗᓐᓃᑦ ᑲᓇᑕᐅᑉ ᐊᕕᒃᑐᖅᓯᒪᓂᖏᓐᓂ, ᐊᑭᓕᑦᓴᓂᕕᒋᕙᑦᑕᕕᑦ ᑐᕌᕈᑎᖓᓂ, ᑭᓯᐊᓂᓕ ᐊᑭᓕᑦᓴᓂᑦᑕᐅᕕᓐᓄᑦ ᑐᕌᕈᑎᒋᔭᐃᑦ ᓯᓚᑕᓃᑉᐸᑦ ᑲᓇᑕᐅᑉ, ᓂᐅᕕᖅᐸᓐᓂᕐᒧᑦ ᐊᖏᕈᑏᑦ ᐊᐅᓚᑕᐅᔪᑑᓂᐊᕆᕗᑦ ᒪᓕᒐᖏᓐᓄᑦ ᑲᓇᑕᐅᑉ ᐊᕕᑦᑐᖅᓯᒪᓂᖓᓂ ᐋᓐᑎᐅᕆᔪᒥ, ᐃᖃᖅᑐᐃᕕᒃᑰᕆᐊᖃᕋᔭᖅᐳᑎᑦ ᐱᔾᔪᑎᖃᓕᕐᓂᕈᕕᑦ ᐋᓐᓂᑎᐅᔫᒥ ᐃᖃᖅᑐᐃᕕᒃᑯᑦ.
   4. ᓴᐳᓐᓂᐊᕈᑕᐅᓂᕐᒧᑦ ᑎᑎᖃᐃᑦ ᑎᑎᕋᖅᓯᒪᓂᖏᑦ
   • ᓇᓕᐊᑐᐃᓐᓇᐃᑦ ᑖᒃᑯᓇᓂ ᒪᓕᒐᕐᓄᑦ ᐃᓚᔭᐅᔪᑦ, ᐊᑐᐊᒐᕆᔭᐅᖃᑕᐅᔪᓪᓗᓐᓃᑦ, ᐃᓚᒋᔭᐅᓪᓗᑎᒃ ᐸᕝᕕᓴᖅᑕᐅᖃᑦᑕᕆᐊᖃᖏᓂᕐᒧᑦ ᐊᑐᐊᒐᐃᑦ ᐊᒻᒪᓗ ᓈᒻᒪᔪᓂᒃ ᐊᑐᖅᑕᐅᔭᕆᐊᖃᕐᓂᖏᓐᓄᑦ ᐊᑐᒐᐃᑦ, ᐊᑐᖅᑕᐅᖏᓐᓂᕋᐅᖅᑕᐅᒍᓐᓇᖅᐳᑦ ᐅᕝᕙᓗᓐᓃᑦ ᓱᕋᐃᓗᑕᐅᒍᑎᒃ ᐊᑐᕆᐊᓕᓐᓂᒃ ᒪᓕᒐᕐᓂᒃ ᒪᓕᒐᓪᓗᑐᕐᓂᓪᓗᓐᓃᑦ ᑕᐃᒃᑯᐊ ᑎᑎᕋᖅᓯᒪᓂᖏᑦ ᐃᓚᒋᔭᐅᓂᖏᑦ ᐲᔭᖅᑕᐅᒍᓐᓇᖅᐳᑦ, ᐋᕿᒋᐊᖅᑕᐅᓗᑎᓪᓗᓐᓃᑦ ᐊᑦᑐᖅᑕᐅᑕᐃᓕᒪᓗᑎᒃ ᐊᓯᖏᑦ ᑎᑎᕋᖅᓯᒪᓂᖏᑦ.
   • ᐊᔪᕐᓂᕈᑦᑕ ᒪᓕᑦᑕᐅᑲᐃᒐᓱᐊᕈᓐᓇᕐᓂᖅ, ᒪᓕᑦᑎᑦᑎᓐᓂᕐᒥᓗᓐᓃᑦ ᓴᖏᔪᒥᒃ ᓇᓪᓕᐊᓐᓂᑐᐃᓐᓇᖅ ᐃᓗᓕᖏᓐᓂᑦᑐᓂᒃ ᒪᓕᒐᕆᔭᐅᔪᓂᒃ ᓂᐅᕕᖅᐸᓐᓂᕐᒧᑦ ᐊᖏᕈᑎᓂᒃ, ᐃᓕᑕᕆᔭᐅᓯᒪᓂᐊᖏᓚᑦ ᖁᔭᓈᖅᑕᐅᓯᒪᔪᑎᑐᑦ ᓇᓪᓕᐊᓐᓂᑐᐃᓐᓇᖅ ᑎᑎᕋᖅᓯᒪᓂᖏᓐᓂᒃ ᐱᔪᓐᓇᐅᑕᐅᔪᓂᓗᓐᓃᑦ.
   5. ᐊᑐᐃᓇᐅᒍᓐᓇᕐᓂᖏᑦ ᐊᓯᐊᒍᑦ ᐅᖃᐅᓯᒃᑯᑦ ᐊᒻᒪᓗ ᐋᕿᐅᒪᔭᐅᒍᓐᓇᕐᓂᖏᓐᓂ
   • ᑐᑭᓯᑎᑦᑎᒋᐊᕈᑎᑦᓴᐃᑦ ᐊᑐᐃᓐᓇᐅᒍᓐᓇᕐᓂᖏᓐᓂᒃ ᐊᓯᐊᒍᑦ ᐅᖃᐅᓯᖅᑎᒍᑦ ᐊᒻᒪᓗ ᐋᕿᐅᒪᒍᓐᓇᕐᓂᖏᓐᓂ, ᐊᑏᑐᖅ ᐅᖃᕐᕕᐅᓂᐊᖁᒍᑦ ᖃᓄᑐᐃᓐᓇᖅ ᐊᑐᕐᓗᑎᒃ ᐅᖃᐅᓯᐅᓯᒪᓂᖏᓐᓂ 9.1-ᖓᓂ.

SSi-ᑯᓂᒃ ᓈᒪᔪᓂᒃ ᐊᑐᖅᑕᐅᓂᖏᓐᓄᑦ ᐊᑐᐊᒐᖏᑦ

1. ᓯᕗᓪᓕᕐᒥ ᐅᖃᐅᓯᑦᓴᐃᑦ
   • ᐊᑐᕌᖓᕕᑦ ᐱᔨᑦᓯᕋᐅᑎᑦᑎᓐᓂᒃ, ᐱᖁᑎᑦᑎᓐᓂᒃ, ᐱᖁᑎᕐᔪᐊᑦᑎᓐᓂᒃ ᓴᓇᕐᕕᐅᔪᓂᓗᓐᓃᑦ ᐊᒻᒪᓗ ᖃᓄᐃᑦᑐᑐᐃᓐᓇᕐᓂ ᓴᓇᔭᐅᓯᒪᔪᓂᒃ, ᐃᓗᓕᖃᖅᑐᓂᒃ, ᐊᑐᒐᑦᓴᔭᓂᒃ, ᐱᔨᑦᓯᕋᐅᑎᓗᓐᓃᑦ ᐊᑐᕈᒪᓗᑎᑦ ᐱᔨᑦᓯᕋᐅᑎᑎᓐᓂᒃ ᐱᖁᑎᒋᔭᑦᑎᓐᓂᓗᓐᓃᑦ, ᒪᓕᒋᐊᖃᕐᓂᐊᖅᑐᑎᑦ ᑕᒪᐃᓐᓂᒃ ᐊᑐᖅᑕᐅᒋᐊᓕᓂᒃ ᒪᓕᒐᕐᓂᒃ ᐊᒻᒪᓗ ᐅᕙᒍᑦ ᐊᑐᐊᒐᖏᓐᓂᒃ, ᒪᓕᒐᖏᓐᓂᒃ ᐊᒻᒪᓗ ᐃᓱᖃᖅᑎᑕᑦᑎᓐᓂᒃ ᑖᒃᑯᓇᓂ ᐊᑐᑦᓯᐊᖃᑦᑕᕆᐊᖃᕐᓂᕐᒧᑦ ᐊᑐᐊᒐᕐᓃᑦᑐᓂᒃ ‘Appropriate Use Policy’ (ᓇᐃᓈᖅᑕᐅᓪᓗᑎᒃ ᑕᐃᔭᐅᔪᓂ “AUP”). ᑖᒃᑯᐊ ᐊᑐᑦᓯᐊᖃᑦᑕᕆᐊᖃᕐᓂᕐᒧᑦ ᐊᑐᐊᒐᐃᑦ AUP-ᑯᑦ ᐃᓚᒋᐊᕈᑕᐅᒻᒪᑕ ᐊᑐᓕᖅᑎᑕᐅᓯᒪᓪᓗᑎᒡᓗ ᑕᐃᒃᑯᓄᖓ SSi-ᑯᑦ ᒪᓕᒐᖏᓐᓂ ᐱᔨᑦᓯᕋᐃᓂᕐᒧᑦ (“ᒪᓕᒐᑦᓴᐃᑦ”-ᖑᑎᑕᐅᔪᓂ). ᑐᑭᓯᓕᐅᖅᑕᐅᓯᒪᔪᑦᑖᒃᑯᓇᓂ ᐊᓯᖏᓐᓂᒃ ᑐᑭᓯᐊᓂ ᑐᑭᖃᖅᑕᐅᔪᖃᕐᑉᓂᕐᒥᒍᑎ, ᑖᒃᑯᓇᓃᑦᑐᑦ ᐊᑐᑦᓯᐊᖃᑦᑕᕆᐊᖃᕐᓂᕐᒧᑦ ᐊᑐᐊᒐᐃᑦ AUP-ᖑᔪᑦ, ᑐᑭᖃᖅᑎᑕᐅᕗᑦ ᑕᐃᒃᑯᓂᖓ ᒪᓕᒃᓱᑎᒃ ᑎᑎᕋᖅᑕᐅᓯᒪᔪᓂᒃ ᒪᓕᒐᕆᔭᐅᔪᓂ ᐱᔨᑦᓯᕋᖅᑕᐅᓂᕐᒧᑦ.
   • ᐊᖏᖅᓯᒪᖏᒃᑯᕕᑦ ᒪᓕᒐᕆᔭᐅᑎᑕᐅᓯᒪᔪᓂᒃ ᐊᒻᒪᓗ ᑕᒃᑯᓇᓂ ᐊᑐᐊᒐᕐᓂᒃ AUP-ᒥ, ᐃᓛᓐᓂᒃᑯᑦ ᐋᕿᒋᐊᖅᑕᐅᕙᓐᓂᐊᕐᒥᔪᓂᒃ, ᐊᑐᕈᓐᓃᑲᐅᑎᒋᔭᕆᐊᖃᕐᓂᐊᖅᑐᑎᑦ ᐱᔨᑦᓯᕋᖅᑕᐅᔪᓂᒃ, ᖃᐅᔨᑎᓪᓗᒋᓪᓗ SSi-ᑯᑦ ᐊᑐᕈᓐᓂᖅᑎᑦᑎᓚᓕᕐᓂᕐᓂᒃ ᐱᔨᑦᓯᕋᖅᑕᐅᔪᓂᒃ ᑕᐃᒃᑯᓂᖓ.
   • ᐊᑏᖅ ᖃᓄᑐᐃᓐᓇᖅ ᐊᐱᖁᑎᖃᕈᕕᑦ, ᐱᔾᔪᑎᖃᖅᑐᓂᒃ ᐊᑐᑦᓯᐊᖃᑦᑕᕆᐊᖃᕐᓂᕐᒧᑦ ᐊᑐᐊᒐᕐᓂᒃ ᑖᒃᑯᓂᖓ ᐅᕝᕙᓗᓐᓃᑦ ᐅᓐᓂᕐᓘᑕᐅᔪᓐᓇᖅᑐᓂᒃ ᓱᕋᐃᔭᐅᓂᖏᓐᓂᒃ ᑕᒃᑯᐊ AUP-ᑯ ᐊᑐᐊᒐᖏᓐᓂᒃ ᑕᒪᒃᑯᓄᖓ SSi-ᑯᓐᓂᒃ ᓂᐅᕕᖅᐸᒃᑐᓂᒃ, ᑐᕋᖓᑎᓪᓗᒋᑦ ᐅᕗᖓ ᖃᕆᑕᐅᔭᒃᑯᑦ ᑎᑎᖃᖅᑖᑲᐅᑎᒋᕝᕕᖓᒍᑦ AppropriateUse@ssimicro.com ᐅᕝᕙᓗᓐᓃᑦ ᐅᖃᕐᕕᐅᓗᑎᒃ SSi-ᑯᑦ ᑐᕌᕈᑎᓂᒃ ᐊᑐᕐᓗᑎᒃ ᐅᖃᐅᓯᐅᓯᒪᔪᓂᒃ ᑎᑎᕋᖅᓯᒪᓂᖏᓐᓂ 9-ᒥ ᒪᓕᒐᕆᔭᐅᔪᓂᒃ ᐱᔨᑦᓯᕋᖅᑕᐅᓂᕐᒧᑦ.
   • ᑐᓂᔭᐅᕙᑦᑐᑎ SSi-ᑯᓐᓂᒃ ᐱᔨᑦᓯᕋᐅᑎᓂᒃ ᐊᒻᒪᓗ ᐱᖁᑎᖏᓐᓂᒃ ᓂᐅᕕᖅᑎᐅᓂᕐᓄᑦ ᐊᑐᖅᑕᐅᔪᑦᓴᓂᒃ. ᐊᓯᐊᒍᑦ ᐊᖏᕐᓂᕈᑦᑕ ᑭᓯᐊᓂ, ᑐᓂᔭᐅᕙᖏᓚᑦ ᑕᒪᒃᑯᐊ ᐊᓯᑎᓐᓄᑦ ᑮᓇᐅᔭᓕᐅᕈᑎᑦᓴᐅᔪᓐᓇᕐᓂᕐᒧᑦ, ᓲᕐᓗ ᓂᐅᕕᐊᑦᓴᕆᔭᐅᒃᑲᓐᓂᕈᓐᓇᕐᓂᖏᓐᓂᒃ ᐃᓕᓐᓂᒃ ᐅᕝᕙᓗᓐᓃᑦ ᐃᓚᒋᔭᐅᒍᓐᓇᕐᓂᖅ ᐱᔨᑦᓯᕋᐅᑕᐅᓂᖏᑦ ᐊᓯᑦᑎᓐᓄᒃ ᐱᖓᔪᒋᔭᐅᐅᔪᓄᑦ. ᑐᓂᓯᔪᓐᓇᖏᓚᑎᑦ ᓂᐅᕕᖅᑎᐅᓂᕐᓄᑦ ᐊᑭᓕᖅᑐᕐᕕᒋᕙᑦᑕᓐᓂᒃ ᓯᕗᓂᐊᒍᑦ ᐅᖃᖅᓯᒪᔪᒥᒃ ᐊᖏᕈᑎᓕᐅᓚᐅᖏᓂᕐᓂᒃ.
2. ᖃᓄᐃᑦᑐᓂᒃ ᖃᓄᐃᓕᐅᕈᓐᓇᕐᓂᕐᒥᒃ ᐊᔪᕐᓇᖅᑎᑦᑎᕕᓯ?
   • ᑕᐃᒪᖓᑦ ᐃᓱᖃᖅᑎᑕᐅᖏᑦᑐᓂᒃ,ᐊᑐᖅᑕᐅᔭᕆᐊᖃᖏᑦᑐᑦ ᐊᑐᖅᑕᐅᑎᑦᑎᔪᓐᓇᖏᔅᓱᑎᓪᓗ ᐊᓯᖕᓄᑦ, ᐱᔨᑦᓯᕈᑎᓂᒃ ᐊᑐᐃᓐᓇᐅᑎᑦᑕᑦᑎᓐᓂᒃ ᖃᓄᑐᐃᓐᓇᖅ, ᒪᓕᒐᖏᓐᓂᒃ ᑲᓇᑕᒥ ᓱᕋᐃᓂᐊᖅᑐᓂᒃ, ᒪᑯᓂᖓ ᐃᓚᖃᖅᑐᓂᒃ:
   1. ᐊᑐᕈᓐᓇᕐᓂᖅ, ᐸᐸᑦᑎᔪᓐᓇᕐᓂᖅ, ᑐᓴᒐᑦᓴᓕᐅᕈᓐᓇᕐᓂᖅ, ᑎᑭᓴᐃᒍᓐᓇᕐᓂᖅ ᖃᕆᑕᐅᔭᒃᑯᑦ ᐊᔾᔨᖑᐊᓂᒃ, ᐊᒥᓱᓄᑦ ᑐᓂᐅᖃᐃᔪᓐᓇᕐᓂᖅ, ᐊᓯᐊᒍᓪᓗᓐᓃᑦ ᐊᑐᐃᓐᓇᐅᑎᑦᑎᒍᓐᓇᖏᓂᖅ ᐃᓗᓕᖃᖅᑐᓂᒃ ᑕᑯᔭᑦᓴᓂᓪᓗᓐᓃᑦ ᒪᓕᒐᕐᓂᒃ ᓱᕋᐃᔪᓂᒃ ᐅᕝᕙᓗᓐᓃᑦ ᓱᕋᐃᔪᓂᒃ ᓇᒻᒥᓂᖃᕈᑕᐅᓂᖏᓐᓄᑦ ᒪᓕᒐᕐᓂᒃ ᐊᓯᖏᓐᓂᓗᓐᓃᑦ ᐱᖁᑎᖃᐃᓐᓇᖅᑐᑦ ᐱᔪᓐᓇᐅᑎᖏᓐᓂᒃ ᐊᓯᖏᓐᓂᒃ;
   2. ᐃᓚᐅᔭᕆᐊᖃᖏᓂᕐᒥᒃ ᒪᓕᒐᕐᓂᒃ ᓱᕋᐃᔪᓂᒃ ᓂᐅᕐᕈᑎᑦᓴᖃᖃᑦᑕᕐᓂᕐᒥᒃ ᐅᕝᕙᓗᓐᓃᑦ ᓄᓪᓗᖅᑕᖅᑐᓂᒃ ᑮᓇᐅᔭᓕᐅᕈᑕᐅᒐᓱᐊᕈᓐᓇᖅᑐᓂᒃ;
   3. ᐊᑐᕋᓱᐊᖃᑦᑕᕐᓂ ᐱᔨᑦᓯᕋᐅᑎᑦᑎᓐᓂᒃ ᐱᐅᓯᖃᖅᑐᒥᒃ ᐊᑭᓖᑕᐃᓕᒪᒍᑕᐅᓂᐊᖅᑐᓂᒃ ᐊᑐᖅᑕᐅᓂᖏᓐᓂ;
   4. ᐃᓚᐅᓂᖏᓐᓂᒃ ᐱᕋᔭᒍᑕᐅᔪᓂ ᐊᑐᕐᓂᕐᒧᑦ ᐱᖁᑎᑦ ᐊᑐᖅᑕᐅᔪᑦ ᐃᓄᖁᑎᒋᔭᐅᔪᓄᑦ ᐱᖁᑎᒋᔭᐅᖃᑕᐅᒐᓗᐊᕈᒃ;
   5. ᐸᕝᕕᓴᒍᓐᓇᕐᓂᖅ ᐊᓯᒥᑕ ᐸᕝᕕᓴᖅᑕᐅᖃᑦᑕᕆᐊᖃᖏᓂᖏᓐᓂᒃ;
   6. ᑲᑎᖅᓱᐃᔪᓐᓇᕐᓂᖅ ᑐᖁᖅᑐᐃᔪᓐᓇᕐᓂᕐᓗᓐᓃᑦ ᓇᒻᒥᓂᖅ ᐱᔾᔪᑎᖃᖅᑐᓂᒃ ᖃᐅᒪᔾᔪᑕᐅᔪᓂᒃ ᐊᓯᖏᓐᓂᒃ ᐊᑐᖅᐸᒻᒥᔪᓂᒃ;
   7. ᑎᕐᓕᐊᖅᓰᓐᓇᖃᑦᑕᕐᓂᖅ ᐅᕝᕙᓗᓐᓃᑦ ᐸᕝᕕᓴᐃᖃᑦᑕᕐᓂᖅ ᐊᓯᒥᓂᒃ ᐃᓄᖕᓂᒃ ᑎᒥᖁᑎᒋᔭᐅᔪᓂᓪᓗᓐᓃᑦ, ᖃᓄᑐᐃᓐᓇᑦᑎᐊᖅ;
   8. ᐊᑐᖅᑕᐅᒍᔪᓐᓇᕐᓂᖏᓐᓂ ᖃᓄᐃᑦᑐᑐᐃᓐᓇᐃᑦ ᖃᕆᑕᐅᔭᐃᑦ, ᖃᕆᑕᐅᔭᐃᓪᓗ ᐃᓗᑦᓴᔭᖏᑦ, ᖃᐅᔨᒪᔾᔪᑎᑦᓴᐃᓪᓗᓐᓃᑦ ᐊᐅᓚᑦᑎᔪᓐᓇᕐᓂᕐᒧᑦ ᑕᒪᒃᑯᓂᖓ ᐅᕝᕙᓗᓐᓃᑦ ᖃᓄᐃᑦᑐᑐᐃᓐᓇᕐᓂ ᑕᒪᐅᖓᑐᐃᓐᓇᖅ ᐅᖃᐅᓯᐅᑦᑕᐃᓕᒪᔪᓂᒃ, ᓇᒻᒥᓂᖃᕈᑎᓂᒃ-ᓴᐳᓐᓂᐊᖅᑕᐅᓯᒪᔪᓂᒃ ᐅᕝᕙᓗᓐᓃᑦ ᓴᓇᔭᐅᖄᕐᓂᑰᓂᖏᓐᓄᑦ-ᓴᐳᓐᓂᐊᖅᑕᐅᓯᒪᔾᔪᓂᒃ ᐱᖁᑎᒋᔭᐅᔪᓂᒃ ᑎᒍᒥᐊᖅᑕᐅᔪᓂᒃ ᑭᓇᑐᐃᓐᓇᕐᒧᑦ, ᖃᐅᔨᑎᑕᐅᖏᑎᓗᒋᑦ ᐊᖏᖅᑕᐅᓯᒪᖏᑎᓗᒋᓪᓗᓐᓃᑦ ᑕᐃᒃᑯᓄᖓ ᓇᖕᒥᓂᖃᖅᑎᐅᔪᓄᑦ;
   9. ᖃᕆᑕᐅᔭᒃᑯᑦ ᐅᖃᓕᒫᒐᑦᓴᐅᔪᓐᓇᖅᑐᓂᒃ/ᑕᑯᔭᑦᓴᐅᔪᓐᓇᖅᑐᓂ ᑎᑭᓴᐃᕙᓐᓂᖅ ᐅᖓᓯᑦᑐᒥᒃ, ᐅᖃᓕᒪᒐᓕᐅᕐᓂᖅ, ᐱᐅᔪᓃᖅᑎᑦᑎᓂᖅ, ᐋᕿᒋᐊᕆᓂᖅ, ᑐᓴᒐᑦᓴᓕᐅᕐᓂᖅ/ᑕᑯᔭᑦᓴᐅᑎᑦᑎᓂᖅ, ᐊᒥᓱᓕᐅᕐᓂᖅ ᑕᐃᒃᑯᓂᖓᑦᓴᐃᓐᓇᖅ, ᑐᓂᐅᖃᐃᓂᖅ ᐊᑐᐃᓐᓇᐅᑎᓪᓗᒋᑦ ᖃᓄᑐᐃᓐᓇᖅ ᐊᑐᐃᓐᓇᕈᐃᓂᕐᓗᓐᓃᑦ ᖃᐅᔨᒪᔾᔪᑎᑦᓴᓂᒃ, ᖃᕆᑕᐅᔭᐃᓪᓗ ᐃᓗᓕᑦᓴᔭᖏᓐᓂᒃ ᐊᓯᖏᓂᓗᓐᓃᑦ ᐱᖁᑎᓂᒃ ᓴᐳᓐᓂᐊᖅᑕᐅᓯᒪᔪᓂᒃ ᓇᒻᒥᓂᖃᕈᑕᐅᓂᖏᓐᓄᑦ ᒪᓕᒐᕐᓂᒃ ᐊᓯᖏᓐᓂᓗᓐᓃᑦ ᐱᖁᑎᖃᐃᓐᓇᖅᑐᑦ ᐱᔪᓐᓇᐅᑎᖃᕐᕕᐅᔪᓂᒃ (ᓲᕐᓗ ᑕᐃᒃᑯᓂᖓ ᐅᖃᐅᓯᐅᑦᑕᐃᓕᒪᓂᖏᓐᓄᑦ ᐊᖏᕈᑎᖃᖅᑐᓂᒃ) ᐅᕝᕙᓗᓐᓃᑦ ᐱᓕᕆᐊᖑᔪᓐᓇᕐᓂᖏᓐᓄᑦ, ᐊᖏᖅᑕᐅᓯᒪᖏᓪᓗᒋᑦ ᑕᐃᒃᑯᓄᖓ ᓇᖕᒥᓂᖃᕈᑎᓕᖕᓂᒃ ᒪᓕᒐᖅᑎᒍᑦ ᐅᕝᕙᓗᓐᓃᑦ ᐱᔪᓐᓇᐅᑎᖃᖅᑐᓂᒃ ᐸᐸᑦᑎᔨᐅᔪᑑᔪᓐᓇᕐᓂᕐᒧᑦ;
   10. ᐊᑐᖃᑦᑕᕐᓂᕐᒧᑦ, ᐊᒥᓱᓕᐅᕈᓐᓇᕐᓂᕐᒧᑦ ᑕᐃᒃᑯᓂ, ᐊᑐᐃᓐᓇᕈᐃᔪᓐᓇᕐᓂᖅ, ᓂᐅᕕᐊᑦᓴᐅᑎᑦᑎᒍᓐᓇᕐᓂᖅ, ᓂᐅᕈᑎᑦᓴᕆᒃᑲᓐᓂᕈᓐᓇᕐᓂᖅ ᐊᓯᐊᒍᓗᓐᓃᑦ ᐊᑐᕐᓂᕐᓗᒍᓐᓇᕐᓂᖅ ᐱᔨᑦᓯᕋᐅᑎᓂᒃ ᐃᓗᓕᖏᓐᓂᓗᓐᓃᑦ ᐊᑐᐃᓐᓇᐅᑎᐸᑕᑦᑎᓐᓂᒃ, ᐱᓯᒪᔭᕐᓂᓗᓐᓃᑦ ᐱᔨᑦᓯᕋᖅᐸᑦᑕᑦᑎᓐᓂᒃ ᑮᓇᐅᔭᓕᐅᕈᑎᒋᓗᒋᑦ, ᐊᖏᕈᑎᖃᖏᑎᓪᓗᑎᑦ ᓯᕗᓂᐊᒍᑦ;
   11. ᐊᔾᔨᓕᐅᖃᑕᕐᓂᖅ, ᐊᑐᐃᓐᓇᐅᑎᑦᑎᕙᓐᓂᖅ, ᐱᔪᓐᓇᐅᑎᑖᕈᑎᒋᓂᖅ ᓚᐃᓴᓐᓯᒥᒃ, ᐊᓯᐊᒍᓪᓗᓐᓃᑦ ᐊᑐᐃᓐᓇᕈᐃᕙᓐᓂᖅ ᖃᓄᐃᑦᑐᑐᐃᓐᓇᕐᒥᒃ ᖃᕆᑕᐅᔭᓄᑦ ᐃᓗᓕᑦᓴᔭᕆᐅᔭᐅᕙᑦᑎᓐᓂᒃ ᐱᓯᒪᔭᕐᓂᒃ ᐅᕙᑦᑎᓂᖓᖅᑐᓂᒃ ᐅᕝᕙᓗᓐᓃᑦ ᐱᔨᑦᓯᕋᖅᐸᑦᑕᑦᑎᓐᓂᒃ, ᐊᖏᖅᑕᐅᓯᒪᓗᑎᓪᓗ ᑭᓯᐊᓂ ᑕᐃᒪᐃᓕᐅᕈᓐᓇᖅᓱᑎᑦ;
   12. ᐋᕿᒋᐊᕈᓐᓇᕐᓂᖅ, ᐊᒥᓱᓕᐅᕈᓐᓇᕐᓂᖅ ᐅᕝᕙᓗᓐᓃᑦ ᐊᓯᔾᔩᒍᓐᓇᕐᓂᖅ ᐱᔨᑦᓯᕋᖅᑕᐅᕙᓐᓂᖏᓐᓂᒃ, ᐊᐅᓚᑕᐅᕙᑦᑐᓂᓪᓗᓐᓃᑦ, ᐃᓚᒋᔭᐅᔪᓂᓪᓗᓐᓃᑦ, ᐃᓕᕆᔭᐅᔾᔪᑎᖏᓐᓂᓗᓐᓃᑦ ᐱᖁᑎᕕᑦ, ᓱᕐᓗ ᑕᐃᒃᑯᓂᖓ ᖃᕆᑕᐅᔭᒃᑯᕈᓐᓇᖅᑐᓂᒃ ᐃᓕᑕᕆᔭᐅᔾᔪᑎᖏᓐᓂᒃ ᓈᓴᐅᑎᖏᓐᓂᒃ Electronic Serial Number (ESN), ᓄᓇᕐᔪᐊᓕᒪᒥᓗ ᓇᑦᓴᒐᕐᓂᒃ ᐱᖁᑎᓂᒃ ᐃᓕᑕᕆᔭᐅᔾᔪᑎᖏᓐᓂᒃ International Mobile Equipment Identity (IMEI) ᐅᕝᕙᓗᓐᓃᑦ ᖃᕆᑕᐅᔭᒃᑯᑦ ᐅᖓᓯᑦᑐᑰᕈᓐᓇᐅᑎᖓᑕ ᑐᕌᕈᑎᖏᓐᓂᒃ MAC Address, ᐊᓯᔾᔨᖅᑕᐅᔭᕆᐊᖃᖏᓂᖏᓐᓄᑦ, ᐊᒥᓱᓕᐊᖑᔭᕆᐊᖃᖏᓂᖏᓐᓄᑦ, ᐋᕿᒋᐊᖅᑕᐅᔭᕆᐊᖃᕐᓂᖏᓐᓄᑦ;
   13. ᐊᔪᓕᖅᑎᑦᑎᒍᓐᓇᕐᓂᖅ, ᓱᒃᑲᐃᓕᖅᑎᑦᑎᓂᖅ ᐅᕝᕙᓗᓐᓃᑦ ᓄᖃᖅᑕᑭᑕᑦᑎᑦᓯᒍᓐᓇᕐᓂᖅ ᑭᓇᑯᑐᐃᓐᓇᐃᑦ ᐊᑐᕈᓐᓇᕐᓂᖏᓂᒃ ᖃᕆᑕᐅᔭᒃᑯᑦ ᐅᖓᓯᑦᑐᒃᑰᕈᑎᖏᓐᓂᒃ, ᐱᔨᑦᓯᕋᐅᑎᓂᒃ ᐊᓯᖏᓐᓂᓗᓐᓃᑦ ᐱᖁᑎᒋᔭᒥᓂᒃ, ᓴᓇᕐᕈᑎᒥᓂᓗᓐᓃᑦ ᐊᑦᑕᑕᕈᑎᒋᕙᑦᑕᖏᓂᒃ ᐱᔨᑦᓯᕋᐅᑎᓂᒃ, ᓴᕿᑎᑦᑎᒋᐊᕈᓂᓗᓐᓃᑦ ᐊᖏᔪᐊᓗᖕᒥᒃ ᐃᓗᓕᖃᖅᑐᓂᒃ ᖃᕆᑕᐅᔭᒃᑰᕆᐊᖃᖅᑐᓂᒃ ᐊᖅᑯᑎᐊᒍᑦ, ᐃᓚᖃᕐᒥᔪᓂᒃ ᑕᐃᒪᖓᑦ, ᓴᕿᑎᑦᑎᒍᓐᓇᕐᓂᖅ, ᑐᔪᐃᖃᑦᑕᕈᓐᓇᕐᓂᖅ, ᐊᓯᐊᒍᓪᓗᓐᓂᑦ ᐊᑐᐃᓐᓇᕈᐃᔪᓐᓇᕐᓂᖅ ᖃᐅᔨᒪᔾᔪᑎᑦᓴᓕᐊᕆᔭᐅᓯᒪᔪᓂᒃ ᐅᕝᕙᓗᓐᓃᑦ ᖃᕆᑕᐅᔭᓄᑦ ᐃᓗᓕᑦᓴᔭᕆᔭᐅᔪᓂᒃ ᐃᓚᖃᖅᑐᓂᒃ ᖁᐱᕐᕈᖃᖅᑐᓂᒃ ᓱᕋᐃᔪᓐᓇᖅᑐᓂᒃ, ᐸᖓᐃᕈᑎᖃᖅᑐᓂ ᐊᔪᓕᕈᑕᐅᓂᐊᖅᑐᓂᒃ, ᖄᖅᑎᕈᑕᐅᔪᓐᓇᖅᑐᓂᒃ, ᑯᒪᖃᕐᓂᕋᖅᑕᐅᕙᑐᓂᒃ ᓱᑲᐃᓕᓗᑕᐅᔪᓐᓇᖅᑐᓂᒃ, ᓱᕋᖅᑎᕆᔾᔪᑕᐅᔪᓐᓇᖅᑐᓂᓪᓗᓐᓃᑦ ᑕᐃᔭᐅᕙᑦᑐᓂᒃ Trojan horse-ᓂᒃ ᐃᔨᕋᖅᑐᕈᑎᖃᖅᑐᓂᒃ ᓇᕿᑕᐅᒍᑎᒃ ᓱᕋᑦᑎᕆᔪᓐᓇᖅᑐᓂᒃ, ᒪᑉᐱᖅᓯᓗᑕᐅᔪᓐᓇᖅᑐᓂᒃ, ᐃᓯᕈᑕᐅᔪᓐᓇᖅᑐᓂᒃ ᖃᕆᑕᐅᔭᕐᓄᑦ, ᓱᕋᑦᑎᕆᔾᔪᑕᐅᓂᐊᖅᑐᓂᒃ ᐊᖏᔪᒥᒃ ᐊᒥᓱᓄᑦ ᑎᑎᖃᖅᑖᖅᑎᑦᓯᓕᕐᕈᓐᓇᖅᑐᓂᒃ (“ᐊᑦᑕᑯᓂᒃ” ᔅᐹᒻ-ᖑᓂᕋᖅᑕᐅᔪᓂᒃ ᐊᓯᖏᓐᓂᓗᓐᓃᑦ ᑐᓴᒐᑦᓴᓕᐅᕈᑕᐅᔪᑎᑐᑦ ᑕᐅᑐᖃᖅᑐᓂᒃ, ᓱᕋᐃᒍᑎᓗᓐᓃᑦ ᑲᓇᑕᒥ ᑐᔪᐃᑦᑕᐃᓕᒪᔭᕆᐊᖃᕐᓂᕐᒧᑦ ᐊᒥᓱᐊᓗᓐᓄᑦ ᐊᑑᑎᖃᖏᑦᑐᒥᒃ ᒪᓕᒐᖏᓐᓂᒃ ᐊᓯᖏᓐᓂᒡᓗᓐᓃᑦ ᐊᒥᓱᐊᓗᖕᓄᑦ ᐊᖏᔪᐊᓗᖕᒥᒃ ᑐᔪᐃᖃᑦᑕᕆᐊᖃᖏᑦᑐᓂᒃ ᐅᕙᓗᓐᓃᑦ ᑎᒎᖃᐃᓗᑕᐅᓂᐊᖅᑐᓂᒃ ᐃᓗᓕᒥᐅᑕᕆᔭᐅᔪᓂᒃ ᑕᒪᐅᖓᑐᐃᓐᓇᖅ ᑕᑯᔭᐅᑦᑕᐃᓕᒪᑎᑕᐅᒋᐊᖅᓯᒪᔪᓂᒃ ᐱᔾᔪᑎᓕᓐᓂᒃ, ᐊᑐᖅᑕᐅᓂᖏᓄᓪᓗᓐᓃᑦ ᐱᔨᑦᓯᕋᐅᑎᒋᔭᕗᑦ ᐱᐅᖏᑦᑐᒥᒃ ᐱᔮᖁᑕᐅᔪᓂᒃ ᐊᑐᐃᓐᓇᐅᑎᑦᓯᒐᓱᐊᕈᑕᐅᔪᓐᓇᖅᑐᓂᒃ ᖃᓄᐃᓕᖓᔪᓐᓇᕐᓂᖏᓐᓂᒃ ᐱᔨᑦᓯᕋᐅᑏᑦ ᑲᑎᖓᕙᑦᑐᑦ, ᐊᓯᑕᖃᕈᓐᓇᕐᓂᖏᓐᓂᓗᓐᓃᑦ ᐊᑐᐃᓐᓇᐅᑎᑕᐅᒍᓐᓇᖅᑐᓂᒃ ᐅᕝᕙᓗᓐᓃᑦ ᓂᐅᕐᕈᑎᑦᓴᐅᓂᕋᖅᑕᐅᕙᓐᓂᖏᓐᓂᒃ ᐱᔪᓂᒃ;
   14. ᐱᑕᖃᕋᓗᐊᖅᑎᓪᓗᒋᑦ ᑐᓐᖓᕕᒻᒥᐅᕙᑦᑐᑦ ᖃᕆᑕᐅᔭᒃᑯᑦ ᐅᖓᓯᑦᑐᑯᕈᑕᐅᓂᕐᒧᑦ ᐊᖅᑯᑎᖏᑦ ᐱᔨᑦᓯᕋᐅᑎᓄᓪᓗ ᐊᑐᕐᓗᑎᒃ, ᐊᓯᐊᒍᓪᓗᓐᓃᑦ ᐊᔪᓕᖅᑎᑦᑎᔪᓐᓇᕐᓂᖅ, ᓱᒃᑲᓗᐊᕈᑕᐅᓕᕈᓐᓇᕐᓂᖏᓐᓂᒃ, ᓄᖃᖅᑕᑭᑕᐃᓐᓇᒍᑕᐅᓕᕈᓐᓇᕐᓂᖏᓐᓂᒃ, ᐊᔪᓕᕈᑕᐅᓂᐊᖅᑐᓂᒡᓗᓐᓃᑦ ᐅᕙᑦᑎᓐᓄᑦ ᓇᐅᑦᑎᖅᑐᐃᕙᓪᓕᐊᖃᑦᑕᐃᓐᓇᕈᓐᓇᕐᓂᖅ, ᐊᑐᐃᓐᓇᐅᑎᑦᑎᒍᓐᓇᕐᓂᑦᑎᓐᓄᓪᓗᑦ ᑕᐃᒪᐃᓕᖓᓕᕈᑕᐅᔪᓐᓇᖅᑐᓂᒃ ᐱᔨᑦᓯᕋᖅᐸᑦᑕᑦᑎᓐᓂᒃ, ᖃᓄᑐᐃᓐᓇᕐᓗ ᐃᖏᕐᕋᔪᓐᓇᕐᓂᖏᓐᓂᒃ ᐊᐅᓚᕙᓪᓕᐊᖏᓐᓇᕆᐊᓕᑦ ᐅᕝᕙᓗᓐᓃᑦ ᐃᖏᕐᕋᔪᓐᓇᐅᑕᐅᓂᕐᒧᑦ ᖃᐅᔨᒪᔾᔪᑕᐅᕙᓪᓕᐊᖏᓐᓇᕐᓂᖏᓐᓄᑦ;
   15. ᐸᕝᕕᓴᖃᑦᑕᕐᓂᖅ ᖃᕆᑕᐅᔭᐃᑦ ᐅᖓᓯᑦᑐᒃᑰᕈᓐᓇᐅᑎᖏᓐᓂᒃ, ᑐᓴᐅᒪᖃᑕᐅᑎᔾᔪᑕᐅᔪᓐᓇᕐᓂᖏᓐᓄᓪᓗᓐᓃᑦ ᐊᖅᑯᑎᓂᒃ ᐱᔨᑦᓯᖃᖅᑕᐅᕙᑦᑐᓂᒃ ᑕᐃᒃᑯᓅᓇᓗᓐᓃᑦ ᑕᐃᑯᖓᐅᔪᓄᓪᓗᓐᓂᑦ ᐊᑐᖅᐸᑦᑐᓂᒃ, ᐊᑐᐃᓐᓇᐅᑎᑦᑎᔨᖏᓐᓂᒃ, ᑐᖓᓴᐃᔨᐅᓂᖏᓐᓂᒃ ᐅᕝᕙᓗᓐᓃᑦ ᐱᖁᖃᕐᕕᐅᔪᓂᒃ ᐊᑐᖅᑕᐅᓂᖏᓐᓄᑦ ᐊᖅᑯᑎᖃᕐᕕᐅᒐᒥᒃ, ᑕᒪᐃᓐᓂᑦᑎᐊᖅ, ᐱᔨᑦᓯᕋᖅᑕᐅᓂᖏᓐᓂᒃ ᑲᑕᒃᑎᕆᓂᐊᖅᑐᓂᒃ ᐊᔪᓕᖅᑎᑦᑎᓗᑎᒃ, ᐱᑕᖃᓗᐊᖅᑎᑦᑎᓂᕐᒧᓪᓗᓐᓃᑦ ᓇᑦᓯᐅᑎᔭᐅᔪᓐᓇᕐᓂᖏᓂᒃ ᓯᒥᑦᑎᕆᓗᑎᒃ ᐃᖕᖏᕐᕋᐃᓐᓇᕆᐊᖃᖅᑐᓂᒃ ᐊᔪᓕᖅᑎᑦᑎᓗᓂᓗ ᑕᐃᒪᒃ, ᑎᒍᓯᓯᒪᓂᕐᒧᓪᓗᓐᓃᑦ ᐊᑐᕐᓂᕐᓗᖃᑦᑕᕐᓂᕐᒧᓪᓗᓐᓃᑦ ᐊᐅᓚᑦᑎᔨᐅᔪᓂ ᐱᔪᓐᓇᐅᑎᖃᖅᑎᑕᐅᓂᕐᒥᓂᒃ (“ᐃᓵᖅᓯᒪᓂᕋᖅᑕᐅᕙᓐᓂᖅ” ᖃᕆᑕᐅᔭᐃᑦ ᐃᓗᓕᖏᓂᒃ ᐃᒡᕕᐅᓂᕋᖃᑕᕐᓗᓂ ᐊᑐᕐᓕᓂ ᐊᑎᕐᓂᒃ), ᐅᕝᕙᓗᓐᓃᑦ ᑲᑕᑦᑎᑦᓯᒐᓗᐊᕐᓂᖅ ᐊᑐᐃᓐᓇᐅᑎᑦᓯᕙᑦᑐᓂᒃ ᐊᖅᑯᑎᖏᓐᓂᒃ;
   16. ᑎᒍᓯᔪᓐᓇᕐᓂᖅ ᐃᓅᑉ ᑭᓇᐅᓂᖏᓐᓂᒃ ᑎᒥᐅᓪᓗᓐᓃᑦ ᖃᕆᑕᐅᔭᒃᑯᑦ ᐊᑐᕐᓗᓂᒋᑦ, ᑕᒪᐃᓐᓂᒃ ᐃᓱᖃᖅᑎᑕᐅᖏᑦᑐᓂᒃ, ᑭᒡᒐᑐᐃᔨᐅᖑᐊᕐᓗᓂ SSi-ᑯᓂᖔᕐᓂᕋᕐᓗᓂ, ᓯᕗᓕᐅᖅᑎᐅᓂᕋᕐᓗᓂᓗᓐᓃᑦ, ᑐᖓᓴᐃᔨᐅᓂᕋᕐᓗᓂᓗᓐᓃᑦ, ᓇᓗᓇᐃᔭᐃᔨᐅᓂᕋᕐᓗᓂᓗᓐᓃᑦ, ᐅᕝᕙᓗᓐᓃᑦ ᓱᓕᖏᑦᑐᓂᒃ ᐅᑲᖃᑦᑕᕐᓗᓂ ᐅᕝᕙᓗᓐᓃᑦ ᐊᓯᐊᒍᑦ ᓱᓕᖏᑦᑐᓂᒃ ᑭᒡᒐᖅᑐᐃᔨᐅᖑᐊᖃᑦᑕᕐᓗᑎᒃ ᐃᓕᖕᓂᒃ, ᐃᕕᐅᓂᕋᖃᑦᑕᕐᓗᓂᓗᓐᓃᑦ ᑎᒥᖁᑎᒋᔭᔅᓯᓐᓂᓗᓐᓃᑦ;
   17. ᑐᓴᒐᑦᓴᓕᐅᖃᑕᕐᓗᓂ ᐊᑐᕐᓂᕐᓗᖃᑦᑕᕐᓗᓂᓗᓐᓃᑦ ᐊᓯᖓᑕ ᐊᑎᖓᓂᒃ ᑕᐃᒍᓯᖓᓂᓪᓗᓐᓃᑦ ᐃᓕᑕᕆᔭᐅᓂᐊᖏᒻᒪᑕ ᓇᑭᖔᕐᒪᖓᑕ ᐃᓗᓕᖏᑦ ᓴᕿᑎᑕᐅᕙᓪᓕᐊᔪᑦ ᖃᕆᑕᐅᔭᒃᑯᑦ ᐱᔨᑦᓯᕋᐅᑎᑎᒍᑦ; ᐅᕝᕙᓗᓐᓃᑦ
   18. ᐊᒻᒪᖅᓯᕕᐅᓯᒪᕙᓐᓂᖏᑦ ᑲᐳᑎᕕᐅᓗᑎᒃ ᐊᑐᖅᑕᐅᕙᓐᓂᖏᑦ ᐃᓄᐃᑦ ᖃᕆᑕᐅᔭᖏᓐᓄᑦ ᐅᕝᕙᓗᓐᓃᑦ ᓴᕕᒐᐅᔭᖃᖏᑦᑐᒃᑰᕈᑎᓕᑦ ᐊᑐᖅᑕᐅᔪᓐᓇᕐᓂᖏᓐᓂᒃ ᓇᒻᒥᓂᓕᒻᒧᑦ ᐊᖏᖅᑕᐅᓯᒪᒍᑎᒃ, ᐅᕝᕙᓗᓐᓃᑦ ᐊᑐᖅᑕᐅᔭᕆᐊᖃᖏᑦᑐᓂᒃ ᐊᑐᕈᓐᓇᕐᓂᖅ ᑕᐃᒃᑯᓂᖓ ᖃᓄᐃᑦᑐᑐᐃᓐᓇᕐᓂᒃ ᓴᓇᕐᕈᑎᓂᒃ ᐃᓂᓪᓚᖓᐃᓗᑕᐅᕙᑦᑐᓂᒃ ᐃᓯᕐᕕᐅᔪᓐᓇᕐᓂᖅ.
3. ᖃᓄᐃᑦᑑᕙᓪᓕ ᒪᓕᒐᕐᓂᒃ ᓱᕋᐃᓂᕐᒧᑦ ᓇᒻᒪᖏᑐᓂᓗᓐᓃᑦ ᐃᓗᓕᖃᕐᓂᕋᐃᔪᓐᓇᖅᑐᑦ?
   • ᐱᔪᓐᓇᐅᑎᖃᖅᑐᐳᒍᑦ ᓅᑦᑎᔪᓐᓇᕐᓂᖅ, ᐲᔭᐃᔪᓐᓇᕐᓂᖅ, ᓴᕿᑎᑦᑎᔪᒪᖏᑦᑐᓐᓇᕐᓂᖅ ᖃᓄᐃᑐᑐᐃᓐᓇᕐᓂᒃ ᐃᓗᓕᕆᔭᐅᔪᓂᒃ, ᑕᒪᐃᓐᓂᒃ ᐃᓗᐃᒃᑲᐅᓗᑎᒃ ᐃᓚᐃᓐᓇᖅᑐᓂᒡᓗᓐᓃᑦ, ᑕᐃᒪᒃ ᐅᕙᒍᑦ, ᐃᓱᒪᖅᓱᕐᓗᑕ, ᐃᓱᒪᓕᐅᕈᑎᒋᓯᒪᔭᑦᑎᓂᒃ ᓇᒻᒪᖏᓂᖅ, ᐊᑐᒐᓴᐅᖏᓂᖅ, ᐱᔪᒪᕙᐅᖏᓐᓂᖅ, ᓱᕋᐃᒍᑕᐅᒍᑎᒡᓗᓐᓃᑦ ᐊᖏᕈᑎᓂᒃ ᒪᓕᒐᕐᓄᒃ ᑖᒃᑯᖓᓗᓐᓃᑦ ᐊᑐᑦᓯᐊᖃᑦᑕᕆᐊᖃᕐᓂᕐᒧᑦ ᐊᑐᐊᒐᐃᑦ AUP-ᓂᒃ. ᑕᒪᒃᑯᐊ ᐃᓚᖃᖅᐳᑦ ᒪᑯᓂᖓ, ᑕᒪᒃᑯᓂᖓᑑᖏᒻᒥᔫᒐᓗᐊᕐᓗ:
   1. ᐱᐅᖏᓐᓂᕋᐃᓕᕈᑕᐅᒋᐊᖅᑐᓂᒃ, ᐱᕋᔭᒍᑕᐅᔪᓂᒃ ᓯᓚᐃᕐᕆᐊᖃᕋᓱᐊᕈᑕᐅᓂᕐᒧᓪᓗᓐᓃᑦ ᐅᖃᐅᓯᖃᖅᑐᓂᒃ;
   2. ᐅᓗᕆᐊᓇᖅᑐᓂᒃ, ᐃᓚᕋᓈᖅᓵᕆᔪᓂᒃ, ᐱᑦᑎᐊᖏᓐᓂᐅᔪᓂᒃ ᐅᕝᕙᓗᓐᓃᑦ ᐸᕝᕕᓴᓐᓂᕐᓄᑦ ᐅᖃᐅᓯᖃᖅᑐᓂᒃ;
   3. ᐃᓗᓕᖃᖅᑐᓂᒃ ᓱᕋᐃᓯᒪᔪᓂᒃ ᐸᕝᕕᓴᖃᑦᑕᕆᐊᖃᖏᓂᕐᒧᑦ ᐱᔪᓐᓇᐅᑕᐅᔪᓂᒃ ᓇᒻᒪᖃᕈᑕᐅᔪᓄᓪᓗ ᐱᔪᓐᓇᐅᑎᖃᕐᕕᐅᔪᓂᒃ ᐊᓯᒥᓄᑦ;
   4. ᐃᓗᓕᖃᖅᑐᓂᒃ ᒪᓕᒐᕐᓂᒃ ᓱᕋᐃᓪᓗᑎᒃ ᐊᑐᓕᖅᑎᑦᑎᕙᓪᓕᐊᒐᓱᐊᕐᓂᖅ, ᐱᐅᓯᖅᑖᖅᑎᑦᑎᕙᓪᓕᐊᓂᕐᓗᓐᓃᑦ ᐃᑉᐱᒍᓱᓕᖅᑎᑦᑎᒐᓱᐊᕐᓂᖏᓐᓂᒃ ᖀᒥᒍᓱᖁᔨᓂᕐᒥᒃ;
   5. ᐃᓗᓕᖃᖅᑐᓂᒃ ᐊᓯᐊᒍᑦ ᐱᐅᖏᓐᓂᕋᐅᔪᓂᒃ, ᒪᓕᒐᕐᓂᒃ ᓱᕋᐃᔪᓂᒃ ᐅᕝᕙᓗᓐᓃᑦ ᓈᒻᒪᒋᔭᐅᓇᔭᖏᑦᑐᓂᒃ; ᐅᕝᕙᓗᓐᓃᑦ
   6. ᖃᓄᑐᐃᓐᓇᖅ ᓴᕿᑎᑦᑎᔪᓐᓇᕐᓂᖅ ᐱᐅᓯᖃᖅᑎᑦᑎᕙᓪᓕᐊᒐᓱᐊᖅᑐᓂᒃ ᐱᕋᔭᒍᑕᐅᓂᐊᖅᑐᓂᒃ, ᐃᓅᖃᑎᒌᑦᑐᓄᓪᓗᓐᓃᑦ ᐊᑭᕋᖅᑐᕈᑕᐅᓕᕐᓂᐊᖅᑐᓂᒃ ᑕᑯᑦᓴᐅᔪᒃᑯᑦ ᐊᒥᓲᓄᑦ ᐅᕝᕙᖢᓐᓃᑦ ᓱᕋᐃᓂᐅᓂᐊᖅᑐᓂᒃ ᓄᓇᓕᓐᓂ, ᑲᓇᑕᐅᑉ ᐊᕕᑦᑐᖅᓯᒪᓂᖏᓐᓂᒃ, ᑲᓇᑕᓕᒫᒥ, ᓄᓇᕐᔪᐊᕐᒥᓗᓐᓃᑦ ᒪᓕᒐᕆᔭᐅᔪᓂᒃ, ᐋᕿᐅᒪᑦᑎᐊᖃᑦᑕᖁᔭᐅᔪᓂᒃ ᐅᕝᕙᓗᓐᓃᑦ ᒪᓕᒐᓪᓗᑐᕆᔭᐅᔪᓂᒃ.
   • ᐅᖃᐅᓯᐅᓂᖏᓐᓂᒃ ᐱᔾᔪᑕᐅᓂᖏᓐᓂᓗ ᑖᒃᑯᐊ ᐊᑐᑦᓯᐊᖃᑦᑕᕆᐊᖃᕐᓂᕐᒧᑦ ᐊᑐᐊᒐᐃᑦ AUP, “ᐃᓗᓕᖃᕐᓂᕋᐃᔪᖅ” ᐅᖃᐅᓯᖃᖅᐳᖅ ᑕᒪᐃᓐᓂᑦᑎᐊᖅ ᐊᔾᔨᒌᖏᑑᑎᐅᔪᓂᒃ ᑐᓴᐅᒪᖃᑦᑕᐅᑎᓕᕆᔾᔪᑎᓂᒃ ᐃᓚᖃᖅᑐᓂᒃ, ᑕᒪᒃᑯᓂᖓᑑᖏᒻᒥᔫᒐᓗᐊᖅ, ᑎᑎᕋᖅᓯᒪᔪᓂᒃ, ᐊᔾᔨᖁᑎᖃᖅᑐᓂᒃ (ᐊᔾᔨᖁᑎᓂᒃ ᐊᔾᔨᓕᐅᕈᑎᑎᒍᑦ, ᑎᑎᕋᐅᔭᖅᑕᐅᓯᒪᔪᓂᒃ, ᑕᑯᔭᑦᓴᓕᐊᖑᓯᒪᔪᓂᒃ, ᑎᑎᖅᑐᕋᕐᓂᒃ ᓴᓇᖑᐊᖅᑕᐅᓯᒪᔪᓂᒃ ᐊᒻᒪᓗ ᐃᓕᑕᕆᔭᐅᔾᔪᑎᓂᒃ ᑕᖅᓴᓂᒃᑕᐅᓯᒪᕙᑦᑐᓐᓂᒃ), ᐊᑐᖅᑕᐅᒍᓐᓇᕐᒥᔪᓂᒃ ᐊᑐᒐᑦᓴᐅᕙᑦᑐᓂᒃ, ᑕᕐᕆᔭᐅᑎᑦᓴᔭᕐᓂᒃ ᐊᒻᒪᓗ ᓂᐱᓕᐅᖅᑕᐅᓯᒪᔪᓂᒃ.
4. ᖃᓄᐃᑦᑐᓂᒃ ᒪᓕᒐᖃᕆᕙᑦ ᐱᔾᔪᑎᖃᖅᑐᓂᒃ ᐅᓗᕆᐊᓇᖅᑐᖃᖅᑎᑦᑎᑕᐃᓕᒪᔭᕆᐊᖃᓂᕐᒥᒃ?
   • ᐱᔨᑦᓯᕋᐅᑏᑦ ᐊᑐᖅᑕᐅᔭᕆᐊᖃᖏᓚᑦ ᓱᕋᐃᔪᓐᓇᕐᓂᕐᒧᑦ ᐅᓗᕆᐊᓇᖅᑐᖃᕆᐊᖃᖏᓂᕐᒥᒃ ᐱᔪᓂᒃ ᐊᓯᒥᓄᑦ ᐊᑐᖅᐸᑦᑐᒧᑦ ᐅᕝᕙᓗᓐᓃᑦ ᖃᐅᔨᓇᓱᐊᕈᑎᒋᓗᓂᒋᑦ ᐊᓯᒥᑕ ᐱᖁᑎᖏᓐᓂᒃ, ᖃᕆᑕᐅᔭᒃᑯᑦ ᐃᓗᓕᑦᓴᔭᕆᔭᖏᓐᓂᒃ, ᐊᑐᖅᐸᑦᑕᖏᓐᓂᓗᓐᓃᑦ ᖃᐅᔨᒪᔾᔪᑎᑦᓴᒐᓚᐅᕙᑦᑐᓂᒃ, ᖃᐅᔨᑎᖏᓪᓗᒍ ᐊᖏᖅᑕᐅᓯᒪᖏᑎᓪᓗᒍᓗ ᑕᐃᑦᓱᒧᖓ ᐃᓄᒻᒧᑦ.
   • ᐊᒻᒪᑕᐅᖅ ᓱᓕ, ᐱᔨᑦᑎᕋᐅᑏᑦ ᐊᑐᖅᑕᐅᕆᐊᖃᓐᓂᖏᒻᒥᔪᑦ ᖃᓄᑐᐃᓐᓇᖅ ᖄᖐᓗᑎᒃ ᐊᑐᖅᐸᑦᑑᑉ ᐊᑐᖅᑎᐅᔪᑑᕝᕕᒋᕙᑦᑕᖏᓐᓂᒃ ᐅᕝᕙᓗᓐᓃᑦ ᐊᑐᖅᑕᐅᔪᓐᓇᖃᑦᑕᕐᓂᖏᓐᓂᒃ ᑐᖓᓴᐃᔨᐅᕙᑦᑐᑦ ᖃᕆᑕᐅᔭᒃᑯᑦ ᐱᓕᕆᕕᖏᓐᓂᒃ, ᐃᖃᓇᐃᔭᕐᕕᐅᓂᖏᓐᓂᒃ ᐊᒥᓱᓄᑦ ᐅᕝᕙᓗᓐᓃᑦ ᐊᑭᓕᖅᑐᐃᕕᒋᔭᐅᕙᑦᑐᓂᒃ, ᐃᓚᖃᕐᒥᔪᓂᒃ ᒪᑯᓂᖓ, ᑕᒪᒃᑯᓂᖓᑑᖏᒻᔪᓂᒃ, ᐊᑐᖃᑦᑕᕐᓂᖅ ᖃᐅᔨᕚᓪᓕᕈᑎᑦᓴᓂᒃ ᐃᓕᓐᓄᑦ ᑐᕌᖓᑎᑕᐅᖏᑦᑐᓂᒃ, ᑭᓇᐅᓂᕋᐃᒐᓱᐊᕈᓐᓇᕐᓂᖅ ᐊᓯᒥᓂᒃ ᐃᓯᕈᒪᓂᕐᒧᑦ ᐊᑐᕈᒪᓂᕐᒧᓪᓗᓐᓃᑦ ᖃᕆᑕᐅᔭᒃᑯᑦ ᐅᖓᓯᑦᑐᑰᕈᑎᓂᒃ ᐊᑐᕋᓱᐊᕐᓂᕐᒧᓪᓗᓐᓃᑦ ᐊᑭᓕᖅᑐᐃᕕᒋᔭᐅᕙᑦᑐᓂᒃ ᐊᑐᕈᓐᓇᐅᑎᖃᖅᑎᑕᐅᖏᓪᓗᑎᒃ ᑕᐃᒃᑯᓂᖓ ᐅᕝᕙᓗᓐᓃᑦ ᖃᐅᔨᓴᕈᑎᖃᕈᓐᓇᕐᓂᕐᒥᒃ ᖃᓄᖅ ᐊᖕᒪᐃᔪᓇᕐᓂᖅ ᐊᓯᖏᓐᓂᒃ ᖃᕆᑕᐅᔭᒃᑯᑦ ᐅᖓᓯᑦᑐᒃᑰᕈᑕᐅᕙᒃᑐᓂᒃ.
   • ᐊᑐᖅᑕᐅᕙᓐᓂᖏᑦ ᑐᓂᐅᖃᖅᑕᐅᕙᓂᖏᓄᓪᓗᓐᓃᑦ ᓴᓇᕐᕈᑏᑦ ᓴᓇᔭᐅᓯᒪᔪᑦ ᓱᕋᑦᑎᕆᔪᓐᓇᕐᓂᕐᒧᑦ ᐃᓯᕈᓐᓇᕐᓂᖅ ᐃᓯᕐᕕᐅᑎᑕᐅᑦᑕᐃᓕᒪᔪᓂᒃ ᖃᕆᑕᐅᔭᒃᑯᑦ, ᓱᕐᓗ ᐃᑳᕈᑎᒋᔭᐅᕙᑦᑐᓂᒃ ᓇᕿᑕᖅᑕᐅᓯᒪᖃᑦᑕᕆᐊᓕᖏᓐᓂᒃ ᓇᓚᐅᑖᕈᑎᖏᓐᓂᒃ, ᒪᒃᐱᖅᓯᓗᑕᐅᔪᓐᓇᖅᑐᓂᒃ ᐃᓵᕋᓱᐊᕐᓂᖏᓐᓄᑦ ᐅᕝᕙᓗᓐᓃᑦ ᐊᒥᓱᓄᑦ ᐃᖃᓇᐃᔭᕐᕕᐅᔪᓂ ᑕᑯᓂᐊᕈᑕᐅᔪᓐᓇᖅᑐᓂᒃ ᓴᓇᕐᕈᑏᑦ ᐊᑐᖅᑕᐅᑕᐃᓕᒪᑎᑕᐅᕗᑦ.
   • ᐃᓄᑑᓪᓗᑎᑦ ᑲᒪᔨᐅᕗᑎᑦ ᐃᓯᖅᑕᐅᑎᑦᓯᑕᐃᓕᒪᔭᕆᐊᖃᕐᓂᖅ/ᐊᑐᖅᑕᐅᑎᑦᓯᑦᑕᐃᓕᒪᔭᕆᐊᖃᕐᓂᖅ ᐅᓗᕆᐊᓇᕈᓐᓇᕐᒪᑦ ᖃᓄᐃᑦᑐᑐᐃᓐᓇᕐᓂᕐᒃ ᐱᖁᑎᒋᔭᕐᓂᒃ ᐊᑐᖅᐸᑕᕐᓂᒃ ᐊᑦᑕᑕᕐᕕᒋᕙᓐᓂᕐᒧᑦ ᐱᔨᑦᑎᕋᐅᑎᑦᑎᓐᓄᑦ, ᐃᓚᖃᕐᒥᔪᓂᒃ ᖃᓄᐃᑦᑐᑐᐃᓐᓇᕐᓂᒃ ᑐᖁᐃᕕᒋᖃᑦᑕᖅᓯᒪᔭᕐᓂᒃ ᑕᐃᑲᓂ ᐱᖁᑎᒋᔭᕐᓂᒃ.
5. ᖃᓄᐃᑦᑐᓂᒃ ᒪᓕᒐᖃᖅᑎᑦᓯᕕᒋᑦ ᐊᑐᕐᓂᐊᖅᑐᓂᒃ ᐊᑐᖅᐸᑦᑐᓐᓄᑦ-ᓴᕿᑎᑕᐅᕙᓪᓕᐊᔪᓂᒃ ᐃᓗᓕᖏᓐᓂᒃ ᐱᔨᑦᓯᕋᐃᓂᖏᓐᓂᒃ?
   • “ᐊᑐᖅᐸᑦᑐᓄᑦ-ᓴᕿᑎᑕᐅᕙᓪᓕᐊᔪᑦ ᐃᓗᓕᖏᓐ ᐱᔨᑦᓯᕋᐅᑎᖏᑦ “User-generated Content Services” ᐅᕝᕙᓗᓐᓃᑦ ᖃᓪᓗᓇᑎᑐᑦ ᓇᐃᓈᖅᑕᐅᓯᒪᓪᓗᑎᒃ “UGC Services”-ᖑᓂᕋᖅᑕᐅᔪᑦ ᐅᖃᐅᓯᖃᖅᐳᑦ ᖃᓄᐃᑦᑐᑐᐃᓐᓇᑦᓯᐊᓂᒃ ᐱᔨᑦᓯᕋᐅᑎᓂᒃ ᐱᔪᓐᓇᐅᑕᐅᔪᓂᒃ ᐊᑐᖅᐸᑐᓂᒃ ᓴᕿᑎᑦᑎᖃᑦᑕᕈᓐᓇᕐᓂᖅ, ᑎᑭᓴᐅᒍᓐᓇᕐᒃᓂᖅ ᐊᔾᔨᖑᐊᓂᒃ ᑕᕝᕙᓴᐃᓇᖅ ᖃᕆᐅᔭᒃᑯᑦ, ᐃᓗᓕᖃᖅᑐᓂᒃ ᓴᓇᒍᓐᓇᕐᓂᖅ ᑕᑯᔭᐅᔪᑦᓴᒪᐅᑕᐅᔪᓂᒃ ᐃᓚᖏᓐᓄᑦ ᑐᔪᖅᑕᐅᓂᐊᖅᑐᓂᑦ ᐃᓚᖃᕈᓐᓇᖅᑐᓂᒃ, ᒪᑯᓂᖓ, ᑕᒪᒃᑯᓂᖓᑑᖏᒻᒥᔪᖅ, ᑐᓴᒐᑦᓴᓕᕆᔩᑦ ᑎᒥᖁᑎᖏᓐᓂ, ᖃᕆᑕᐅᔭᒃᑯᑦ ᑎᒥᖁᑎᒋᔭᐅᔪᓂ, ᑐᓴᒐᓴᓂᒃ ᑲᑎᒪᔨᓂᒃ, ᐅᖃᖃᑎᒋᕝᕕᐅᔪᓐᓇᖅᑐᓂ ᑭᓇᒃᑯᑐᐃᓐᓇᕐᓄᑦ, Wᐃᑭᓂᒃ (ᐃᓄᓐᓄᑦ ᑐᑭᓯᑎᑦᑎᒋᐊᒃᑲᓐᓂᕈᑏ ᖃᐅᔨᔪᒪᔪᓄᑦ ᑐᑭᓯᓂᐊᕐᕕᐅᓪᓗᑎᒃ), ᐊᔾᔨᖁᑎᒋᔭᐅᔪᓂᒃ ᐃᓕᓯᕕᐅᖃᑦᑕᕈᓐᓇᖅᑐᓂᒃ, ᓂᐅᕕᖅᐸᑦᑐᓄᑦ ᑐᑭᓯᓂᐊᕐᕕᐅᔪᓐᓇᖅᑐᑦ ᐅᖃᐅᓯᐅᓯᒪᔪᑦ ᓂᐅᕕᖅᓯᒪᔪᓂᒃ, ᑕᕐᕆᔭᐅᑎᓂᒃ ᑕᑯᓂᐊᕐᕖᑦ, ᓴᕿᑎᑕᐅᑲᑎᒋᔪᓐᓇᖅᑐᑎᒍᑦ ᑐᓴᖅᑎᑦᑎᕕᑦ ᐊᒻᒪᓗ ᖃᕆᑕᐅᔭᒃᑯᑦ ᑕᑯᓂᐊᖅᑕᐅᕝᕕᒃᓴᓂᒃ ᓴᓇᔨᓂᒃ.
   • ᐊᑐᕐᓂᐊᕈᕕᑦ ᓇᓪᓕᐊᖕᓂᑐᐃᓐᓇᖅ ᑕᒪᒃᑯᓂᖓ “ᐊᑐᖅᐸᑦᑐᓄᑦ-ᓴᕿᑎᑕᐅᕙᓪᓕᐊᔪᑦ ᐃᓗᓕᖏᓐ ᐱᔨᑦᓯᕋᐅᑎᖏᓂ” UGC Services-ᓂᒃ ᐊᑐᕐᓗᑎᑦ SSi-ᑯ ᓇᑦᓴᒐᖏᓂᒃ ᐅᖄᓚᐅᑎᕋᓛᕐᓂᒃ ᐅᕝᕙᓗᓐᓃᑦ ᕿᓂᕈᑎᖏᓂᒃ ᕿᓂᒃᑯᑦ, ᐃᒪᓐᓇᐃᑦᑕᕆᐊᖃᖅᐳᑎᑦ:
   1. ᒪᓕᒋᐊᖃᖅᑐᑎᑦ ᐊᑐᕐᓂᐊᕈᕕᑦ ᓇᓪᓕᐊᖕᓂᑐᐃᓐᓇᖅ “ᐊᑐᖅᐸᑦᑐᓄᑦ-ᓴᕿᑎᑕᐅᕙᓪᓕᐊᔪᑦ ᐃᓗᓕᖏᓐ ᐱᔨᑦᓯᕋᐅᑎᓂᒃ UGC Service’s-ᑯᓐᓂᒃ ᑎᑎᕋᖅᓯᒪᔪᑦ ᐊᖏᕈᑕᐅᓂᖏᑦ, ᐊᑐᐊᒐᕆᖏᑦ ᐅᕝᕙᓗᓐᓃᑦ ᐊᒥᓱᓂᒃ ᐊᐱᖁᑕᐅᒐᔪᑦᑐᓂᒃ
   2. ᑕᐃᒃᑯᓂᖓ ᑭᓯᐊᓂ ᓴᕿᑎᑎᖃᑦᑕᕈᓐᓇᕐᓂᐊᖅᑐᑎᑦ ᑕᒪᒃᑯᓂᖓ ᐊᑐᖅᐸᑦᑐᓄᑦ-ᓴᕿᑎᑕᐅᕙᓪᓕᐊᔪᑦ ᐃᓗᓕᖏᓐ ᐱᔨᑦᓯᕋᐅᑎᖏᑦ UGC Service ᐱᔨᑦᓯᕋᐃᕕᖏᓐᓄᑦ ᐊᖏᕈᑎᑎᒍᑦ, ᐊᑐᐊᒐᖓᒍᑦ ᐊᐱᖁᑕᐅᒐᔪᒃᑐᓂᓗᓐᓃᑦ ᑐᑭᓯᓂᐊᕐᕕᖓᒍᑦ ᐱᔪᓐᓇᖅᑎᑕᐅᒍᑎᓂᒃ;
   3. ᑐᑭᓕᐅᕈᓐᖅᑐᑦ ᐊᑐᐊᒐᕆᔭᐅᓂᖏᓐᓂᒃ ᑕᐃᒃᑯᓇᓂ ᐊᑐᖅᐸᑦᑐᓄᑦ-ᓴᕿᑎᑕᐅᕙᓪᓕᐊᔪᑦ ᐃᓗᓕᖏᓐ ᐱᔨᑦᓯᕋᐅᑎᖏᑦ UGC Service-ᑯᓂᒃ ᐊᑐᕆᐊᓚᐅᖏᓐᓂᖏᓐᓂᒃ ᓱᓕ;
   4. ᒪᓕᖃᑦᑕᕐᓂᐊᕈᕕᑦ ᖃᐅᑕᒫᖅ ᐊᖏᓂᖃᕈᓐᓇᖅᑎᑕᐅᔪᓂᒃ ᒪᓕᒃᑐᓂᒃ, ᑎᑎᖃᖃᕐᕕᐅᔪᓐᓇᕐᓂᖓᑕᓗ ᐊᖏᓂᖏᓐᓂᒃ ᐊᒻᒪᓗ ᓴᓇᔭᐅᓯᒪᓂᕆᔪᓐᓇᖅᑕᖏᓐᓂᒃ ᒪᓕᒐᕆᔭᐅᔪᓂᒃ ᒪᓕᒃᑯᕕᑦ ᑕᐃᒃᑯᓂᖓ ᐊᑐᖅᐸᑦᑐᓄᑦ-ᓴᕿᑎᑕᐅᕙᓪᓕᐊᔪᑦ ᐃᓗᓕᖏᓐ ᐱᔨᑦᓯᕋᐅᑎᓂᒃ UGC Service-ᑯᓐᓄᑦ ᓴᕿᑎᑕᐅᓯᒪᔪᓐᓇᖅᓂᒃ;
   5. ᑎᑎᖃᖁᑎᖃᕐᓂᕋᐃᓂᐊᖏᓚᑎᑦ, ᐊᓯᔾᔩᕙᖕᓂᐊᖏᓚᑎᑦ ᐅᕝᕙᓗᓐᓃᑦ ᐲᖅᓯᕙᓐᓂᐊᖏᑦᑐᑎᑦ ᖃᓄᐃᑦᑐᑐᐃᓐᓇᕐᓂᕐᒥᒃ ᖃᐅᔨᒪᔾᔪᑦᓴᐅᔪᓂᒃ ᑕᐃᒃᑯᓇᖔᖅᑐᓂᒃ ᐊᑐᖅᐸᑦᑐᓄᑦ-ᓴᕿᑎᑕᐅᕙᓪᓕᐊᔪᑦ ᐃᓗᓕᖏᓐ ᐱᔨᑦᓯᕋᐅᑎᖏᓐᓄᑦ UGC Service-ᑯᓄᑦ ᑭᓯᐊᓂ ᐊᓯᐊᒍᑦ ᐅᖃᖅᓯᒪᑦᑎᐊᖅᑐᓂᒃ ᐅᖃᐅᓯᐅᓯᒪᑦᑎᐊᕈᑎᒃ ᐃᓗᓕᖏᓐᓂ ᐊᑐᖅᐸᑦᑐᓄᑦ-ᓴᕿᑎᑕᐅᕙᓪᓕᐊᔪᑦ ᐃᓗᓕᖏᓐ ᐱᔨᑦᓯᕋᐅᑎᖏᑦ UGC Service’s-ᑯᑦ ᐊᖏᕈᑎᖏᓐᓂᒃ, ᐊᑐᐊᒐᕆᔭᖏᓐᓂ, ᐊᐱᖁᑕᐅᒐᔪᑦᑐᓂᓗᓐᓃᑦ ᑭᐅᒋᐊᕐᕕᐅᔪᓂ;
   • SSi-ᑯᑦ ᒪᓕᒋᐊᖃᖅᑎᑕᐅᓯᒪᖏᓚᑦ ᓇᐅᑦᑎᖅᑐᐃᔨᐅᕙᓐᓂᕐᒥᒃ ᖃᐅᔨᓴᖅᑎᐅᓂᕐᒥᓗᓐᓃᑦ ᐃᓗᓕᖏᓐᓂᒃ ᑕᐃᒃᑯᓂᖓ ᐊᑐᖅᐸᑦᑐᓄᑦ-ᓴᕿᑎᑕᐅᕙᓪᓕᐊᔪᑦ ᐃᓗᓕᖏᓐ ᐱᔨᑦᓯᕋᐅᑎᖏᓂᒃ UGC Service-ᑯᓂᒃ ᐊᒻᒪᓗSSi-ᑯᑦ ᐸᓯᔭᑦᓴᐅᔪᓐᓇᖏᑦᑐᑦ ᐱᖁᑎᖃᕐᓂᕋᐃᔪᓂᒃ, ᔭᒐᐃᔭᐅᓂᖏᓐᓂᒃ, ᐃᖃᖅᑐᐃᓕᕆᔭᐅᓕᖅᑐᓂᒃ, ᐃᖃᖅᑐᒐᑦᓴᕈᖅᑎᑕᐅᔪᓂᒃ, ᓱᕋᑦᑎᖅᑕᐅᓂᖏᓐᓂᒃ, ᐊᑭᓕᖅᑕᐅᒍᑎᓂᒃ ᐊᖏᕈᑕᐅᓂᕐᒧᑦ, ᐃᓂᖅᑎᕆᐊᕈᑕᐅᔪᓂᒃ ᐊᑐᖅᑕᐅᒍᓐᓇᖅᑐᓂᒃ, ᐊᑭᓖᑎᑕᐅᔪᓂᒃ, ᐊᑭᓖᖁᔭᐅᔾᔪᓂᒃ, ᐊᑭᓕᑦᓴᓂᑦᑕᐅᔪᓄᓪᓗᓐᓃᑦ ᐱᔾᔪᑎᖃᖅᑐᓂᒃ ᐃᓗᓕᖃᕐᓂᖏᓐᓂᒃ ᐊᑐᕐᓂᖏᓐᓂᒃ ᑕᒪᒃᑯᓂᖓ ᐱᔨᑦᓯᕋᐅᑎᓂ ᐱᔾᔪᑎᖃᖅᑐᓂᒃ; ᐊᒻᒪᓗ
   • ᐊᑐᕆᐊᖃᖏᓚᑎᓐ ᐊᑐᖅᐸᑦᑐᓄᑦ-ᓴᕿᑎᑕᐅᕙᓪᓕᐊᔪᑦ ᐃᓗᓕᖏᓐ ᐱᔨᑦᓯᕋᐅᑎᖏᓐᓂᒃ UGC Service-ᑯᓐᓂᒃ “ᐅᓕᑦᓯᔪᓐᓇᕐᓂᕐᒥᒃ” ᑐᑭᖃᖅᑐᒥᒃ ᐱᔮᖁᑎᒋᓗᒍ ᑕᐃᒃᑯᓂᖓᑦᓴᐃᓐᓇᖅ ᐊᑐᕐᓂᖅ ᕿᖑᓕᕇᑲᐅᑎᒋᔪᓂᒃ ᑕᑕᑎᕆᒐᓱᐊᕈᒪᓂᕐᒧᑦ ᐊᓯᖏᓐᓂᒃ ᖃᕆᑕᐅᔭᒃᑯᑦ ᐅᖓᓯᑦᑐᑰᕈᑎᓂᒃ ᐊᑐᖃᑕᐅᔪᓂᒃ, ᑎᑎᖃᑖᖅᑎᑦᓯᓗᑎᑦ ᐱᔪᒪᔭᐅᖏᑐᓂᒃ ᐊᓯᖏᓐᓂᓗᓐᓃᑦ ᐃᓗᓕᖃᖅᑐᓂᒃ ᑐᔪᐃᓗᑎᑦ ᐊᒥᓱᓄᑦ ᐊᑕᐅᑎᒃᑯᑦ.
6. ᖃᓄᐃᓕᔭᐅᔪᓐᓇᖅᐸᑦ ᓱᕋᐃᓂᕐᒧᑦ ᑖᒃᑯᓂᖓ ᐊᑐᑦᓯᐊᖃᑦᑕᕆᐊᖃᕐᓂᕐᒧᑦ ᐊᑐᐊᒐᕐᓂᒃ?
• ᐅᖃᐅᓯᐅᓯᒪᔭᕇᖅᑐᓂᓕ ᑕᐃᒪ, ᐱᔨᑦᓯᕋᖅᑕᐅᓂᕐᒧᑦ ᒪᓕᒐᕆᔭᐅᓂᖏᓐᓂᒃ, ᐱᔪᓐᓇᐅᑎᖃᖅᑐᒍᑦ, ᑭᓯᓂᐊ ᐱᖏᑦᑐᓐᓇᕐᒥᔭᑦᑎᓐᓂᒃ ᖃᐅᔨᓴᖃᑦᑕᕈᓐᓇᕐᓂᖅ ᓇᐅᑦᓯᖅᑐᐃᒍᓐᓇᕐᓂᕐᓗᓐᓃᑦ ᖃᓄᐃᑦᑐᑐᐃᓐᓇᑦᑎᐊᓂᒃ ᐃᓗᓕᕆᔭᐅᔪᓂᒃ ᑐᔪᖅᑕᐅᓯᒪᔪᓂᒃ ᐊᑐᖅᑕᐅᓂᖏᓐᓂ ᐱᔨᑦᓯᕋᐅᑏᑦ (ᐊᓯᖏᓐᓂᒃ ᓂᐱᓕᐅᕐᕕᐅᕙᑦᑐᓐᓂᒃ ᐅᖄᓚᐅᑎᒃᑯᑦ) ᐱᖁᑎᑎᒍᓗᓐᓃᑦ, ᐊᒻᒪᓗ ᑕᑯᓂᐊᖃᑦᑕᕈᓐᓇᕐᓂᖅ ᐸᐸᑦᑎᒍᓐᓇᕐᓂᕐᓗᓐᓃᑦ ᐃᓗᓕᖏᓐᓂᒃ ᖃᐅᔨᒪᔾᔪᑎᑦᓴᓕᐊᕆᔭᐅᓯᒪᔪᓂᓗᓐᓃᑦ ᒪᓕᑦᑕᐅᓗᑎᒃ ᐱᔨᑦᓯᕋᖅᑕᐅᓂᕐᒧᑦ ᒪᓕᒐᕆᔭᐅᔪᓂᒃ.
• ᐱᐅᓯᖃᕈᒐᑦᑕᓕ ᐅᖃᐅᔾᔨᒋᐊᖃᑦᑕᕈᒪᓂᖅ ᓂᐅᕕᖅᐸᑐᑦᑐᓂᒃ ᐅᕙᑦᑎᓐᓂᒃ ᓈᒻᒪᖏᑦᑐᓂᒃ ᐱᐅᓯᖃᓕᕐᓂᖏᓐᓂᒃ ᖃᐅᔨᑎᑦᑎᖃᑦᑕᕈᒪᓂᖅ, ᐊᓯᖏᓐᓂᓗ ᖃᓄᖅ ᐱᐅᓯᒋᐊᕈᓐᓇᕐᓂᐊᕐᒪᖔᑕ. ᑭᓯᐊᓂᓕᑕᐅᖅ, ᐱᔨᑦᓯᕋᐅᑕᐅᔪᑦ ᐊᑐᖅᑕᐅᕙᒃᑯᑎᒃ ᐱᐅᓯᖃᖅᑐᓂᒃ, ᐅᕙᒍᑦ ᐃᓱᒪᖅᓱᕈᓐᓇᖅᓱᑕ ᓱᕋᐃᓯᒪᓇᓱᒋᓕᕈᑦᑎᒍᑦ ᑖᒃᑯᓂᖓ ᐊᑐᑦᓯᐊᖃᑦᑕᕆᐊᖃᕐᓂᕐᒧᑦ ᐊᑐᐊᒐᕐᓂᒃ AUP-ᓂᒃ, ᐅᕙᒍᑦ ᓇᓪᓕᐊᑐᐃᓐᓇᑦᑎᓂᒃ ᐃᓚᒋᔭᑎᓐᓂ ᖃᓄᐃᓕᐅᕆᐊᕈᓐᓇᖅᐳᒍᑦ ᐱᓕᕆᓂᕐᒧᑦ ᓈᒻᒪᖕᓂᐊᖅᑐᓂᒃ. ᐱᓕᕆᐊᕆᓕᕈᓐᓇᖅᑕᕗᑦ ᐃᓚᖃᕈᓐᓇᖅᐳᑦ, ᑕᒪᒃᑯᓂᖓᑑᖏᒻᒥᔪᖅ, ᐊᑯᓂᐅᖏᑦᑐᒧᓗᓐᓃᑦ, ᑕᐃᒪᐃᖏᓐᓇᕐᓂᐊᓕᖅᑐᒥᓪᓗᓐᓃᑦ ᐲᔭᐃᔪᓐᓇᕐᓂᖅ ᐃᓗᓕᕆᔭᐅᔪᓂᒃ, ᓄᖃᖅᑎᑦᑎᓂᕐᒥᓗᓐᓃᑦ ᑐᓴᒐᑦᓴᓕᕆᔩᑦ ᑎᒥᖁᑎᖏᓐᓄᑦ ᓴᕿᑕᐅᓯᒪᔪᓂᒃ, ᖃᐅᔨᓴᕈᑎᑦᓴᓂᒍᓐᓇᕐᓂᖅ ᓯᒥᑦᓯᒪᓗᑕᐅᓕᕈᓐᓇᖅᑐᓂᒃ ᑐᔪᖅᑕᐅᒍᓐᓇᕐᓂᖏᓐᓂᒃ ᐊᒻᒪᓗ/ᐅᕝᕙᓗᓐᓃᑦ ᒫᓐᓇᑲᐅᑎᒋ ᐊᔪᓕᖅᑎᑦᑎᑲᐃᓐᓇᕈᓐᓇᕐᓂᖅ, ᓄᖃᖅᑎᑦᑎᓂᕐᓗᓐᓃᑦ ᑕᒪᐃᓐᓂᒃ ᐃᓚᐃᓐᓇᖏᓐᓂᓗᓐᓃᑦ ᐱᔨᑦᓯᕋᖅᑕᐅᓂᖏᓐᓂᒃ ᐃᕝᕕᑦ ᐊᑭᓕᖅᑐᐸᓪᓕᐊᕕᒋᔭᕐᓂᒃ.
• SSi-ᑯᑦ ᐃᓚᕗᓪᓗ ᐸᓯᔭᑦᓴᓕᐊᕆᔭᐅᔪᓐᓇᖏᓚᑦ ᖃᓄᖅᑑᕈᑎᖃᕐᓂᖏᓐᓄᑦ ᐱᓕᕆᓂᖏᓐᓄᑦ ᑕᐃᒫᒃ. ᖁᓚᓂᒃᑯᑦ ᐅᖃᐅᓯᐅᔪᑦ ᖃᓄᐃᓕᐅᕈᑕᐅᒍᓐᓇᕐᓂᖏᑦ ᑕᒪᒃᑯᐊᑑᕙᖏᒻᒥᒻᒪᑕ ᖃᓄᖅᑑᕈᑕᐅᖃᑦᑕᕈᓐᓇᕐᓂᕐᒧᑦ ᐊᒻᒪᓗ SSi-ᑯᑦ ᐃᓚᒋᕙᑦᑕᖏᓪᓗ ᒪᓕᒐᓕᕆᓕᕈᓐᓇᖅᑯᑦ ᐃᖃᖅᑐᐃᕕᒃᑰᖅᑎᑦᑎᔪᓐᓇᖅᓱᑎᒃ ᓇᒻᒪᖕᓂᐊᕋᓱᒋᓕᕈᓂᒋᑦ.
• ᐊᑐᕈᓇᐃᓪᓕᑕᐅᓚᐅᕐᓗᑎᒃ ᐊᑭᓕᖅᑐᕐᕕᒋᕙᑦᑕᕐᓂᒃ, ᓇᓪᓕᐊᑐᐃᓐᓇᐃᑦ SSi-ᑯᑦ ᐃᓚᒋᕙᑦᑕᖏᓪᓗ ᐱᔪᓐᓇᖅᑎᑕᐅᓂᐊᖅᑐᑦ ᐲᔭᐃᔪᓐᓇᕐᓂᖅ ᖃᓄᐃᑦᑐᑐᐃᓐᓇᕐᓂᒃ ᑎᑎᖃᕐᑲᕐᕕᐅᔪᓂᒃ, ᐊᑐᒐᑦᓴᐅᔪᓂᒃ, ᖃᐅᔨᒪᔾᔪᑎᑦᓴᐅᔪᓂᒃ ᐊᒻᒪᓗ ᑎᑎᖃᖅᑖᑲᐅᑎᒋᕕᒃᑯᑦ ᑎᑎᖃᖅᑖᕆᔭᐅᖃᑦᑕᖅᓯᒪᔪᓂᒃ ᐊᑕᔪᓂᒃ ᐃᕝᕕᑦ ᐊᑭᓕᖅᑐᐃᖓᓄᑦ. ᐊᑐᓕᖅᑎᑕᐅᖏᓐᓂᖏᑦ ᐊᑐᑦᓯᐊᖃᑦᑕᕆᐊᖃᕐᓂᕐᒧᑦ ᐊᑐᐊᒐᐃᑦ AUP-ᓂᒃ, ᖃᓄᑐᑐᐃᓐᓇᕐᓂᕐᒥᒃ ᐱᔾᔪᑎᖃᕐᓗᑎᒃ, ᐃᓕᑕᕆᔭᐅᓯᒪᓂᐊᖏᓚᑦ ᖁᔭᓈᖅᑕᐅᓂᕋᐃᓂᖅ ᐱᔪᓐᓇᐅᑎᒥᓂᒃ ᖃᖓᑐᐃᓐᓇᖅ ᑕᐃᒪᐃᓕᔪᓐᓇᕐᓂᖅ.
• ᐃᓚᖏᓐᓂᒃ ᓇᓪᓕᐊᓐᓂᑐᐃᓐᓇᖅ ᐃᓚᒋᔭᐅᓂᖏᓐᓂ ᑖᒃᑯᓂᖓ ᐊᑐᑦᓯᐊᖃᑦᑕᕆᐊᖃᕐᓂᕐᒧᑦ ᐊᑐᐊᒐᕐᓂᒃ AUP-ᓂᒃ ᐊᑐᖏᓐᓂᕋᖅᑕᐅᓯᒪᔪᖃᖅᐸᑦ ᒪᓕᑦᑕᐅᑲᖅᑕᐅᔪᖃᕈᓐᓇᖏᐸᓪᓗᓐᓃᑦ, ᑕᐃᒃᑯᐊ ᐃᓗᓕᓪᓗᑐᖏᑦ ᐃᓕᑕᕆᔭᐅᓂᐊᖅᐳᑦ ᒪᓕᑦᓯᐊᖅᓯᒪᓂᖅ ᐊᑐᖅᑕᐅᔪᓂᒃ ᒪᓕᒐᕐᓂᒃ ᐊᔪᕐᓇᖏᓐᓂᓕᒫᖓᒍᑦ, ᐊᒥᐊᒃᑯᖏᓪᓗ ᐊᓯᓕᒫᖏᑦ ᐊᑐᖅᑕᐅᖏᓐᓇᕐᓂᐊᖅᓱᑎᑦ. ᑖᒃᑯᐊ ᐊᑐᑦᓯᐊᖃᑦᑕᕆᐊᖃᕐᓂᕐᒧᑦ ᐊᑐᐊᒐᐃᑦ ᐊᐅᓚᑕᐅᖏᓐᓇᕐᓂᐊᖅᑐᑦ ᒪᓕᑦᑎᐊᕐᓗᑎᓪᓗ ᐊᐅᓚᑦᑎᕙᓐᓂᕐᒧᑦ ᒪᓕᒐᖅᑎᑐᑦ ᐊᑐᕐᓂᖏᓐᓂ ᒪᓕᒐᑦᓴᐅᑎᑕᐅᓂᖏᑦᑦ ᐱᔨᑦᓯᕋᖅᑕᐅᓂᕐᒧᑦ.
7. ᖃᓄᐃᓕᐅᕈᓐᓇᖅᐸᓪᓕ ᐊᒥᓱᓄᑦ ᐃᖃᓇᐃᕐᕕᐅᓂᖏᓐᓂ ᐊᐅᓚᑦᑎᓂᕐᒧᑦ ᐱᓕᕆᒋᐊᕈᓇᕐᓂᖏᓐᓄᑦ SSI-ᑯᑦ?
• ᒪᓕᒋᐊᖃᖅᑎᑕᐅᒋᓪᓗᑎᒃ ᐊᑐᖅᑕᐅᒋᐊᓕᓐᓂᒃ ᒪᓕᒐᕐᓂᒃ, ᑎᒍᒥᐊᖅᑎᐅᔪᒍᑦ ᐱᔪᓐᓇᐅᓂᒃ ᐊᐅᓚᑦᑎᔨᐅᓂᕐᒥᒃ ᐊᒥᓱᓄᑦ ᐱᓕᕆᕕᖁᑎᑦᑎᓐᓂᒃ/ᐃᖃᓇᐃᔭᕐᕕᑦᑎᓐᓂᒃ ᑕᐃᒪᐃᓕᖓᔪᓂᒃ ᐊᑑᑎᖃᑦᑎᐊᕐᓂᖅᐹᖑᒍᓐᓇᖅᑐᓂᒃ ᐊᑐᐃᓐᓇᕈᐃᔪᒪᓂᖅ ᐅᕙᑦᑎᓐᓂᒃ ᓂᐅᕕᖅᐸᑦᑐᓂᒃ, ᐃᓚᖃᖅᑐᓂᒃ, ᑕᒪᒃᑯᓂᖓᑑᖏᒻᒥᔫᒐᓗᐊᖅ, ᐱᐅᓯᖃᓗᑕ ᒪᑯᓂᖓ ᐃᒪᐃᓕᖓᔪᓂᒃ: ᓱᒃᑲᓕᑦᑎᐊᕈᓐᓇᕐᓂᖏᓐᓂᒃ ᐃᖏᕐᕋᓂᖏᓐᓂᒃ, ᓴᕿᑎᑦᑎᑕᐃᓕᒪᖃᑦᑕᕐᓂᖅ ᐊᑑᑎᖃᖏᑦᑐᓂᒃ ᑮᓈᐅᔭᓕᐅᕋᓱᐊᕈᑕᐅᔪᓐᓇᖅᑐᓂᒃ ᑐᔪᖅᑕᐅᖃᑦᑕᕈᓐᓇᕐᓂᖏᓐᓂᒃ ᐲᔭᖅᑕᐅᓯᒪᖃᑕᕐᓗᑎᒃ ᐊᓯᐊᒍᓪᓗᓐᓃᑦ ᐊᒥᓲᓗᐊᖅᑐᓂᒃ ᑎᑎᖃᐃᑦ ᑐᔪᖅᑕᐅᖃᑦᑕᕈᓐᓇᕐᓂᖏᓐᓂᒃ ᑎᑎᖃᖅᑖᑲᐅᑎᒋᕕᒃᑯᑦ, ᐱᐅᖏᑦᑐᓂᒃ ᐃᓯᖅᑕᐅᑎᑦᓯᑕᐃᓕᒪᔾᔪᑎᖃᕆᐊᕐᓂᖅ ᖃᕆᑕᐅᔭᒃᑯᑦ ᐊᒻᒪᓗ ᐊᖏᕈᑎᓂᒃ ᒪᓕᒃᑐᓂᒃ ᓯᒥᒃᓯᓯᒪᒋᐊᖃᑦᑕᕐᓂᖅ ᐅᓗᕆᐊᓇᕈᑕᐅᔪᓐᓇᖅᑐᓂᒃ.
• ᐊᓯᖏᓐᓂᑦᑕᐅᖅ ᖃᓄᐃᓕᐅᕈᓐᓇᕐᒥᔪᒍᑦ ᓇᒻᒪᒋᓇᔭᖅᑕᑦᑎᓐᓂᒃ ᐃᑲᔪᕈᒪᓂᕐᒧᑦ ᖃᓄᐃᖏᑦᓯᐊᕆᐊᖃᕐᓂᖏᓐᓂᒃ ᖃᕆᑕᐅᔭᒃᑯᑦ ᐅᖓᓯᑦᑐᑰᕐᕕᖁᑎᕗᑦ ᑕᒪᐃᓐᓄᑦ ᐅᕙᑦᑎᓐᓂᒃ ᓂᐅᕕᖅᐸᑦᑐᓄᑦ ᐊᑐᖅᑕᐅᔪᓂᖏᓐᓂ.

SSi-ᑯᓐᓂ ᐸᕝᕕᓴᖅᑕᐅᖃᑦᑕᕆᐊᖃᖏᓂᕐᒧᑦ ᐊᑐᐊᒐᖏᑦ

• SSi-ᑯᑦ ᐱᓂᐊᕐᓂᖃᖅᐳᑦ ᓴᐳᓂᐊᕆᐊᖃᕐᓂᖅ ᓂᐅᕕᖅᐸᑦᑐᓂᒃ ᐸᕝᕕᓴᑦᑕᐅᖃᑦᑕᕆᐊᖃᖏᓂᖏᓐᓂᒃ, ᖃᓄᓕᒪᖅ ᐊᑐᕆᐊᖃᖅᑕᑦᑎᓐᓂᒃ ᐊᑐᖅᐸᓐᓂᐊᖅᑐᒍᑦ ᐅᔾᔨᖅᑐᑦᓯᐊᕆᐊᖃᕐᓂᑎᓐᓄᑦ ᓇᒻᒥᓂᖅ ᐃᓕᓐᓂᒃ ᐱᔾᔪᑎᖃᖅᑐᓂᒃ ᖃᐅᔨᒪᑦᑎᐊᕈᑎᑦᓴᐃᑦ ᑎᒍᔭᐅᑐᐃᓐᓇᕈᓐᓇᖏᓂᖏᓐᓂᒃ, ᐅᓗᕆᐊᓇᖅᑐᒦᖏᓪᓗᑎᓪᓗ ᒪᓕᒋᐊᖃᕋᑦᑕ ᐊᑐᕆᐊᓕᓐᓂᒃ ᐸᕝᕕᓴᑦᑕᐅᖃᑦᑕᕆᐊᖃᓂᕐᒧᑦ ᒪᓕᒐᕐᓂᓗ ᒪᓕᒐᓪᓗᑐᕆᔭᐅᔪᓂᓗ ᑲᓇᑕᒥ.

• ᑖᒃᑯᐊ ᐸᕝᕕᓴᑦᑕᐅᖃᑕᕆᐊᖃᖏᓂᕐᒧᑦ ᐊᑐᐊᒐᐃᑦ ᐅᓂᒃᑳᖅᓯᒪᔪᑦ ᐱᔾᔪᑕᐅᕗᑦ SSi-ᑯᓐᓄᑦ ᐱᓂᐊᕐᓂᕆᔭᐅᑕᐅᓂᕐᒧᑦ ᓴᐳᓐᓂᐊᑦᓯᐊᕆᐊᖃᕐᓂᖅ ᐃᓄᐃᑦ ᒥᑦᓴᓅᖓᓪᓗᑐᖅᑐᓂ ᐱᔪᓂᒃ ᖃᐅᔨᒪᑦᑎᐊᕈᑎᑦᓴᓂᒃ ᓴᐳᓐᓂᐊᖅᑕᐅᓯᒪᐃᓐᓇᕆᐊᖃᕐᓂᖏᓂᒃ ᐅᕙᑦᑎᓐᓂᒃ ᓂᐅᕕᖅᐸᑦᑐᓂᒃ ᖃᐃᑕᐅᓯᒪᕙᑦᑐᓂᒃ.
• “ᓇᒻᒥᓂᖅ ᐃᓕᓐᓂᓪᓗᑐᖅ ᐱᔪᓂ ᖃᐅᔨᒪᔾᔪᑏᑦ” ᑐᑭᖃᖅᐳᑦ ᖃᐅᔨᒪᔾᔪᑎᑦᓴᓂᒃ ᐃᓕᑕᕆᔭᐅᔾᔪᑎᖏᓐᓂᒃ ᐃᓄᐃᑦ ᓇᒥᓂᖅ. ᐃᓚᖃᖅᐳᑦ ᖃᐅᔨᒪᐅᑎᓂᒃ ᖃᐃᓯᒪᔭᕐᓂᒃ ᐅᕙᑦᑎᓐᓄᑦ ᑐᓂᔭᐅᓯᒪᒍᓐᓇᕐᓂᐊᕋᕕᑦ ᐱᔨᑦᓯᕋᐅᑎᓂᒃ, ᐃᓚᖃᖅᑐᓂᒃ ᑕᐃᒃᑯᓂᖓᓗᓐᓃᑦ ᐊᑭᓕᑦᓴᓂᒍᑎᔅᓯᓐᓂᒃ ᐸᐸᑕᒐᕐᓂᒃ. ᐃᓚᖃᕐᒥᔪᑦ ᖃᐅᔨᒪᔾᔪᑎᑦᓴᑦᑎᓐᓂᒃ ᐊᑐᕈᓐᓇᖅᑕᑦᑎᓐᓂᒃ ᖃᖓᑐᐃᓐᓇᖅ ᐱᔨᑦᓯᐅᑎᑦᓴᓂᑦᑕᐅᒋᐊᕈᕕᑦ, ᓱᕐᓗ ᓇᓪᓕᖏᓐᓂᒃ ᐱᔨᑦᓯᕋᐅᑎᓂ ᐊᑐᕐᒪᖓᖅᐱᑦ ᐊᒻᒪᓗ ᓇᓪᓕᖏᓐᓂᒃ ᐱᖁᑎᓂᒃ ᐅᕙᑎᓐᓂᒃ ᐱᓯᒪᒻᒪᖔᖅᐱᑦ; ᐊᑭᓕᑦᓴᓂᑦᑕᐅᕙᓪᓕᐊᑎᓂᒃ ᐃᓕᓐᓄᑦ; ᐊᒻᒪᓗ ᑎᑎᖃᖁᑎᖃᕐᕕᐅᓂᖏᓐᓂᒃ ᐃᓕᓐᓄᑦ ᐅᓐᓂᕐᓗᑕᐅᖃᑦᑕᖅᓯᒪᔪᓂᒃ. ᓇᒻᒥᓂᖅ ᐃᓕᓐᓂᒃ ᖃᐅᔨᒪᔾᔪᑎᑦᓴᓪᓚᕇᑦ ᐃᓚᖃᓱᖑᖏᑦᑐᑦ ᐊᓯᖏᓐᓂᒃ ᖃᐅᔨᒪᔾᔪᑎᑦᓴᐃᔪᓂᒃ ᐱᔾᔪᑎᖃᕈᓐᓇᖏᑦᑐᓂᒃ ᑕᐃᔅᓱᒥ ᐃᓄᒻᒥ ᐃᒻᒥᒍᑦ.
• ᐱᓂᐊᕐᓂᕆᕗᑦ ᐃᓕᓐᓂᓪᓗᑐᖅ ᐱᔪᓂᒃ ᖃᐅᔨᒪᒍᑎᓂᒃ ᑲᔪᓯᓲᖑᒋᕗᑦ ᓂᐅᕕᖃᑦᑕᕈᓃᕋᓗᐊᕈᕕᑦ ᐅᕙᑦᑎᓐᓂᒃ SSi-ᑯᓐᓂᒃ, ᑕᐃᒫᒃ ᐅᓂᒃᑳᖅᑕᐅᓯᒪᔪᓂ ᐊᑖᓂ ᒪᓕᑦᑐᓂᒃ.
• ᖃᓄᐃᓕᖓᓂᖏᑦ ᐊᑐᖅᑕᐅᓂᖏᓪᓗ ᐸᕝᕕᓴᑕᐅᖃᑕᕆᐊᖃᖏᓂᕐᒧᑦ ᐃᒪᐃᓕᖓᕗᑦ:
• ᐸᕝᕕᓴᑦᑕᐅᖃᑦᑕᕆᐊᖃᖏᓂᕐᒧᑦ ᐊᑐᐊᒐᐃᑦ ᐊᑐᖅᑕᐅᔭᕆᐊᓖᑦ ᐱᔾᔪᑎᖃᖅᑐᓂᒃ ᓇᒻᒥᓂᖅ ᐃᓄᐃᑦ ᐃᒥᓄᓪᓗᑐᖅ ᐱᔾᔪᑎᖃᖅᑐᓂᒃ ᖃᐅᔨᒪᔾᔪᑎᖏᓐᓂᒃ SSi-ᑯᑦ ᓂᐅᕕᖅᑎᖏᓐᓂᒃ ᐅᕙᑦᑎᓐᓄᑦ ᑲᑎᖅᓱᖅᑕᐅᕙᑦᑐᓂᒃ, ᐊᑐᖅᑕᐅᕙᑦᑐᓐᓂᒃ, ᑐᓴᐅᒪᔭᐅᕙᑦᑐᓐᓂᓗᓐᓃᑦ ᐱᓕᕆᔩᓐᓇᖏᓐᓂ/ᐃᖃᓇᐃᔭᖅᑏᓐᓇᖏᓐᓂ;
• ᐸᕝᕕᓴᑦᑕᐅᖃᑦᑕᕆᐊᖃᖏᓂᕐᒧᑦ ᐊᑐᐊᒐᐃᑦ ᐊᑐᕆᕗᑦ ᐊᐅᓚᑦᑎᐅᓂᖏᓐᓄᑦ ᓇᒻᒥᓂᖅ ᐃᓄᐃᑦ ᐱᓪᓗᒋᑦ ᖃᐅᔨᒪᓂᖏᓐᓂᒃ ᖃᓄᑐᐃᓐᓇᖅ ᐅᖃᐅᓯᒃᑯᑦ, ᖃᕆᑕᐅᔭᒃᑯᑦ, ᑎᑎᖃᖁᓪᓗᓐᓃᑦ ᐱᓯᒪᔭᖏᓐᓂ;
• ᐸᕝᕕᓴᑦᑕᐅᖃᑦᑕᕆᐊᖃᖏᓂᕐᒧᑦ ᐊᑐᐊᒐᐃᑦ ᐊᔪᕐᓇᖅᑎᑦᑎᕙᖏᓚᑦ ᖃᓄᑐᐃᓐᓇᖅ ᐃᓱᖃᖅᑎᑦᑎᓂᕐᒧᑦ ᑲᑎᖅᓱᖅᑕᐅᔪᓐᓇᕐᓂᖏᓐᓄᑦ, ᐊᑐᖅᑕᐅᒍᓐᓇᕐᓂᖏᓐᓄᑦ, ᓴᕿᑎᑕᐅᔪᓐᓇᕐᓂᖏᓄᓪᓗᓐᓃᑦ ᒪᑯᐊ ᐅᕙᑦᑎᓐᓄᑦ ᖃᐅᔨᒪᔾᔪᑎᒃᓴᓕᐊᖑᓯᒪᓂᖏᓐᓂ:
1. ᖃᐅᔨᒪᔾᔪᑎᑦᓴᐅᔪᑦ ᐊᑐᐃᓐᓇᐅᔪᑦ ᐃᓄᓕᒪᓄᑦ ᑕᑯᔭᑦᓴᐅᔭᕇᕐᓂᖏᓐᓂᑦ, ᐅᕝᕙᓗᓐᓃᑦ
2. ᐊᑎᕐᓂᒃ, ᑕᐃᔭᐅᓂᖏᓐᓂᒃ, ᐃᖃᓇᐃᔮᕆᔭᖏᓐᓂᓗᓐᓃᑦ ᑐᕋᕈᑎᖏᓐᓂᒃ ᐅᖄᓚᐅᑎᖏᓐᓂᓗᓐᓃᑦ ᐃᖃᓇᐃᔭᖅᑎᐅᔪᑦ ᑎᒥᖁᑎᖏᓐᓂᒃ.

• ᐊᒥᓲᒻᒪᑕ ᑐᖓᕕᒋᔭᐅᕙᑦᑐᑦ, ᓇᓗᓇᐃᒃᑯᑕᐃᓪᓗ ᐊᓯᖏᓪᓗ ᐃᓚᒋᔭᐅᓂᖏᑦ SSi-ᑯᓐᓄᑦ ᐸᕝᕕᓴᑦᑕᐅᖃᑦᑕᕆᐊᖃᖏᓂᕐᒧᑦ ᐊᑐᐊᒐᓕᐅᕐᕕᐅᓯᒪᔪᑦ, ᐊᒻᒪᓗ ᒪᓕᑦᓯᒪᓪᓗᑎᒃ ᑕᐃᒃᑯᓂᖓ ᑲᓇᑕᒥ ᓇᖕᒥᓂᖅ ᐃᓄᖕᓂᒃ ᐱᔾᔪᑎᖃᓪᓗᑐᖅᑐᓂᒃ ᖃᐅᔨᒪᔾᔪᑕᐅᕙᑦᑐᓂᒃ ᓴᐳᓐᓂᐊᕆᐊᖃᕐᓂᕐᒧᑦ ᐊᒻᒪᓗ ᖃᕆᑕᐅᔭᒃᑰᕈᑕᐅᔪᓐᓇᕐᓂᖏᓐᓄᑦ ᑎᑎᖃᐃᑦ ᒪᓕᒐᕐᔪᐊᖑᓂᖏᓐᓂᒃ (“PIPEDA”-ᖑᓂᕋᖅᑕᐅᔪᑦ), ᑕᐃᒃᑯᓂᖓ ᑲᓇᑕᒥᐅᑕᓂ ᑕᒪᐃᓐᓄᑦ ᐊᑐᖅᑕᐅᓐᓂᖏᑦ ᒪᓕᒐᐃᑦ ᓴᐳᓐᓂᐊᖅᑕᐅᔭᕆᐊᖃᕐᓂᖏᓐᓄᑦ ᓇᖕᒥᓂᖅ ᐃᓄᓐᓂᒃ ᐱᔪᓂᒃ ᖃᐅᔨᒪᔾᔪᑎᑦᓴᐅᕙᓐᓂᖏᓐᓂᒃ (“CSA Code”-ᖑᓂᕋᖅᑕᐅᔪᑦ), ᐊᖏᔪᐊᓗᒻᒥᒃ ᐊᑐᖅᑕᐅᓯᒪᒻᒥᔪᑦ ᑎᑎᕋᖅᓯᒪᓂᖏᑦ ᑖᒃᑯᓇᓂ PIPEDA-ᑯ ᒪᓕᒐᕐᔪᐊᖓᓂᒃ.
• ᖁᓕᐅᔪᑦ ᑐᓐᖓᕕᐅᕙᑦᑐᑦ ᐃᓗᐊᓃᓐᓂᖏᓐᓂ ᐸᕝᕕᓴᖅᑕᐅᖃᑦᑕᕆᐊᖃᖏᓂᕐᒧᑦ ᐊᑐᐊᒐᕐᓂ, ᓈᒻᒪᓇᖅᓯᒪᓪᓗᑎᒃ ᐊᑐᖅᑕᐅᕙᑦᑐᑐᑦ, ᐅᑯᐊᓗ ᐅᖃᐅᓯᑦᓴᐅᓂᖏᑦ ᑕᑯᑦᓴᐅᑎᑦᑎᓪᓗᑎᒃ ᖃᓄᖅ SSi-ᑯᑦ ᐊᑐᓕᖅᑎᑦᑎᓲᖑᖕᒪᖔᑕ ᑐᖓᕕᐅᕙᓐᓂᖏᓐᓂᒃ.
• ᐊᑐᖅᑕᐅᓂᖏᓐᓂ ᐸᕝᕕᓴᑦᑕᐅᔭᕆᐊᖃᖏᓂᕐᒧᑦ ᐊᑐᐊᒐᐃᑦ ᐃᓗᓕᖃᕆᐊᖃᓱᖑᕗᑦ ᐊᑐᖅᑕᐅᒋᐊᓕᓐᓂᒃ ᒪᓕᒐᕐᓂᒃ, ᒪᓕᒐᓪᓗᑐᕐᓂᒃ, ᐊᖏᕈᑎᓂᓗᓐᓃᑦ, ᐅᕝᕙᓗᓐᓃᑦ ᒪᓕᒐᕆᔭᐅᓯᒪᔪᓂᒃ ᐃᖃᖅᑐᐃᕕᒃᑯᑦ ᐊᓯᐊᒍᓪᓗᓐᓃᑦ ᒪᓕᒐᓕᐅᕈᓐᓇᖅᑐᓂᒃ, ᐃᓚᖃᕆᐊᖃᕆᓗᑎᑦ ᐊᑐᖅᑕᐅᒋᐊᓕᓐᓂᒃ ᒪᓕᒐᓪᓗᑐᕐᓂᒃ, ᑎᓕᔭᐅᓯᒪᓕᖅᑐᓂᒃ ᐃᓕᑕᕆᔭᐅᓯᒪᔪᓂᒃ ᐊᒻᒪᓗ ᑐᑭᓕᐅᖅᑕᐅᓯᒪᓕᖅᑐᓂᒃ ᑲᓇᑕᒥᐅᑕᓂ ᓈᓚᐅᑎᒃᑯᑦ-ᑕᓚᕖᓴᒃᑯᑦ ᐊᒻᒪᓗ ᑐᓴᐅᒪᖃᑦᑕᐅᑎᕕᖃᖅᑐᓄᑦ ᑲᒥᓯᓇᒃᑯᖏᓐᓄᑦ ᑲᑎᒪᔨᕐᔪᐊᕐᓄᑦ.

ᖃᓄᐃᓕᖓᓪᓗᑐᕐᓂᖏᑦ ᐃᓗᓕᖏᑦᓂ ᑎᑎᕋᖅᓯᒪᔪᑦ ᐊᒻᒪᓗ ᑐᓐᖓᕕᐅᓂᖏᑦ SSi-ᑯᓐᓄᑦ ᐸᕝᕕᓴᖅᑕᐅᖃᑦᑕᕆᐊᖃᖏᓂᕐᒧᑦ ᐊᑐᐊᒐᕆᔭᐅᔪᓂ

1. ᑐᓐᖓᕕᒋᔭᐅᓂᖏᑦ 1 – ᐅᓂᒃᑳᑦᓯᐊᖃᑦᑕᕆᐊᖃᕐᓂᖅ
   • ᑲᒪᔨᐅᔪᒍᑦ ᓇᒻᒥᓂᖅ ᐃᓄᐃᑦ ᐃᒻᒥᓂᒃ ᐱᔪᓂᒃ ᖃᐅᔨᒪᔾᔪᑎᑦᓴᐅᑎᑕᐅᔪᓂᒃ, ᐊᐅᓚᑕᑦᑎᓐᓂᒃ, ᑎᒃᑯᐊᖅᓯᕙᓐᓂᐊᖅᓱᑕᓗ ᐊᑕᐅᓯᕐᒥᓗᓐᓃᑦ ᐃᓄᓐᓂᒃ ᐊᐅᓚᑦᑎᔨᐅᕙᓐᓂᐊᖅᑐᓂᒃ ᒪᓕᑦᑕᐅᑦᓯᐊᖃᑦᑦᑕᕆᐊᖃᕐᓂᖏᓐᓂᒃ ᐸᕝᕕᓴᑦᑕᐅᖃᑦᑕᕆᐊᖃᖏᓂᕐᒧᑦ ᐊᑐᐊᒐᕐᓂᒃ.
     ᖃᓄᕐᓕ SSi-ᑯᑦ ᐅᔾᔨᖅᑐᑦᓯᐊᕈᓐᓇᓲᖑᕗᑦ ᐅᓂᒃᑳᑦᓯᐊᖃᑦᑕᕆᐊᖃᕐᓂᖏᓐᓂᒃ?
     1. ᑲᒪᔨᐅᒐᒥᒃ ᒪᓕᒋᐊᖃᕐᓂᖅ ᐸᕝᕕᓴᑦᑕᐅᔭᕆᐊᖃᖏᓂᕐᒧᑦ ᐊᑐᐊᒐᕐᓂᒃ, ᑲᒪᒋᔭᐅᓗᑎᒃ ᐊᖓᔪᖃᐅᑕᐅᓂᖏᓐᓄᑦ, ᐊᑕᐅᓯᕐᓗᓐᓃᑦ ᐃᓄᒃ ᑎᒃᑯᐊᖅᑕᐅᓯᒪᓪᓗᓂ ᐅᓂᒃᑳᑦᓯᐊᖃᑦᑕᕆᐊᖃᕐᓂᖅ ᒪᓕᑦᑕᐅᑦᓯᐊᕐᒪᖓᑕ ᐸᕝᕕᓴᑦᑕᐅᖃᑦᑕᕆᐊᖃᖏᓂᕐᒧ ᐊᑐᐊᒐᕐᓂᒃ. ᐊᓯᖏᑦ ᐃᓄᐃᑦᑕᐅᖅ ᐃᖃᓇᐃᔭᕐᕕᖓᓂ SSi-ᑯᑦ ᑎᓕᔭᐅᓯᒪᒍᓐᓇᒥᔪᑦ ᐱᔾᔪᔾᔨᖁᔭᐅᕙᓐᓂᖅ ᑎᒃᑯᐊᖅᑕᐅᓯᒪᔪᓂᒃ ᐃᓄᓐᓂᒃ ᐅᕝᕙᓗᓐᓃᑦ ᑲᒪᔨᐅᒍᓐᓇᕐᓂᖅ ᐅᓪᓗᑕᒫᒥᒃ-ᐅᓪᓗᑕᒫᒧᑦ ᑲᑎᖅᓱᖅᑕᐅᕙᓐᓂᖏᓐᓂᒃ ᐊᒻᒪᓗ ᑲᒪᒋᔭᐅᕙᓐᓂᖏᓐᓂᒃ ᐱᔪᓂᒃ ᐃᓄᓐᓂᒃ ᓇᒻᒥᓂᖅ ᖃᐅᔨᒪᔾᔪᑎᓂᒃ.
     2. SSi-ᑯᑦ ᑎᒃᑯᐊᖅᓯᓯᔪᑦ ᐊᖓᔪᖄᖓᓂᒃ ᐸᕝᕕᓴᑦᑕᐅᑦᑎᑕᐃᓕᒪᓂᕐᒧᑦ ᑲᒪᔨᒥᒃ ᖃᐅᔨᓴᖅᑎᐅᕙᑦᑐᓂᒃ ᒪᓕᑦᑕᐅᓂᖏᓐᓂᒃ ᐸᕝᕕᓴᑦᑕᐅᖃᑦᑕᕆᐊᖃᖏᓂᕐᒧᑦ ᐊᑐᐊᒐᕐᓂᒃ. ᑕᐃᓐᓇ ᐊᖓᔪᖃᕆᔭᖅ ᑲᒪᔨᐅᑎᑕᖅ ᐅᖃᕐᕕᐅᒍᓐᓇᖅᑐᖅ ᐅᕙᓂ:
        Chief Privacy Officer
        SSi Micro Ltd.
        356B Old Airport Road
        Yellowknife, NWT X1A-3T4
        Phone: 1-877-686-2888
        Fax: 1-867-669-7510
        Email: privacy@ssimicro.com
     3. SSi-ᑯᑦ ᑲᒪᔨᐅᕗᑦ ᐸᐸᑕᒥᓂᒃ ᐃᓄᓐᓂᒃ ᓇᒻᒥᓂᖅ ᐱᔾᔪᑎᖃᓗᑐᖅᑐᓂᒃ ᖃᐅᔨᒪᔾᔪᑎᒃᓴᓂᒃ, ᑕᐃᒃᑯᓂᖓ ᐃᓚᖃᓲᖑᖕᒥᔪᓂᒃ ᖃᐅᔨᒪᔾᔪᑎᑦᓴᐃᔪᓂᒃ ᖃᐃᑕᐅᖃᓯᒪᖃᑦᑕᕈᓐᓇᖅᑐᓂᒃ ᐊᓯᑦᑎᓐᓂᒃ ᐱᖓᔪᒋᔭᐅᔪᓂᒃ ᐊᑐᒐᑦᓴᐅᑎᑕᐅᓗᑎᒃ. ᐊᑐᖅᐸᓐᓂᐊᖅᑐᒍᑦ ᓈᒻᒪᑦᑐᐃᓇᐅᔭᕆᐊᓕᓐᓂᒃ ᐊᓯᑎᓐᓄᑦᑕᐅᖅ ᐱᐅᓯᕆᔭᐅᕙᑦᑐᑎᑐ ᓴᐳᓐᓂᐊᖃᑦᑕᕐᓂᖅ ᖃᐅᔨᒪᔾᔪᑎᑦᓴᐅᔪᓂᒃ ᑲᒪᒋᔭᐅᕙᓐᓂᖏᓐᓂᒃ ᐊᓯᑦᑎᓐᓄᑦ ᐱᖓᔪᒋᔭᐅᕙᒻᒥᔪᓄᑦ ᐃᓚᒋᐅᔭᐅᕙᑦᑐᓄᑦ. (ᑕᑯᓗᒍ ᑐᓐᖓᕕᐅᓂᖓ 7).
     4. SSi-ᑯᑦ ᐊᑐᓕᖅᑎᑦᑎᓯᒪᔪᑦ ᐊᑐᐊᒐᕐᓂᓪᓗ ᐱᐅᓯᕆᐅᕙᓐᓂᐊᖅᑐᓂᓗ ᐊᑑᑎᖃᕈᓐᓇᖁᓗᒋᑦ ᐸᕝᕕᓴᑦᑕᐅᖃᑦᑕᕆᐊᖃᖏᓂᕐᒧᑦ ᐊᑐᐊᒐᖏᓐᓂᒃ, ᒪᑯᓂᖓ ᐃᓚᖃᖅᑐᓂᒃ:
     1. ᐊᑐᓕᖅᑎᑦᓯᕙᓪᓕᐊᓂᖅ ᐱᐅᕆᔭᐅᔭᕆᐊᓕᓐᓂᒃ ᓴᐳᓐᓂᐊᕈᑕᐅᓂᐊᖅᑐᓂᒃ ᐃᓄᐃᑦ ᓇᒻᒥᓂᓪᓗᑐᖅ ᐱᔾᔪᑕᐅᓂᖏᓐᓂᒃ ᖃᐅᔨᒪᔾᔪᑎᓂᒃ ᐊᒻᒪᓗ ᖃᐅᔨᓴᖅᑕᐅᖃᑕᕐᓗᑎᒃ ᒪᓕᑦᑕᐅᑦᓯᐊᕐᒪᖔᑕ ᐸᕝᕕᓴᑦᑕᐅᖃᑦᑕᕆᐊᖃᖏᓂᕐᒧᑦ ᐊᑐᐊᒐᐃᑦ;
     2. ᓴᕿᑎᑦᓯᓯᒪᓂᖅ ᐱᐅᓯᕐᓂᒃ ᑐᓂᔭᐅᖃᑦᑕᕈᓐᓇᕐᓂᕐᒧᑦ ᑭᐅᖃᑦᑕᕈᓐᓇᕐᓂᕐᒧᓪᓗ ᐊᐱᖁᑕᐅᔪᓄᑦ ᐅᓐᓂᕐᓘᑕᐅᓯᒪᔪᓄᓪᓗᓐᓃᑦ;
     3. ᐃᓕᓴᖅᑕᐅᓂᖏᑦ ᑐᓴᐅᒪᑎᑕᐅᕙᓐᓂᖏᓪᓗ ᐃᖃᓇᐃᔭᖅᑏᑦ SSi-ᑯᑦ ᐊᑐᐊᒐᕆᔭᖏᓐᓂᒃ ᐊᒻᒪᓗ ᐱᐅᓯᕆᔭᐅᖁᔭᖏᓐᓂᒃ; ᐊᒻᒪᓗ
     4. ᐱᕙᓪᓕᐊᑎᑦᑎᓂᖅ ᐃᓄᓕᒪᓄᑦ ᑐᓴᒐᑦᓴᓂᒃ ᖃᐅᔨᑎᑦᑎᒋᐊᕈᑎᓂ ᐅᓂᒃᑳᕐᓂᕐᒧᑦ ᐊᑐᐊᒐᕆᔭᑦᑎᓐᓂᒃ ᐊᒻᒪᓗ ᐱᐅᓯᕆᔭᑦᑕᑎᓐᓂᒃ.
2. ᑐᓐᖓᕕᒋᔭᐅᓂᖏᑦ 2 – ᓇᓗᓇᐃᔭᐃᓂᖅ ᐱᔾᔪᑕᐅᓂᖏᓐᓂᒃ ᑲᑎᖅᓱᐃᕙᓐᓂᕐᒧᑦ ᐃᓄᓐᓂᒃ ᐱᔪᓂᒃ ᓇᒻᒥᓂᓪᓗᑐᖅ ᖃᐅᔨᒪᔾᔪᑎᑦᓴᓂᒃ
   • SSi-ᑯᑦ ᓇᓗᓇᐃᔭᐃᕙᓐᓂᐊᖅᑐᑦ ᐱᔾᔪᑕᐅᕙᓐᓂᖏᓐᓂᒃ ᓱᒐᒥ ᑲᑎᖅᓱᐃᓲᖑᖕᒪᖓᑕ ᐃᓄᐃᑦ ᓇᒻᒥᓂᖅ ᐱᔪᓂᒃ ᖃᐅᔨᒪᔾᔪᑎᑦᓴᓂᒃ ᑕᐃᑲᓂ ᑐᑭᓯᓂᐊᕐᕕᐅᓂᖏᓐᓂ.
     ᓱᒐᒥᓕ SSi-ᑯᑦ ᑲᑎᖅᓱᐃᓲᖑᕙᑦ ᐃᓄᐃᑦ ᓇᒻᒥᓂᖅ ᒥᑦᓵᓄᑦ ᐱᔪᓂᒃ ᖃᐅᔨᒪᔾᔪᑎᑦᓴᖏᓐᓂᒃ?
     1. ᑲᑎᖅᓱᐃᓱᖑᕗᒍᑦ ᓇᖕᒥᓂᖅ ᐃᓄᓐᓂᒃ ᐱᔪᒥᒃ ᖃᐅᔨᒪᔾᔪᑎᑦᓴᐅᔪᓂᒃ ᒪᑯᓂᖓ ᐊᑐᕆᐊᓕᓐᓄᑦ:
     • ᑲᒪᑦᓯᐊᔪᓴᓐᓂᕐᒧᑦ ᓂᐅᕕᕐᕕᐅᓂᑦᑎᓐᓄᑦ ᐃᓚᖃᑦᓯᐊᕆᐊᖃᕐᓂᖅ ᓂᐅᕕᖅᐸᑦᑐᓂᒃ ᐊᒻᒪᓗ ᑲᔪᓯᖁᔨᓂᕐᒧᑦ ᐊᑐᖅᑕᖏᓐᓂᒃ ᐱᔨᑦᓯᕋᐅᑎᓂᒃ;
     • ᐱᓕᕆᔪᓐᓇᕈᒪᓂᖅ ᐱᐅᔪᓂᒃ ᐃᓕᑦᓯᓐᓂᒃ ᓂᐅᕕᖅᑎᐅᕙᑦᑐᓂᒃ ᐊᒻᒪᓗ ᐊᑲᕆᔭᐅᓂᐊᖅᑐᓂᒃ ᓇᒻᒪᓈᕐᓂᐊᖅᑐᓂᒃ ᐃᓕᓐᓄ;
     • ᑐᑭᓯᐊᑦᓯᐊᕈᒪᓪᓗᒋᑦ ᐃᕝᕕᑦ ᐱᔭᕆᐊᖃᖅᑕᑎᑦ ᐊᒻᒪᓗ ᐃᓕᓐᓂᒃ ᐱᔾᔪᑎᖃᖅᑐᓄᑦ ᐊᑲᐅᓇᕐᓂᐊᖅᑐᓂᒃ ᖃᐅᔨᒪᔾᔪᑎᒃᓴᖃᑦᓯᐊᕈᑦᑕ ᐊᑐᕈᓐᓇᕐᓂᐊᖅᑐᓂᒃ ᐱᔨᑦᓯᕋᐅᑎᑦᑎᓐᓂᒃ, ᐱᖁᑎᑦᓴᓂᒍᓐᓇᑕᖅᑎᓐᓂᒃ, ᐊᓯᖏᓐᓂᓗ ᐊᑐᐃᓐᓇᐅᕙᑦᑐᓂᒃ SSi-ᑯᓐᓂᒃ;
     • ᐊᑐᐃᓐᓇᐅᑎᑦᑎᕙᓐᓂᕐᖅ, ᑲᑎᖅᓱᐃᔪᓐᓇᕐᓂᖅ ᐊᑭᓕᐅᑎᓂᒃ ᐱᔨᑦᓯᕋᐅᑎᑦᑎᓐᓂᒃ, ᐱᖁᑎᑦᓴᓂᒍᓐᓇᑕᖅᑎᓐᓂᒃ, ᐊᓯᖏᓐᓂᓗ, ᐊᐅᓚᐅᔪᓐᓇᕐᓗᑎᒡᓗ ᐱᕙᓪᓕᐊᑎᑕᐅᓗᑎᓪᓗ SSi-ᑯᑦ ᐃᖃᓇᐃᔮᕆᔭᖏᑦ ᐊᒻᒪᓗ ᐊᐅᓚᕙᑦᑕᖏᑦ;
     • ᑐᑭᓯᓂᐊᖃᑦᑕᕐᓂᐊᕐᒪᑕ, ᖃᐅᔨᒋᐊᖃᑦᑕᕐᓗᑎᒃ ᐅᕝᕙᓗᓐᓃᑦ ᑐᓴᖅᑎᑕᐅᔪᒪᓗᑎᒃ ᖃᓄᖅ ᐱᐅᓯᒋᐊᖅᑕᐅᓯᒪᔪᓐᓇᕐᒪᖔᑕ ᐊᒻᒪᓗ ᐊᐅᓚᑕᐅᖓᕈᓐᓇᕐᒪᖓᑕ ᐃᓕᓐᓂᒃ ᐃᓚᖃᑦᓯᐊᒃᑲᕈᑦᑎᓴᐃᑦ;
     • ᐅᔾᔨᖅᑐᑦᓯᐊᕐᓂᕐᒧᑦ ᐃᖃᓇᐃᔭᕐᕕᒋᔭᑦᑎᓐᓂᒃ ᐊᐅᓚᑦᑎᑦᑎᐊᕈᓐᓇᕐᓂᖅ, ᓴᐳᓐᓂᐊᖅᑕᐅᓯᒪᓗᑎᒃ ᐱᓕᕆᔨᐅᑦᓯᐊᕆᐊᖃᕐᓂᖏᓐᓂᒃ ᐃᖃᓇᐃᔭᕐᕕᖁᑎᑦᑎᓐᓂᒃ;
     • ᓇᓗᓇᐃᕈᒪᓐᓇᕆᐊᖃᕐᓂᕐᒧᑦ ᐃᓕᑕᕆᔭᐅᔾᔪᑎᒋᔭᐃᑦ ᐅᔾᔨᖅᑐᑦᓯᐊᕆᐊᖃᕐᓂᕐᒧᑦ ᖃᐅᔨᒪᔭᕗᑦ ᑕᒻᒪᖅᓯᒪᒋᐊᖃᖏᓂᖏᓐᓂᒃ ᐊᒻᒪᓗ ᓄᑖᖑᓂᖅᐹᖑᓗᑎᒃ;
     • ᐊᑭᓕᑦᓴᓂᒍᓐᓇᐅᑎᖃᕐᓂᕐᓂᒃ ᖃᐅᔨᒪᔾᔪᑎᑦᓴᖃᕆᐊᖃᕐᓂᖅ ᐅᕝᕙᓗᓐᓂᑦ ᑐᓂᔭᐅᔪᓐᓇᕐᓂᖏᓐᓂᒃ ᒪᓕᒐᕐᓂᒃ ᑭᓯᐊᓂ ᒪᓕᑦᓯᐊᕐᓗᑎᒃ; ᐊᒻᒪᓗ
     • ᒪᓕᒐᕆᔭᐅᔪᓂᒃ ᒪᓕᒐᓪᓗᑐᕆᔭᐅᔪᓂᓗ ᒪᓕᑦᓯᐊᕆᐊᖃᕐᓂᑦᑎᓐᓄᑦ.
     ᐱᔾᔪᑕᐅᓂᖏᑦ ᑖᒃᑯᓇᓂ ᐅᖃᐅᓯᐅᓯᒪᖏᑦ ᐅᖃᐅᓯᐅᒋᕗᑦ ᐊᑕᓃ ᑕᐃᔭᐅᔪᓂᒃ “ᐃᓕᑕᕆᔭᐅᔪᓐᓇᕐᓂᕐᒧᑦ ᐱᔾᔪᑕᐅᓂᕐᒧᑦ”.
     1. SSi-ᑯᑦ ᖃᐅᔨᑎᑦᑎᕙᓐᓂᐊᖅᑐᑦ ᐅᖃᐅᓯᒃᑯᓪᓗᓐᓃᑦ, ᖃᕆᑕᐅᔭᒃᑯᓪᓗᓐᓃᑦ ᑎᑎᖃᑎᒍᓗᓐᓃᑦ ᐃᓕᑕᕆᔭᐅᔪᓐᓇᕐᓂᕐᒥᒃ ᐱᔾᔪᑎᖃᖅᑐᓂᒃ ᓂᐅᕕᖅᐸᑦᑐᑦ ᑕᐃᑲᓂ ᓯᕗᓂᐊᒍᓗᓐᓃᑦ ᓇᒻᒥᓂᖅ ᐅᖃᐅᓯᐅᓂᖏᓐᓂ ᖃᐃᑕᐅᔭᕆᐊᓖᑦ ᑲᑎᖅᓱᖅᑕᐅᓕᖅᑎᓪᓗᒋᑦ. ᑐᑦᓯᕋᕐᕕᐅᓗᑎᒃ, ᐃᓄᐃᑦ ᑲᑎᖅᓱᐃᔪᑦ ᐃᓄᓐᓂᒃ ᓇᒻᒥᓂᖅ ᐱᔪᓂᒃ ᖃᐅᔨᒪᔾᔪᑎᑦᓴᓂᒃ ᐅᓂᒃᑳᖅᑎᑕᐅᒍᓐᓇᖅᐳᑦ ᑕᒪᒃᑯᓂᖓ ᐃᓕᑕᕆᔭᐅᔾᔪᑎᓂᒃ ᐅᕝᕙᓗᓐᓃᑦ ᐊᑎᕐᒥᒃ ᑐᓂᓯᓗᑎᒃ ᐃᓄᖕᒥᒃ ᑎᒃᑯᐊᖅᑕᐅᓯᒪᔪᒥᒃ ᑐᑭᓯᓂᐊᕐᕕᐅᒍᓐᓇᖅᑐᒥᒃ ᓱᓇᒧᑦ ᐊᑑᑎᖃᓲᖑᖕᒪᖔᑕ.
     2. ᐱᔭᕆᐊᖃᖅᑎᑕᐅᒍᑎᒃ ᑭᓯᐊᓂ ᒪᓕᒐᖅᑎᒍᑦ, SSi-ᑯᑦ ᐊᑐᖅᐸᓐᓂᐊᖏᓚᑦ ᓄᑖᓂᒃ ᖃᓄᐃᑦᑐᑐᐃᓐᓇᕐᓂᒃ ᓇᒻᒥᓂᖅ ᐃᓄᖕᓂᒃ ᐱᔪᓂᒃ ᖃᐅᔨᒪᔾᔪᑎᒃᓴᓂᒃ ᑲᑎᖅᓱᖅᑕᐅᓯᒪᒌᖅᑐᓂᒃ ᓯᕗᓪᓕᕐᒥ ᐃᓕᑕᕆᔭᐅᓚᐅᖏᓐᓂᖏᓐᓂᒃ ᐊᒻᒪᓗ ᑎᑎᕋᖅᑕᐅᓚᐅᖏᓐᓂᖏᓐᓂᒃ ᓄᑕᓂᒃ ᐱᔾᔪᑕᐅᓂᖏᓐᓂᒃ ᐊᖏᖅᑕᐅᖄᓚᐅᖅᑎᓐᓇᒋᓪᓗ ᓂᐅᕕᕈᒪᔪᒧᑦ/ᓂᐅᕕᖅᐸᑦᑐᒧᑦ.
     3. ᐃᓚᒋᔭᐅᔪᑦ ᐃᓄᓐᓄᑦ ᑕᑯᓂᐊᖅᑕᐅᕕᖓᓐᓂᒃ SSi-ᑯᑦ ᐱᒋᔭᐅᔪᒥᒃ, ᑐᓴᐅᑎᑦᑎᒍᑎᓂᒃ ᖃᐅᔨᒪᑎᑦᑎᒍᑕᐅᕙᑦᑐᑦ ᐃᓕᔭᐅᓯᒪᓕᕈᓐᓇᖅᐳᑦ ᐊᑐᖅᐸᑦᑐᐃᑦ ᖃᕆᑕᐅᔭᖏᓐᓄᑦ ᑕᐃᒫᒃ SSi-ᑯᑦ ᑐᑭᓯᐅᒪᓂᐊᕐᒪᑕ ᓂᐅᕕᖅᐸᑦᑕᖏᓐᓂᒃ ᐱᔪᒪᓲᕆᕙᑦᑕᖏᓐᓂᒃ. ᑕᒪᒃᑯᐊ ᑐᓴᐅᒪᒍᑎᖏᑦ ᐃᓕᔭᐅᓯᒪᓕᕈᓐᓇᖅᑐᑦ ᖃᓪᓗᓈᑎᑐᑦ ᑐᑭᓕᒻᒥᒃ ᓯᕙᓛᕐᓂᒃ ᑕᐃᔭᐅᕙᑐᑦ “Cookies”-ᓂᒃ ᒥᑭᔫᑎᑯᓗᓐᓂᒃ ᑐᑭᓯᐅᒪᒍᑕᐅᓲᖑᔪᓂᒃ ᖃᕆᑕᐅᔭᒃᑯᑦ ᓴᓇᔭᐅᓯᒪᕙᑦᑐᑦ ᑐᖁᖅᑕᐅᓯᒪᓕᕈᓐᓇᖅᑐᑦ ᖃᕆᑕᐅᔭᕕᑦ ᐊᐅᓚᐅᑎᖓᓄᑦ ᐊᑦᑕᑕᕐᓯᒪᓪᓗᑎᒃ ᐊᑐᖅᐸᑦᑑᑉ ᖃᕆᑕᐅᔭᖓᒍᑦ ᐊᑐᖅᐸᑦᑕᖏᓐᓂᒃ ᖃᓄᐃᖓᓕᔪᓂᒃ ᑕᑯᓂᐊᓲᖑᒻᒪᖔᑕ ᖃᕆᑕᐅᔭᒃᑯᑦ ᑕᑯᓂᐊᖅᑕᐅᕝᕕᓐᓂᒃ. SSi-ᑯᑦ ᐊᑐᕈᓐᓇᖅᐳᑦ ᖃᐅᔨᒪᒍᑎᓂᒃ ᑕᒪᒃᑯᓂᖓ ᓯᕙᓛᖑᓂᕋᖅᑕᐅᕙᑐᓂᒃ cookies-ᓂᒃ ᒪᓕᒍᑕᐅᔪᓐᓇᕐᓂᕐᒧᑦ ᑲᑎᖅᓱᐃᕕᐅᔪᓐᓇᕐᓂᕐᒧᓪᓗ ᐊᑐᖅᑕᐅᕙᓐᓂᖓᓂᒃ SSi-ᑯᓐᓂᒃ ᖃᕆᑕᐅᔭᒃᑯᑦ ᑕᑯᓂᐊᖅᑕᐅᕝᕕᖁᑎᖏᑦ.
3. ᑐᓐᖓᕕᒋᔭᐅᓂᖏᑦ 3 – ᐊᖏᖅᑕᐅᓯᒪᐃᓐᕆᐊᖃᕐᓂᖏᑦ ᑲᑎᖅᓱᐃᔪᓇᕐᓂᖏᓐᓂᒃ, ᐊᑐᕈᓐᓇᕐᓂᖏᓐᓂᒃ, ᓴᕿᑎᑦᑎᒍᓐᓇᕐᓂᖏᓐᓄᓪᓗᓃᑦ ᐊᑐᕈᓐᓇᕐᓂᖏᓐᓂᒃ
   • ᓂᐅᕕᖅᐸᑦᑐᑦ ᖃᐅᔨᒪᖄᕆᐊᖃᓲᖑᕗᑦ ᐊᖏᖅᓯᒪᓗᑎᒡᓗ ᑲᑎᖅᓱᐃᕕᐅᓂᐊᑐᐊᕈᑎᑦ ᖃᐅᔨᒪᔾᔪᑎᑦᓴᓂᒃ, ᐊᑐᖅᑕᐅᔪᓐᓇᕐᓂᖏᓐᓂᒃ ᐅᕝᕙᓗᓐᓃᑦ ᓴᕿᑕᐅᒍᓐᓇᕐᓂᖏᓐᓂᒃ ᖃᐅᔨᒪᔾᔪᑎᑦᓴᓂᑦᓯᒪᔭᒥᓂᒃ, ᑭᓯᐊᓂ ᖃᖓᑐᐃᓐᓇᖅ ᑕᐃᒪᐃᓐᓇᔭᕋᑎᒃ ᓈᒻᒪᒍᓂᖅᐸᑦ. ᐃᓱᒪᒋᓪᓗᒋᑦ ᑕᐃᒪᐃᓕᖓᕙᓐᓂᖏᑦ, “ᓇᒻᒪᖏᓂᕋᐃᓂᖅ” ᐃᓚᖃᕆᕗᑦ ᖃᖓᑐᐃᓐᓇᖅ ᐊᔪᕐᓇᕐᓂᖓᓄᑦ ᐊᖏᖅᑕᐅᔪᖃᕈᓐᓇᕐᓂᖅ.
     ᖃᓄᕐᓕ SSi-ᑯᑦ ᓂᐅᕕᖅᑎᒥᓂᒃ ᐊᖏᖅᑎᑦᓯᓲᖑᕙᑦ ᑲᑎᖅᓱᐃᔪᓐᓇᕐᓂᕐᒧᑦ, ᐊᑐᕈᓐᓇᕐᓂᖏᓐᓄᑦ, ᓴᕿᑎᑦᑎᒍᓐᓇᕐᓂᖏᓄᓪᓗᓐᓃᑦ?
     1. ᐊᖏᖅᑕᐅᓂᐊᕈᑎᒃ, SSi-ᑯᑦ ᐱᓇᓱᐊᑦᓯᐊᖅᐸᓐᓂᐊᖅᑐᑦ ᐅᔾᔨᑐᑦᓯᐊᕐᓂᖅ ᐃᓄᐃᑦ ᐅᖃᐅᔾᔭᐅᓯᒪᑦᑎᐊᕆᐊᖃᕐᓂᖏᓐᓂᒃ ᐃᓕᑕᕆᔭᐅᔾᔪᑎᖏᓐᓂᒃ ᐱᔪᓂᒃ ᓇᒻᒥᓂᕐᒥᓂᒃ ᐃᒻᒥᓄᑦ ᖃᐅᔨᒪᔾᔪᑎᑦᓴᐅᓂᐊᖅᑐᓂᒃ ᐊᑐᖅᑕᐅᓂᐊᖅᑐᓂᒃ ᓴᕿᑎᑕᐅᓂᐊᖅᑐᓂᓗᓐᓃᑦ. ᐅᖃᐅᓯᐅᕙᑦᑐᑦ ᑕᒪᒃᑯᐊ ᑐᑭᓯᔭᐅᑦᓯᐊᕈᓐᓇᕆᐊᖅᑎᑕᐅᓗᑎᒃ.
     2. ᑕᒪᐃᓐᓂ, ᐊᖏᖅᑕᐅᔭᕆᐊᖃᓲᖑᔪᒍᑦ ᐊᑐᕈᓐᓇᕐᓂᕐᓗᓐᓃᑦ ᓴᕿᑎᑦᑎᖃᑦᑕᕈᓐᓇᕐᓂᕐᓗᓐᓃᑦ ᓇᒻᒥᓂᖅ ᐃᓄᓐᓂᒃ ᐱᔪᓂᒃ ᖃᐅᔨᒪᔾᔪᑎᑦᓴᐅᔪᓂᒃ ᑕᐃᑲᓂᑦᓴᐃᓂᖅ ᑎᑎᕋᖅᑕᐅᕙᓪᓕᐊᓕᖅᑎᓪᓗᒋᑦ. ᑭᓯᐊᓂᓕᑦᑕᐅᖅ, SSi-ᑯᑦ ᓱᓕ ᐊᖏᖅᑕᐅᓯᒪᔭᕆᐊᖃᓲᖑᒋᕗᑦ ᐊᑐᕈᓐᓇᕐᓂᖅ ᓴᕿᑎᑦᑎᒍᓐᓇᕐᓂᕐᓗᓐᓃᑦ ᖃᐅᔨᒪᔾᓱᑎᑦᓴᓂᑦᑕᐅᓯᒪᓕᖅᑐᓂᒃ ᑭᖑᓂᐊᒍᑦ, ᐊᒻᒪᓗ ᓱᓕ ᓯᕗᓂᐊᒍᑦ ᐊᑐᖅᑕᐅᔪᓐᓇᖅᓯᓚᐅᖏᓂᖏᓐᓂᒃ ᓴᕿᑎᑕᐅᔪᓐᓇᖅᓯᓚᐅᖏᓐᓂᖏᓐᓂᓗᓐᓃᑦ ᓄᑖᓄᑦ ᐊᓯᖏᓐᓄᑦ ᐱᔾᔪᑎᖃᖅᑐᓂᒃ.
     3. SSi-ᑯᑦ ᓂᐅᕕᖅᐸᑦᑐᓐᓂᒃ ᐊᖏᖅᑕᐅᓯᒪᔭᕆᐊᖃᖅᐳᑦ ᑲᑎᖅᓱᐃᒍᓐᓇᕐᓂᖅ, ᐊᑐᕈᓐᓇᕐᓂᖅ, ᓴᑭᑎᑦᑎᒍᓐᓇᕐᓂᕐᓗᓐᓃᑦ ᐃᒥᓂᒃ ᓇᒻᒥᓂᖅ ᐱᔪᓂᒃ ᖃᐅᔨᒪᔾᔪᑎᑦᓴᓂᒃ ᒪᓕᒐᐅᒻᒪᑕ ᐱᖁᑎᒥᒃ ᓂᐅᕕᕈᒪᓂᖏᓐᓂᒃ ᐅᕝᕙᓗᓐᓃᑦ ᐱᔨᑦᓯᕋᖅᑕᐅᓂᐊᖅᑐᓂᒃ ᐱᔾᔪᑎᖃᖅᑐᐃᓐᓇᐅᓂᐊᖅᑐᓂᒃ ᑕᐃᒃᑯᐊ ᑲᑎᖅᓱᖅᑕᐅᒍᒪᔪᑦ, ᐊᑐᖅᑕᐅᒍᒪᔪᑦ ᓴᕿᑎᑕᐅᔪᒪᔪᓪᓗᓐᓃᑦ ᐊᑐᕆᐊᖃᕈᑎᒃ ᐃᓕᑕᕆᔭᐅᓯᒪᔪᓄᑦ ᐱᔾᔪᑕᐅᒐᓱᐊᖅᑐᓄᑦ ᐊᑐᕐᓗᑎᒃ.
     4. ᑐᑭᓕᐅᕐᓂᕐᒧᑦ ᓇᒻᒪᓐᓂᐊᖅᑐᓂᒃ ᐊᖏᕈᑕᐅᓂᐊᖅᑐᓂᒃ, SSi-ᑯᑦ ᐃᓱᒪᑦᓴᖅᓯᐅᕈᑎᖃᕐᓂᐊᖅᑐᑦ ᐊᑦᑐᑕᐅᓴᕋᐃᑦᑑᔪᓐᓇᕐᓂᖏᓐᓂᒃ ᑕᑯᔭᐅᖃᑦᑕᕈᑎᒃ ᐃᓄᖕᒥᒃ ᓇᒥᓂᕐᒥᓂᒃ ᐱᔪᓂᒃ ᖃᐅᔨᒪᔾᔪᑎᑦᓴᐃᑦ ᐊᒻᒪᓗ ᑐᑭᓕᐅᑐᐃᓐᓇᕐᓗᑎᒃ ᓂᕆᐅᒋᔭᐅᓂᖏᓐᓂᒃ ᓂᐅᕕᖅᐸᑦᑐᓄᑦ ᐃᒃᐱᒍᓱᑦᓯᐊᕐᓗᑎᒃ.
     5. ᑕᒪᐃᓐᓂᒃ, ᐊᑐᕐᓂᖏᓐᓂ ᐱᔨᑦᓯᕋᐅᑎᑦᑎᓐᓂᒃ, ᐱᖁᑎᑦᑎᓐᓂᒃ ᐊᓯᖏᓐᓂᓗ ᓴᓇᔭᐅᓯᒪᔪᓂᒃ, ᓂᐅᕕᖅᑎᐅᔪᑦ ᑐᑭᓯᔭᐅᓯᒪᓲᖑᕗᑦ ᐊᖏᖅᓯᒪᓂᖏᓐᓂᒃ SSi-ᑯᓐᓄᑦ ᑲᑎᖅᓱᐃᕕᐅᔪᓐᓇᕐᓂᖏᓐᓂᒃ, ᐊᑐᖅᑕᐅᔪᓐᓇᕐᓂᐊᖅᑐᓂᒃ ᐊᒻᒪᓗ ᓴᕿᑎᑕᐅᔪᓐᓇᕐᓂᐊᖅᑐᓂᒃ ᓇᖕᒥᓂᖅ ᐃᓄᒻᒥᒃ ᐱᔪᒥᒃ ᖃᐅᔨᒪᔾᔪᑎᑦᓴᓂᒃ ᑐᕌᖓᔪᓂᒃ ᑕᒪᐃᓐᓄᑦ ᐃᓕᑕᕆᔭᐅᓯᒪᔪᓄᑦ ᐱᔾᔪᑎᖃᖅᑐᓂᒃ.
     6. ᓂᐅᕕᖅᑎᐅᔪᖅ ᓴᑐᐃᔪᓐᓇᖅᐳᖅ ᐊᖏᖅᓯᒪᓂᕐᒥᓂᒃ ᖃᖓᑐᐃᓐᓇᑦᑎᐊᖅ, ᒪᓕᒐᖅᑎᒎᕆᐊᖃᖏᑐᐊᕈᑎᒃ ᑳᓐᑐᓚᒃᑯᓪᓗᓐᓃᑦ ᐊᔪᕐᓇᖅᑕᐅᓂᖏᓐᓂᒃ ᐊᒻᒪᓗ ᐱᕕᑦᓴᖅᑎᑦᓯᓯᐊᕈᓂ ᖃᐅᔨᒪᑎᑦᑎᕙᒌᕐᓂᕐᒥᒃ ᑕᐃᒪᐃᓕᖓᖁᔨᓂᕐᒥᓂᒃ. ᓂᐅᕕᖅᐸᑦᑐᑦ ᐅᖃᕈᓐᓇᕐᒥᔪᑦ SSi-ᑯᓐᓄᑦ ᑐᑭᓯᓂᐊᕐᕕᒋᑦᓯᐊᕐᓗᓂᒋᑦ ᖃᓄᐃᓕᖓᓕᕈᑕᐅᔪᓐᓇᕐᓂᖏᓐᓂᒃ ᓴᑐᐃᒍᓂ ᐊᖏᕈᑎᒥᓂᒃ. ᓲᕐᓗ ᐆᑦᑑᑎᒋᓗᒍ, ᐊᑐᐃᓐᓇᐅᑎᑦᑎᒍᓐᓇᕐᓂᕗᑦ ᐱᔨᑦᓯᕋᐅᑎᓂᒃ ᐱᖁᑎᓂᓪᓗ ᐊᑐᒐᑦᓴᓂᒃ ᐊᑦᑐᖅᑕᐅᓯᒪᔪᓐᓇᕐᒪᑕ ᓴᑐᐃᒍᕕᑦ ᐊᖏᖁᑎᓐᓃᕕᑦ.
     7. ᐃᓚᖏᓐᓂ ᖃᐃᓕᖓᓂᖏᓐᓂᒃ, ᓇᒻᒥᓂᖅ ᐃᓄᒻᒥᒃ ᐱᔪᓂᒃ ᖃᐅᔨᒪᔾᔪᑎᑦᓴᐃᑦ ᑲᑎᖅᓱᖅᑕᐅᒍᓐᓇᖅᐳᑦ, ᐊᑐᖅᑕᐅᓗᑎᒃ ᐅᕝᕙᓗᓐᓃᑦ ᓴᕿᑎᑕᐅᓗᑎᒃ ᖃᐅᔨᑎᑕᖏᓗᓂ ᑕᐃᓐᓇ ᐃᓄᒃ ᐊᖏᖅᓯᒪᖏᓪᓗᓂᓗ. ᓲᕐᓗ ᐆᑦᑑᑎᒋᓗᒍ, SSi-ᑯᑦ ᑲᑎᖅᓱᐃᒍᓐᓇᖅᑐᑦ ᐊᑐᕐᓗᑎᓗᓐᓃᑦ ᓇᖕᒥᓂᖅ ᐃᓂᒻᒥᒃ ᐱᔪᓂᒃ ᖃᐅᔨᒪᔾᑎᑦᓴᓂᒃ ᖃᐅᔨᑎᑕᐅᖏᓗᓐᓂᓗᓐᓃᑦ ᐊᖏᖅᓯᒪᖏᒃᑲᓗᐊᕈᓂᓗᓐᓃᑦ, ᖃᐅᒪᓇᕇᖅᐸᑦ ᐃᑲᔪᕐᓂᖃᕐᓂᐊᖅᑐᖅ ᐃᓄᒻᒧᑦ, ᓈᒻᒪᓇᖅᓯᒪᔪᒥᓪᓗ ᐊᖏᖅᑎᑕᐅᒍᓐᓇᖅᓯᓚᐅᖏᒃᑯᓂ ᑕᐃᓐᓇᓗᓐᓃᑦ ᐃᓄᒃ ᐅᑭᐅᑭᓗᐊᕈᓂ, ᐃᓱᒪᒃᑯᓪᓗᓐᓃᑦ ᐊᑲᐅᖏᓕᐅᕈᑎᖃᕈᓂ ᐊᔪᕈᑎᖃᕈᓂᓗᓐᓃᑦ.
     SSi-ᑯᑦᑕᐅᖅ ᑲᑎᖅᓱᐃᒍᓐᓇᕐᒥᔪᑦ, ᐊᑐᕈᓐᓇᖅᑐᑦ, ᓴᕿᑎᑦᑎᒍᓐᓇᖅᓱᑎᒡᓗ ᐃᓄᓐᓂᒃ ᓇᖕᒥᓂᖓᓂᒃ ᐱᔪᓂᒃ ᖃᐅᔨᒪᔾᔪᑎᑦᓴᓂᒃ ᖃᐅᔨᑎᑕᐅᖏᓪᓗᑎᒃ ᐊᖏᖅᑕᐅᓯᒪᖏᓪᓗᑎᓪᓗᓐᓂᑦ ᑕᐃᓐᓇ ᐊᖏᖅᑕᒍᒪᔪᖅ ᐃᓄᒃ ᓱᕋᐃᓇᔭᕋᓂ ᑲᑎᖅᓱᐃᔭᕆᐊᖃᕐᓂᕐᒥᓂᒃ ᓱᕐᓗ ᖃᖓᑐᐃᓐᓇᖅ ᖃᐅᔨᓴᖅᑕᐅᔪᖃᕐᓂᖓᓂᒃ ᓱᕋᐃᓂᕐᒥᒃ ᐊᖏᕈᑎᓂᒃ ᐅᕝᕙᓗᓐᓃᑦ ᒪᓕᒐᕐᓂᒃ ᑲᓇᑕᒥ ᑲᓇᑕᐅᑉᓗᓐᓃᑦ ᐊᕕᑦᑐᖅᓯᒪᓂᖏᓐᓂᒃ ᒪᓕᒐᕐᒧᐊᕐᓂᒃ ᓱᕋᐃᓯᒪᓐᓂᕈᓂ. SSi-ᑯᑦᑕᐅᖅ ᑲᑎᖅᓱᐃᒍᓐᓇᕐᒥᔪᑦ, ᐊᑐᕈᓐᓇᖅᑐᑦ, ᓴᕿᑎᑦᑎᒍᓐᓇᖅᓱᑎᒡᓗ ᐃᓄᒻᒥᒃ ᓇᒻᒥᓂᖓᓂᒃ ᐱᔪᓂᒃ ᖃᐅᔨᒪᔾᔪᑎᑦᓴᓂᒃ ᖃᐅᔨᑎᑕᐅᖏᓪᓗᑎᒃ ᐊᖏᖅᑕᐅᓯᒪᖏᓪᓗᑎᓪᓗᓐᓂᑦ ᖃᖓᑐᐃᓐᓇᖅ ᑐᐊᕕᕐᓇᖅᑐᓕᕆᔪᓂᒃ ᐃᓄᓯᕆᔭᐅᔪᑦ, ᖃᓄᐃᖏᓂᖏᑦ, ᐅᓗᕆᐊᓇᖅᑐᒦᑦᑕᕆᐊᖃᖏᓂᖏᓐᓗᓪᓃᑦ ᐅᓗᕆᐊᓇᖅᑐᒦᓕᕐᓂᕈᑎᒃ. SSi-ᑯᑕᐅᖅ ᓴᕿᑎᑦᑎᔪᓐᓇᕐᒥᔪᑦ ᐃᓄᓐᓂᒃ ᓇᒻᒥᓂᖅ ᐱᔪᓂᒃ ᖃᐅᔨᒪᔾᔪᑎᑦᓴᓂᒃ ᖃᐅᔨᑎᑕᐅᖏᓪᓗᑎᒃ ᐊᖏᖅᑕᐅᓯᒪᖏᓪᓗᑎᓪᓗᓐᓂᑦ ᒪᓕᒐᓕᕆᔨᖓᓄᑦ ᑭᒡᒐᖅᑐᐃᔨᐅᓂᐊᖅᑐᓂᒃ SSi-ᑯᓐᓂᒃ, ᑲᑎᖅᓱᐃᒐᓱᐊᕐᓂᖏᓐᓂᒃ ᐊᑭᓕᑦᓴᖃᕐᕕᐅᔪᓂᒃ, ᒪᓕᒐᖅᑎᒍᓗᓐᓃᑦ ᑐᓂᓯᖁᔭᐅᓯᒪᒍᑎᒃ ᐃᖃᖅᑐᐃᕕᒃᑯᑦ ᐊᓯᐊᒍᓪᓗᓐᓃᑦ ᐃᓕᑕᕆᔭᐅᓯᒪᔪᓄᑦ ᑎᒥᖁᑎᒋᔭᐅᔪᓄᑦ ᒪᓕᒐᖅᑎᒍᑦ ᑐᓂᔭᐅᖁᔭᐅᔪᓂᒃ.
4. ᑐᓐᖓᕕᒋᔭᐅᓂᖏᑦ 4 – ᐃᓱᖃᖅᑎᑕᐅᔭᕆᐊᖃᕐᓂᖏᑦ ᑲᑎᖅᓱᑕᐅᒍᓐᓇᕐᓂᖏᑦ ᓇᖕᒥᓂᖅ ᐃᓄᓐᓂᒃ ᐱᔪᓂᒃ ᖃᐅᔨᒪᔾᔪᑎᑦᓴᐃᑦ
   • SSi-ᑯᑦ ᐃᓱᖃᖅᑎᑎᕙᓐᓂᐊᖅᑐᑦ ᐃᓄᓐᓂᒃ ᐃᒥᓄᑦ ᐱᔪᓂᒃ ᖃᐅᔨᒪᔾᔪᑎᓂᒃ ᑕᐃᒃᑯᓄᖓᐃᓐᓇᖅ ᐱᓯᒪᔭᕆᐊᖃᓪᓚᕆᒃᑕᖏᓐᓂᒃ ᐱᔾᔪᑎᖃᖅᑐᓂᒃ ᐃᓕᑕᕆᔭᐅᓯᒪᔪᓂᒃ. SSi-ᑯᑦ ᑲᑎᖅᓱᐃᕙᓐᓂᐊᖅᑐᑦ ᓇᖕᒥᓂᖅ ᐃᓄᒻᒧᑦ ᐱᔪᓂᒃ ᖃᐅᔨᒪᔾᔪᑎᑦᓴᓂᒃ ᐱᑦᑎᐊᖃᑦᑕᕐᓗᑎᑦ ᓇᒪᔪᓂᒃ ᐊᒻᒪᓗ ᒪᓕᒐᕐᓂᒃ ᒪᓕᑦᓯᐊᕐᓗᑎᑦ.
     ᖃᓄᖅ SSi-ᑯᑦ ᐅᔾᔨᖅᑐᑦᓯᐊᓲᖑᕙᑦ ᐃᓱᖃᖅᑎᑕᐅᒋᐊᖃᓲᖑᓂᖏᓐᓂᒃ ᐃᓱᖃᖅᑎᑕᐅᔭᕆᐊᖃᕐᓂᖏᑦ ᑲᑎᖅᓱᑕᐅᒍᓐᓇᕐᓂᖏᑦ ᓇᖕᒥᓂᖅ ᐃᓄᓐᓂᒃ ᐱᔪᓂᒃ ᖃᐅᔨᒪᔾᔪᑎᑦᓴᓂᒃ?
     1. ᑲᑎᖅᓱᐃᕙᑦᑐᒍᑦ ᐃᓂᓐᓂᒃ ᓇᒻᒥᓂᖅ ᐱᔪᓂᒃ ᖃᐅᔨᒪᔾᔪᑎᑦᓴᓂᒃ ᓇᒻᒥᓂᖅ ᑕᐃᒃᑯᓇᖓᑦ ᐃᓄᖕᓂᒃ. ᑲᑎᖅᓱᐃᒍᓐᓇᕐᒥᔪᒍᑦ ᑕᐃᒃᑯᓂᖓᑦᓴᐃᓇᖅ ᐃᓂᓐᓂᒃ ᓇᒻᒥᓂᖅ ᐱᔪᓂᒃ ᖃᐅᔨᒪᔾᔪᑎᑦᓴᓂᒃ ᐊᓯᓐᓂᖔᕈᓐᓇᖅᑐᓂᒃ ᓲᕐᓗ ᐊᑭᓕᑦᓴᖃᑦᓯᐊᕈᓐᓇᓲᖑᓂᖏᓐᓂᒃ ᖃᐅᔨᓴᕐᕕᓐᓂᒃ ᐊᓯᖏᓐᓂᓗᓐᓃᑦ ᐱᖓᔪᒋᕙᑦᑕᑎᓐᓂᒃ ᑭᒡᒐᖅᑐᐃᔪᓐᓇᖅᑐᓂᒃ ᐱᔪᓐᓇᐅᑎᖃᕈᑎᒃ ᑐᓂᓯᖃᑦᑕᕈᓐᓇᕐᓂᕐᒥᒃ ᖃᐅᔨᒪᔾᔪᑎᑦᓴᓂᒃ ᑕᒪᒃᑯᓂᖓ.
5. ᑐᓐᖓᕕᒋᔭᐅᓂᖏᑦ 5 – ᐃᓱᖃᑎᑦᑎᓂᖅ ᐊᑐᖅᑕᐅᒍᓐᓇᕐᓂᖏᓐᓂᒃ, ᓴᕿᑎᑕᐅᒍᓐᓇᕐᓂᖏᓐᓂᒃ ᐊᒻᒪᓗ ᐸᐸᑕᐅᒍᓐᓇᕐᓂᖏᓐᓂᒃ
   • SSi-ᑯᑦ ᐊᑐᖅᐸᓐᓂᐊᓐᖏᑦᑐᑦ, ᓴᕿᑎᑦᑎᕙᓪᓗᑦᑎᓪᓗᓐᓃᑦ ᓇᒻᒥᓂᖅ ᐃᓄᓐᓂᒃ ᐱᔪᓂᒃ ᖃᐅᔨᒪᔾᔪᑎᑦᓴᓂᒃ ᑭᓯᐊᓂ ᑕᐃᒃᑯᓄᖓ ᑲᑎᖅᓱᖅᑕᐅᓯᒪᓂᖏᓐᓄᑦ ᐅᕝᕙᓗᓐᓃᑦ ᑭᓯᐊᓂ ᐊᖏᖅᑕᐅᓯᒪᒍᑎᑦ ᐃᓄᖕᒧᑦ ᐅᕝᕙᓗᓐᓃᑦ ᑕᐃᒪᐃᒋᐊᖃᖅᑎᑕᐅᒍᑎᒃ ᒪᓕᒐᖅᑎᒍᑦ. SSi-ᑯᑦ ᐸᐸᑦᓯᕙᓐᓂᐊᖅᑐᑦ ᐃᓄᐃᑦ ᓇᒻᒥᓂᖅ ᐱᔪᓂᒃ ᖃᐅᔨᒪᔾᔪᑎᑦᓴᕆᔭᐅᔪᓂᒃ ᐱᑕᖃᕆᐊᖃᕐᓂᓕᒫᖏᓐᓄᑦ ᑎᑎᕋᖅᑕᐅᓯᒪᔭᕆᐊᖃᕐᓂᖏᓄᑦ ᐱᔾᔪᑎᖃᕐᓂᖏᓐᓂᒃ.
     ᖃᓄᕐᓕ SSi-ᑯᑦ ᐃᓱᖃᖅᑎᑦᑎᓱᖑᕙᑦ ᐊᑐᖅᑕᐅᒍᓐᓇᕐᓂᖏᓐᓂᒃ, ᓴᕿᑎᑕᐅᒍᓐᓇᕐᓂᖏᓐᓂᒃ ᐸᐸᑕᐅᒍᓐᓇᕐᓂᖏᓐᓂᓗᓐᓃᑦ ᓇᒻᒥᓂᖅ ᐃᓄᓐᓂᒃ ᐱᔪᓂᒃ ᖃᐅᔨᒪᔾᔪᑎᑦᓴᐅᔪᓂᒃ?
     1. ᐃᓚᖏᓐᓂ ᖃᓄᐃᓕᖓᔪᖃᖅᑐᓂ ᐃᓄᓐᓂᒃ ᓇᒻᒥᓂᓗᑐᖏᓐᓂᒃ ᖃᐅᔨᒪᔾᔪᑎᑦᓴᐃᑦ ᑲᑎᖅᓱᖅᑕᐅᔪᓐᓇᖅᐳᑦ, ᐊᑐᖅᑕᐅᓗᑎᓪᓗᓐᓃᑦ ᓴᕿᑎᑕᐅᔪᓐᓇᕐᓗᑎᓪᓗᓐᓃᑦ ᖃᐅᔨᑎᑕᐅᖏᑲᓗᐊᕐᓗᑎᒃ ᐊᖏᖅᑕᐅᓯᒪᖏᒃᑲᓗᐊᕐᓗᑎᓪᓗ ᑕᐃᔅᓱᒧᖓ ᐃᓄᒧᑦ. (ᑕᑯᓗᒍ ᑐᖓᕕᐅᓂᖏᑦ 3.7).
     2. ᐊᒻᑕᐅᖅ ᓱᓕ, SSi-ᑯᑦ ᑐᓂᓯᖃᑦᑕᕈᓐᓇᕐᒥᔪᑦ ᓴᕿᑎᑦᓯᓗᑎᒃ ᓂᐅᕕᖅᑎᖓᑕ ᓇᒻᒥᓂᖅ ᐃᓅᓂᖓᓂᒃ ᐱᔪᓂᒃ ᖃᐅᔨᒪᔾᔪᑎᑦᓴᓂᒃ ᐃᒪᐃᓕᐅᕈᑕᐅᓂᕐᒧᑦ:
        • ᐊᓯᐊᓂᒃ ᑐᓴᐅᒪᖃᑦᑕᐅᑎᓂᕐᒧᑦ ᐱᔨᑦᓯᕋᐃᔨᐅᖃᑕᐅᔪᓄᑦ ᐋᕿᐅᒪᑦᓯᐊᕐᓂᐊᖅᑐᓂᒃ ᐊᑑᖃᑦᓯᐊᕐᓂᐊᖅᑐᓂᓪᓗ ᐱᔪᓐᓇᐅᑎᒋᓂᐊᕐᒪᒋᑦ ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐱᔨᑦᓯᕋᐅᑎᓂᒃ;
        • ᑎᒥᐅᔪᓄᑦ ᐃᓚᒋᔭᐅᔪᓄᑦ ᐊᑐᐃᓐᓇᐅᑎᑦᓯᕙᑦᑐᓂᒃ ᓂᐅᕕᖅᐸᑦᑐᓄᑦ ᑐᓴᐅᒪᖃᑕᐅᑎᔾᔪᑎᑦᓴᓂᒃ ᐊᒻᒪᓗ ᑐᓴᐅᒪᖃᑦᑕᐅᑎᓂᕐᒧᑦ ᖃᐅᔨᒋᐊᕐᕕᐅᔪᓐᓇᖅᑐᓂᒃ ᐱᔪᓂᒃ ᐱᔨᑦᓯᕋᐅᓂᒃ;
        • ᐊᓯᖏᓐᓂᒃ ᑎᒥᐅᔪᓂᒃ ᐱᕙᓪᓕᐊᑎᑦᑎᔨᐅᕙᑦᑐᓄᑦ, ᐱᐅᓯᒋᐊᖅᑎᐅᕙᑦᑐᓄᑦ, ᓂᐅᕐᕈᑎᑦᓴᖃᖅᑎᐅᔪᓄᑦ ᐱᕝᕕᐅᒍᓐᓇᖅᑐᓂᓗᓐᓃᑦ ᖃᓄᐃᑦᑐᑐᐃᓐᓇᕐᓂᒃ SSi-ᑯᓐᓄᑦ ᐱᔨᑦᓯᕋᖅᑕᐅᕙᑦᑐᓂᒃ, ᐱᖁᑎᑖᕐᕕᐅᔪᓐᓇᖅᑐᓂᒃ ᐊᓯᖏᓐᓂᓗ ᐱᕝᕕᐅᖃᑦᑕᕈᓐᓇᕐᒥᔪᓂᒃ;
        • ᑭᒡᒐᖅᑐᐃᔨᐅᔪᓄᑦ SSi-ᑯᑦ ᐱᓕᕆᕕᖓᓄᑦ ᐊᑕᔪᓂᒃ ᑲᑎᖅᓱᖅᑕᐅᓯᒪᔪᓂᒃ ᓂᐅᕕᖅᐸᑦᑐᐃᑦ ᐊᑭᓕᖅᑐᐃᕕᒋᕙᒃᑕᖏᓐᓂᒃ;
        • ᐃᓕᑕᕆᔭᐅᓯᒪᕝᕕᓐᓂᒃ ᐊᑭᓕᑦᓴᖃᑦᓯᐊᓲᖑᓂᖓᓂᒃ ᖃᐅᔨᒪᔨᑕᕐᓂᒃ ᐊᒻᒪᓗ ᐅᓂᒃᑳᕐᕕᐅᕙᑦᑐᓂᒃ ᑕᒪᒃᑯᓂᖓ ᐱᓕᕆᕕᐅᔪᓂᒃ;
        • ᑭᓇᑐᐃᓐᓇᖅ ᐃᓄᒃ, ᐃᓱᒪᒋᔭᐅᖑᓂ SSi-ᑯᓐᓄᑦ, ᑐᑭᓯᓂᐊᖅᓯᒪᔪᑦ ᖃᐅᔨᒪᔾᔪᑎᑦᓴᐅᓂᖏᓐᓂᒃ ᑭᒡᒐᑐᐃᓪᓗᓂ ᓂᐅᕕᖅᐸᑦᑐᒥᒃ; ᐊᒻᒪᓗ
        • ᐱᖓᔪᒋᔭᐅᔪᑦ ᐊᓯᖏᑦ ᐃᓚᒋᔭᐅᖃᑕᐅᕙᑦᑐᓂᒃ, ᖃᖓᑐᐃᓐᓇᖅ ᓂᐅᕕᖅᖅᐸᑦᑐ ᐊᖏᖅᓯᒪᒍᓂ ᑕᑯᔭᐅᔪᓐᓇᖁᔨᓂᖅ ᓴᕿᑎᑦᓯᕕᐅᖁᔨᓂᕐᒧᓪᓗᓐᓃᑦ ᑕᑯᔭᐅᔭᕆᐊᓕᓂᒃ ᒪᓕᒐᖅᑎᒍᑦ.
     3. ᑕᐃᒃᑯᐊ ᑭᓯᐊᓂ ᐃᖃᓇᐃᔭᖅᑎᖏᑦ SSi-ᑯᓐᓂ ᑕᑯᔭᕆᐊᖃᓲᖑᔪᑦ ᐱᓕᕆᕕᖓᓂ ᐃᖃᓇᐃᔭᕆᔭᒥᓂᒃ ᐱᔾᔪᑎᖃᕐᓂᕐᒧᑦ ᐅᕝᕙᓗᓐᓃᑦ ᑐᓕᔭᐅᓯᒪᔪᑦ ᑐᑭᓕᐅᑦᓯᐊᖃᑦᑕᕐᓗᑎ ᐱᓯᒪᖃᑦᑕᖁᔭᐅᕙᓐᓂᖅ, ᑕᑯᓂᐊᖃᑕᕈᓐᓇᖅᐳᖅ ᐃᓄᐃᑦ ᓇᒻᒥᓂᖏᓐᓂᒃ ᐱᔪᓂᒃ ᖃᐅᔨᒪᔾᔪᑎᑦᓴᓂᒃ ᓂᐅᕕᖅᐸᑦᑐᓂᒃ.
        
        ᐅᖃᖅᓯᒪᓂᕈᕕᑦ ᑭᓯᐊᓂ, SSi-ᑯᑦ ᐊᒻᒪᓗ ᓂᐅᕕᕈᒪᔪᓂᒃ ᐅᐸᑕᐅᕙᑦᑐᑦ ᓂᐅᕕᕐᕕᓐᓂ ᑕᑯᖃᑕᕈᓐᓇᖏᓚᑦ ᐅᕝᕙᓗᓐᓃᑦ ᕿᒥᕐᕈᐊᖃᑦᑕᕈᓐᓇᖏᓚᑦ ᓇᑭᑦ ᐅᖃᓚᐅᑎᓕᒻᒥᒃ ᓈᓴᐅᑎᓂᖓᓂᒃ ᐅᖄᓚᓯᒪᒻᒪᖔᖅᐱᑦ ᐅᕝᕙᓗᓐᓃᑦ ᑎᑎᕋᖅᓯᒪᒻᒪᖔᖅᐱᑦ, ᐅᕝᕙᓗᓐᓂᒃ ᐃᓕᓐᓄᑦ ᐅᖃᓚᖃᑦᑕᖅᓯᒪᔪᓂᒃ, ᐃᓕᓄᓪᓗᓐᓃᑦ ᑎᑎᕋᖅᐸᑦᑐᓂᒃ. ᐊᐱᖁᑎᑦᓴᖃᑐᐊᕈᕕᑦ ᐅᖄᓚᐅᑎᓐᓂᒃ ᐊᑐᖃᑕᕐᓂᕐᒥᒃ ᑎᑎᕿᕆᔭᐅᔪᓂᒃ, ᐅᖃᐅᑎᔭᐅᓂᐊᖅᑐᑎᑦ ᑕᑯᖁᔭᐅᓗᑎᑦ SSi-ᑯᓐᓂᒃ ᑭᒡᒐᖅᑐᐃᔨᐅᔪᒥᒃ ᐱᔪᓐᓇᐅᑎᖃᖅᑕᐅᔪᓂᒃ ᑕᒪᒃᑯᓂᖓ ᑲᒪᒋᔭᖃᕈᓐᓇᕐᓂᖅ.
     4. SSi-ᑯᑦ ᐸᐸᑦᑎᕙᓐᓂᐊᖅᑐᑦ ᐃᓄᖕᓂᒃ ᓇᒻᒥᓂᖅ ᐱᔪᓂᒃ ᖃᐅᔨᒪᔾᔪᑎᑦᓴᖏᓐᓂᒃ ᑕᐃᒪᐃᑦᑕᕆᐊᖃᕐᓃᓐᓇᖏᓐᓄᑦ, ᐊᑑᑎᖃᕐᓂᖏᓄᓪᓗᓐᓃᑦ ᐃᓕᑕᕆᔭᐅᓯᒪᔪᓂᒃ ᐱᔾᔪᑕᐅᔪᓂᒃ ᐅᕝᕙᓗᓐᓃᑦ ᑕᐃᒪᐃᒋᐊᖃᕐᓂᖏᓐᓄᑦ ᒪᓕᒐᖅᑎᒍᑦ. ᑐᖓᕕᐅᓗᑎᒃ ᖃᓄᐃᓕᖓᓂᖏᑦ, ᓇᒻᒥᓂᖅ ᐱᔪᓂᒃ ᖃᐅᔨᒪᔾᔪᑎᑦᑦᓴᐃᑦ ᐊᑐᖅᑕᐅᔪᓐᓇᖅᐳᑦ ᐃᓱᒪᓕᐅᕈᑕᐅᓂᖏᓄᑦ ᓂᐅᕕᖅᐸᑦᑐᑦ, ᐊᒻᒪ SSi-ᑯᑦ ᐸᐸᑦᑎᕙᓐᓂᐊᖅᑐᑦ ᐃᓱᖃᖅᑎᑕᐅᔪᓂᒃ ᐊᑯᓂᐅᑎᒋᔪᓐᓇᕐᓂᖏᓐᓂᒃ ᐱᕕᑦᓴᖃᑦᑎᐊᕐᓂᐊᕐᒪᑕ ᑕᑯᖃᑦᑕᕈᓐᓇᕐᓂᖅ ᓂᐅᕕᖅᐸᑦᑐᑦ, ᓇᓪᓕᐊᓐᓂᑐᐃᓐᓇᖅ ᐱᓪᓚᕆᐅᓂᖏᓂᒃ ᖃᐅᔨᒪᔾᔪᑎᑦᑦᓴᐅᓂᖏᓐᓂᒃ ᐱᔾᔪᑕᐅᓯᒪᓂᖏᓄᓪᓗᓐᓃᑦ ᑐᑭᓕᐅᕈᑕᐅᓯᒪᔪᓄᑦ.
     5. SSi-ᑯᑦ ᐋᕿᐅᒪᑎᑦᑎᕙᓐᓂᐊᖅᑐᑦ ᑐᑭᓕᐅᑦᑎᐊᖅᑐᓂᒃ ᐋᕿᐅᒪᐃᓐᓇᕐᓂᐊᖅᑐᓂᓗ ᐊᐅᓚᑦᑎᓂᖏᓐᓂᒃ, ᖃᖓᒃᑰᖓᔭᕆᐊᖃᕐᓂᖏᓐᓂᓗ ᒪᓕᑦᑐᓂᒃ ᐊᒻᒪᓗ ᐱᐅᓯᖃᑦᓯᐊᕐᓂᖅ ᐸᐸᑕᐅᕙᓐᓂᖏᓐᓄᑦ ᖃᐅᔨᒪᔾᔪᑎᑦᓴᐃᓪᓗ ᑎᑎᖃᖃᕐᕕᐅᕙᑦᑐᓪᓗ ᐊᒻᒪᓗ ᓄᖑᑎᖅᑕᐅᓂᖏᓐᓂᒃ ᐱᑕᖃᕈᓃᖅᑎᑕᐅᓗᑎᒃ ᐱᔾᔪᑎᖃᕐᓂᖏᓐᓂᒃ ᓇᒻᒥᓂᖅ ᐃᓄᖏᓐᓂᓗᑐᖅ ᖃᐅᔨᒪᔾᔪᑕᐅᕙᑦᑐᓂᒃ ᐱᓯᒪᔭᕆᐊᖃᕈᓃᖅᑕᖏᓐᓂᒃ ᐊᑑᑎᖃᕈᓐᓃᖅᑐᓂᓪᓗᓐᓂᑦ ᐃᓕᑕᕆᔭᐅᓯᔪᓄᑦ ᐱᑕᖃᕈᑕᐅᓂᖏᓐᓄᑦ ᒪᓕᒐᖅᑎᒍᓪᓗᓐᓂᑦ, ᐸᐸᑕᐅᔭᕆᐊᖃᕈᓂᕈᑎᑦ. ᑕᒪᒃᑯᐊ ᑕᐃᒪᐃᓕᖓᕗᑦ ᖃᐅᔨᒪᔾᔪᑎᑦᓴᐃᑦ ᓱᕋᑦᑎᖅᑕᐅᓂᐊᖅᐳᑦ, ᐲᔭᖅᑕᐅᓗᑎᓗ, ᐊᑎᖏᓪᓗ ᐱᑕᖃᕈᓃᖅᑎᑕᐅᓗᑎᒃ.
6. ᑐᓐᖓᕕᒋᔭᐅᓂᖏᑦ 6 – ᑕᒻᒪᖅᑕᖅᓯᒪᔪᖃᕆᐊᖃᖏᓐᓂᖅ
   • ᓇᒻᒥᓂᖅ ᐃᓄᓐᓂᒃ ᐱᔪᑦ ᖃᐅᔨᒪᔾᔪᑎᑦᓴᓕᐊᕆᔭᐅᓂᖏᑦ ᑕᒻᒪᖅᓯᒪᕙᓐᓂᐊᖏᑦᑐᑦ, ᐃᓗᓇᓃᖅᓯᒪᑦᓯᐊᕐᓗᑎᒃ, ᓄᑖᑦᓯᐊᖑᓗᑎᓪᓗ ᐱᑕᖃᕆᐊᖃᕐᓂᖏᓐᓂᒃ ᐱᔾᔪᑕᐅᔪᓄᑦ ᐊᑐᖅᑕᐅᓂᖏᓐᓄᑦ.
     ᖃᓄᕐᓕ SSi-ᑯᑦ ᖃᐅᔨᓴᑦᓯᐊᓲᖑᕗᑦ ᑕᒻᒪᖅᑕᖅᓯᒪᖏᓂᖏᓐᓂᒃ?
     1. ᓇᒻᒥᓂᖅ ᐃᓄᒻᒥᓗᑐᖅ ᐱᔪᓂᒃ ᖃᐅᔨᒪᔾᔪᑎᑦᓴᐃᑦ ᐊᑐᖅᑕᐅᕙᓐᓂᐊᖅᑐᑦ SSi-ᑯᓐᓄᑦ ᓈᒻᒪᑦᑎᐊᕐᓗᑎᒃ ᑕᒻᒪᖅᓯᒪᖃᑦᑕᕆᐊᖃᖏᓚᑦ, ᐃᓗᓈᓃᖅᓯᒪᑦᓯᐊᕐᓗᑎᒃ ᐊᒻᒪᓗ ᓄᑕᐅᓂᖅᐹᖑᓗᑎᒃ, ᑕᐃᒪᒃ ᓈᒻᒪᖏᑦᑐᓂᒃ ᑐᑭᐅᒪᓂᕐᓘᑕᐅᓂᐊᖏᒻᒪᑦ ᐃᓱᒪᓕᐅᕈᑕᐅᔭᕆᐊᖃᓕᕐᓂᕈᓂ ᑕᐃᓐᓇ ᓂᐅᕕᖅᐸᑦᑐᑦ.
     2. SSi-ᑯᑦ ᓄᑖᕈᕆᐊᖅᑎᑦᓯᕙᓐᓂᐊᖅᑐᑦ ᖃᐅᔨᒪᔾᔪᑎᑦᓴᓂᒃ ᐱᔪᓂᒃ ᓂᐅᕕᖅᐸᑦᑐᓂᒃ ᖃᖓᑐᐃᓐᓇᖅ ᑕᐃᒪᐃᓕᐅᕆᐊᖃᓕᕈᑎᑦ ᐊᑑᑎᖃᕈᓐᓇᕐᓂᐊᖅᑐᓂᒃ ᐃᓕᑕᕆᔭᐅᓯᒪᔪᓂᒃ ᐱᔾᔪᑎᖃᕐᓂᕐᒧᑦ ᐅᕝᕙᓗᓐᓃᑦ ᐅᖃᐅᑎᔭᐅᓯᒪᓂᖏᓐᓄᑦ ᐃᓄᒻᒧᑦ ᑕᐃᔅᓱᒧᖓ.
7. ᑐᖓᕕᐅᓂᖏᑦ 7 – ᐅᓗᕆᐊᓇᕇᒃᑯᑎᖃᕐᓂᖅ
   • SSi-ᑯᑦ ᓴᐳᓐᓂᐊᖅᑎᐅᕙᓐᓂᐊᖅᑐᑦ ᐃᓄᓐᓂᒃ ᓇᒻᒥᓂᖃᖅ ᐱᔪᓂᒃ ᖃᐅᔨᒪᔾᔪᑎᑦᓴᓂᒃ ᐅᓗᕆᐊᓇᕇᒃᑯᑎᑦᓴᓂᑦᓯᒪᕙᓪᓗᑎᒃ ᓈᒪᔪᓂᒃ ᐊᑦᑐᖅᑕᐅᓴᕋᐃᑦᑐᔪᓐᓇᕐᓂᖏᓐᓄᑦ ᑕᒪᒃᑯᓄᖓ ᖃᐅᔨᒪᔾᔪᑎᑦᓴᐅᓂᖏᓐᓄᑦ.
     ᖃᓄᐃᑦᑐᓂᓪᓕ ᐅᓗᕆᐊᓇᕇᒃᑯᑎᖃᖅᑎᑦᓯᕙᒻᒪᑕ SSi-ᑯᑦ?
     1. SSi-ᑯᑦ ᓴᐳᓐᓂᐊᖅᑎᐅᕗᑦ ᐃᓄᓐᓂᒃ ᓇᒻᒥᓂᖅ ᐱᔪᓂᒃ ᖃᐅᔨᒪᔾᔪᑎᑦᓴᓂᒃ ᐅᓗᕆᐊᓇᕈᓐᓇᖅᑐᓂᒃ ᓲᕐᓗ ᒪᑯᓂᖓ ᔭᒐᐃᔭᐅᔪᓐᓇᕐᓂᖏᓐᓂᒃ, ᑎᓪᓕᒑᖑᒍᓐᓇᕐᓂᖏᓐᓂᒃ, ᐊᖏᖅᑕᐅᓯᒪᖏᑦᑐᓄᑦ ᑕᑯᔭᐅᑦᑕᐃᓕᒪᓂᖏᓐᓂᒃ, ᓴᕿᑎᑕᐅᑦᑕᐃᓕᒪᓂᖏᓐᓂᒃ, ᐃᔾᔪᐊᖅᑕᐅᒍᓐᓇᕐᓂᖏᓐᓂᒃ, ᐊᑐᖅᑕᐅᒍᓐᓇᕐᓂᖏᓐᓂᒃ, ᐋᕿᒋᐊᖅᑕᐅᒍᓐᓇᕐᓂᖏᓐᓂᒃ, ᓱᕋᑦᑎᖅᑕᐅᔪᓐᓇᕐᓂᖏᓐᓄᓪᓗ, ᓇᒪᔪᓂᒃ ᖃᐅᔨᓴᕈᑎᑦᓴᖃᑦᑎᐊᖅᓱᑎᒃ. SSi-ᑯᑦ ᓴᐳᓐᓂᐊᕐᓂᐊᖅᑐᑦ ᖃᐅᔨᒪᔾᔪᑎᑦᓴᐅᓂᖏᓐᓂᒃ ᖃᓄᐃᓕᖓᒐᓗᐊᖅᑐᓂ ᐸᐸᑕᐅᓂᖏᓐᓂᒃ.
     2. SSi-ᑯᑦ ᓴᐳᓐᓂᐊᕐᓂᐊᖅᑎᐅᕗᑦ ᐃᓄᓐᓂᒃ ᓇᒻᒥᓂᖅ ᐱᔪᓂᒃ ᖃᐅᔨᒪᔾᔪᑎᑦᓴᓂᒃ ᑐᓂᔭᐅᓯᒪᔪᓂᒃ ᐅᖃᐅᓯᐅᓯᒪᔪᓂᒃ ᐱᖓᔪᒋᔭᐅᔪᓄᑦ ᐊᓯᑦᑎᓐᓄᑦ, ᑳᓐᑐᓛᒃᑎᒍᑦ ᐊᖏᕈᑕᐅᓯᒪᔪᓂᒃ ᒪᓕᒃᓱᑎᒃ ᐅᖃᐅᓯᖃᖅᑐᓂᒃ ᑕᒪᐅᖓᑐᐃᓐᓇᖅ ᐅᖃᐅᓯᐅᑦᑕᐃᓕᒪᔭᕆᐊᖃᕐᓂᖏᓐᓂᒃ ᑕᒪᒃᑯᐊ ᐊᒻᒪᓗ ᐱᔾᔪᑕᐅᓂᖏᓐᓄᑦ ᐊᑐᖅᑕᐅᕙᓐᓂᖏᓐᓄᑦ.
     3. ᑕᒪᕐᒥᒃ SSi-ᑯᑦ ᐃᖃᓇᐃᔭᖅᑎᖏᑦ ᑕᑯᖃᑦᑕᕈᓐᓇᕐᓂᖏᑦ ᓇᒻᒥᓂᖅ ᐃᓄᓐᓂᒃ ᐱᔪᓂᒃ ᖃᐅᔨᒪᔾᔪᑎᑦᓴᐅᓂᖏᓐᓂᒃ ᒪᓕᒐᖃᖅᑎᑕᐅᕙᓐᓂᐊᖅᑐᑦ ᐃᖃᓇᐃᔭᖅᑎᐅᒍᓐᓇᕐᓂᖏᓐᓂᒃ ᑭᓯᐊᓂ ᐃᑉᐱᒍᓱᑦᓯᐊᖃᑕᕐᓂᐊᕈᑎᒃ ᑕᒪᐅᖓᑐᐃᓐᓇ ᐅᖃᐅᓯᐅᑦᑕᐃᓕᑎᑕᐅᖏᓐᓇᕐᓂᖏᓐᓂᒃ ᐃᓄᓐᓂᒃ ᓇᒻᒥᓂᖅ ᐱᔪᓂᒃ ᖃᐅᔨᒪᔾᔪᑎᑦᓴᓕᐊᖑᓯᒪᕙᑦᑐᓂᒃ.
8. ᑐᓐᖓᕕᒋᔭᐅᓂᖏᑦ 8 – ᒪᑐᐃᖓᓂᖅ
   • SSi-ᑯᑦ ᐊᑐᐃᓐᓇᐅᑎᑦᓯᓂᐊᖅᑐᑦ ᓂᐅᕕᖅᐸᑦᑐᓄᑦ ᐱᔾᔪᑎᖃᓪᓗᑐᖅᑐᓂᒃ ᑕᒪᒃᑯᓂᖓ ᖃᐅᔨᒪᔾᔪᑎᑦᓴᖏᓐᓂᒃ ᐅᖃᐅᓯᖃᖅᑐᓂᒃ ᐊᑐᐊᒐᕆᔭᑦᑎᓐᓂᒃ ᐊᒻᒪᓗ ᐱᐅᓯᕆᕙᑦᑎᓐᓂᒃ ᐱᔾᔪᑎᖃᕐᓂᖏᓐᓂᒃ ᐊᐅᓚᑦᑎᕙᓐᓂᕐᒥᒃ ᑕᒪᒃᑯᓂᖓ ᐃᓄᐃᑦ ᒥᒃᓵᓄᑦ ᓇᒻᒥᓂᖅ ᖃᐅᔨᒪᔾᔪᑎᑦᓴᐅᓲᖑᔪᓂᒃ.
     ᖃᓄᕐᓕ SSi-ᑯᑦ ᐊᑐᖅᑎᑦᓯᕙᓐᓂᐊᕐᒪᑕ ᑐᖓᕕᐅᑎᑕᖏᓐᓂᒃ ᒪᑐᐃᖓᓂᕋᐃᓂᕐᒥ?
     1. SSi -ᑯᑦ ᖃᐅᔨᒪᑎᑦᑎᕙᓐᓂᐊᖅᑐᑦ ᐊᑐᐊᒐᕆᔭᑦᑎᓐᓂᒃ ᐊᒻᒪᓗ ᐱᐅᓯᕆᔭᕆᐊᖃᖅᑕᑦᑎᓐᓂᒃ ᑐᑭᓯᓇᑦᓯᐊᖁᓪᓗᒋᑦ, ᒪᑯᓂᖓᓗ ᐃᓚᖃᕐᓂᐊᒥᔪᓂᒃ:
        • o ᐱᔪᓂᒃ ᑕᐃᔭᐅᓂᖏᓐᓂᒃ ᐊᒻᒪᓗ ᑐᕌᕈᑎᖏᓐᓂ ᐃᓄᐃᑦ ᑲᒪᔨᐅᑎᑕᐅᓂᖏᓐᓂᒃ SSi-ᑯᑦ ᒪᓕᑦᓯᐊᕆᐊᖃᕐᓂᖏᓐᓂᒃ ᐸᕝᕕᓴᑦᑕᐅᖃᑦᑕᕆᐊᖃᖏᓂᖏᓂᕐᒧᑦ ᐃᓄᐃᑦ ᐊᑐᐊᒐᖏᓐᓂᒃ ᐊᒻᒪᓗ ᑭᓇᒃᑯᓐᓄᑦ ᑐᕌᖓᑎᑕᐅᒍᓐᓇᕐᒪᖔᑕ ᐊᐱᖁᑕᐅᔪᑦ ᐅᓐᓂᕐᓗᕝᕕᐅᔪᓐᓇᖅᑐᓪᓗᓐᓂᑦ;
        • o ᑐᑭᖏᓐᓂᒃ ᑕᑯᔭᐅᖃᑦᑕᕈᓐᓇᕐᓂᖏᑦ ᐃᓄᐃᑦ ᓇᒻᒥᓂᖅ ᐃᔪᓂᒃ ᖃᐅᔨᒪᔾᔪᑎᑦᓴᓂᒃ ᐸᐸᑕᐅᔪᓂᒃ SSi-ᑯᓐᓄᑦ; ᐊᒻᒪᓗ
        • o ᐅᓂᒃᑳᓂᒃ ᖃᓄᐃᑦᑑᕙᓐᓂᖏᓐᓂᒃ ᐃᓄᓐᓂᒃ ᓇᒻᒥᓂᖅ ᐱᔪᓂᒃ ᖃᐅᔨᒪᔾᔪᑎᑦᓴᐃᑦ ᐸᐸᑕᐅᕙᑦᑐᓂᒃ SSi-ᑯᓐᓄᑦ, ᐃᓚᖃᕐᓗᑎᓪᓗ ᑕᒪᐃᓐᓂᒃ ᐅᓂᒃᑳᕐᕕᐅᕙᓐᓂᖅ ᓱᓇᒧᑦ ᐊᑐᖅᑕᐅᕙᒻᒪᖔᑕ
     2. SSi-ᑯᑦ ᐊᑐᐃᓐᓇᐅᑎᑦᓯᕙᓐᓂᐊᖅᑐᑦ ᖃᐅᔨᒪᔾᔪᑎᑦᓴᓂᒃ ᐃᑲᔪᕐᓂᕐᒥᓂᒃ ᓂᐅᕕᖅᐸᑦᑐᓂᒃ ᐊᑐᕈᓐᓇᕐᓂᖅ ᓂᕈᐊᕈᓐᓇᕐᓂᖅ ᐱᔾᔪᑎᖃᖅᑐᓂᒃ ᐊᑐᖅᑕᐅᒍᓐᓇᕐᓂᖏᓐᓂᒃ ᓇᖕᒥᓂᖅ ᐃᓅᓂᕐᒧᑦ ᐱᔪᓂᒃ ᖃᐅᔨᒪᔾᔪᑎᑦᓴᐅᔪᓂᒃ ᐊᒻᒪᓗ ᐸᕝᕕᓴᑦᑕᐅᖃᑦᑕᕆᐊᖃᖏᓂᕐᒧᑦ ᐱᔨᑦᓯᕋᖅᑕᐅᕙᑦᑐᓂᒃ ᐊᑐᐃᓐᓇᐅᒍᓐᓇᖅᑐᓂᒃ ᐅᕙᑦᑎᓐᓂᒃ.
9. ᑐᓐᖓᕕᒋᔭᐅᓂᖏᑦ 9 – ᐃᓄᐃᑦ ᐃᒻᒥᒍᑦ ᐊᑐᓂ ᑕᑯᑎᑕᐅᖃᑦᑕᕈᓐᓇᕐᓂᖏᑦ ᐃᓄᓐᓂᒃ ᓇᒻᒥᓂᖅ ᐱᔪᓂᒃ ᖃᐅᔨᒪᔾᔪᑎᑦᓴᐅᓂᖏᓐᓂᒃ
   • SSi-ᑯᑦ ᑐᓴᖅᑎᑦᑎᕙᓐᓂᐊᖅᑐᑦ ᓂᐅᕕᖅᐸᑦᑐᓂᒃ ᐱᑕᖃᕐᓂᖏᓐᓂᒃ, ᐊᑐᖅᑕᐅᕙᓐᓂᖏᓐᓂᒃ ᐊᒻᒪᓗ ᓴᕿᑎᑕᐅᒍᓐᓇᕐᓂᖏᓐᓂᒃ ᓇᖕᒥᓂᖅ ᐃᒻᒥᓂᒃ ᐱᔪᓂᒃ ᖃᐅᔨᒪᔾᔪᑎᑦᓴᓂᒃ ᑐᑦᓯᕋᕐᕕᐅᑐᐊᕈᑎᑦ, ᐃᓄᐃᓪᓗ ᐊᑐᓂ ᑕᑯᖃᑦᑕᕈᓐᓇᕐᓂᖏᓐᓂᒃ ᑕᐃᒃᑯᓂᖓ ᖃᐅᔨᒪᔾᔪᑎᑦᓴᓂᒃ. ᓂᐅᕕᖅᐸᑦᑐᑦ ᐱᔪᓐᓇᕐᓂᐊᖅᑐᑦ ᓱᓕᖏᓐᓇᓱᒋᔭᖏᓐᓂᒃ ᐱᔭᕆᖅᑕᐅᓯᒪᑦᑎᐊᖅᑐᔭᕆᖏᑕᒥᓂᓪᓗ ᐊᒻᒪᓗ ᐋᕿᒋᐊᖅᑕᐅᑎᓪᓗᓂᒋᑦ ᐱᔭᕆᐊᖃᓕᕌᖓᑦ.
     ᖃᓄᕐᓕ SSi-ᑯᑦ ᐅᔾᔨᖅᑐᖅᐸᓐᓂᐊᕐᒪᑕ ᓂᐅᕕᖅᑎᐅᔪᑦ ᑕᑯᑎᑕᐅᖃᑦᑕᕈᓐᓇᕐᓂᖏᓐᓂᒃ ᐃᓄᓐᓂᒃ ᓇᒻᒥᓂᖅ ᐱᔪᓂᒃ ᖃᐅᔨᒪᔾᔪᑎᑦᓴᐅᕆᔭᐅᓂᖏᓐᓂᒃ?
     1. ᑐᑦᓯᕋᕐᕕᐅᒍᑎᒃ, SSi-ᑯᑦ ᐱᕕᑦᓴᖃᖅᑎᑦᑎᕙᓐᓂᐊᖅᑐᑦ ᓂᐅᕕᖅᐸᑦᑐᓄᑦ ᓇᒪᔪᓂᒃ ᐱᕕᑦᓴᖓᓂᒃ ᕿᒥᕐᕈᐊᕈᓐᓇᕐᓂᖅ ᐃᒻᒥᓂᒃ ᐱᔾᔪᑎᖃᖅᑐᓂᒃ ᑎᑎᖃᖁᑎᒋᐅᔪᓂᒃ ᑖᒃᑯᓄᖓ. ᓇᒻᒥᓂᖅ ᐱᔾᔪᑎᖃᖅᑐᓂᒃ ᖃᐅᔨᒪᔾᔪᑎᑦᓴᐃᑦ ᑐᓂᔭᐅᓐᓂᐊᖅᑐᑦ ᑐᑭᓯᐅᒪᔭᐅᔪᓂᒃ ᐱᕕᑦᓴᓂᑦᑕᐅᓯᒪᑎᐊᕐᓗᑎᒃ ᐊᑯᓂᐅᖏᑦᑐᖅ ᐊᑭᖃᖏᑦᑐᒥᓪᓗ ᐃᓄᒻᒧᑦ ᑐᑦᓯᕋᖅᓯᒪᔪᒧᑦ.
     2. ᐃᓛᓂᒃᑯᑦ ᖃᓄᐃᓕᖓᓂᖏᓐᓂᒃ, SSi-ᖁᑦ ᑐᓂᓯᔪᓐᓇᖏᒃᑯᑎᒃ ᑕᒪᐃᓐᓂᒃ ᐃᓄᒻᒥᒃ ᓇᒻᒥᓂᖅ ᐱᐅᔪᓂᒃ ᖃᐅᔨᒪᔾᔪᑎᑦᓴᓂᒃ ᐸᐸᑕᐅᔪᓂᒃ ᓂᐅᕕᖅᑎᒥᓄᑦ. ᓲᕐᓗ ᐆᑦᑑᑎᒋᓗᒍ, SSi-ᑯᑦ ᓴᕿᑎᑦᑎᔪᓐᓇᕋᔭᖏᑦᑐᑦ ᖃᐅᔨᒪᔾᔪᑎᑦᓴᓂᒃ ᓴᕿᑎᑦᑎᓗᑕᐅᓇᔭᖅᐸᑕ ᓇᒻᒥᓂᖅ ᐃᓄᒻᒥᒃ ᐱᔪᓂᒃ ᖃᐅᔨᒪᔾᔪᑎᑦᓴᖃᕐᒥᔪᓂᒃ ᐊᓯᐊᓂᒃ ᐱᖓᔪᒋᔭᐅᔪᒥᒃ ᐃᓚᒋᔭᐅᖃᑕᐅᔪᒥᒃ ᐅᕝᕙᓗᓐᓃᑦ ᑐᑭᓕᐅᑦᓯᐊᑐᐃᓐᓇᕐᓗᓂ ᐅᓗᕆᐊᓇᖅᑐᒦᓕᕈᑕᐅᔪᓐᓇᕐᓂᖏᓐᓄᑦ ᐃᓅᓯᖓᓄᑦ ᖃᓄᐃᓕᔭᐅᔪᓐᓇᕐᓂᖓᓄᓪᓗᓐᓃᑦ ᐊᓯᖓᓄᑦ ᐃᓄᒻᒧᑦ.
        
        ᐊᒻᒪᓗᑦᑕᐅᖅ SSi-ᑯᑦ ᑐᓂᓯᔪᓐᓇᑦᑐᑦ ᖃᐅᔨᒪᔾᔪᑎᑦᓴᓂᒃ ᓴᕿᑎᑕᐅᒍᑎᒃ ᓴᕿᑕᐅᓇᔭᖅᐸᑦ ᑕᒪᐅᑐᐃᓐᓇᖅ ᐅᖃᐅᓯᐅᑦᑕᐃᓕᒪᔪᑦ ᖃᐅᔨᒪᔾᔪᑎᑦᓴᐃᑦ ᐊᓯᖏᑦ, ᒪᓕᒐᓕᕆᔨᐅᔪᓂᒃ-ᐃᑲᔪᖅᑕᐅᔪᐃᓐᓇᕐᓂᓄᓪᓗ ᑕᑯᔭᐅᔪᓐᓇᖅᑎᑕᐅᒍᑎᒃ ᒪᓕᒐᖅᑎᒍᑦ, ᖃᐅᔨᒪᔾᔪᑎᑦᓴᐃᑦ ᓴᓇᔭᐅᓐᓂᕈᑎᑦ ᐃᓕᑕᕆᔭᐅᓯᒪᔪᑎᒍ ᐊᖏᖃᑎᒌᒎᑕᐅᓯᒪᖏᑦᑐᓂᒃ ᐊᖀᖃᑎᒌᒐᓱᐊᕐᑉᓂᖏᓐᓂᒃ ᐅᕝᕙᓗᓐᓃᑦ ᖃᐅᔨᒪᔾᔪᑎᑦᓴᐅᓂᖏᑦ ᑲᑎᖅᓱᖅᑕᐅᓂᖏᓐᓂᒃ ᖃᐅᔨᓴᖅᑕᐅᓂᖓᓄᑦ ᓱᕋᐃᓯᒪᓂᕋᐃᓂᖅ ᐊᖏᕈᑎᓂᒃ, ᐅᕝᕙᓗᓐᓃᑦ ᓱᕋᐃᓯᒪᓂᕐᒧᑦ ᑲᓇᑕᒥ ᑲᓇᑕᐅᓪᓗᓐᓃᑦ ᐊᕕᑦᑐᖅᓯᒪᓂᖏᓐᓂᒃ ᒪᓕᒐᕐᓂᒃ.
        
        ᑕᑯᔭᐅᔪᓐᓇᕐᓂᖏᑦ ᐃᓄᒻᒧᑦ ᐃᒻᒥᓂᒃ ᐱᔪᓂᒃ ᖃᐅᔨᒪᔾᔪᑎᑦᓴᓕᐊᕆᔭᐅᓯᒪᔪᓂᒃ ᐊᔪᕐᓇᖅᑎᑕᐅᒍᑎᓕᒃ, SSi-ᑯᑦ ᑐᓂᓯᔭᕆᐊᖃᖅᐳᑦ ᐱᔾᔪᑕᐅᓂᖏᓐᓂᒃ ᐊᖏᖅᑕᐅᒍᓐᓇᖏᓐᓂᖏᓐᓄᑦ ᑕᑯᔭᐅᔪᒪᓂᖏᑦ ᑐᒃᓯᕋᖅᑕᐅᓯᒪᓗᑎᒃ.
     3. ᑐᑦᓯᕋᕐᕕᐅᓯᒪᓪᓗᑎᒃ SSi-ᑯᑦ ᑐᓂᓯᕙᓐᓂᐊᖅᑐᑦ ᐅᓂᒃᑳᕈᑎᓂᒃ ᐊᑐᖅᑕᐅᕙᓂᖏᓐᓂᒃ ᐊᒻᒪᓗ ᓴᕿᑎᑕᐅᔪᓐᓇᕐᓂᖏᓐᓂᒃ ᓇᒻᒥᓂᖅ ᐃᓄᒻᒥᒃ ᐱᔪᓂᒃ ᖃᐅᔨᒪᔾᔪᑎᑦᓴᐃᑦ ᐊᔪᕐᓇᖏᑐᐊᖅᐸᓪᓗ, ᐅᖃᐅᓯᐅᖃᑕᕐᓗᑎᒃ ᓇᑭᑦ ᖃᐅᔨᔭᐅᓯᒪᒻᒪᖔᑕ. ᐅᓂᒃᑳᖅᑕᐅᓂᖏᓐᓂ ᓴᕿᑎᑕᐅᓂᖏᑦ, SSi-ᑯᑦ ᑐᓂᓯᕙᓐᓂᐊᖅᑐᑦ ᑎᒥᖁᑎᒋᔭᐅᔪᓂᒃ ᑐᓂᓯᕕᐅᓯᒪᔪᓐᓇᖅᑐᓂᒃ ᑕᒪᒃᑯᓂᖓ ᑕᑯᔭᐅᔪᒪᓂᒃ, ᐊᔪᕐᓇᕐᓂᕈᑎ ᐱᓪᓚᕆᐅᓂᖏᓐᓂᒃ ᑕᑯᔪᓐᓇᕐᓂᖓᓂᒃ.
     4. ᓴᐳᓐᓂᐊᕈᑎᑦᓴᖃᑦᑎᐊᖁᓪᓗᒋᑦ ᑕᐃᒃᑯᓂᖓ ᐃᓄᓐᓂᒃ ᓇᒻᒥᓂᖅ ᐱᔪᓂᒃ ᖃᐅᔨᒪᔾᔪᑎᑦᓴᓕᐊᖑᓯᒪᔪᓂᒃ, ᓂᐅᕕᖅᐸᑦᑐᑦ ᑐᓂᓯᔪᓐᓇᖅᐳᖅ ᓇᒪᔪᓂᒃ ᑭᓇᐅᓂᖓᓂᒃ ᖃᐅᔨᒪᑎᑦᑎᔾᔪᑎᓂᒃ (ᓲᕐᓗ ᐅᔾᔨᖑᐊᒥᓂᒃ ᐊᑎᖃᕐᓗᓂ) ᑕᐃᒃᑯᐊ SSi-ᑯᑦ ᐅᓂᒃᑳᕈᓐᓇᕐᓂᐊᕐᒪᑕ ᐱᑕᑲᕐᓂᖏᓐᓂᒃ, ᐊᑐᖅᑕᐅᕙᓐᓂᖏᓐᓂᒃ ᐊᒻᒪᓗ ᓴᕿᑎᑕᐅᕙᓐᓂᖏᓐᓂᒃ ᓇᖕᒥᓂᖅ ᐃᓄᓐᓂᒃ ᐱᔪᓂᒃ ᖃᐅᔨᒪᔾᔪᑎᑦᓴᓕᐊᖑᓯᒪᔪᓂᒃ, ᑕᑯᔪᓐᓇᕐᓂᐊᕐᒪᑕ ᑎᑎᖃᖁᑎᖏᓐᓂᒃ ᐱᓯᒪᔭᐅᔪᓂᒃ. ᖃᓄᐃᑦᑐᑐᐃᓐᓇᐃᑦ ᑕᒪᒃᑯᐊ ᖃᐅᔨᒪᔾᔪᑎᑦᓴᐃᑦ ᐊᑐᖅᑕᐅᕙᓐᓂᐊᖅᑐᑦ ᑕᐃᒃᑯᓄᖓᐃᓐᓇᖅ ᑐᕋᒐᕆᔭᐅᑎᑕᐅᔪᓄᑦ.
     5. SSi-ᑯᑦ ᒫᓐᓇᑲᐅᑎᒋ ᑕᒻᒪᖅᓯᒪᔪᓂᒃ ᐃᓚᑰᔪᓂᒡᓗᓐᓃᑦ ᑎᑎᕋᑦᓯᐊᖅᐸᖕᓂᐊᖅᑐᑦ ᑕᒻᒪᖅᓯᒪᔪᓂᒃ ᐱᔭᕆᖅᑕᐅᓯᒪᖏᑦᑐᓂᒃ. ᖃᓄᐃᑐᑐᐃᓐᓇᐃᑦ ᐊᔾᔨᒌᖏᓂᖏᑦ ᑕᒻᒪᖅᓯᒪᓂᖏᓐᓄᑦ ᐃᓚᑰᓂᖏᓄᓪᓗᓐᓃᑦ ᐅᖃᐅᓯᐅᓯᒪᓂᐊᕆᕗᑦ ᑎᑎᖃᖃᕐᕕᖏᓐᓂ. ᓈᒻᒪᖕᓂᐊᕌᖓᑦ, SSi-ᑯᑦ ᑐᓂᓯᕙᓐᓂᐊᖅᑐᑦ ᐊᓯᒥᓄᑦ ᐱᖓᔪᒋᔭᐅᔪᓄᑦ ᐃᓚᒋᔭᐅᔪᓄᑦ ᑕᑯᖃᑕᐅᔪᓐᓇᖅᑐᓂᒃ ᐃᓄᖕᒥᒃ ᐱᔪᓂᒃ ᖃᐅᔨᒪᔾᔪᑎᑦᓴᓂᒃ ᐋᕿᒋᐊᖅᑕᐅᔭᕆᐊᖃᖅᑐᓂᒃ ᐅᕙᓗᓐᓃᑦ ᑕᐃᒪᐃᓕᖓᔭᕆᐊᖃᕋᓱᒋᔭᐅᖏᑦᑐᑦ ᐱᑕᖃᕐᓂᖏᓐᓂᒃ.
     6. ᓂᐅᕕᖅᐸᑦᑐᖅ ᐱᔪᓐᓇᖅᐳᑦ ᖃᐅᔨᒪᔾᔪᑎᑦᓴᓂᒃ ᖃᐅᔨᒋᐊᕈᓐᓇᖅᓱᓂᓗ ᑕᑯᑎᑕᐅᔪᓐᓇᕐᓂᕐᒥᓂᒃ ᐃᒻᒥᓂᒃ ᐃᓅᓂᖓᓂᒃ ᐱᔪᓂᒃ ᑎᑎᖃᖁᑎᒋᔭᐅᔪᓂᒃ ᐅᖃᕐᕕᖃᕐᓗᓂ ᑎᒃᑯᐊᖅᑕᐅᓯᒪᔪᓂᒃ ᑭᖓᖅᑐᐃᔨᒥᒃ ᐅᕙᓂ ᐅᖓᓯᑦᑐᒥᒃ ᐊᑭᖃᖏᑦᑐᒥᒃ ᐅᖄᓚᐅᑎᓕᒻᒥ (877) 686-2888 ᐅᕝᕙᓗᓐᓃᑦ ᑐᔪᖅᑕᐅᓗᓂ ᖃᕆᑕᐅᔭᒃᑯᑦ ᑎᑎᖃᖅᑖᑲᐅᑎᒋᕕᒃᑯᑦ ᑐᒃᓯᕋᕈᒪᒍᓂ ᐅᕗᖓ ᑐᕋᕈᑎᖃᖅᑐᒧᑦ customercare@ssimicro.com.
10. ᑐᓐᖓᕕᒋᔭᐅᓂᖏᑦ 10 – ᒪᓕᑦᑎᐊᕐᓂᖏᓐᓂᒃ ᐊᖏᕈᑕᐅᖏᓂᖏᑦ
    • ᓂᐅᕕᖅᐸᑦᑐᑦ ᐱᔪᓐᓇᕐᓂᖃᖅᐳᖅ ᖃᓄᖅᑑᕈᑕᐅᖁᔨᔪᓐᓇᕐᓂᖅ ᐊᖏᕈᑎᒋᓯᒪᖏᑕᒥᓂᒃ ᒪᓕᑦᓯᐊᕆᐊᖃᕐᓂᖏᓐᓂᒃ ᖁᓚᓂ ᐅᖃᐅᓯᐅᓯᒪᔪᓂᒃ ᑐᓐᖓᕕᐅᒧᓂᒃ ᐃᓄᓐᓄᑦ ᑲᒪᔨᐅᔪᓂᒃ SSi-ᑯᑦ ᒪᓕᒋᐊᖃᕐᓂᖏᓐᓂᒃ ᐸᕝᕕᓴᑦᑕᐅᖃᑦᑕᕆᐊᖃᖏᓂᕐᒧᑦ ᐊᑐᐊᒐᕆᔭᐅᔪᓂᒃ ᐱᔾᔪᑎᖃᕐᓗᓂ.
      ᖃᓄᕐᓕ SSi-ᑯᓐᓂᒃ ᓂᐅᕕᖅᐸᑦᑐᑦ ᐊᖏᕈᑎᖃᖏᑦᑐᓐᓇᖅᐸᑦ ᒪᓕᑦᓯᐊᕆᐊᖃᕐᓂᑦᑎᓐᓂᒃ ᑖᒃᑯᓂᖓ ᐸᕝᕕᓴᑦᑕᐅᖃᑦᑕᕆᐊᖃᖏᓂᕐᒧᑦ ᐊᑐᐊᒐᕐᓂᒃ?
      1. SSi-ᑯᑦ ᐋᕿᐅᒪᑎᑏᓐᓇᕐᓂᐊᖅᑐᑦ ᐱᐅᓯᕆᔭᐅᔭᕆᐊᖃᖅᑐᓂᒃ ᖃᓄᐃᓕᐅᕈᑕᐅᔭᕆᐊᖃᕐᓂᖏᓐᓄᑦ ᑭᐅᖃᑦᑕᕆᐊᖃᕐᓂᕐᒧᓪᓗ ᑕᒪᐃᓐᓄᑦᑎᐊᖅ ᐊᐱᖁᑕᐅᔪᓄᑦ ᐅᕝᕙᓗᓐᓃᑦ ᐅᓐᓂᕐᓘᑕᐅᓯᒪᓂᖏᓐᓄᑦ ᓂᐅᕕᖅᐸᑦᑐᓂᒃ ᐅᕙᑎᓐᓂᒃ, ᐱᔾᔪᑎᖃᖅᑐᓂᒃ ᐊᐅᓚᑕᐅᓂᖏᓐᓄᑦ ᐅᕙᑦᑎᓐᓄᑦ SSi-ᑯᓐᓄᑦ ᓇᖕᒥᓂᖅ ᐃᓄᓐᓂᒃ ᐱᔪᓂᒃ ᖃᐅᔨᒪᔾᔪᑎᑦᓴᕆᔭᒥᓂᒃ.
      2. ᑐᓴᖅᑎᑦᓯᕙᓐᓂᐊᖅᑐᒍ ᓂᐅᕕᖅᐸᑦᑐᓂᒃ ᐅᕙᑎᓐᓂᒃ ᐱᑕᖃᕐᓂᖏᓐᓂᒃ ᐱᐅᓯᕆᔭᐅᔭᕆᐊᖃᖅᑐᓪᓗ ᐊᑐᐃᓐᓇᐅᓂᖏᓪᓗ ᖃᓄᖅ ᐅᓐᓂᕐᓗᓯᐅᕈᓐᓇᕐᓂᖏᓐᓂᒃ ᐊᑐᖅᑕᐅᒋᐊᓖᑦ.
      3. ᐃᓄᐃᑦ ᑲᒪᔨᐅᑎᑕᐅᔪᑦ ᒪᓕᒋᐊᖃᕐᓂᖏᓐᓂᒃ ᐸᕝᕕᓴᑦᑕᐅᖃᑦᑕᕆᐊᖃᖏᓂᕐᒧᑦ ᐊᑐᐊᒐᕐᓂᒃ ᓯᓚᑎᑦᑎᓐᓄᑦ ᖃᐅᔨᒋᐊᖃᑦᑕᕈᓐᓇᕐᒥᔪᑦ ᓈᒻᒪᓐᓂᐊᖅᑐᓂᒃ ᑭᖑᓪᓕᕐᒥᒃ ᑭᐅᔭᐅᓚᐅᖏᓐᓂᖏᓐᓂᓗ ᓱᓕ ᐊᑐᓂ ᐃᓄᐃᑦ ᐅᓐᓂᕐᓘᑎᑦᓴᖃᖅᓯᒪᔪᓄᑦ.
      4. SSi-ᑯᑦ ᖃᐅᔨᓴᖅᐸᓐᓂᐊᖅᑐᑦ ᑕᒪᐃᓐᓂᑦᑎᐊᖅ ᐅᓐᓂᕐᓘᑕᐅᓯᒪᓂᖏᓐᓂᒃ ᐱᔾᔪᑎᖃᖅᑐᓂᒃ ᐸᕝᕕᓴᑦᑕᐅᖃᑦᑕᕆᐊᖃᖏᓂᕐᒧᑦ ᐊᑐᐊᒐᕆᔭᐅᔪᓂᒃ. ᐅᓐᓂᕐᓗᑕᐅᓯᒪᔪᑦ ᐱᔾᔪᑎᑦᓴᖃᑦᑎᐊᕈᑎᒃ, SSi-ᑯᑦ ᓈᒪᔪᓂᒃ ᖃᓄᐃᐅᕈᑎᖃᕆᐊᓖᑦ ᐊᖀᓗᑕᐅᓂᐊᖅᑐᓂᒃ ᐅᓐᓂᕐᓗᑕᐅᓯᒪᔪᓂᒃ, ᐃᓚᖃᕈᓐᓇᕐᒥᔪᓂᒃ, ᐱᔭᕆᐊᖃᕈᑎᑦ, ᐋᕿᒋᐊᖅᑕᐅᓂᖏᓐᓂᒃ ᐊᑐᐊᒐᕆᔭᕗᑦ ᐊᒻᒪᓗ ᐱᐅᓯᕆᔭᕆᐊᖃᖅᑕᕗᑦ. ᓂᐅᕕᖅᐸᑦᑐᖅ ᑐᓴᖅᑎᑕᐅᓂᐊᖅᐳᖅ ᖃᓄᐃᓕᔭᐅᓂᖓᓂᒃ ᖃᐅᔨᓴᖅᑕᐅᓯᒪᓂᖏᑦ ᐅᓐᓂᕐᓗᑎᒋᓯᒪᔭᒥᓂᒃ.
      
      ᐊᐱᖁᑎᑦᓴᖃᕈᕕᑦ, ᐅᓐᓂᕐᓘᑎᑦᓴᖃᕈᕕᓪᓗᓐᓃᑦ, ᑐᑭᓯᒋᐊᑦᓯᐊᒃᑲᓐᓂᕈᒪᒍᕕᓪᓗᓐᓃᑦ, ᐅᖃᕐᕕᐅᔪᓐᓇᖅᐳᖅ ᐅᓇ:
      
      Chief Privacy Officer
      SSi Micro Ltd.
      356B Old Airport Road
      Yellowknife, NWT X1A-3T4
      Phone: 1-877-686-2888
      Fax: 1-867-669-7510
      Email: privacy@ssimicro.com
      
      ᐃᖃᓇᐃᔭᕐᕕᖓ ᐸᕝᕕᓴᖅᑕᐅᑦᑕᐃᓕᒪᖃᑦᑕᕆᐊᖃᕐᓂᕐᒧᑦ ᑲᒥᓯᓇᖓᑦ ᑲᓇᑕᒥ ᖃᐅᔨᓴᖅᐅᓲᖅ SSi-ᑯᑦ ᓇᒻᒥᓂᕆᔭᖏᓐᓂᒃ ᐱᔾᔪᑎᖃᖅᑐᓂᒃ ᖃᐅᔨᒪᔾᔪᑎᑦᓴᓂᒃ ᖃᓄᖅ ᐊᐅᓚᑦᑎᕈᓯᖃᓲᖑᓂᖏᓐᓂᒃ. ᐸᕝᕕᓴᑦᑕᐅᑦᑕᐃᓕᒪᔭᕆᐊᖃᕐᓂᕐᒧᑦ ᐃᓱᒪᓗᑎᒋᔭᑎᑦ ᖃᓄᖅᑑᕈᑕᐅᓂᖏᑯᓂᒃ ᐃᕝᕕᑦ ᓈᒻᒪᒋᔭᕐᓂᒃ ᐅᕙᑎᓐᓄᑦ ᐅᖃᕐᕕᐅᒍᓐᓇᖅᑐᖅ ᐃᖃᓇᐃᔭᕐᕕᖓ ᐸᕝᕕᓴᑦᑕᐅᑕᐃᓕᒪᖃᑦᑕᕆᐊᖃᕐᓂᕐᒧᑦ ᑲᒥᓯᓇᖓᑦ ᑲᓇᑕᒥ ᓇᓗᓇᐃᔭᐃᕕᐅᑦᓯᐊᕐᓂᐊᕋᕕᑦ:
      ᖃᕆᑕᐅᔭᒃᑯᑦ ᑕᑯᓂᐊᖅᑕᐅᕝᕕᖓᑦ: www.priv.gc.ca/en
      ᐅᖄᓚᐅᑎᖓ: 1-800-282-1376